<div class="version vid3247 iso6393acr" data-vid="3247" data-iso6393="acr">
    <div class="book bkGEN">
        <div class="chapter ch3" data-usfm="GEN.3">
            <div class="label">3</div><div class="s1"><span class="heading">Ad&#225;n xaq i al Eva xekojon ti che i Dios</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">I kumatz, lik saqlej chkiwach konojel i chikop aj pa taq es chi je u'anom i Ajwal Dios; i kumatz le xub'ij che ixoq:</span></span></div><div class="p"><span class="verse v1" data-usfm="GEN.3.1"><span class="content">&#8212;&#191;Qatzij uri chi xub'ij i Dios chiwe chi kitij ti uwach i jalajuj taq che' pa tikonb'al?</span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2" data-usfm="GEN.3.2"><span class="label">2</span><span class="content">I ixoq xub'ij che i kumatz:</span></span></div><div class="p"><span class="verse v2" data-usfm="GEN.3.2"><span class="content">&#8212;I Dios xuya chqe chi kqatij uwach i jalajuj taq che' chi o pa tikonb'al, </span></span><span class="verse v3" data-usfm="GEN.3.3"><span class="label">3</span><span class="content">xwiri uwach i che' chi o pa nik'aj che i tikonb'al, i Dios xub'ij chqe: Mitij uwach i che' le xaq mitene kiyinya, man we kitijo xaq we kiyinya, saq laj tzij uri lik kixkamik.</span></span></div><div class="p"><span class="verse v3" data-usfm="GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Xwiri i kumatz xub'ij che ixoq:</span></span></div><div class="p"><span class="verse v4" data-usfm="GEN.3.4"><span class="content">&#8212;Qatzij ti ile, yix kixkam taj; </span></span><span class="verse v5" data-usfm="GEN.3.5"><span class="label">5</span><span class="content">man i Dios reta'am we kitij uwach i che' le, lik kjaqtaj uri ib'a'wach, xaq kix-on na pacha Ire, kiwetamaj i utz xaq i utz taj.</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Are uri i ixoq xrilo chi lik chom uwach i che' le re ktijawik, rumali xpe urayixik che man lik ch'umb'al k'uxij re riqb'al no'oj, rumali xuch'up an jun uwach i che' le, xutijo xaq xuya re i rachijil. I achi xaq xutijo pacha xu'an i rixoqil. </span></span><span class="verse v7" data-usfm="GEN.3.7"><span class="label">7</span><span class="content">Are uri lik juntir xjaqtaj kib'a'wach, xkil ub'e chi je ch'analik, rumali xkit'is uxaq che' higuera re ch'uqb'al kib'.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Are xutikb'a jorob'ik i ij, i achi ru' i rixoqil xkita chi i Dios kmalkat pa tikonb'al, are uri xe'e la pa'anem chruwaxik kib' chuxol taq che', man kkaj taj chi ke'iltaj rumal i Dios. </span></span><span class="verse v9" data-usfm="GEN.3.9"><span class="label">9</span><span class="content">Xwiri i Ajwal Dios xusik'ij i achi, xub'ij che:</span></span></div><div class="p"><span class="verse v9" data-usfm="GEN.3.9"><span class="content">&#8212;&#191;Ipa at o wi? </span></span><span class="verse v10" data-usfm="GEN.3.10"><span class="label">10</span><span class="content">I achi xub'ij: &#8212;Wuwam wib' chawach, man are xinta chi katmalkat pa tikonb'al lik xinxij wib' man in ch'analik.</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">I Dios xutz'onoj che:</span></span></div><div class="p"><span class="verse v11" data-usfm="GEN.3.11"><span class="content">&#8212;&#191;Pachin taq xb'in chawe chi at ch'analik? &#191;Xatab'a xatij uwach i che' chi xinb'ij chawe chi katij taj?</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">I achi xub'ij:</span></span></div><div class="p"><span class="verse v12" data-usfm="GEN.3.12"><span class="content">&#8212;Are i ixoq chi xaya chwe re wixoqil, are ire xuya uwach i che' le chwe, rumali xintijo.