Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Gyid Thoem" Yam Moo Noo Ge Loo" Nhang: Da" Khyoo:</div><div class="p"> 1Hau: thang: ri Yuda byumyu" yi da" pui" zeing: daloem: jo, yoomo Yesu gi Yerusalem voo moo" khyoo: yhe: lo. 2Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid. 3Hau: vang wa khyoo: moo gi myo, amyang mo, khyoo: ayo" soo" mo gung joem: shid: mo, noophyoo" shau" mo, myoo" sho' leung yoin" to. 4(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.) 5Hau: joyoo moo soem" xe: shed zain ju" sho' no nyid da" byu dayug nyid. 6Hau: yug leung jo, ziri Yesu myang lang" myang" sho' hid: su" no leung jo, ziri nyang: se. Houg: yoomo Yesu gi nang ge loo nau la"&#187; ga: myid: yu.</div><div class="p"> 7Hau: yug gi yhoem: seing: we"- gyid thoem" noin" lo da" uri ngoori gyid thoem" khyoo: shu" gyoo" loo" wa byu dayug we aboo. Ngoo gyoo" loo" wa ein: dasoin, nyid shi" ri nga" shid' moo byu dayug yug shi" gyid thoem" moo ju" nyid lang" bye: ga: tid.</div><div class="p"> 8Yesu gi too we' re" da" myhu" lu ri deing: vu, lho: so" loo" we' ga: hau: yug ri tid. 9Hau: yug gi dalheing: dam ge yangzain: lo lho: nya: myhu" lu yoeb' ci: lho: so" loo" bye.</div><div class="p">Hau: nyid" gi Dougno: Bidnyid nghoid. 10Houg: yoomo Yuda zoug: yi gi noo ge loo su: ri akhid" nyid" gi labain nyid nghoid. re" myhu" lu ri dang lo zigi tung: to" tarha" ri shoid da" zi nghoid. ga: gyikoid boem.</div><div class="p"> 11Hau: yug gi &#8249;&#8249;Ngoori ge loo nhang: su: gi re" myhu" lu yoeb ci: lho: loo" we'&#8250;&#8250; ga: tid ga: doem tid kyo.</div><div class="p"> 12Nyangnu" gi nang ri houg: su" koid; nhang: su: gi hang" nghoid la"&#187; ga: myid: ago".</div><div class="p"> 13Nghoidloug we' noo ge loo nhang: shoung" su: gi Yesu khayug: nghoid ziri nyang asi- khasu" wim gari Aseing Yesu gi hau: byu phung: moo" mo yho' thu' lo" byug yoomo nghoid.</div><div class="p"> 14Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.</div><div class="p"> 15Hau: yug gi thu' lo" lho: nyang: ri noo ge loo nhang: su: gi Yesu nyang: nghoid da" khyoo: ri Yuda zoug: yi ri tid kyo. 16Houg: su" wigi Dougno: Bidnyid moo noo gi nhaung moo" zei: yoomo Yuda zoug: yi gi hau: nyid mo Yesu rishen" yhen' wa soin' lo boem. 17Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.</div><div class="p"> 18Hid: su" tid yoomo we' Dougno: tarha" ri do, rhue tho' agoo"- Mangsoo ri nya: phoo ga: du lho: nya: gung ri Mangsoo yo" dayi" too" yoomo we' Yuda zoug: yi gi nyang: ri said pyam wa shid' re" khyoo: sho: lo nyid boem bye.</div><div class="p"> 19Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid. 20Nya: phoo gi nya: zoo: ri jheddab yoomo nyang: zei: moozoo" dangain" nya: zoo: ri toin" shid. He: da" moozoo" tho' re" je gyi: da" moozoo" ri lang" zei: wa shid' re" nya: phoo gi nya: zoo: ri toin" shid' wa zi nghoid. Hau: ziri nanu" gi yu" mau" boem wa nghoid. 21Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid. 22Nya: phoo gi hang" ri we' Tarha" dang: aphyed'- Nya: zoo: ri tarha" dang: phyed' wa zoug: myeing" dangain" byid: too" bye. 23Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.</div><div class="p"> 24Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye. 25Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye. 26Nga" phoo gi kangso' ajhung: nghoid ziyo' dakhyoo" ti"-- Nya: zoo: ri we' kangso' ajhung: bue" loo wa shid' re" koid; too" bye. 27Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye. 28He: da" khyoo: ri nanu" amoug" goo"- Loeb' khoug: mo shid' mang yi gi nya: zoo: da" thui: ri shau" gyoo: lang" thu' lo boem da" ayo, ju" loo wa. 29Ge da" moo" zei: mo, gi Kangso' yoo" wa shid' re" to' wigi doem dei loo wa. Akhyeing" ashoeb moo" zei: mo gi yoobo dam kham: zoo: wa shid' re" to' wi gidoem dei lo boem wa zi nghoid.