If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Iyesusnat Zekiyosn</div><div class="p"> 1Iyesus Iyarik&#243; kitots kindt man weeron beshat b&#237; am&#237;. 2Manoknowere t'ilsh ko'ifuwotsats naasho Zekiwosi eteef gaalets ash iko fa'e b&#769; tesh. 3B&#237; Iyesus aawi b&#769; wottsok'o bek'osh b&#769; geefera b&#769; tesh, ernm&#243; b&#769; need'o k'awun b&#769; wottsatse ashonwere ay b&#769;wotsosh bek'o maaw b&#769; wuts. 4Iyesus man weeron b&#769;beshirwotse Zekiwos b&#237;n bek'o geeyat ashuwots wos't fuk'i mit abaats keshb&#769;dek'i. 5Iyesuswere manok am b&#769;bodtsok'on dambaan k&#225;&#225;wdek't s'iilt Zekiwossh, &#171;Zekiwoso! hambets n mootse jino taash b&#769; geyiytuwotse k&#225;&#225;ri mitatse ood'e&#187; b&#237; et. 6Zekiwoswere k&#225;&#225;ri oot't, gene'&#250;wefetst Iyesusi ibiyosh dek't b&#237;ami. 7Man bek'ts ash jamo &#171;Ashaan morretso moots s'eegere ibo amt kidre!&#187; ett Iyesus ats bo mumudi.</div><div class="p"> 8Zekiyosm&#243; need'dek't doonzo Iyesussh hank'owob&#237;et, &#171;Doonzono! hambe, t detsts gaal jamotse b&#769; bado t'owwotssh imetuwe, dirshat ashaatse t dek'ts gizo b&#769;beyalowere, awd kisho woshde'er aaniytuwe.&#187;</div><div class="p"> 9Iyesuswere hank'owa b&#237;et, &#171;Ashaan Abraham naar b&#769; wottsotse hambets kasho m&#225;&#225;nsh wotere, 10#Mat. 18:11 Ash na'o b&#769; weyiye t'aftso geeyar kashiyoshe.&#187;</div><div class="s">Tats guutsuwotsi ariyetso</div><div class="r">(Mat. 25:14-30)</div><div class="p"> 11 # 
 Mat. 25:14-30 Ashuwots man k'eboke bobefere Iyesus keewu iko ando jewrdek't b&#769;keewi, b&#237;were Iyerusalem maants b&#769; karntsotse ash ashuwots Ik'i mengstu andon b&#769;be'etwok'o boosh b&#237;artsosha b&#769;tesh. 12Mann Iyesus hank'wa b&#237;et, &#171;Nugus woti alo k'a'u de'k't aanar wosh wok datso amts naasho fa'e b&#769;tesh, 13B&#237; amftsre shino b&#769; guutsuwotsitse tatswotsi s'eegdek't bo took tookosh ik ik minaniyo#19:13 Minaniya: Ik minaniyo ik ash keez shashi damoze. imt &#8249;Aanar twafetsosh gizan jahere&#8250; b&#237; et. 14B&#769; dats ashuwotsmo b&#237;n boshit'fotse, ashaan noatsats b&#769; naasho geeratsone ett b&#237; amiyakon wosh na'o bo wosh.</div><div class="p"> 15&#171;Ash man nugus wotat b&#237;antsok'on boosh imets gizon jaakt awuk'o bo oorshtsok'o danosh, gizo imt b&#237;amts b&#769; guutsuwotsi b&#769; s'eegiyi. 16Shints guutso t'int, &#8249;Doonzono! n imts ik minaniyon hamb tats minaniyo oorshre&#8250; b&#237; et. 17B&#769; doonzuwere &#8249;Nee sheeng guutsono! sheenge nfini, muk' keewatse amanek nwottsotse taamo neen tats kitatse alo neesh imre&#8250; b&#237; et. 18Gitl guutsonwre t'int &#8249;Doonzono! taash n imts minaniyo hambe, uts minaniyo oorshre&#8250; b&#237; et. 19Doonzonuwere hansh &#8249;Nenowere uts kitatse naashire&#8250; b&#237; et.</div><div class="p"> 20&#171;Keezlonwere t'int hank'o b&#237;et, &#8249;T doonzo! taash n'&#237;mts gizoniye hambe, but'ots k'undek'atniye ged t k'ri b&#769; teshi. 