</span></span></div><div class="p"><span class="verse v12" data-usfm="GEN.3.12"><span class="content">  </span></span><span class="verse v13" data-usfm="GEN.3.13"><span class="label">13</span><span class="content">Are uri i Ajwal Dios xutz'onoj che i ixoq:</span></span></div><div class="p"><span class="verse v13" data-usfm="GEN.3.13"><span class="content">&#8212;&#191;Wach usuk' i xa'an yet le?</span></span></div><div class="p"><span class="verse v13" data-usfm="GEN.3.13"><span class="content">I ixoq xub'ij:</span></span></div><div class="p"><span class="verse v13" data-usfm="GEN.3.13"><span class="content">&#8212;Are i kumatz xinut'oro rumali xintij uwach i che' le.</span></span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">I Ajwal Dios xub'ij che i kumatz:</span></span></div><div class="p"><span class="verse v14" data-usfm="GEN.3.14"><span class="content">&#8212;Rumal i xa'ano le, wo'or lik nim ni k'oq kaweqaj chkixol konojel i chikop je manxo, xaq chkixol konojel i chikop. Ru' uwach ak'ux katjukuk na, xaq uk'aj ulew katij ni ronojel ij re ak'aslemal. </span></span><span class="verse v15" data-usfm="GEN.3.15"><span class="label">15</span><span class="content">Kinkoj ni ch'oj chixol ru' ixoq le, xaq chkixol amuq axikin ku' umuq uxikin ixoq le; i umuq uxikin i ixoq le kkiwach' ni ajolom, xwiri yet karaxij ni kixtixil. Keje ile xub'ij i Dios che i kumatz.</span></span></div><div class="p"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Te'uri xub'ij che ixoq:</span></span></div><div class="p"><span class="verse v16" data-usfm="GEN.3.16"><span class="content">&#8212;Saq laj tzij, kintz'ab'ij ni uk'axk'ol atujanik, ru' uk'axk'ol keawalaj ni awak'al; xwiri tupu lik katij uk'axk'ol le, lik kamayij ti urayixik awachijil, xaq are ire krajawin ni pawi.</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Xaq xub'ij che i achi:</span></span></div><div class="p"><span class="verse v17" data-usfm="GEN.3.17"><span class="content">&#8212;Rumal xatkojon che awixoqil xaq xatij uwach i che' chi xinb'ij chawe chi katij taj, wo'or lik nim i k'oq kreqaj ni ulew awumal yet, ru' i k'ax laj taq chak kach'ak ni awa ronojel ij re ak'aslemal. </span></span><span class="verse v18" data-usfm="GEN.3.18"><span class="label">18</span><span class="content">To' k'ix xaq itzel taq k'ix kuya ni ulew chawe, xaq jalajuj taq ichaj aj pa taq es katij na. </span></span><span class="verse v19" data-usfm="GEN.3.19"><span class="label">19</span><span class="content">Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">I achi xuya pub'i rixoqil al Eva, man ire are ni kichuch konojel i winaq chwach i jyub' ta'aj. </span></span><span class="verse v21" data-usfm="GEN.3.21"><span class="label">21</span><span class="content">I Ajwal Dios, xu'an u'u' a Ad&#225;n xaq xu'an u'u' al Eva che i tz'um. </span></span><span class="verse v22" data-usfm="GEN.3.22"><span class="label">22</span><span class="content">Are uri i Dios xub'ij: &#8220;Saq laj tzij i winaq wo'or x-ono pacha jun chqe yoj, reta'am i utz xaq i utz taj. Muk'ulmaj chi kuch'up tan chik uwach i che' re k'aslemal, kutijo xaq kk'asi ronojel ij saq.&#8221;</span></span></div><div class="p"><span class="verse v22" data-usfm="GEN.3.22"><span class="content">  </span></span><span class="verse v23" data-usfm="GEN.3.23"><span class="label">23</span><span class="content">Are uri i Ajwal Dios xeresaj b'i i winaq le pa tikonb'al Ed&#233;n, man keje ile i achi kchakun chwach i ulew chi antal uch'akul che. </span></span><span class="verse v24" data-usfm="GEN.3.24"><span class="label">24</span><span class="content">Are xe'elsax b'i i winaq le, i Dios xeukoj jub'an querub&#237;n prelb'al ij che i tikonb'al Ed&#233;n, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.</span></span></div>
        </div>
    </div>
</div>

I kumatz, lik saqlej chkiwach konojel i chikop aj pa taq es chi je u'anom i Ajwal Dios; i kumatz le xub'ij che ixoq:
—¿Qatzij uri chi xub'ij i Dios chiwe chi kitij ti uwach i jalajuj taq che' pa tikonb'al?
