Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jesus Makore Samaria Moto Kejewu Areduji</div><div class="p"> 1Fariseu doge emeardure Jesus ure boe etao pegodo duji. Emeardure nou Jesus ure jorduwadowuge emagagodure nou Jo&#227;o Batista ure jorduwadowuge epiji. 2(&#268;a Jesus ukare boe etao pegodo. Nou ure jorduwadowuge eigoiare ere boe etao pegodo.) 3Nono Jesus jorduware nou fariseu doge emeardaeji. Dukodi &#269;are uture Jud&#233;ia moto piji tuduwo tuibagi pugeje Galil&#233;ia moto ka. 4Kodure Samaria moto oiagi tuduwo Galil&#233;ia moto ka.</div><div class="p"> 5Dukeje aregodure Sicar ba kurireu ka. Nou Sicar ba kurireu mugure nou Samaria moto keje rugadu#4.5 Samaria moto kejewuge etaidukare Judeu dogei. Judeu doge etaidukare Samaria moto kejewugei jamedu. Judeu nure Jesus&#269;e dukodire awu Jesus rore jiboe ure tuginai Judeu doge ero piji.. Marigudu jawu Israel doge etuo Jac&#243; ure ia moto maku tonaregedu Jos&#233; ai. Nou Sicar ba kurireu padu jakare nou motoji. 6Nou Jac&#243; ure porodowu ka&#269;iba mugure nono jamedu. &#268;a Jesus metugodure dukodi &#269;are ure tuwuredo nono nou ka&#269;iba keje. Ure tumugudo nono tuwo tamudo. Meri aregodure pagaia ka dukeje.</div><div class="p"> 7-8Mare nou Jesus ure jorduwadowuge eture otodai nou ba kurireu ka tuwo akirodo tugeji. Jesus mugure nou ka&#269;iba po okwai ture tamudo dutabo. Nono ia Samaria kejewudo aredu aregodure pobo bagai nou ka&#269;iba po ka. Jesus makore ji. Akore: &#8211; Pobo maku inai ikuduwo &#269;e.</div><div class="p"> 9Nono nou aredu makore: &#8211; Judeu nure aki. Imire Samaria kejewudo nure imi. Judeu doge etaidukare &#269;ei rugadu. Ekudumodukare pobo&#269;e &#269;egopo tabo. Enogwagemodukare &#269;eno meriri keje jamedu. Aki &#269;are amagore i pobo bagai akuduwo &#269;e.</div><div class="p"> 10Jesus makore: &#8211; Arduwakare Pao Kurireu ure maku boe etai boeji. Arduwamode i rugadu dukeje akogwamagudumode i pobo remawu bagai awikawo.</div><div class="p"> 11Nou aredu akore: &#8211; Are pobo tugu toboe bokware. Pobo padu jaere &#269;emoroi nou ka&#269;iba ja tada. Nuba aromode awo akeragu nou akagoino jiwu pobo remawuji? 12Jao pawobe etuo Jac&#243; koiare ure awu ka&#269;iba towuje. Dukodire pagore aino ema. Emare kudure awu pobo&#269;e boetoji. Ore ekudure awu pobo&#269;e. Aku ie ekudure awu pobo&#269;e jamedu. Ji aino pobore kimo. Aro kodumodukana nou Jac&#243; ro kori? Nuba aromode awo ia pobo maku &#269;enai pugeje?</div><div class="p"> 13Jesus akore: &#8211; Boe ekudumode awu pobo&#269;e mare pobo boeimode ei pugeje. 14Mare boe ekudumode ire maku etaiwu pobo&#269;e dukeje pobo boeimodukare ei pugeje jii toro rugadu. Ka&#269;iba mugumode etada kodire nou etadawu pobo akedumodukare epiji rugadu.</div><div class="p">Mare pobo ji karega Jesus akoino. Boe emeartorumode Jesus ure maku pudaiwu tuwadaruji dukeje ewimodukare pugeje. Jesus umode emugudo Pao Kurireu apo. Du akedumodukare rugadu.