21Man t k'aluwere nee ngeraw dek'etuwo, n shohawo kakuwituwo, maac' kup' n woto danat t shattsatsne&#8250; b&#237;et. 22B&#769; doonzwere &#8249;Nee gond guutsono! n keewts keewann niats angshetuwe, taa t geerawo dek'etk twotonat tshohawo kakuwitk maac' kup' asho t woto danrnee, 23Beree t gizo oot' daatsit bankiyo eegoshe gedo n k'azi? Taa aanar twoor b&#769; oot'onton dek'anek'e b&#769; teshi&#8250; b&#237; et. 24Maniyere hakon doonzman, manoke need'dek't teshtswotssh, &#8249;B&#769; minaniyo b&#237;atse de'er tats minani detsts guutsosh imere&#8250; b&#237; et. 25Bowere &#8249;Doonzono! b&#237;yere tats minaniyo detsfe!&#8250; bo et. 26#Mat. 13:12; Mar. 4:25; Luk'. 8:18 Doonzonuwere &#8249;Detsts jamosh iki bogoshde dabetuwe, deshawoknmo dab b&#769; detstsonor b&#237;atse k'a'udek'etwe etiruwe. 27Boatsats t naasho geerawu t t'elatmanotsnom&#243; hanok dewar tshinatse boon &#250;d'uwere!&#8250; &#187; b&#237;et. 28Iyesus man jewuron b&#769;keewihakon b&#769; weerindo Iyerusalem maants sha'efetst, b&#769; danifuwots shin shinatse b&#237;amir b&#769;tesh.</div><div class="s">Iyesus een mangon Iyerusalemits b&#769;kindo</div><div class="r">(Mat. 21:1-11; Mar. 11:1-11; Yoh. 12:12-19)</div><div class="p"> 29Iyesus Debrezeyit guro ganoke fa'u Bete Fagenat Betaniyi maants b&#769;t'intsok'on, b&#769; danifwotsitse gituwotsi hank'o ett b&#769; wosh, 30&#171;It shinatse fa'a galuts ameree, manok it bodtsok'onowre kon&#250;wor b&#237;ats be b&#769; danawu daaz na'o tipotse daatsitute, bish de'er hanok de'ewoore. 31Konuwor &#8249;Eegishe it bitsiri&#8250; err iti b&#237;atiyale, &#8249;Doonzosh b&#769; geyitsotsne&#8250; err aaniwere.&#187;</div><div class="p"> 32Woshetswotsuwere boame jam keewo arikon Iyesus ettsok'o wotat bi'ere bodaatsi. 33Dazna'ono bobitsfere doonzwots &#171;Eegishe it bitsiri?&#187; boosh bo eti. 34Bowere &#171;Doonzosh b&#769; geyitsotsne&#187; bo et. 35Dazna'onowere Iyesus maants dek't bow&#225;, bo tahono daazna'o jik' abaats k'awudek't Iyesus b&#769;betwok'o bo k'ali. 36Iyesus b&#237;amfere ashuwots boshemo weridats bo es'iri.</div><div class="p"> 37Iyesus Iyerusalem kitots bodosh b&#769;t'infere Debrezeyit guratse dashan oot'oke b&#769;befere, manoor b&#769; shutsats sha'iru ashjametswots bo bek'ts adits keewwotsatse tuwtson bogene&#250;tsosh bo k'aro eensh dekt Ik'o udo dek't botwi. 38#Dub. 118:26 Hank'owa bo etiri boteshi, &#171;Doonzo sh&#250;tson weetu naasho deereke! jeeno darotse, mango Ik'osh daaratse wotowa!&#187;</div><div class="p"> 39Ash dagotse teshts ferisawino eteef ik ikuwotsmo Iyesussh &#171;Danifono! n danifuwotsi s'k bo eteetuwok'o woshuwe!&#187; bo et. 40Iyesuswere &#171;Bo dab s'k boetalor sh&#250;tsuwotswor kuhituno etiruwe itsha&#187; ett b&#237;aaniy.</div><div class="s">Iyesus Iyerusalemsh b&#237;eptsok'o</div><div class="p"> 41Iyesus Iyerusalem kito maants t'int, kitu b&#769; bek'tsok'on, bish b&#237;epi. 42Hank'owo b&#237; et, &#171;Nee n jeenosh geyit keewo hambets danfnee woterake! Andm&#243; keewu han niawatse ashwutsere, 43N balangaruwots neen g&#250;ride kas'o kac'de neen g&#250;rde'er bokic'it aawo weetuwe. 