Udi projects books as published in DBL from Udi1

Udi Bible

<div class="version vid2499 iso6393udi" data-vid="2499" data-iso6393="udi">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="p"> 1Buxa&#269;u&#287;on Noya met&#601;r pi xeyir-b&#601;r&#601;k&#601;te tadi: &#171;Avuzbakanan, gelebaki o&#231;&#780;ali &#231;&#780;oya buybanan. #9:1 Burq. 1:28 2O&#231;&#780;ali loxol tarak'ala q'a xore&#287;ala k'&#601; heyvan, g&#246;ynul purk'ala q'u&#351;urxo q'a d&#601;nizi bo&#351; bakala k'&#601; &#231;&#601;li bunesa, bitot'ay loxol v&#601;&#780;n kalalu&#287;balnan. Zap'e&#287;alt'un &#351;orox bito v&#601;&#780;xun, pula haq'alnan v&#601;&#780;n &#351;ot'o&#287;oy. 3Bito heyvanxoxun ukes banankon, zu v&#601;&#780;x o&#231;&#780;ali &#231;&#780;oyel c'e&#287;alt'o&#287;oxun uksuna icaza tadi k'in&#601;k', is&#601;&#601;l me heyvanxoy yeq'axunez uksuna icaza tast'a. 4Ama p'i iz bo&#351;t'an nu bari yeq' umakanan, &#351;ot'o g&#246;r&#601; ki, p'i y&#601;&#351;&#601;yin&#351; upsune. #9:4 Lev. 7:26-27; 17:10-14; 19:26; K'an. 12:16,23-25; 15:23 5Ef p'iya &#347;ik'alt'o&#287;oxunal h&#601;yif&#601; haq'oz Zu, t'iy&#601;&#780;mit'ay elmo&#287;o haq'suni cazina zapest'oz, &#231;uresa mo amdarq'an baki, &#231;uresa heyvan.</div><div class="p"> 6&#304;&#231;u o&#351;q'are yaratmi&#351;e Buxa&#269;u&#287;on amdara, &#351;ot'o g&#246;r&#601;l amdar besp'i &#351;ot'ay p'iya &#347;ik'alt'ay elmo&#287;oval t'esunt'in p'i &#347;ipi haq'ale. #9:6 Burq. 1:26; C'eys. 20:13 7Avuzbakanan, gelebaki o&#231;&#780;ali &#231;&#780;oya buybanan, bartanan ef say gelebakeq'an&#187;. #9:7 Burq. 1:28</div><div class="p"> 8O&#351;a Buxa&#269;u&#287;on Noya q'a iz &#287;armo&#287;o met&#601;re pi: 9&#171;Mone, v&#601;&#780;xun q'a v&#601;&#780;xun bakit'o&#287;oxun sa ir&#601;zilu&#287;ez &#287;a&#231;&#780;esa Zu. 10V&#601;&#780;xun sagala g&#601;min&#601;xun c'eri k'&#601; heyvan bunesa, &#351;ot'o&#287;oxunal &#287;a&#231;&#780;ezsa me ir&#601;zilu&#287;a: o&#231;&#780;ali &#231;&#780;oyel tarak'ala q'a xore&#287;ala k'&#601; heyvan, g&#246;ynul purk'ala k'&#601; q'u&#351; bunesa bitot'uxun. 11V&#601;&#780;x &#601;yitez tast'a ki, ene sal sa v&#601;d&#601; o&#231;&#780;ala xenen tene &#231;&#780;axk'al, o&#231;&#780;ali &#231;&#780;oyel bakalt'o&#287;o xenen tumexun &#601;f&#231;ibsun tene bakal ene&#187;. 12Buxa&#269;u&#287;on pine: &#171;Bezi h&#601;ys&#601; v&#601;&#780;x q'a iz bo&#351; elmux bakalt'o&#287;oy bitot'u h&#601;mi&#351;&#601;lu&#287; tadi me &#601;yiti loxol &#231;urpsuna is&#601; efi piin ak'alnan v&#601;&#780;n: 13Mone, g&#246;ynul asoyxoy loxol Bezi murdufaz suruk'psa Zu, &#351;ot'in ak'est'ale Bezi v&#601;&#780;x tadi &#601;yiti loxol &#231;urpsuna. 14H&#601;r d&#601;f&#601; Zu g&#246;ynul asoyxo girbi e&#231;at'an, me murduf c'e&#287;ale, 15Zuval Bezi eyex badoz v&#601;&#780;xun q'a iz bo&#351; elmux bakalt'o&#287;oy bitot'uxun &#287;a&#231;&#780;e&#347;i ir&#601;zilu&#287;a. Ene sal sa v&#601;d&#601; xenen o&#231;&#780;ala &#231;&#780;axp'i iz loxol bakalt'o&#287;oy bitot'u &#601;f&#231;itenebal. 