</div><div class="p"> 15Mare nou aredu meardaere pobo remawu ji rugadu Jesus akoino. Akore: &#8211; Nou akagoino jiwu pobo maku inai ikuduwo &#269;e pobo boeikawo i pugeje itaregodukawo woe pugeje pobo bagai.</div><div class="p"> 16Jesus akore: &#8211; Toro. Atudo awo akoredu bie. Dukeje amode akirimi mato pugeje.</div><div class="p"> 17Aredu akore: &#8211; Ikogekare. Itoredu bokwa.</div><div class="p">Jesus akore: &#8211; Uu. Iorduware. Akogere mare are akera ra epiji. 18Akogere ikera aboudure. Aino &#269;are amugure ia apo pugeje mare akoredu karegure ema. Awadunure ji. Boe jokodu jire akagoino iwiagai.</div><div class="p"> 19Nou aredu akore: &#8211; Ko&#269;are arduware i rugadu! Jorduwareu nure aki rugadu. Makore Pao Kurireu bataru jiwu rabodunure aki rugadu. 20Jao iwobe Samaria kejewuge ere tubu jodo tumago pemegawo Pao Kurireuji woe awu tori aogeje. Judeu doge tagire tagagore awu &#269;erore jiboe ukaie turugadu. Tagagore tu Jerusal&#233;m ba kurireu kejeie boe emode tubu jodo tumago pemegawo tu Pao Kurireuji.</div><div class="p"> 21Jesus akore: &#8211; Ameartorudo awu iwadaruji. Tu awu tori aogeje karega boe emode tubu jodo tumago pemegawo Pao Kurireuji. Tu Jerusal&#233;m ba kurireu keje karega boe emode tubu jodo tumago pemegawo Pao Kurireuji. Kuri aino boe emode tubu jodo moto keje moto jamedu boe parugajeje tumago pemegawo Pao Kurireuji. 22Samaria kejewuge nure tagi. Tamago pemegare Pao Kurireuji mare tarduwakare ji. Judeu doge nure &#269;egi. &#268;erduware Pao Kurireuji. Ure Judeu doge ewie marigudu tumoduie boe ekinorudo duji. 23Kuri aino Pao Kurireu Uwari umode boe eragado emago pemegawo Pao Kurireuji rugadu. Erduwamode Pao Kurireu meardae remawuji rugadu dukodire emode tubu jodo tumago pemegawo Pao Kurireuji rugadu boe remawu tabo rugadu. 24Pao Kurireu ure nono tuwari mogadure. Dukodire boe erdukare ji. Kodire boe emodukare tuwadaru udo paga paga tumago tabo Pao Kurireuji. Pao Kurireu Uwari koiare umode boe erduwado Pao Kurireu meardae pemegareuji ewo tubu jodo tumago pemegawo Pao Kurireuji boe remawu tabo rugadu.</div><div class="p"> 25Nou aredu makore Jesusji: &#8211; Iorduware umode boe ekinorudowu aregodumoduie duji. Aregodumode dukeje umode parduwado boe jamedu boeji rugadu.</div><div class="p"> 26Jesus akore: &#8211; Nou akagoino jiwu umode boe ekinorudowu nure imi rugadu.</div><div class="p"> 27&#268;a nou Jesus ure jorduwadowuge etaregodure ba kurireu piji tuibagi. Erdure Jesus makore nou aredu jituji dukodi &#269;are eku kidure ei. Ere tumagoiago nou areduji kaboba bagaiba roino. Mare emagokare. Ere tumagoiago Jesusji jamedu kodiba akoino nou areduji. Mare emagokare. 