If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Kutaghanya wazima</div><div class="r">(Luka 6:37-38,41-42)</div><div class="p"> 1&#8220;Simwataghanye, nenyo simojetaghanyo ni Mlungu. 2Kwani selyi kwenyi mtaghanyagha niko kwenyi mtaghanyogho ni Mlungu, na kipimo chilya mpimagha nicho chenyi mpimilogho ni Mlungu. 3Kudani uonagha kilaghulu chio kele iziso lya wakwenyu na somanyagha kigogo chio kele iziso lyako? 4Ango udimagha ije kumuza wakwenyu, &#8216;Sigha nikufunye kilaghulu chio kele iziso lyako,&#8217; nawe mwenyi uwo na kigogo kele iziso lyako? 5Mundu wa ngolo mbili uwe, Funya jako kigogo chio kele iziso lyako, nao uone kirani kilaghulu chio kele iziso lya wakwenyu.</div><div class="p"> 6&#8220;Simwahawe chuchu vindu vielile; sizejemughalukia na zimushoghonole. Simwakumbe lulu zenyu hambiri ya nguluwe zijezichang'acha.</div><div class="s">Lomba, hada, daha</div><div class="r">(Luka 11:9-13)</div><div class="p"> 7&#8220;Lombeni nenyo mjepata, hadeni nenyo mjeona na daheni nenyo mjerughuriro. 8Kwani kila mundu elombagha upatagha, naye ehadagha uonagha, naye edahagha urughurirogho. 9Ango ni mundu muni kwenyu ilyi mwana wake amlomba mkate emuhawagha iwe? 10Ango amlomba ikumba emuhawagha nyoka? 11Ndamu inyo muo walaghelaghe mwamanya kuwahawa wana wenyu vindu valoli. Sikuchumba Tatio ewo mlunguni kuwahawa vindu valoli awa wamlomba! 12Wadeileni wandu wazima selyi mushaile wamudeile inyo. Kwani iyi niyo Sheria ya Musa na mafundiso gha wana tondolo.</div><div class="s">Mjango msuse</div><div class="r">(Luka 13:24)</div><div class="p"> 13&#8220;Ngileni kwa mjango msuse; kwani mjango ghongila kuhaiteni ni mshabwa, na ngila yanawanguwe ighendagha kuhaiteni na awo weighendelagha ni wengi. 14Ela mjango ghughenda kele umana ni msuse na ngila yake yanakulile; na weionagha ni wachache.</div><div class="s">Mwiti na mavalo ghake</div><div class="r">(Luka 6:43-44)</div><div class="p"> 15&#8220;Kulindeni na wana tondolo wa ndimi awa wemjilagha warwara marwari gha ng'onzi, ela amweni kwawe ni turugha zibile. 16Mjewamanya kwa madeo ghawe. Ado wandu wanawahagha zabibu kele miya ango tini kele malamata? 17Kwa hung'u mwiti ghwaloli kele uloli ghwake ghwanavalagha mavalo ghaloli, ela mwiti ghuwase kele kuwasa kwake ghwanavalagha mavalo ghawase. 18Mwiti ghwaloli sighudimagha kuvala mavalo ghawase; hata mwiti ghuwase sighudimagha kuvala mavalo ghaloli. 19Kila mwiti sighovalagha mavalo ghaloli ghutemogho na kukumbo motoni. 20Kwa hung'u mujewamanya kwa madeo ghawe. </div><div class="s">Na lyingi semweni</div><div class="r">(Luka 13:25-27)</div><div class="p"> 21&#8220;Si kila mundu eniitagha, &#8216;Bwana, Bwana,&#8217; engilagha kele uzuri ghwa Mlungu; sala uyu edeagha mashayo gha Aba ewo mlunguni. 22Kele ijua lyilya Lyetaghanya, wengi wejenuza, &#8216;Bwana, Bwana,&#8217; sitierese uvoro ghwa izina lyako na kugusa pepo na kudea mwakilimbita nyingi kwa izina lyako? 23Nemi nijewauza, &#8216;Semweni lyingi. Fumeni kwangu inyo wadei laghelaghe.&#8217;</div><div class="s">Wawaghali waili</div><div class="r">(Luka 6:47-49)</div><div class="p"> 24&#8220;Kila mundu esikilagha malagho agha ghangu na kughadea, nimufwananisagha na mundu mlachu awaghale nyumba yake kele iwe. 25Nao mvula ikanya, na meji ghakaruka, na mbeo ikaruma na kuikwita; ela siighwile kwa kukala yewaghalo iweni. 26Na kila mundu esikilagha malagho agha ghangu na kulegha kughadea, nimfwananisagha na mundu mpumbavu awaghale nyumba yake kele msanzaghala. 27Nao mvula inya na meji gharuka, na mbeo iruma na kuikwita, ikagwa, na kugwa kwake koluo kubwaa.&#8221;</div><div class="s">Udimo ghwa Jesu</div><div class="p"> 28Nao Jesu aghenda amalila kughora agha, makoghano weshiniso ni mafundiso ghake; 29kwa kukala ofundise sa mundu ewo na udimo na si sa Walimu wa Sheria.</div>
 </div>
 </div>
</div>

