Arabe tchadien (alphabet arabe) For more information about this text please contact: Alliance biblique du Tchad Avenue Pascal Yoadoumnadji, BP 1291 N'Djaména CHAD

La Bible en arabe tchadien © Alliance biblique du Tchad, 2019 ℗ 2022 Hosanna

الكتاب المقدس بالعربي الدارجي هنا تشاد

<div class="version vid501 iso6393shu" data-vid="501" data-iso6393="shu">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Al-ma&#700;duur fi birkit Beet Hisda</div><div class="p"> 1Wa ba&#700;ad da, iid aakhar hana l-Yahuud garrab wa Isa macha fi Madiinat al-Khudus. 2Wa fi birke waahide gaa&#700;ide fi Madiinat al-Khudus gariib le baab al-Khanam wa usumha be kalaam ibraani Beet Hisda. Wa fi khamsa rawaakiib jamb al-birke di. 3-4Wa fi l-rawaakiib dool raagdiin ma&#700;duuriin katiiriin, minhum al-amyaaniin wa l-uruj wa l-mukarsahiin.</div><div class="p"> 5Wa fi l-bakaan da fi naadum waahid ma&#700;duur min 38 sana. 6Wa Isa chaafah raagid fi l-bakaan da wa irif kadar hu tawwal ta&#700;baan. Wa Isa sa&#700;alah wa gaal : &#171;Tidoor talga al-aafe walla ?&#187; 7Al-ma&#700;duur radda leyah wa gaal : &#171;Al-sayyid, ma indi naadum ma&#700;aayi achaan yidissini fi l-birke wakit al-almi gaa&#700;id yiharrik. Wakit nidoor nindassa fi l-almi naadum aakhar yindassa giddaami.&#187; 8Wa Isa gaal leyah : &#171;Gumm ! Chiil birchak wa amchi !&#187; 9Wa tawwaali, al-naadum ligi al-aafe. Wa chaal birchah wa gamma raakh. Wa laakin al-yoom da yoom al-sabt.</div><div class="p"> 10Wa kubaaraat al-Yahuud hajjo le l-naadum al-ligi al-aafe wa gaalo : &#171;Al-yoom da yoom al-sabt. Wa inta chaayil birchak wa da mamnuu&#700;.&#187; 11Wa hu radda leehum wa gaal : &#171;Al-naadum al-chafaani gaal leyi : &#8249;Chiil birchak wa amchi.&#8250;&#187; 12Wa sa&#700;alooh wa gaalo : &#171;Yaatu al-naadum al-gaal leek chiil birchak wa amchi ?&#187; 13Wa laakin al-naadum ma irif yaatu al-chafaah achaan Isa ba&#700;ad minnah fi ust al-naas al-katiiriin al-gaa&#700;idiin fi l-bakaan.</div><div class="p"> 14Wa ba&#700;adeen, Isa ligiih fi fadaayit beet Allah. Wa hajja leyah wa gaal : &#171;Khalaas, inta ligiit al-aafe. Khalli minnak zunuubak achaan cheyy gaasi min da ma yaji foogak.&#187;</div><div class="p"> 15Wa l-naadum macha le kubaaraat al-Yahuud wa ooraahum kadar al-naadum al-chafaah, hu Isa. 16Wa min al-yoom da, al-Yahuud gammo yisawwu muchkila le Isa achaan hu gaa&#700;id yisawwi amal misil da fi yoom al-sabt.</div><div class="s">Ibn Allah indah al-haya</div><div class="p"> 17Wa Isa hajja le l-Yahuud wa gaal : &#171;Lahaddi l-yoom, abuuyi Allah gaa&#700;id yakhdim wa ana kula gaa&#700;id nakhdim.&#187; 18Wa l-Yahuud zi&#700;ilo minnah wa dawwaro yaktuluuh achaan hu yikhaalif churuut yoom al-sabt wa bigo za&#700;laaniin minnah ziyaada achaan hu gaal Allah abuuh wa be da, hu sawwa nafsah misil Allah.</div><div class="p"> 19Wa Isa hajja leehum wa gaal : &#171;Asma&#700;o nuguul leeku al-hagg, Ibn Allah ma yagdar yisawwi cheyy be nafsah. Hu ma yisawwi cheyy illa l-cheyy al-yichiif abuuh gaa&#700;id yisawwiih. Wa be misil da, ayyi cheyy al-Allah gaa&#700;id yisawwiih, Ibnah kula yisawwiih. 20Wa Allah yihibbah le Ibnah wa gaa&#700;id yiwassif leyah kulla cheyy al-hu gaa&#700;id yisawwiih. Wa yiwassif leyah a&#700;maal kubaar ziyaada min dool achaan intu til&#700;ajjabo minhum. 21Wa Allah al-Abu yab&#700;as al-maytiin wa yantiihum al-haya. Wa be misil da, Ibnah kula yanti al-haya le ayyi naadum al-yidoor yantiiha leyah. 