28&#268;a nou aredu uture tubori piji toro ba kurireu ka tuibagi. Aregodure ba kurireu ka dukeje makore boei. 29Akore: &#8211; Mato itabo tarduwo ia imedu kurireuji. Emare jorduware mariguduwu irore jiboe jamedu boeji rugadu. Ema koia kana umode boe ekinorudo? Ema kana pabagare bagai marigudu?</div><div class="p"> 30Dukodi &#269;are nou boe eture nou aredu apo ba kurireu piji toro Jesus bagai.</div><div class="p"> 31Nou aredu rakoje kimore toro ba kurireu tada dukeje nou Jesus ure jorduwadowuge emagore Jesusji. Egore: &#8211; Akwagedo.</div><div class="p"> 32Mare Jesus akore: &#8211; Ire ia tarduwakare jiwu ike rogu kowuje.</div><div class="p"> 33Dukeje nou ure jorduwadowuge emagore pui. Egore: &#8211; Ia boe etaregodu kana ia tuge tabo tuwo maku ai?</div><div class="p"> 34Mare Jesus akore: &#8211; Boe eke ji karega inagoino. Pao Kurireu koiare ure itarego mato. Imeartorure bataruji kodire umode iraga maku inai. Imode ure maku inaiwu imaragodae iado rugadu. Dujire inagoino. 35Boe egore: &#8220;Arimode pobe puibiji dukeje boe eno boepa tadaboe kurodumode.&#8221; Tagaiwodo boe dogei. Ere turugadu tumeartoruwo Pao Kurireuji marigudu rugadu. Ere nono boepa tadawu kurodureboe mogadure. 36Boe emode tugeragu kurodureboe jitu keje emaragodae mori makudumode etai. Mare boepa tadaboe ji karega inagoino. Boe emode Pao Kurireu bataru maku boe etai dukeje Pao Kurireu umode emaragodae mori maku etai jamedu. Boe emagare tumaragodae tabo tuwo boe emeartorudo Pao Kurireuji rugadu emuguwo Pao Kurireu apo baru tada jii toro rugadu, ewikawo pugeje. Boe emeartorure Pao Kurireu bataruji dukeje nou ure Pao Kurireu bataru maku boe etaiwuge eiamedu boe egaremode pudui rugadu. Egaremode pudui nono nou ure boepa tuguwu jakarere pudui dumogadure. Egaremode pudui nono nou ure tugeragu kurodureboe jiwu jakarere pudui dumogadure. 37Boe jokodu jire boe egoino: &#8220;Ia imedu umode to boepa tugu. Ia umode kurodu rawuje.&#8221; 38&#268;a tare nono nou umode kurodureboe rawujewu mogadure. Mare boepa tadaboe ji karega inagoino. Tadumodukare boepa ka. Boeire inagoino. Inure tadudo iwadaru tabo boe etae rugadu. Iage ere nou boe erduwado Pao Kurireu bataruji tuwo edo turugadu emeartoruwo i. Aino &#269;a tadumode iwadaru tabo etae emeartoruwo i rugadu.</div><div class="p"> 39&#268;a nou aredu makore nou Samaria kejewu boe ewiagai Jesus bataruji dukodi &#269;are emeartorure Jesusji rugadu. Akore: &#8211; Emare jorduware mariguduwu irore jiboe jamedu boeji rugadu.</div><div class="p">Dukodire nou ba kurireu kejewuge emeartorure Jesusji rugadu. Emagare. 40Nono nou Samaria kejewuge etaregodure Jesus ae. Enogwamagudure Jesusji muguwo pudabo jao. Dukodire merire pobe Jesusji toro ebo. 41Jesus ure erduwado dukodi &#269;are boe emagare nono apo tumeartorure jitu tabo. 42Emagore nou areduji. Egore: &#8211; Aino &#269;are pameartorure ji rugadu. Are &#269;ewie marigudu. Mare aino &#269;ewiapagare ji rugadu. &#268;ewiapagare bataruji dukodire &#269;emeartorure ji. &#268;erduware emaie umode boe ekinorudo rugadu.