16Me murdufa mot'aynak'ez laxsa: &#351;ot'o ak'i o&#231;&#780;ali &#231;&#780;oyel izi bo&#351; elmux bakalt'o&#287;oy bitot'uxun &#287;a&#231;&#780;e&#347;i me h&#601;mi&#351;&#601;lu&#287; ir&#601;zilu&#287;a nu eyexun c'evkseynak'&#187;. 17Buxa&#269;u&#287;on Noya p'urum pine: &#171;G&#246;ynul c'e&#287;ala me murduf bakale Bezi iz bo&#351; elmux bakalt'o&#287;oy bitot'u tadi &#601;yiti loxol &#231;urpsuna ak'est'alo&#187;.</div><div class="s">Noye &#287;armux</div><div class="p"> 18Noye g&#601;min&#601;xun c'eri &#287;armux moroxey: &#350;em, Xam saal Yafet'. K&#601;nan hame Xame &#287;arey. 19H&#601;ys&#601; o&#231;&#780;ali &#231;&#780;oyel bakala azuk'xoyal bito me xibaraxun, Noye me xib &#287;araxune &#601;m&#601;l&#601; hare.</div><div class="p"> 20Noyen o&#231;&#780;ale bec&#601;ri&#351;bsa burqi, e&#231;eriyal t'ullu&#287;e lasaki. 21Sa &#287;i Noyen fi &#468;&#287;i fina&#287;oye baki, &#351;o iz &#231;ad&#305;ri bo&#351; &#231;upla&#287; bask'eney. 22Xamen, K&#601;nan &#351;ot'ay &#287;arey, iz bava &#231;upla&#287; ak'i c'eri mot'o iz p'&#601;&#780; vi&#231;&#601;l pine. 23&#350;emen q'a Yafet'en is&#601; i&#231;o&#287;oy &#601;&#780;mn&#601;bel sa paltar lap't'i, &#351;ot'o ba&#269;'anexun alabi p'&#601;&#780; belxun biq'it'uxun o&#351;a qo&#351;-qo&#351; &#231;ad&#305;ra ba&#347;i i&#231;o&#287;oy bavay &#231;upla&#287; b&#601;d&#601;n&#601; but't'unki. Bavay &#601;yib&#601; maq'at'un ak'i pi i&#231;o&#287;oy &#231;&#780;oya t'e so&#287;o t&#601;r&#601;ft'un taradey &#351;ot'o&#287;on.</div><div class="p"> 24Noyen iz fina&#287;oylu&#287; c'ovaki mu&#287;urbakit'uxun o&#351;a iz mis'ik' &#287;aren biq'i &#601;&#351;l&#601; avabaki 25pine: &#171;Mone, q'ar&#287;i&#351;i q'on&#269;uxe baki K&#601;nan! &#304;z vi&#231;imo&#287;oy k'ulurxoynak'al k'ul bakale &#351;o!&#187;</div><div class="p"> 26O&#351;a met&#601;r&#601;l pine: &#171;Alx&#305;&#351;q'an baki &#350;eme Buxa&#269;ux bakala Q'on&#269;u&#287;o! Barta K&#601;nan &#350;eme k'ulq'an baki! 27Barta Buxa&#269;u&#287;on Yafet'i o&#231;&#780;alxo gelebeq'an, barta Yafet'i &#231;ad&#305;rxoval &#350;eme &#231;ad&#305;rxoy t'&#466;&#287;&#466;lq'an laxe&#347;i! K&#601;naneynak' is&#601; iz vi&#231;imo&#287;oy k'ul baksune &#347;ame&#347;i&#187;.</div><div class="s">Noye bisun</div><div class="p"> 28O&#231;&#780;ala xenen &#231;&#780;axp'it'uxun o&#351;a Noy h&#601;l&#601; sa xibba&#231;&#780; &#601;lli usenal y&#601;&#351;&#601;yin&#351;ebi, 29biyat'anal izi d&#252;z vuyba&#231;&#780; &#601;lli y&#601;&#351;e buy.</div>
 </div>
 </div>
</div>

Buxačuğon Noya metər pi xeyir-bərəkəte tadi: «Avuzbakanan, gelebaki oç̌ali ç̌oya buybanan. Oç̌ali loxol tarak'ala q'a xoreğala k'ə heyvan, göynul purk'ala q'uşurxo q'a dənizi boş bakala k'ə çəli bunesa, bitot'ay loxol və̌n kalaluğbalnan. Zap'eğalt'un şorox bito və̌xun, pula haq'alnan və̌n şot'oğoy. Bito heyvanxoxun ukes banankon, zu və̌x oç̌ali ç̌oyel c'eğalt'oğoxun uksuna icaza tadi k'inək', isəəl me heyvanxoy yeq'axunez uksuna icaza tast'a. Ama p'i iz boşt'an nu bari yeq' umakanan, şot'o görə ki, p'i yəşəyinş upsune. Ef p'iya śik'alt'oğoxunal həyifə haq'oz Zu, t'iyə̌mit'ay elmoğo haq'suni cazina zapest'oz, çuresa mo amdarq'an baki, çuresa heyvan.