22Wa Allah al-Abu ma yihaasib ayyi naadum laakin hu kallaf Ibnah be kulla l-hisaab 23achaan kulla l-naas yikarrumuuni ana Ibn Allah misil yikarrumu Allah. Wa l-naadum al-ma yikarrimni ana Ibn Allah, ma yikarrim Allah al-rassalaani.</div><div class="p"> 24&#171;Asma&#700;o nuguul leeku al-hagg, ayyi naadum al-gaa&#700;id yasma&#700; kalaami wa yi&#700;aamin be Allah al-rassalaani, al-naadum da indah al-haya al-abadiiye. Hu ma yadkhul fi l-ikhaab laakin hu marag min al-moot wa dakhal fi l-haya khalaas.</div><div class="p"> 25&#171;Asma&#700;o nuguul leeku al-hagg, wakit waahid yaji wa ja khalaas. Wa fi l-wakit da, al-maytiin yasma&#700;o hiss Ibn Allah wa kan sim&#700;ooh yahyo. 26Wa misil Allah hu zaatah bas yanti al-haya, hu anta izin le Ibnah kula yanti al-haya mislah. 27Wa Allah antaah izin le yihaasib al-naas achaan hu Ibn al-Insaan. 28Ma til&#700;ajjabo fi l-kalaam da. Yoom waahid yaji wa fi l-yoom da, kulla l-naas al-gaa&#700;idiin fi khubuurhum yasma&#700;o hiss Ibn Allah 29wa yamurgu. Wa l-naas al-sawwo al-kheer yab&#700;aso le l-haya wa laakin al-naas al-sawwo al-charr yab&#700;aso le l-hisaab. 30Ana wiheedi ma nagdar nisawwi cheyy. Ana nasma&#700; kalaam abuuyi wa ale hasab kalaamah bas, nihaasib al-naas. Wa nihaasibhum be adaala achaan ma nisawwi cheyy hasab fikri ana bas. Laakin nidoor nisawwi daayman al-cheyy al-yidoorah Allah al-rassalaani.&#187;</div><div class="s">Chahaadat Allah le l-Masiih</div><div class="p"> 31Wa Isa gaal : &#171;Kan ana wiheedi bas chaahid le nafsi, chahaadti di ma tanfa&#700;. 32Fi chaahid aakhar wa hu yachhad leyi wa ana irift chahaadtah leyi sahiihe. 33Intu rassaltu naas achaan yas&#700;alo Yahya wa hu radda leeku be chahaada sahiihe. 34Ana ma nidoor chahaada insaaniiye laakin hajjeet be chahaadat Yahya achaan nidoor kadar intu tanjo. 35Yahya hu bigi leeku misil faanuus muwalli&#700; wa yanti nuur. Wa intu firihtu be nuurah le muddit wakit. 36Laakin fi chaahid aakhar yachhad leyi wa chahaadtah akbar min chahaadat Yahya. Al-a&#700;maal al-abuuyi Allah antaahum leyi wa ana gaa&#700;id nisawwiihum lahaddi nikammilhum, dool bas yachhado leyi achaan ta&#700;arfu be l-sahiih Allah rassalaani.</div><div class="p"> 37&#171;Wa abuuyi Allah al-rassalaani, hu zaatah chahad leyi. Hissah intu abadan ma simi&#700;tuuh wa suurtah abadan ma chiftuuha 38wa kalaamah ma gaa&#700;id fi guluubku achaan ma aamantu be l-naadum al-Allah rassalah. 39Intu gaa&#700;idiin tagru al-Kitaab katiir achaan fi fikirku intu tuguulu talgo al-haya al-abadiiye. Al-Kitaab yachhad leyi ana 40laakin intu abeetu ma taju leyi achaan talgo minni al-haya.</div><div class="p"> 41&#171;Ana ma nidoor chukur min al-naas. 42Laakin intu, ana na&#700;arif kadar fi guluubku ma tihibbu Allah. 43Ana jiit leeku be usum Allah abuuyi wa laakin ma khibiltuuni. Kan naadum aakhar yaji be usmah halaalah, hu bas takhbalooh. 44Kikkeef tabgo mu&#700;miniin be l-sahiih kan intu tidooru chukur min akhwaanku wa ma tijaahudu achaan talgo chukur min Allah al-Waahid ?</div><div class="p"> 45&#171;Ma tukhuttu fi uguulku kadar ana al-naadum al-yathamku giddaam Allah. Da l-nabi Muusa bas al-yathamku wa hu al-naadum al-intu tukhuttu achamku foogah. 46Wa kan be l-sahiih intu mu&#700;miniin be Muusa, ti&#700;aamunu beyi ana kula. Achaan Muusa katab fi chaani fi l-Kitaab. 47Laakin kan awwal ma aamantu be l-kalaam al-Muusa katabah, kikkeef ti&#700;aamunu be kalaami ana ?&#187;</div>
 </div>
 </div>
</div>