</div><div class="s">Jesus Ure Boe Eimijera Onaregedu Pemegago</div><div class="p"> 43Merire pobe Jesusji nono nou ba kurireu keje. Dukeje uture pugeje Galil&#233;ia moto ka. 44Marigudu akore: &#8211; Makore Pao Kurireu bataru jiwu makomode Pao Kurireu bataruji boe eiamedu boe ewiagai. Mare turijodure kejewu moto kejewuge etaidumodukare makore jiboeji.</div><div class="p"> 45Jesus aregodure Galil&#233;ia moto ka dukeje nou boe ekimadure apo. Judeu doge ewadae P&#225;scoa kejere Jesus ro rakare Jerusal&#233;m ba kurireu keje. Awu Galil&#233;ia kejewuge edure nono jamedu dukodire erdure Jesus rore jiboeji. Dukodire egarere pudui Jesus aregodure pudae duji.</div><div class="p"> 46Dukejere Jesus uture pugeje Can&#225; ba kurireu ka. Marigudu ure pobo udo vinho kuru&#269;e nou Can&#225; ba kurireu keje. Ia Cafarnaum ba kurireu kejewu boe eimijera rakojere nono Can&#225; ba kurireu keje jamedu. Onaregedu kogodure toro Cafarnaum keje. 47Jorduware Jesus aregodure Jud&#233;ia moto piji Galil&#233;ia moto ka. Dukodire uture ae. Okwamagudure Jesusji tonaregedu paru tabo ure tuwiago kodi. Aidure Jesus utuwo Cafarnaum ba kurireu ka uwo nou tonaregedu pemegago. 48Jesus akore ji: &#8211; Taiamedu boe tagaidure tarduwo ia iro rakareuji tameartoruwo i.</div><div class="p"> 49Nou boe eimijera akore: &#8211; Ikimijera nure aki. Itonaregedu bimode. Mato itabo awo itonaregedu pemegago.</div><div class="p"> 50Jesus akore ji: &#8211; Toro. Atudo akinai. Akanaregedu pemegagodumode.</div><div class="p">Nou boe eimijera meartorure Jesus bataruji dukodire uture. 51Nou barogwato nou boe eimijera kodu kimore awaraji dukeje ia utugarege etaregodure togi. Ere bie. Egore: &#8211; Akanaregedu pemegagodure.</div><div class="p"> 52Unaragodure kaiba meri jeture dukejeba tonaregedu pemegagodure. Egore: &#8211; Jao meriji meri aregodure pagaia ka dukeje biri uru akedure piji.</div><div class="p"> 53Nono nou boe eimijera biabuture meri aregodure pagaia ka dukeje Jesus akore tonaregedu pemegagodumoduie. Meri aregodure pagaia ka dukeje pemegagodure rugadu. Dukodire nou boe eimijera meartorure Jesusji tuwobe eiamedu boe ebo.</div><div class="p"> 54Jesus ro rakareu boetojiwu koiare ure vinhodo pobo&#269;e. Aino aregodure Jud&#233;ia moto piji Galil&#233;ia moto ka pugeje. Dukeje ure nou boe eimijera onaregedu pemegago. Dukodire boe erdure Jesus ro rakareu ure pobetu je nono Galil&#233;ia moto keje duji.</div>
 </div>
 </div>
</div>

Fariseu doge emeardure Jesus ure boe etao pegodo duji. Emeardure nou Jesus ure jorduwadowuge emagagodure nou João Batista ure jorduwadowuge epiji. (Ča Jesus ukare boe etao pegodo. Nou ure jorduwadowuge eigoiare ere boe etao pegodo.) Nono Jesus jorduware nou fariseu doge emeardaeji. Dukodi čare uture Judéia moto piji tuduwo tuibagi pugeje Galiléia moto ka. Kodure Samaria moto oiagi tuduwo Galiléia moto ka.
