<div class="version vid2698 iso6393oci" data-vid="2698" data-iso6393="oci">
    <div class="book bkMAT">
        <div class="chapter ch2" data-usfm="MAT.2">
            <div class="label">2</div><div class="cl"><span class="heading">CHAPITRE SEGOUND</span></div><div class="d"><span class="content">Li Mage enc&#242; d'Erode &#224; Jerusal&#232;n. &#8212; Van &#224; Belel&#232;n e semoundon si pres&#232;nt &#224; l'Enfant-J&#232;su. &#8212; Chaple dis Innouc&#232;nt. &#8212; Fugido en Egito e retour en Palestino.</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Adounc quouro J&#232;su fugu&#232; nascu en Betel&#232;n de Juda, dins lou t&#232;ms d&#243;u r&#232;i Erode, vous trouvar&#233;s que de Mage arrib&#232;ron d&#243;u Levant &#224; Jerusal&#232;n.</span></span></div><div class="p"><span class="verse v1" data-usfm="MAT.2.1"><span class="content">  </span></span><span class="verse v2" data-usfm="MAT.2.2"><span class="label">2</span><span class="content">E disien: Ounte es aqu&#233;u R&#232;i di Judi&#233;u qu'es na? Av&#232;n vist, d&#243;umaci, soun estello dins lou Levant e sian vengu l'adoura.</span></span></div><div class="p"><span class="verse v2" data-usfm="MAT.2.2"><span class="content">  </span></span><span class="verse v3" data-usfm="MAT.2.3"><span class="label">3</span><span class="content">D'ent&#232;ndre ac&#242;-d'aqui, Erode lou r&#232;i n'agu&#232; lou treboul&#232;ri e tout Jerusal&#232;n em'&#233;u.</span></span></div><div class="p"><span class="verse v3" data-usfm="MAT.2.3"><span class="content">  </span></span><span class="verse v4" data-usfm="MAT.2.4"><span class="label">4</span><span class="content">Em'ac&#242; acampant t&#243;uti li prince di Pr&#232;ire e lis Escribo d&#243;u pople</span><span class="note f"><span class="label">#</span><span class=" body"><span class="fr">2.4 </span><span class="ft">Ac&#242; ro li d&#243;utour de la l&#232;i.</span></span></span><span class="content"> i&#233; demand&#232; ounte devi&#233; naisse lou Crist.</span></span></div><div class="p"><span class="verse v4" data-usfm="MAT.2.4"><span class="content">  </span></span><span class="verse v5" data-usfm="MAT.2.5"><span class="label">5</span><span class="content">Aqu&#233;sti i&#233; digu&#232;ron: En Betel&#232;n de Juda; ansin l'a'scri lou Prouf&#232;to:</span></span></div><div class="p"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">E tu, Betel&#232;n, terro de Juda, risco r&#232;n que siegues la mai pichouno entre li vilo majouro de Juda, car de tu sourtira lou baile que d&#232;u regi moun pople d'Isra&#232;l.</span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Alor Erode, d'escoundoun fas&#232;nt veni li Mage, tout en aio s'entrev&#232; dempi&#232;i quouro l'estello i'&#232;ro apareigudo.</span></span></div><div class="p"><span class="verse v7" data-usfm="MAT.2.7"><span class="content">  </span></span><span class="verse v8" data-usfm="MAT.2.8"><span class="label">8</span><span class="content">E li mandant en Betel&#232;n, i&#233; digu&#232;: Anas e pren&#232;s b&#232;n d'enfourmacioun sus aquel enfant, e s'en-cop l'aur&#233;s trouva, mandas-me lou dire que tamb&#232;n i&#233;u i'anarai e l'adourarai.</span></span></div><div class="p"><span class="verse v8" data-usfm="MAT.2.8"><span class="content">  </span></span><span class="verse v9" data-usfm="MAT.2.9"><span class="label">9</span><span class="content">&#201;li, agu&#232;nt ausi lou r&#232;i, s'enan&#232;ron. E v&#232;s-eici que l'estello, qu'avien visto dins lou Levant, caminavo davans &#233;li, e ven&#232;nt jusquo au-dessus de mounte &#232;ro l'Enfant, se i'arrest&#232;.</span></span></div><div class="p"><span class="verse v9" data-usfm="MAT.2.9"><span class="content">  </span></span><span class="verse v10" data-usfm="MAT.2.10"><span class="label">10</span><span class="content">De v&#232;ire l'estello, agu&#232;ron uno gau que se p&#242;u pas dire.</span></span></div><div class="p"><span class="verse v10" data-usfm="MAT.2.10"><span class="content">  </span></span><span class="verse v11" data-usfm="MAT.2.11"><span class="label">11</span><span class="content">Em'ac&#242;, intrant dins l'oustau, trouv&#232;ron l'Enfant em&#233; Mar&#236;o sa maire, e toumbant d'aboucoun l'adour&#232;ron. Durb&#232;nt pi&#232;i si tresor i&#233; semoundegu&#232;ron si pres&#232;nt: l'or, l'enc&#232;ns e la mierro.</span><span class="note f"><span class="label">#</span><span class=" body"><span class="fr">2.11 </span><span class="ft">P&#232;r l'or counf&#232;sson qu'es r&#232;i, p&#232;r l'enc&#232;ns qu'es Di&#233;u, p&#232;r la mierro qu'es mourtau (</span><span class="sc">S. Greg&#242;ri,</span><span class="ft"> homil. 