</div><div class="s">Yesu Da" Khyoo: Ri: Sagsi; Kham: Mo,</div><div class="p"> 30Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.</div><div class="p"> 31Ngoo gi ngoo nya: da" khyoo: sagsi: kham: nghoid rigi nga" da" sagsi: kham: khyoo: gi loem: agi. 32Nghoidloug we' nga" da" khyoo: sagsi: kham: su: dayug nyid. Nyang: nga" da" khyoo: sagsi: kham: da" zi gi deingmain" nyid zi ngoo se. 33Nanu" gi Yohan jang" moo lagyoo: nhang: kaid ago". Nyang: nga" khyoo: sagsi: kham: zigi deingmain" zi nghoid. 34Nga" da" khyoo: ri byu dayug yug gi sagsi: kham: byid: aca" loo. Nanu" khyoid yu zi shau" wa shid' re" za: he: dang: ri ngoo tid nyid zi nghoid. 35Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem. 36Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid. 37Ngoori nhang: kaid da" phoo Mangsoo nyang: we' nga" da" khyoo: ri sagsi: kham: nyid. Nanu" gi nya: da" myonhoo: yo' nya: da" thui: ri khanham we ashaug" gyoo: yu"- ashau" myang yu" boem. 38Phoo Mangsoo nhang: kaid su: ri aloem" jeing" boem yoomo nya: da" mungdang: gi nanu" da" nheigloem: khoug: moo aboo. 39Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid. 40Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.</div><div class="p"> 41Ngoo gi byu yi wi coung" byid: wa shid' re" sho: yen" zi anghoid. 42Nghoid loug we' nanu" da" khyoo ri ngoo se'- Nanu" moo Mangsoo ri jheddab nheigloem: abo boem. 43Ngoo gi Phoo Mangso da" zoug: myeing" zoug: thui: yo" juri" nghoid loug Nanu" gi ngoori alhoem: kham: yu boem. Gootu: dayug yug khyoo: nyang: nya: da" myid khyo" jure" nghoid rigi nanu" lhoem: kham: yu boem wa. 44Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go" 45Nghoidloug we' ngoo gi Phoo Mangso da" shid' khoin" moo yooboo foin: dang: phyed' loo wa ein: ajhoo: goo. Nanu" ri yooboo foin wa su: gi nanu" nyang: nheig byu loem: khau: nyid da" Moshe nyang: nghoid. 46Moshe gi nga" da" khyoo: ri lhid" toin" shid' su: nghoid. Houg: yoomo Moshe ri nanu" loem" jeing" lang" gi Ngoori we' loem" jeing" goo" zi nghoid. 47Nghoidloug we' nanu" gi Moshe lhid" toin" shid to" da:- khyoo: ri aloem" jeing" boem yoomo khasu" koid; wigi nga" da" dang: ri yo" loem" jeing" goo" wa lha".</div>
 </div>
 </div>
</div>

Hau: thang: ri Yuda byumyu" yi da" pui" zeing: daloem: jo, yoomo Yesu gi Yerusalem voo moo" khyoo: yhe: lo. Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid. Hau: vang wa khyoo: moo gi myo, amyang mo, khyoo: ayo" soo" mo gung joem: shid: mo, noophyoo" shau" mo, myoo" sho' leung yoin" to. (Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.) Hau: joyoo moo soem" xe: shed zain ju" sho' no nyid da" byu dayug nyid. Hau: yug leung jo, ziri Yesu myang lang" myang" sho' hid: su" no leung jo, ziri nyang: se. Houg: yoomo Yesu gi nang ge loo nau la"» ga: myid: yu.
Hau: yug gi yhoem: seing: we"- gyid thoem" noin" lo da" uri ngoori gyid thoem" khyoo: shu" gyoo" loo" wa byu dayug we aboo. Ngoo gyoo" loo" wa ein: dasoin, nyid shi" ri nga" shid' moo byu dayug yug shi" gyid thoem" moo ju" nyid lang" bye: ga: tid.
Yesu gi too we' re" da" myhu" lu ri deing: vu, lho: so" loo" we' ga: hau: yug ri tid. Hau: yug gi dalheing: dam ge yangzain: lo lho: nya: myhu" lu yoeb' ci: lho: so" loo" bye.
Hau: nyid" gi Dougno: Bidnyid nghoid. Houg: yoomo Yuda zoug: yi gi noo ge loo su: ri akhid" nyid" gi labain nyid nghoid. re" myhu" lu ri dang lo zigi tung: to" tarha" ri shoid da" zi nghoid. ga: gyikoid boem.
Hau: yug gi ‹‹Ngoori ge loo nhang: su: gi re" myhu" lu yoeb ci: lho: loo" we'›› ga: tid ga: doem tid kyo.
Nyangnu" gi nang ri houg: su" koid; nhang: su: gi hang" nghoid la"» ga: myid: ago".