Dukeje aregodure Sicar ba kurireu ka. Nou Sicar ba kurireu mugure nou Samaria moto keje rugadu. Marigudu jawu Israel doge etuo Jacó ure ia moto maku tonaregedu José ai. Nou Sicar ba kurireu padu jakare nou motoji. Nou Jacó ure porodowu kačiba mugure nono jamedu. Ča Jesus metugodure dukodi čare ure tuwuredo nono nou kačiba keje. Ure tumugudo nono tuwo tamudo. Meri aregodure pagaia ka dukeje.
Mare nou Jesus ure jorduwadowuge eture otodai nou ba kurireu ka tuwo akirodo tugeji. Jesus mugure nou kačiba po okwai ture tamudo dutabo. Nono ia Samaria kejewudo aredu aregodure pobo bagai nou kačiba po ka. Jesus makore ji. Akore: – Pobo maku inai ikuduwo če.
Nono nou aredu makore: – Judeu nure aki. Imire Samaria kejewudo nure imi. Judeu doge etaidukare čei rugadu. Ekudumodukare poboče čegopo tabo. Enogwagemodukare čeno meriri keje jamedu. Aki čare amagore i pobo bagai akuduwo če.
Jesus makore: – Arduwakare Pao Kurireu ure maku boe etai boeji. Arduwamode i rugadu dukeje akogwamagudumode i pobo remawu bagai awikawo.
Nou aredu akore: – Are pobo tugu toboe bokware. Pobo padu jaere čemoroi nou kačiba ja tada. Nuba aromode awo akeragu nou akagoino jiwu pobo remawuji? Jao pawobe etuo Jacó koiare ure awu kačiba towuje. Dukodire pagore aino ema. Emare kudure awu poboče boetoji. Ore ekudure awu poboče. Aku ie ekudure awu poboče jamedu. Ji aino pobore kimo. Aro kodumodukana nou Jacó ro kori? Nuba aromode awo ia pobo maku čenai pugeje?
Jesus akore: – Boe ekudumode awu poboče mare pobo boeimode ei pugeje. Mare boe ekudumode ire maku etaiwu poboče dukeje pobo boeimodukare ei pugeje jii toro rugadu. Kačiba mugumode etada kodire nou etadawu pobo akedumodukare epiji rugadu.
Mare pobo ji karega Jesus akoino. Boe emeartorumode Jesus ure maku pudaiwu tuwadaruji dukeje ewimodukare pugeje. Jesus umode emugudo Pao Kurireu apo. Du akedumodukare rugadu.
Mare nou aredu meardaere pobo remawu ji rugadu Jesus akoino. Akore: – Nou akagoino jiwu pobo maku inai ikuduwo če pobo boeikawo i pugeje itaregodukawo woe pugeje pobo bagai.
Jesus akore: – Toro. Atudo awo akoredu bie. Dukeje amode akirimi mato pugeje.
Aredu akore: – Ikogekare. Itoredu bokwa.
Jesus akore: – Uu. Iorduware. Akogere mare are akera ra epiji. Akogere ikera aboudure. Aino čare amugure ia apo pugeje mare akoredu karegure ema. Awadunure ji. Boe jokodu jire akagoino iwiagai.
Nou aredu akore: – Kočare arduware i rugadu! Jorduwareu nure aki rugadu. Makore Pao Kurireu bataru jiwu rabodunure aki rugadu. Jao iwobe Samaria kejewuge ere tubu jodo tumago pemegawo Pao Kurireuji woe awu tori aogeje. Judeu doge tagire tagagore awu čerore jiboe ukaie turugadu. Tagagore tu Jerusalém ba kurireu kejeie boe emode tubu jodo tumago pemegawo tu Pao Kurireuji.