“Simwataghanye, nenyo simojetaghanyo ni Mlungu. Kwani selyi kwenyi mtaghanyagha niko kwenyi mtaghanyogho ni Mlungu, na kipimo chilya mpimagha nicho chenyi mpimilogho ni Mlungu. Kudani uonagha kilaghulu chio kele iziso lya wakwenyu na somanyagha kigogo chio kele iziso lyako? Ango udimagha ije kumuza wakwenyu, ‘Sigha nikufunye kilaghulu chio kele iziso lyako,’ nawe mwenyi uwo na kigogo kele iziso lyako? Mundu wa ngolo mbili uwe, Funya jako kigogo chio kele iziso lyako, nao uone kirani kilaghulu chio kele iziso lya wakwenyu.
“Simwahawe chuchu vindu vielile; sizejemughalukia na zimushoghonole. Simwakumbe lulu zenyu hambiri ya nguluwe zijezichang'acha.


“Lombeni nenyo mjepata, hadeni nenyo mjeona na daheni nenyo mjerughuriro. Kwani kila mundu elombagha upatagha, naye ehadagha uonagha, naye edahagha urughurirogho. Ango ni mundu muni kwenyu ilyi mwana wake amlomba mkate emuhawagha iwe? Ango amlomba ikumba emuhawagha nyoka? Ndamu inyo muo walaghelaghe mwamanya kuwahawa wana wenyu vindu valoli. Sikuchumba Tatio ewo mlunguni kuwahawa vindu valoli awa wamlomba! Wadeileni wandu wazima selyi mushaile wamudeile inyo. Kwani iyi niyo Sheria ya Musa na mafundiso gha wana tondolo.


“Ngileni kwa mjango msuse; kwani mjango ghongila kuhaiteni ni mshabwa, na ngila yanawanguwe ighendagha kuhaiteni na awo weighendelagha ni wengi. Ela mjango ghughenda kele umana ni msuse na ngila yake yanakulile; na weionagha ni wachache.


“Kulindeni na wana tondolo wa ndimi awa wemjilagha warwara marwari gha ng'onzi, ela amweni kwawe ni turugha zibile. Mjewamanya kwa madeo ghawe. Ado wandu wanawahagha zabibu kele miya ango tini kele malamata? Kwa hung'u mwiti ghwaloli kele uloli ghwake ghwanavalagha mavalo ghaloli, ela mwiti ghuwase kele kuwasa kwake ghwanavalagha mavalo ghawase. Mwiti ghwaloli sighudimagha kuvala mavalo ghawase; hata mwiti ghuwase sighudimagha kuvala mavalo ghaloli. Kila mwiti sighovalagha mavalo ghaloli ghutemogho na kukumbo motoni. Kwa hung'u mujewamanya kwa madeo ghawe.


“Si kila mundu eniitagha, ‘Bwana, Bwana,’ engilagha kele uzuri ghwa Mlungu; sala uyu edeagha mashayo gha Aba ewo mlunguni. Kele ijua lyilya Lyetaghanya, wengi wejenuza, ‘Bwana, Bwana,’ sitierese uvoro ghwa izina lyako na kugusa pepo na kudea mwakilimbita nyingi kwa izina lyako? Nemi nijewauza, ‘Semweni lyingi. Fumeni kwangu inyo wadei laghelaghe.’


“Kila mundu esikilagha malagho agha ghangu na kughadea, nimufwananisagha na mundu mlachu awaghale nyumba yake kele iwe. Nao mvula ikanya, na meji ghakaruka, na mbeo ikaruma na kuikwita; ela siighwile kwa kukala yewaghalo iweni. Na kila mundu esikilagha malagho agha ghangu na kulegha kughadea, nimfwananisagha na mundu mpumbavu awaghale nyumba yake kele msanzaghala. Nao mvula inya na meji gharuka, na mbeo iruma na kuikwita, ikagwa, na kugwa kwake koluo kubwaa.”

Nao Jesu aghenda amalila kughora agha, makoghano weshiniso ni mafundiso ghake; kwa kukala ofundise sa mundu ewo na udimo na si sa Walimu wa Sheria.

Feti si Matayo 7