Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Sohn waiz man kohn fi wership Jeezas</div><div class="p"> 1Now Jeezas mi baan da wahn tong eena Judeeya weh nayhn Betlihem wen Herod da-mi king. Wahn lee wail afta Jeezas mi baan, sohn waiz man weh stodi di staar dehn kohn fahn sohn konchri weh deh ees fahn Jeroosalem ahn dehn mi-di aks, 2&#8220;Wehpaa di baybi deh weh baan weh da king a di Jooish peepl dehn? Wen wi mi deh da fi wee konchri, wee si di staar weh da-mi di sain dat hihn mi wahn baan, soh wi kohn kohn wership ahn.&#8221;</div><div class="p"> 3Wen King Herod yehr dis, hihn ahn aala di teecha dehn a di Laa ahn evribadi da Jeroosalem staat tu wori fi chroo chroo. 4Ih kaal aala di cheef prees dehn, ahn aala di teecha dehn a di Laa, ahn aks dehn seh, &#8220;Da wehpaa dis Krais#2:4 Er: Mesaiya. (Luk pahn di noat eena 1:16.) fi baan?&#8221;</div><div class="p"> 5Dehn ansa ahn seh, &#8220;Da Betlihem eena Judeeya. Dis da weh di prafit dehn mi rait fahn lang taim:</div><div class="q1"> 6&#8216;Ahn yoo Betlihem Tong weh deh eena Judeeya,</div><div class="q2">yoo da noh no smaal taim tong monks di big taim tong dehn da Judeeya,</div><div class="q1">kaa wahn king wahn kohn fahn owta yu</div><div class="q2">ahn da king wahn leed mi peepl a Izrel laik wahn shepad.&#8217;#Maika&#160;5:2.&#8221;</div><div class="p"> 7Soh Herod gaan ahn hoal wahn seekrit meetn wid di waiz man dehn fi chrai fain owt fahn dehn weh taim dehn mi fos si di staar. 8Den ih sen dehn da Betlihem ahn dis da weh ih tel dehn fi du: &#8220;Unu goh ahn luk fi di pikni til unu fain ahn. Wen unu fain ahn, unu mek Ah noa wehpaa ih deh, soh dat Ai ku wership ahn tu.&#8221;</div><div class="p"> 9Afta Herod don taak tu dehn, dehn gaan. Pahn di way dehn si di staar agen; da mi di sayhn staar weh dehn mi si fos wichpaa dehn mi kohn fram. Ahn di staar leed dehn di hoal way til ih stap rait oava wehpaa di baybi mi deh. 10Wel, dehn mi oanli glad fi si di staar.</div><div class="p"> 11Dehn gaan eena di hows ahn si di baybi wid ih ma, weh da-mi Mayri. Den dehn neel dong ahn wership di baybi. Afta dat dehn oapm dehn ekspensiv gif ahn gi ahn goal ahn frankinsens ahn mer.#2:11 frankinsens ahn mer: Frankinsens ahn mer da-mi powda weh dehn yooz fi mek ekspensiv perfyoom.</div><div class="p"> 12Afta dat dehn gaahn bak da dehn oan konchri bai wahn nada rowt, kaa Gaad waan dehn eena wahn jreem noh fi goh bak tu Herod.</div><div class="s">Mayri ahn Joazef dehn eskayp da Eejip</div><div class="p"> 13Afta dehn don gaan, wahn aynjel fahn di Laad taak tu Joazef eena wahn jreem ahn tel ahn seh, &#8220;Get op, tek di pikni ahn ih ma, ahn goh da Eejip. Stay deh til Ah tel yu wen fi lef, kaa Herod di luk fi di pikni fi kil ahn.&#8221; 14Soh Joazef get op joorin di nait ahn kehr ih waif ahn pikni, ahn ih gaahn da Eejip, 15ahn ih stay deh til Herod ded. Soh weh di prafit mi seh kohn chroo. Ih mi seh, &#8220;Ah kaal mi Son owta Eejip.&#8221;#Hozaya&#160;11:1.</div><div class="s">Herod kil di pikni dehn</div><div class="p"> 16Wen Herod fain owt dat di waiz man dehn mi chrik ahn, ih mi beks no miks. Ih gi aadaz fi kil aala di lee bwai pikni dehn weh mi too yaaz ahn anda, weh mi liv da Betlihem ahn aal di ada tong dehn weh mi deh rong deh. Ih du dat kaa di waiz man dehn mi tel ahn dat da mi too yaaz sins dehn mi fos si di staar. 17Wen dis hapm, weh di prafit Jerimaiya mi seh mi did kohn chroo. Ih mi seh,</div><div class="q1"> 18&#8220;Yu yehr wahn vais da Raama</div><div class="q2">di skreem ahn baal.</div><div class="q1">Raychel di baal fi ih pikni dehn</div><div class="q2">ahn nobadi kyaahn kansoal ahn,</div><div class="q2">kaa ih pikni dehn ded.&#8221;#Jerimaiya&#160;31:15.</div><div class="s">Joazef kehr Mayri ahn Jeezas bak da Nazaret Tong</div><div class="p"> 19Joazef mi stil deh da Eejip wen Herod ded. Ahn wahn aynjel fahn di Laad taak tu ahn eena wahn jreem agen. 20Ih tel ahn seh, &#8220;Get op, tek di pikni ahn ih ma ahn goh bak da Izrel, kaa di peepl dehn weh mi-di chrai fi kil yu pikni don ded.&#8221;</div><div class="p"> 21Soh Joazef get op ahn ih tek ih pikni ahn ih waif ahn ih gaahn bak da Izrel. 22Bot wen ih yehr seh dat Arkelos tek ih pa Herod plays az king a Judeeya, ih mi frayd fi goh deh. Gaad waan ahn eena wahn jreem, soh ih gaahn da Gyalilee insted. 23Dehn gaahn liv da wahn tong weh nayhn Nazaret, soh weh di prafit mi seh kuda mi kohn chroo. Ih mi seh, &#8220;Dehn wahn kaal ahn wahn Nazareen.&#8221;#2:23 Nazareen: Dehn noh noa wich prafit mi seh dis.</div>
 </div>
 </div>
</div>