Jesus akore: – Ameartorudo awu iwadaruji. Tu awu tori aogeje karega boe emode tubu jodo tumago pemegawo Pao Kurireuji. Tu Jerusalém ba kurireu keje karega boe emode tubu jodo tumago pemegawo Pao Kurireuji. Kuri aino boe emode tubu jodo moto keje moto jamedu boe parugajeje tumago pemegawo Pao Kurireuji. Samaria kejewuge nure tagi. Tamago pemegare Pao Kurireuji mare tarduwakare ji. Judeu doge nure čegi. Čerduware Pao Kurireuji. Ure Judeu doge ewie marigudu tumoduie boe ekinorudo duji. Kuri aino Pao Kurireu Uwari umode boe eragado emago pemegawo Pao Kurireuji rugadu. Erduwamode Pao Kurireu meardae remawuji rugadu dukodire emode tubu jodo tumago pemegawo Pao Kurireuji rugadu boe remawu tabo rugadu. Pao Kurireu ure nono tuwari mogadure. Dukodire boe erdukare ji. Kodire boe emodukare tuwadaru udo paga paga tumago tabo Pao Kurireuji. Pao Kurireu Uwari koiare umode boe erduwado Pao Kurireu meardae pemegareuji ewo tubu jodo tumago pemegawo Pao Kurireuji boe remawu tabo rugadu.
Nou aredu makore Jesusji: – Iorduware umode boe ekinorudowu aregodumoduie duji. Aregodumode dukeje umode parduwado boe jamedu boeji rugadu.
Jesus akore: – Nou akagoino jiwu umode boe ekinorudowu nure imi rugadu.
Ča nou Jesus ure jorduwadowuge etaregodure ba kurireu piji tuibagi. Erdure Jesus makore nou aredu jituji dukodi čare eku kidure ei. Ere tumagoiago nou areduji kaboba bagaiba roino. Mare emagokare. Ere tumagoiago Jesusji jamedu kodiba akoino nou areduji. Mare emagokare. Ča nou aredu uture tubori piji toro ba kurireu ka tuibagi. Aregodure ba kurireu ka dukeje makore boei. Akore: – Mato itabo tarduwo ia imedu kurireuji. Emare jorduware mariguduwu irore jiboe jamedu boeji rugadu. Ema koia kana umode boe ekinorudo? Ema kana pabagare bagai marigudu?
Dukodi čare nou boe eture nou aredu apo ba kurireu piji toro Jesus bagai.
Nou aredu rakoje kimore toro ba kurireu tada dukeje nou Jesus ure jorduwadowuge emagore Jesusji. Egore: – Akwagedo.
Mare Jesus akore: – Ire ia tarduwakare jiwu ike rogu kowuje.
Dukeje nou ure jorduwadowuge emagore pui. Egore: – Ia boe etaregodu kana ia tuge tabo tuwo maku ai?
Mare Jesus akore: – Boe eke ji karega inagoino. Pao Kurireu koiare ure itarego mato. Imeartorure bataruji kodire umode iraga maku inai. Imode ure maku inaiwu imaragodae iado rugadu. Dujire inagoino. Boe egore: “Arimode pobe puibiji dukeje boe eno boepa tadaboe kurodumode.” Tagaiwodo boe dogei. Ere turugadu tumeartoruwo Pao Kurireuji marigudu rugadu. Ere nono boepa tadawu kurodureboe mogadure. Boe emode tugeragu kurodureboe jitu keje emaragodae mori makudumode etai. Mare boepa tadaboe ji karega inagoino. Boe emode Pao Kurireu bataru maku boe etai dukeje Pao Kurireu umode emaragodae mori maku etai jamedu. Boe emagare tumaragodae tabo tuwo boe emeartorudo Pao Kurireuji rugadu emuguwo Pao Kurireu apo baru tada jii toro rugadu, ewikawo pugeje. Boe emeartorure Pao Kurireu bataruji dukeje nou ure Pao Kurireu bataru maku boe etaiwuge eiamedu boe egaremode pudui rugadu. Egaremode pudui nono nou ure boepa tuguwu jakarere pudui dumogadure. Egaremode pudui nono nou ure tugeragu kurodureboe jiwu jakarere pudui dumogadure. Boe jokodu jire boe egoino: “Ia imedu umode to boepa tugu. Ia umode kurodu rawuje.” Ča tare nono nou umode kurodureboe rawujewu mogadure. Mare boepa tadaboe ji karega inagoino. Tadumodukare boepa ka. Boeire inagoino. Inure tadudo iwadaru tabo boe etae rugadu. Iage ere nou boe erduwado Pao Kurireu bataruji tuwo edo turugadu emeartoruwo i. Aino ča tadumode iwadaru tabo etae emeartoruwo i rugadu.