Wa baʼad da, iid aakhar hana l-Yahuud garrab wa Isa macha fi Madiinat al-Khudus. Wa fi birke waahide gaaʼide fi Madiinat al-Khudus gariib le baab al-Khanam wa usumha be kalaam ibraani Beet Hisda. Wa fi khamsa rawaakiib jamb al-birke di. Wa fi l-rawaakiib dool raagdiin maʼduuriin katiiriin, minhum al-amyaaniin wa l-uruj wa l-mukarsahiin.
Wa fi l-bakaan da fi naadum waahid maʼduur min 38 sana. Wa Isa chaafah raagid fi l-bakaan da wa irif kadar hu tawwal taʼbaan. Wa Isa saʼalah wa gaal : «Tidoor talga al-aafe walla ?» Al-maʼduur radda leyah wa gaal : «Al-sayyid, ma indi naadum maʼaayi achaan yidissini fi l-birke wakit al-almi gaaʼid yiharrik. Wakit nidoor nindassa fi l-almi naadum aakhar yindassa giddaami.» Wa Isa gaal leyah : «Gumm ! Chiil birchak wa amchi !» Wa tawwaali, al-naadum ligi al-aafe. Wa chaal birchah wa gamma raakh. Wa laakin al-yoom da yoom al-sabt.
Wa kubaaraat al-Yahuud hajjo le l-naadum al-ligi al-aafe wa gaalo : «Al-yoom da yoom al-sabt. Wa inta chaayil birchak wa da mamnuuʼ.» Wa hu radda leehum wa gaal : «Al-naadum al-chafaani gaal leyi : ‹Chiil birchak wa amchi.›» Wa saʼalooh wa gaalo : «Yaatu al-naadum al-gaal leek chiil birchak wa amchi ?» Wa laakin al-naadum ma irif yaatu al-chafaah achaan Isa baʼad minnah fi ust al-naas al-katiiriin al-gaaʼidiin fi l-bakaan.
Wa baʼadeen, Isa ligiih fi fadaayit beet Allah. Wa hajja leyah wa gaal : «Khalaas, inta ligiit al-aafe. Khalli minnak zunuubak achaan cheyy gaasi min da ma yaji foogak.»
Wa l-naadum macha le kubaaraat al-Yahuud wa ooraahum kadar al-naadum al-chafaah, hu Isa. Wa min al-yoom da, al-Yahuud gammo yisawwu muchkila le Isa achaan hu gaaʼid yisawwi amal misil da fi yoom al-sabt.