44Neenat n gitsotse fa'a n na'uwotsi datsats dikde t'afituno, b&#769; gaherawon orituwo dab ik sh&#250;tsonor bbeyoke neesh k'azeratse, han b&#769; wotituwere, Ik'o neen kashiwosh b&#769;waats d&#250;ro n dartsoshe.&#187;</div><div class="s">Iyesus Ik' mootse jaakirwosti b&#769;kishtsok'o</div><div class="r">(Mat. 21:12-17; Mar. 11:15-19; Yoh. 2:12-22)</div><div class="p"> 45Iyesus Ik' k'oni moots kindt, manoke jaakiru ashuwotsi gisho dek't b&#769;tuwi, 46#Isa. 56:7; Erm. 7:11 Hank'owere boosh b&#237;et, &#171; &#8249;T moo Ik' k'oni mee b&#769; wotiti&#8250; ett guut'ere, itm&#243; bik'tsuwotssh gemee it woshk'ri.&#187;</div><div class="p"> 47 # 
 Luk'. 21:37 Iyesus aaw aawon Ik' mootsna b&#769; danifo, kahni naashwots, Muse nemo danifuwots, ash jiishiru k'oshuwots b&#237;n ud'osha bogefo. 48Ernm&#243; ash jam&#243; Iyesusi k'ebosh geeyat bo nibo imk'rk boteshtsotse b&#237;n &#250;d'osh geyiru jirwots eegor k'alosh falratsno.</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

Iyesus Iyarikó kitots kindt man weeron beshat bí amí. Manoknowere t'ilsh ko'ifuwotsats naasho Zekiwosi eteef gaalets ash iko fa'e b́ tesh. Bí Iyesus aawi b́ wottsok'o bek'osh b́ geefera b́ tesh, ernmó b́ need'o k'awun b́ wottsatse ashonwere ay b́wotsosh bek'o maaw b́ wuts. Iyesus man weeron b́beshirwotse Zekiwos bín bek'o geeyat ashuwots wos't fuk'i mit abaats keshb́dek'i. Iyesuswere manok am b́bodtsok'on dambaan kááwdek't s'iilt Zekiwossh, «Zekiwoso! hambets n mootse jino taash b́ geyiytuwotse káári mitatse ood'e» bí et. Zekiwoswere káári oot't, gene'úwefetst Iyesusi ibiyosh dek't bíami. Man bek'ts ash jamo «Ashaan morretso moots s'eegere ibo amt kidre!» ett Iyesus ats bo mumudi.
Zekiyosmó need'dek't doonzo Iyesussh hank'owobíet, «Doonzono! hambe, t detsts gaal jamotse b́ bado t'owwotssh imetuwe, dirshat ashaatse t dek'ts gizo b́beyalowere, awd kisho woshde'er aaniytuwe.»
Iyesuswere hank'owa bíet, «Ashaan Abraham naar b́ wottsotse hambets kasho máánsh wotere, Ash na'o b́ weyiye t'aftso geeyar kashiyoshe.»


Ashuwots man k'eboke bobefere Iyesus keewu iko ando jewrdek't b́keewi, bíwere Iyerusalem maants b́ karntsotse ash ashuwots Ik'i mengstu andon b́be'etwok'o boosh bíartsosha b́tesh. Mann Iyesus hank'wa bíet, «Nugus woti alo k'a'u de'k't aanar wosh wok datso amts naasho fa'e b́tesh, Bí amftsre shino b́ guutsuwotsitse tatswotsi s'eegdek't bo took tookosh ik ik minaniyo imt ‹Aanar twafetsosh gizan jahere› bí et. B́ dats ashuwotsmo bín boshit'fotse, ashaan noatsats b́ naasho geeratsone ett bí amiyakon wosh na'o bo wosh.
«Ash man nugus wotat bíantsok'on boosh imets gizon jaakt awuk'o bo oorshtsok'o danosh, gizo imt bíamts b́ guutsuwotsi b́ s'eegiyi. Shints guutso t'int, ‹Doonzono! n imts ik minaniyon hamb tats minaniyo oorshre› bí et. B́ doonzuwere ‹Nee sheeng guutsono! sheenge nfini, muk' keewatse amanek nwottsotse taamo neen tats kitatse alo neesh imre› bí et. Gitl guutsonwre t'int ‹Doonzono! taash n imts minaniyo hambe, uts minaniyo oorshre› bí et. Doonzonuwere hansh ‹Nenowere uts kitatse naashire› bí et.
