If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

त्याह धियाड़ी यूहन्ना बपतिस्मा दिहंण आल़े इच्छी करे यहूदीया रे बूणे एउ प्रचारा करदअ लागअ: आपणे पापा री क्षमा री तणी मन फिराव करा किबेकि स्वर्गा रा राज्य नेड़ आउआ। यह यहुना सह मन्श साहा जासके बारे मे यशायाह भविष्यद्वक्ता बोलू थी:
बूणे सुनसान जागहा एकी पुकारण आले रअ शब्द शुणन्दअ लागअ दअ साहा,
कि परमेश्वरा री सडका
त्यार करा तेऊरी सड़का सीधी करा।
यह यूहन्ना ऊंटा रै शरयाला रे झिकड़े बानीं दे थी, होर आपणी कमरा में चामड़े री गाची बानीं दी थी। तेऊरा खाणा टिडिया होर जंगली खमीर थी। तेबा यरूशलेम शहर होर सारा यहूदिया प्रदेश, होर यरदना नइ रे नेडा तेडा का सारी ज़ाघा रे लोका युहना सेटा बे आउए। त्याहे आपणे पाप मनीकरे युहना बपतिस्मा दीण आल़े का यरदना नइ में बपतिस्मा लउ। जेबा यूहन्ना बहू फरीसी होर सदूकियो भी बपतिस्मा बे आपु सेटा इहंदे हेरी, तेबा युहना तया वै बोलू, हे सर्पा साही बुरे लोका रे शोहरूओ, तमावै कुणीऐ बोलू कि इहंण आले रोषा का ठुरा? अगर तूह सची आपणे पापा का मन फिराव करा तेबा रामड़े कामे संगे तेता रीहा; होर आपणे -आपणे मना मे यह नांई सोचा कि माहरअ बापू अब्राहम साहा; किबेकि हांऊ तमावै बोला कि परमेश्वर याह पाथरा का अब्राहमा री तणी शोहरू पैदा करी सका। एबा खुराडअ बूटे री जड़ा सेटा पूजअ, एतकी तणी जोह-जोह बूटअ नांई फल़दअ, तेऊ काटणअ होर आगि में पाऊण।
हाऊं तअ पाणी का तमाबे मन फिराव रा बपतिस्मा दींदा, पर जोह महा बाद इहंण आल़अ साहा, सह महा का शक्तिशाली साहा; हाऊं तेऊरे बूटा चुआकणे रे लायका भी नांई आंधअ। तेऊ तमाबे पवित्र आत्मा होर आगि संघे बपतिस्मा दींणा। तेऊरअ शुप तेऊरे हाथे हुणअं, होर तेऊ आपण भंडार रामबडअ साफ करणअ, होर गिहू आपणे भंडारा मे ही कठे करने, होर भुख्ला तेसा आगि में पाऊणा जोह कधी हिशणे री नांई साहा।


तेऊ वक्ते यीशु गलील प्रदेशा का यरदना नइ रै कनारे यूहन्ना सेटा तेऊका बपतिस्मा लऊंदअ आउअ। पर यूहन्ना यह बोलि करे तेऊ रोकतअ लागअ, महा तेरे हाथा का बपतिस्मा लउंणे री जरूरत साहा, होर तूह महा सेटा आउअ दअ साहा? यीशु तेऊबै उतर दिंना, एबा एडा ही हूँणे देह, किबेकि हामा एसी रीति का सबे धार्मिकता पूरी करनी जरूरी साहा। तेबा यहुना यीशु री गला शूणी। होर यीशु बपतिस्मा लई करे तेवरी पाणी मेज़ा का उझे निकतअ, होर हेरा, तेऊबै सरग खुलू, होर तेऊ परमेश्वरा रा आत्मा कबूतरा साही उतरती होर आपु पैंदे इहंदअ हेरू। होर हेरा सरगा का, परमेश्वरे यह आकाशवाणी करी : यह मेरअ प्यारअ शोहरू साहा, जासू का हाऊं बहु खुश साहा।

Feti si मत्ती 3