Wa Isa hajja le l-Yahuud wa gaal : «Lahaddi l-yoom, abuuyi Allah gaaʼid yakhdim wa ana kula gaaʼid nakhdim.» Wa l-Yahuud ziʼilo minnah wa dawwaro yaktuluuh achaan hu yikhaalif churuut yoom al-sabt wa bigo zaʼlaaniin minnah ziyaada achaan hu gaal Allah abuuh wa be da, hu sawwa nafsah misil Allah.
Wa Isa hajja leehum wa gaal : «Asmaʼo nuguul leeku al-hagg, Ibn Allah ma yagdar yisawwi cheyy be nafsah. Hu ma yisawwi cheyy illa l-cheyy al-yichiif abuuh gaaʼid yisawwiih. Wa be misil da, ayyi cheyy al-Allah gaaʼid yisawwiih, Ibnah kula yisawwiih. Wa Allah yihibbah le Ibnah wa gaaʼid yiwassif leyah kulla cheyy al-hu gaaʼid yisawwiih. Wa yiwassif leyah aʼmaal kubaar ziyaada min dool achaan intu tilʼajjabo minhum. Wa Allah al-Abu yabʼas al-maytiin wa yantiihum al-haya. Wa be misil da, Ibnah kula yanti al-haya le ayyi naadum al-yidoor yantiiha leyah. Wa Allah al-Abu ma yihaasib ayyi naadum laakin hu kallaf Ibnah be kulla l-hisaab achaan kulla l-naas yikarrumuuni ana Ibn Allah misil yikarrumu Allah. Wa l-naadum al-ma yikarrimni ana Ibn Allah, ma yikarrim Allah al-rassalaani.
«Asmaʼo nuguul leeku al-hagg, ayyi naadum al-gaaʼid yasmaʼ kalaami wa yiʼaamin be Allah al-rassalaani, al-naadum da indah al-haya al-abadiiye. Hu ma yadkhul fi l-ikhaab laakin hu marag min al-moot wa dakhal fi l-haya khalaas.
«Asmaʼo nuguul leeku al-hagg, wakit waahid yaji wa ja khalaas. Wa fi l-wakit da, al-maytiin yasmaʼo hiss Ibn Allah wa kan simʼooh yahyo. Wa misil Allah hu zaatah bas yanti al-haya, hu anta izin le Ibnah kula yanti al-haya mislah. Wa Allah antaah izin le yihaasib al-naas achaan hu Ibn al-Insaan. Ma tilʼajjabo fi l-kalaam da. Yoom waahid yaji wa fi l-yoom da, kulla l-naas al-gaaʼidiin fi khubuurhum yasmaʼo hiss Ibn Allah wa yamurgu. Wa l-naas al-sawwo al-kheer yabʼaso le l-haya wa laakin al-naas al-sawwo al-charr yabʼaso le l-hisaab. Ana wiheedi ma nagdar nisawwi cheyy. Ana nasmaʼ kalaam abuuyi wa ale hasab kalaamah bas, nihaasib al-naas. Wa nihaasibhum be adaala achaan ma nisawwi cheyy hasab fikri ana bas. Laakin nidoor nisawwi daayman al-cheyy al-yidoorah Allah al-rassalaani.»

Wa Isa gaal : «Kan ana wiheedi bas chaahid le nafsi, chahaadti di ma tanfaʼ. Fi chaahid aakhar wa hu yachhad leyi wa ana irift chahaadtah leyi sahiihe. Intu rassaltu naas achaan yasʼalo Yahya wa hu radda leeku be chahaada sahiihe. Ana ma nidoor chahaada insaaniiye laakin hajjeet be chahaadat Yahya achaan nidoor kadar intu tanjo. Yahya hu bigi leeku misil faanuus muwalliʼ wa yanti nuur. Wa intu firihtu be nuurah le muddit wakit. Laakin fi chaahid aakhar yachhad leyi wa chahaadtah akbar min chahaadat Yahya. Al-aʼmaal al-abuuyi Allah antaahum leyi wa ana gaaʼid nisawwiihum lahaddi nikammilhum, dool bas yachhado leyi achaan taʼarfu be l-sahiih Allah rassalaani.
«Wa abuuyi Allah al-rassalaani, hu zaatah chahad leyi. Hissah intu abadan ma simiʼtuuh wa suurtah abadan ma chiftuuha wa kalaamah ma gaaʼid fi guluubku achaan ma aamantu be l-naadum al-Allah rassalah. Intu gaaʼidiin tagru al-Kitaab katiir achaan fi fikirku intu tuguulu talgo al-haya al-abadiiye. Al-Kitaab yachhad leyi ana laakin intu abeetu ma taju leyi achaan talgo minni al-haya.
«Ana ma nidoor chukur min al-naas. Laakin intu, ana naʼarif kadar fi guluubku ma tihibbu Allah. Ana jiit leeku be usum Allah abuuyi wa laakin ma khibiltuuni. Kan naadum aakhar yaji be usmah halaalah, hu bas takhbalooh. Kikkeef tabgo muʼminiin be l-sahiih kan intu tidooru chukur min akhwaanku wa ma tijaahudu achaan talgo chukur min Allah al-Waahid ?
«Ma tukhuttu fi uguulku kadar ana al-naadum al-yathamku giddaam Allah. Da l-nabi Muusa bas al-yathamku wa hu al-naadum al-intu tukhuttu achamku foogah. Wa kan be l-sahiih intu muʼminiin be Muusa, tiʼaamunu beyi ana kula. Achaan Muusa katab fi chaani fi l-Kitaab. Laakin kan awwal ma aamantu be l-kalaam al-Muusa katabah, kikkeef tiʼaamunu be kalaami ana ?»

Feti si Yuuhanna 5