«Keezlonwere t'int hank'o bíet, ‹T doonzo! taash n'ímts gizoniye hambe, but'ots k'undek'atniye ged t k'ri b́ teshi. Man t k'aluwere nee ngeraw dek'etuwo, n shohawo kakuwituwo, maac' kup' n woto danat t shattsatsne› bíet. B́ doonzwere ‹Nee gond guutsono! n keewts keewann niats angshetuwe, taa t geerawo dek'etk twotonat tshohawo kakuwitk maac' kup' asho t woto danrnee, Beree t gizo oot' daatsit bankiyo eegoshe gedo n k'azi? Taa aanar twoor b́ oot'onton dek'anek'e b́ teshi› bí et. Maniyere hakon doonzman, manoke need'dek't teshtswotssh, ‹B́ minaniyo bíatse de'er tats minani detsts guutsosh imere› bí et. Bowere ‹Doonzono! bíyere tats minaniyo detsfe!› bo et. Doonzonuwere ‹Detsts jamosh iki bogoshde dabetuwe, deshawoknmo dab b́ detstsonor bíatse k'a'udek'etwe etiruwe. Boatsats t naasho geerawu t t'elatmanotsnomó hanok dewar tshinatse boon úd'uwere!› » bíet. Iyesus man jewuron b́keewihakon b́ weerindo Iyerusalem maants sha'efetst, b́ danifuwots shin shinatse bíamir b́tesh.


Iyesus Debrezeyit guro ganoke fa'u Bete Fagenat Betaniyi maants b́t'intsok'on, b́ danifwotsitse gituwotsi hank'o ett b́ wosh, «It shinatse fa'a galuts ameree, manok it bodtsok'onowre konúwor bíats be b́ danawu daaz na'o tipotse daatsitute, bish de'er hanok de'ewoore. Konuwor ‹Eegishe it bitsiri› err iti bíatiyale, ‹Doonzosh b́ geyitsotsne› err aaniwere.»
Woshetswotsuwere boame jam keewo arikon Iyesus ettsok'o wotat bi'ere bodaatsi. Dazna'ono bobitsfere doonzwots «Eegishe it bitsiri?» boosh bo eti. Bowere «Doonzosh b́ geyitsotsne» bo et. Dazna'onowere Iyesus maants dek't bowá, bo tahono daazna'o jik' abaats k'awudek't Iyesus b́betwok'o bo k'ali. Iyesus bíamfere ashuwots boshemo weridats bo es'iri.
Iyesus Iyerusalem kitots bodosh b́t'infere Debrezeyit guratse dashan oot'oke b́befere, manoor b́ shutsats sha'iru ashjametswots bo bek'ts adits keewwotsatse tuwtson bogeneútsosh bo k'aro eensh dekt Ik'o udo dek't botwi. Hank'owa bo etiri boteshi, «Doonzo shútson weetu naasho deereke! jeeno darotse, mango Ik'osh daaratse wotowa!»
Ash dagotse teshts ferisawino eteef ik ikuwotsmo Iyesussh «Danifono! n danifuwotsi s'k bo eteetuwok'o woshuwe!» bo et. Iyesuswere «Bo dab s'k boetalor shútsuwotswor kuhituno etiruwe itsha» ett bíaaniy.

Iyesus Iyerusalem kito maants t'int, kitu b́ bek'tsok'on, bish bíepi. Hank'owo bí et, «Nee n jeenosh geyit keewo hambets danfnee woterake! Andmó keewu han niawatse ashwutsere, N balangaruwots neen gúride kas'o kac'de neen gúrde'er bokic'it aawo weetuwe. Neenat n gitsotse fa'a n na'uwotsi datsats dikde t'afituno, b́ gaherawon orituwo dab ik shútsonor bbeyoke neesh k'azeratse, han b́ wotituwere, Ik'o neen kashiwosh b́waats dúro n dartsoshe.»


Iyesus Ik' k'oni moots kindt, manoke jaakiru ashuwotsi gisho dek't b́tuwi, Hank'owere boosh bíet, « ‹T moo Ik' k'oni mee b́ wotiti› ett guut'ere, itmó bik'tsuwotssh gemee it woshk'ri.»
Iyesus aaw aawon Ik' mootsna b́ danifo, kahni naashwots, Muse nemo danifuwots, ash jiishiru k'oshuwots bín ud'osha bogefo. Ernmó ash jamó Iyesusi k'ebosh geeyat bo nibo imk'rk boteshtsotse bín úd'osh geyiru jirwots eegor k'alosh falratsno.

Feti si Luk'as Dooshishiyo 19