10.)</span></span></span></span></div><div class="p"><span class="verse v11" data-usfm="MAT.2.11"><span class="content">  </span></span><span class="verse v12" data-usfm="MAT.2.12"><span class="label">12</span><span class="content">Averti pi&#232;i en sounge de plus ana vers Erode, s'entourn&#232;ron dins sis endr&#233; p&#232;r uno autro draio.</span></span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Tant-l&#232;u &#233;li parti, veici qu'un ange de Di&#233;u apareigu&#232; &#224; J&#243;us&#232;, d'enterin que dourmi&#233;, e i&#233; digu&#232;: L&#232;vo-te, pren lou Pichoun e sa Maire, e fuge en Egito, e r&#232;sto-i&#233;, d'aqui-que t'avertigue. Car vai se capita qu'Erode cercara lou Pichoun p&#232;r lou faire mouri.</span></span></div><div class="p"><span class="verse v13" data-usfm="MAT.2.13"><span class="content">  </span></span><span class="verse v14" data-usfm="MAT.2.14"><span class="label">14</span><span class="content">J&#243;us&#232;, s'est&#232;nt leva, prengu&#232; l'Enfantoun e sa maire dins la niue, e se retir&#232; en Egito.</span></span></div><div class="p"><span class="verse v14" data-usfm="MAT.2.14"><span class="content">  </span></span><span class="verse v15" data-usfm="MAT.2.15"><span class="label">15</span><span class="content">E i'est&#232; fin-qu'&#224; la mort d'Erode, p&#232;r que fugu&#232;sse coumplido la paraulo qu'avi&#233; dicho lou Segnour p&#232;r soun prouf&#232;to: Ai fa tourna moun Fi&#233;u de l'Egito.</span></span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Erode, quouro vegu&#232; que s'&#232;ron jouga d'&#233;u li Mage, cargu&#232;'no grosso coul&#232;ro; em'ac&#242; mand&#232; tua t&#243;uti lis enfantet qu'&#232;ron en Betel&#232;n e dins li pa&#239;s vesin, dempiei l'age de dous an e en-dessouto, en raport em&#233; lou t&#232;ms que i'avien di li Mage.</span></span></div><div class="p"><span class="verse v16" data-usfm="MAT.2.16"><span class="content">  </span></span><span class="verse v17" data-usfm="MAT.2.17"><span class="label">17</span><span class="content">Alor fugu&#232; coumplido la paraulo d&#243;u prouf&#232;to Jerem&#236;o que disi&#233;:</span></span></div><div class="p"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">Dins Rama s'es entendu'no voues, de plour e de crid pietadous: Rach&#232;u plouro sis enfant e v&#242;u plus se counsoula p&#232;r amor que noun soun.</span><span class="note f"><span class="label">#</span><span class=" body"><span class="fr">2.18 </span><span class="ft">En soun chap. </span><span class="sc">xxxi</span><span class="ft">, Jerem&#236;o proufetisavo li plour di maire di Sants Innouc&#232;nt.</span></span></span></span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Erode est&#232;nt mort, veici qu'un ange de Di&#233;u apareigu&#232; &#224; J&#243;us&#232; en Egito, d'enterin que dourmi&#233;.</span></span></div><div class="p"><span class="verse v19" data-usfm="MAT.2.19"><span class="content">  </span></span><span class="verse v20" data-usfm="MAT.2.20"><span class="label">20</span><span class="content">E i&#233; vengu&#232;: L&#232;vo-te, pren lou Pichoun e sa Maire, e'ntourno-te dins la terro d'Isra&#232;l: soun mort, d&#243;umaci, aqu&#233;li que cercavon de tua l'Enfant.</span></span></div><div class="p"><span class="verse v20" data-usfm="MAT.2.20"><span class="content">  </span></span><span class="verse v21" data-usfm="MAT.2.21"><span class="label">21</span><span class="content">J&#243;us&#232;, s'est&#232;nt leva, prengu&#232; l'Enfantoun e sa Maire, e s'envengu&#232; dins la terro d'Isra&#232;l.</span></span></div><div class="p"><span class="verse v21" data-usfm="MAT.2.21"><span class="content">  </span></span><span class="verse v22" data-usfm="MAT.2.22"><span class="label">22</span><span class="content">Mai de saupre qu'Archelau regnavo en Jud&#232;io, &#224; la pla&#231;o d'Erode soun paire, agu&#232; cregn&#232;n&#231;o de i'ana; e, averti en sounge, se retir&#232; dins lou terraire de Galil&#232;io.</span></span></div><div class="p"><span class="verse v22" data-usfm="MAT.2.22"><span class="content">  </span></span><span class="verse v23" data-usfm="MAT.2.23"><span class="label">23</span><span class="content">Em'ac&#242; vengu&#232; resta dins un endr&#233; que i&#233; dison Nazar&#232;t, p&#232;r que s'acoumpligu&#232;sse la paraulo di prouf&#232;to: I&#233; diran lou Nazare&#237;en.</span></span></div>
        </div>
    </div>
</div>

Historical text printed in 1903, maintained by the British and Foreign Bible Society.