Now Jeezas mi baan da wahn tong eena Judeeya weh nayhn Betlihem wen Herod da-mi king. Wahn lee wail afta Jeezas mi baan, sohn waiz man weh stodi di staar dehn kohn fahn sohn konchri weh deh ees fahn Jeroosalem ahn dehn mi-di aks, “Wehpaa di baybi deh weh baan weh da king a di Jooish peepl dehn? Wen wi mi deh da fi wee konchri, wee si di staar weh da-mi di sain dat hihn mi wahn baan, soh wi kohn kohn wership ahn.”
Wen King Herod yehr dis, hihn ahn aala di teecha dehn a di Laa ahn evribadi da Jeroosalem staat tu wori fi chroo chroo. Ih kaal aala di cheef prees dehn, ahn aala di teecha dehn a di Laa, ahn aks dehn seh, “Da wehpaa dis Krais fi baan?”
Dehn ansa ahn seh, “Da Betlihem eena Judeeya. Dis da weh di prafit dehn mi rait fahn lang taim:
‘Ahn yoo Betlihem Tong weh deh eena Judeeya,
yoo da noh no smaal taim tong monks di big taim tong dehn da Judeeya,
kaa wahn king wahn kohn fahn owta yu
ahn da king wahn leed mi peepl a Izrel laik wahn shepad.’”
Soh Herod gaan ahn hoal wahn seekrit meetn wid di waiz man dehn fi chrai fain owt fahn dehn weh taim dehn mi fos si di staar. Den ih sen dehn da Betlihem ahn dis da weh ih tel dehn fi du: “Unu goh ahn luk fi di pikni til unu fain ahn. Wen unu fain ahn, unu mek Ah noa wehpaa ih deh, soh dat Ai ku wership ahn tu.”
Afta Herod don taak tu dehn, dehn gaan. Pahn di way dehn si di staar agen; da mi di sayhn staar weh dehn mi si fos wichpaa dehn mi kohn fram. Ahn di staar leed dehn di hoal way til ih stap rait oava wehpaa di baybi mi deh. Wel, dehn mi oanli glad fi si di staar.
Dehn gaan eena di hows ahn si di baybi wid ih ma, weh da-mi Mayri. Den dehn neel dong ahn wership di baybi. Afta dat dehn oapm dehn ekspensiv gif ahn gi ahn goal ahn frankinsens ahn mer.
Afta dat dehn gaahn bak da dehn oan konchri bai wahn nada rowt, kaa Gaad waan dehn eena wahn jreem noh fi goh bak tu Herod.

Afta dehn don gaan, wahn aynjel fahn di Laad taak tu Joazef eena wahn jreem ahn tel ahn seh, “Get op, tek di pikni ahn ih ma, ahn goh da Eejip. Stay deh til Ah tel yu wen fi lef, kaa Herod di luk fi di pikni fi kil ahn.” Soh Joazef get op joorin di nait ahn kehr ih waif ahn pikni, ahn ih gaahn da Eejip, ahn ih stay deh til Herod ded. Soh weh di prafit mi seh kohn chroo. Ih mi seh, “Ah kaal mi Son owta Eejip.”

Wen Herod fain owt dat di waiz man dehn mi chrik ahn, ih mi beks no miks. Ih gi aadaz fi kil aala di lee bwai pikni dehn weh mi too yaaz ahn anda, weh mi liv da Betlihem ahn aal di ada tong dehn weh mi deh rong deh. Ih du dat kaa di waiz man dehn mi tel ahn dat da mi too yaaz sins dehn mi fos si di staar. Wen dis hapm, weh di prafit Jerimaiya mi seh mi did kohn chroo. Ih mi seh,
“Yu yehr wahn vais da Raama
di skreem ahn baal.
Raychel di baal fi ih pikni dehn
ahn nobadi kyaahn kansoal ahn,
kaa ih pikni dehn ded.”

Joazef mi stil deh da Eejip wen Herod ded. Ahn wahn aynjel fahn di Laad taak tu ahn eena wahn jreem agen. Ih tel ahn seh, “Get op, tek di pikni ahn ih ma ahn goh bak da Izrel, kaa di peepl dehn weh mi-di chrai fi kil yu pikni don ded.”
Soh Joazef get op ahn ih tek ih pikni ahn ih waif ahn ih gaahn bak da Izrel. Bot wen ih yehr seh dat Arkelos tek ih pa Herod plays az king a Judeeya, ih mi frayd fi goh deh. Gaad waan ahn eena wahn jreem, soh ih gaahn da Gyalilee insted. Dehn gaahn liv da wahn tong weh nayhn Nazaret, soh weh di prafit mi seh kuda mi kohn chroo. Ih mi seh, “Dehn wahn kaal ahn wahn Nazareen.”

Feti si Machyu 2