I ixoq xub'ij che i kumatz:
—I Dios xuya chqe chi kqatij uwach i jalajuj taq che' chi o pa tikonb'al, xwiri uwach i che' chi o pa nik'aj che i tikonb'al, i Dios xub'ij chqe: Mitij uwach i che' le xaq mitene kiyinya, man we kitijo xaq we kiyinya, saq laj tzij uri lik kixkamik.
Xwiri i kumatz xub'ij che ixoq:
—Qatzij ti ile, yix kixkam taj; man i Dios reta'am we kitij uwach i che' le, lik kjaqtaj uri ib'a'wach, xaq kix-on na pacha Ire, kiwetamaj i utz xaq i utz taj.
Are uri i ixoq xrilo chi lik chom uwach i che' le re ktijawik, rumali xpe urayixik che man lik ch'umb'al k'uxij re riqb'al no'oj, rumali xuch'up an jun uwach i che' le, xutijo xaq xuya re i rachijil. I achi xaq xutijo pacha xu'an i rixoqil. Are uri lik juntir xjaqtaj kib'a'wach, xkil ub'e chi je ch'analik, rumali xkit'is uxaq che' higuera re ch'uqb'al kib'.
Are xutikb'a jorob'ik i ij, i achi ru' i rixoqil xkita chi i Dios kmalkat pa tikonb'al, are uri xe'e la pa'anem chruwaxik kib' chuxol taq che', man kkaj taj chi ke'iltaj rumal i Dios. Xwiri i Ajwal Dios xusik'ij i achi, xub'ij che:
—¿Ipa at o wi? I achi xub'ij: —Wuwam wib' chawach, man are xinta chi katmalkat pa tikonb'al lik xinxij wib' man in ch'analik.
I Dios xutz'onoj che:
—¿Pachin taq xb'in chawe chi at ch'analik? ¿Xatab'a xatij uwach i che' chi xinb'ij chawe chi katij taj?
I achi xub'ij:
—Are i ixoq chi xaya chwe re wixoqil, are ire xuya uwach i che' le chwe, rumali xintijo.
Are uri i Ajwal Dios xutz'onoj che i ixoq:
—¿Wach usuk' i xa'an yet le?
I ixoq xub'ij:
—Are i kumatz xinut'oro rumali xintij uwach i che' le.
I Ajwal Dios xub'ij che i kumatz:
—Rumal i xa'ano le, wo'or lik nim ni k'oq kaweqaj chkixol konojel i chikop je manxo, xaq chkixol konojel i chikop. Ru' uwach ak'ux katjukuk na, xaq uk'aj ulew katij ni ronojel ij re ak'aslemal. Kinkoj ni ch'oj chixol ru' ixoq le, xaq chkixol amuq axikin ku' umuq uxikin ixoq le; i umuq uxikin i ixoq le kkiwach' ni ajolom, xwiri yet karaxij ni kixtixil. Keje ile xub'ij i Dios che i kumatz.
Te'uri xub'ij che ixoq:
—Saq laj tzij, kintz'ab'ij ni uk'axk'ol atujanik, ru' uk'axk'ol keawalaj ni awak'al; xwiri tupu lik katij uk'axk'ol le, lik kamayij ti urayixik awachijil, xaq are ire krajawin ni pawi.
Xaq xub'ij che i achi:
—Rumal xatkojon che awixoqil xaq xatij uwach i che' chi xinb'ij chawe chi katij taj, wo'or lik nim i k'oq kreqaj ni ulew awumal yet, ru' i k'ax laj taq chak kach'ak ni awa ronojel ij re ak'aslemal. To' k'ix xaq itzel taq k'ix kuya ni ulew chawe, xaq jalajuj taq ichaj aj pa taq es katij na. Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.
I achi xuya pub'i rixoqil al Eva, man ire are ni kichuch konojel i winaq chwach i jyub' ta'aj. I Ajwal Dios, xu'an u'u' a Adán xaq xu'an u'u' al Eva che i tz'um. Are uri i Dios xub'ij: “Saq laj tzij i winaq wo'or x-ono pacha jun chqe yoj, reta'am i utz xaq i utz taj. Muk'ulmaj chi kuch'up tan chik uwach i che' re k'aslemal, kutijo xaq kk'asi ronojel ij saq.”
Are uri i Ajwal Dios xeresaj b'i i winaq le pa tikonb'al Edén, man keje ile i achi kchakun chwach i ulew chi antal uch'akul che. Are xe'elsax b'i i winaq le, i Dios xeukoj jub'an querubín prelb'al ij che i tikonb'al Edén, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.

Feti si G%E9nesis 3