Adounc quouro Jèsu fuguè nascu en Betelèn de Juda, dins lou tèms dóu rèi Erode, vous trouvarés que de Mage arribèron dóu Levant à Jerusalèn.
E disien: Ounte es aquéu Rèi di Judiéu qu'es na? Avèn vist, dóumaci, soun estello dins lou Levant e sian vengu l'adoura.
D'entèndre acò-d'aqui, Erode lou rèi n'aguè lou treboulèri e tout Jerusalèn em'éu.
Em'acò acampant tóuti li prince di Prèire e lis Escribo dóu pople ié demandè ounte devié naisse lou Crist.
Aquésti ié diguèron: En Betelèn de Juda; ansin l'a'scri lou Proufèto:
E tu, Betelèn, terro de Juda, risco rèn que siegues la mai pichouno entre li vilo majouro de Juda, car de tu sourtira lou baile que dèu regi moun pople d'Israèl.
Alor Erode, d'escoundoun fasènt veni li Mage, tout en aio s'entrevè dempièi quouro l'estello i'èro apareigudo.
E li mandant en Betelèn, ié diguè: Anas e prenès bèn d'enfourmacioun sus aquel enfant, e s'en-cop l'aurés trouva, mandas-me lou dire que tambèn iéu i'anarai e l'adourarai.
Éli, aguènt ausi lou rèi, s'enanèron. E vès-eici que l'estello, qu'avien visto dins lou Levant, caminavo davans éli, e venènt jusquo au-dessus de mounte èro l'Enfant, se i'arrestè.
De vèire l'estello, aguèron uno gau que se pòu pas dire.
Em'acò, intrant dins l'oustau, trouvèron l'Enfant emé Marìo sa maire, e toumbant d'aboucoun l'adourèron. Durbènt pièi si tresor ié semoundeguèron si presènt: l'or, l'encèns e la mierro.
Averti pièi en sounge de plus ana vers Erode, s'entournèron dins sis endré pèr uno autro draio.
Tant-lèu éli parti, veici qu'un ange de Diéu apareiguè à Jóusè, d'enterin que dourmié, e ié diguè: Lèvo-te, pren lou Pichoun e sa Maire, e fuge en Egito, e rèsto-ié, d'aqui-que t'avertigue. Car vai se capita qu'Erode cercara lou Pichoun pèr lou faire mouri.
Jóusè, s'estènt leva, prenguè l'Enfantoun e sa maire dins la niue, e se retirè en Egito.
E i'estè fin-qu'à la mort d'Erode, pèr que fuguèsse coumplido la paraulo qu'avié dicho lou Segnour pèr soun proufèto: Ai fa tourna moun Fiéu de l'Egito.
Erode, quouro veguè que s'èron jouga d'éu li Mage, carguè'no grosso coulèro; em'acò mandè tua tóuti lis enfantet qu'èron en Betelèn e dins li païs vesin, dempiei l'age de dous an e en-dessouto, en raport emé lou tèms que i'avien di li Mage.
Alor fuguè coumplido la paraulo dóu proufèto Jeremìo que disié:
Dins Rama s'es entendu'no voues, de plour e de crid pietadous: Rachèu plouro sis enfant e vòu plus se counsoula pèr amor que noun soun.
Erode estènt mort, veici qu'un ange de Diéu apareiguè à Jóusè en Egito, d'enterin que dourmié.
E ié venguè: Lèvo-te, pren lou Pichoun e sa Maire, e'ntourno-te dins la terro d'Israèl: soun mort, dóumaci, aquéli que cercavon de tua l'Enfant.
Jóusè, s'estènt leva, prenguè l'Enfantoun e sa Maire, e s'envenguè dins la terro d'Israèl.
Mai de saupre qu'Archelau regnavo en Judèio, à la plaço d'Erode soun paire, aguè cregnènço de i'ana; e, averti en sounge, se retirè dins lou terraire de Galilèio.
Em'acò venguè resta dins un endré que ié dison Nazarèt, pèr que s'acoumpliguèsse la paraulo di proufèto: Ié diran lou Nazareíen.

Feti si Sant Matiéu 2