Nghoidloug we' noo ge loo nhang: shoung" su: gi Yesu khayug: nghoid ziri nyang asi- khasu" wim gari ASEING Yesu gi hau: byu phung: moo" mo yho' thu' lo" byug yoomo nghoid.
Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.
Hau: yug gi thu' lo" lho: nyang: ri noo ge loo nhang: su: gi Yesu nyang: nghoid da" khyoo: ri Yuda zoug: yi ri tid kyo. Houg: su" wigi Dougno: Bidnyid moo noo gi nhaung moo" zei: yoomo Yuda zoug: yi gi hau: nyid mo Yesu rishen" yhen' wa soin' lo boem. Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.
Hid: su" tid yoomo we' Dougno: tarha" ri do, rhue tho' agoo"- Mangsoo ri nya: phoo ga: du lho: nya: gung ri Mangsoo yo" dayi" too" yoomo we' Yuda zoug: yi gi nyang: ri said pyam wa shid' re" khyoo: sho: lo nyid boem bye.
Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid. Nya: phoo gi nya: zoo: ri jheddab yoomo nyang: zei: moozoo" dangain" nya: zoo: ri toin" shid. He: da" moozoo" tho' re" je gyi: da" moozoo" ri lang" zei: wa shid' re" nya: phoo gi nya: zoo: ri toin" shid' wa zi nghoid. Hau: ziri nanu" gi yu" mau" boem wa nghoid. Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid. Nya: phoo gi hang" ri we' Tarha" dang: aphyed'- Nya: zoo: ri tarha" dang: phyed' wa zoug: myeing" dangain" byid: too" bye. Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.
Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye. Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye. Nga" phoo gi kangso' ajhung: nghoid ziyo' dakhyoo" ti"-- Nya: zoo: ri we' kangso' ajhung: bue" loo wa shid' re" koid; too" bye. Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye. He: da" khyoo: ri nanu" amoug" goo"- Loeb' khoug: mo shid' mang yi gi nya: zoo: da" thui: ri shau" gyoo: lang" thu' lo boem da" ayo, ju" loo wa. Ge da" moo" zei: mo, gi Kangso' yoo" wa shid' re" to' wigi doem dei loo wa. Akhyeing" ashoeb moo" zei: mo gi yoobo dam kham: zoo: wa shid' re" to' wi gidoem dei lo boem wa zi nghoid.

Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.
Ngoo gi ngoo nya: da" khyoo: sagsi: kham: nghoid rigi nga" da" sagsi: kham: khyoo: gi loem: agi. Nghoidloug we' nga" da" khyoo: sagsi: kham: su: dayug nyid. Nyang: nga" da" khyoo: sagsi: kham: da" zi gi deingmain" nyid zi ngoo se. Nanu" gi Yohan jang" moo lagyoo: nhang: kaid ago". Nyang: nga" khyoo: sagsi: kham: zigi deingmain" zi nghoid. Nga" da" khyoo: ri byu dayug yug gi sagsi: kham: byid: aca" loo. Nanu" khyoid yu zi shau" wa shid' re" za: he: dang: ri ngoo tid nyid zi nghoid. Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem. Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid. Ngoori nhang: kaid da" phoo Mangsoo nyang: we' nga" da" khyoo: ri sagsi: kham: nyid. Nanu" gi nya: da" myonhoo: yo' nya: da" thui: ri khanham we ashaug" gyoo: yu"- ashau" myang yu" boem. Phoo Mangsoo nhang: kaid su: ri aloem" jeing" boem yoomo nya: da" mungdang: gi nanu" da" nheigloem: khoug: moo aboo. Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid. Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.
Ngoo gi byu yi wi coung" byid: wa shid' re" sho: yen" zi anghoid. Nghoid loug we' nanu" da" khyoo ri ngoo se'- Nanu" moo Mangsoo ri jheddab nheigloem: abo boem. Ngoo gi Phoo Mangso da" zoug: myeing" zoug: thui: yo" juri" nghoid loug Nanu" gi ngoori alhoem: kham: yu boem. Gootu: dayug yug khyoo: nyang: nya: da" myid khyo" jure" nghoid rigi nanu" lhoem: kham: yu boem wa. Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go" Nghoidloug we' ngoo gi Phoo Mangso da" shid' khoin" moo yooboo foin: dang: phyed' loo wa ein: ajhoo: goo. Nanu" ri yooboo foin wa su: gi nanu" nyang: nheig byu loem: khau: nyid da" Moshe nyang: nghoid. Moshe gi nga" da" khyoo: ri lhid" toin" shid' su: nghoid. Houg: yoomo Moshe ri nanu" loem" jeing" lang" gi Ngoori we' loem" jeing" goo" zi nghoid. Nghoidloug we' nanu" gi Moshe lhid" toin" shid to" da:- khyoo: ri aloem" jeing" boem yoomo khasu" koid; wigi nga" da" dang: ri yo" loem" jeing" goo" wa lha".

Feti si YOHAN 5