Ča nou aredu makore nou Samaria kejewu boe ewiagai Jesus bataruji dukodi čare emeartorure Jesusji rugadu. Akore: – Emare jorduware mariguduwu irore jiboe jamedu boeji rugadu.
Dukodire nou ba kurireu kejewuge emeartorure Jesusji rugadu. Emagare. Nono nou Samaria kejewuge etaregodure Jesus ae. Enogwamagudure Jesusji muguwo pudabo jao. Dukodire merire pobe Jesusji toro ebo. Jesus ure erduwado dukodi čare boe emagare nono apo tumeartorure jitu tabo. Emagore nou areduji. Egore: – Aino čare pameartorure ji rugadu. Are čewie marigudu. Mare aino čewiapagare ji rugadu. Čewiapagare bataruji dukodire čemeartorure ji. Čerduware emaie umode boe ekinorudo rugadu.

Merire pobe Jesusji nono nou ba kurireu keje. Dukeje uture pugeje Galiléia moto ka. Marigudu akore: – Makore Pao Kurireu bataru jiwu makomode Pao Kurireu bataruji boe eiamedu boe ewiagai. Mare turijodure kejewu moto kejewuge etaidumodukare makore jiboeji.
Jesus aregodure Galiléia moto ka dukeje nou boe ekimadure apo. Judeu doge ewadae Páscoa kejere Jesus ro rakare Jerusalém ba kurireu keje. Awu Galiléia kejewuge edure nono jamedu dukodire erdure Jesus rore jiboeji. Dukodire egarere pudui Jesus aregodure pudae duji.
Dukejere Jesus uture pugeje Caná ba kurireu ka. Marigudu ure pobo udo vinho kuruče nou Caná ba kurireu keje. Ia Cafarnaum ba kurireu kejewu boe eimijera rakojere nono Caná ba kurireu keje jamedu. Onaregedu kogodure toro Cafarnaum keje. Jorduware Jesus aregodure Judéia moto piji Galiléia moto ka. Dukodire uture ae. Okwamagudure Jesusji tonaregedu paru tabo ure tuwiago kodi. Aidure Jesus utuwo Cafarnaum ba kurireu ka uwo nou tonaregedu pemegago. Jesus akore ji: – Taiamedu boe tagaidure tarduwo ia iro rakareuji tameartoruwo i.
Nou boe eimijera akore: – Ikimijera nure aki. Itonaregedu bimode. Mato itabo awo itonaregedu pemegago.
Jesus akore ji: – Toro. Atudo akinai. Akanaregedu pemegagodumode.
Nou boe eimijera meartorure Jesus bataruji dukodire uture. Nou barogwato nou boe eimijera kodu kimore awaraji dukeje ia utugarege etaregodure togi. Ere bie. Egore: – Akanaregedu pemegagodure.
Unaragodure kaiba meri jeture dukejeba tonaregedu pemegagodure. Egore: – Jao meriji meri aregodure pagaia ka dukeje biri uru akedure piji.
Nono nou boe eimijera biabuture meri aregodure pagaia ka dukeje Jesus akore tonaregedu pemegagodumoduie. Meri aregodure pagaia ka dukeje pemegagodure rugadu. Dukodire nou boe eimijera meartorure Jesusji tuwobe eiamedu boe ebo.
Jesus ro rakareu boetojiwu koiare ure vinhodo poboče. Aino aregodure Judéia moto piji Galiléia moto ka pugeje. Dukeje ure nou boe eimijera onaregedu pemegago. Dukodire boe erdure Jesus ro rakareu ure pobetu je nono Galiléia moto keje duji.

Feti si João 4