İçu oşq'are yaratmişe Buxačuğon amdara, şot'o görəl amdar besp'i şot'ay p'iya śik'alt'ay elmoğoval t'esunt'in p'i śipi haq'ale. Avuzbakanan, gelebaki oç̌ali ç̌oya buybanan, bartanan ef say gelebakeq'an».
Oşa Buxačuğon Noya q'a iz ğarmoğo metəre pi: «Mone, və̌xun q'a və̌xun bakit'oğoxun sa irəziluğez ğaç̌esa Zu. Və̌xun sagala gəminəxun c'eri k'ə heyvan bunesa, şot'oğoxunal ğaç̌ezsa me irəziluğa: oç̌ali ç̌oyel tarak'ala q'a xoreğala k'ə heyvan, göynul purk'ala k'ə q'uş bunesa bitot'uxun. Və̌x əyitez tast'a ki, ene sal sa vədə oç̌ala xenen tene ç̌axk'al, oç̌ali ç̌oyel bakalt'oğo xenen tumexun əfçibsun tene bakal ene». Buxačuğon pine: «Bezi həysə və̌x q'a iz boş elmux bakalt'oğoy bitot'u həmişəluğ tadi me əyiti loxol çurpsuna isə efi piin ak'alnan və̌n: Mone, göynul asoyxoy loxol Bezi murdufaz suruk'psa Zu, şot'in ak'est'ale Bezi və̌x tadi əyiti loxol çurpsuna. Hər dəfə Zu göynul asoyxo girbi eçat'an, me murduf c'eğale, Zuval Bezi eyex badoz və̌xun q'a iz boş elmux bakalt'oğoy bitot'uxun ğaç̌eśi irəziluğa. Ene sal sa vədə xenen oç̌ala ç̌axp'i iz loxol bakalt'oğoy bitot'u əfçitenebal. Me murdufa mot'aynak'ez laxsa: şot'o ak'i oç̌ali ç̌oyel izi boş elmux bakalt'oğoy bitot'uxun ğaç̌eśi me həmişəluğ irəziluğa nu eyexun c'evkseynak'». Buxačuğon Noya p'urum pine: «Göynul c'eğala me murduf bakale Bezi iz boş elmux bakalt'oğoy bitot'u tadi əyiti loxol çurpsuna ak'est'alo».

Noye gəminəxun c'eri ğarmux moroxey: Şem, Xam saal Yafet'. Kənan hame Xame ğarey. Həysə oç̌ali ç̌oyel bakala azuk'xoyal bito me xibaraxun, Noye me xib ğaraxune əmələ hare.
Noyen oç̌ale becərişbsa burqi, eçeriyal t'ulluğe lasaki. Sa ği Noyen fi ǔği finağoye baki, şo iz çadıri boş çuplağ bask'eney. Xamen, Kənan şot'ay ğarey, iz bava çuplağ ak'i c'eri mot'o iz p'ə̌ viçəl pine. Şemen q'a Yafet'en isə içoğoy ə̌mnəbel sa paltar lap't'i, şot'o bač'anexun alabi p'ə̌ belxun biq'it'uxun oşa qoş-qoş çadıra baśi içoğoy bavay çuplağ bədənə but't'unki. Bavay əyibə maq'at'un ak'i pi içoğoy ç̌oya t'e soğo tərəft'un taradey şot'oğon.
Noyen iz finağoyluğ c'ovaki muğurbakit'uxun oşa iz mis'ik' ğaren biq'i əşlə avabaki pine: «Mone, q'arğişi q'ončuxe baki Kənan! İz viçimoğoy k'ulurxoynak'al k'ul bakale şo!»
Oşa metərəl pine: «Alxışq'an baki Şeme Buxačux bakala Q'ONčUğO! Barta Kənan Şeme k'ulq'an baki! Barta Buxačuğon Yafet'i oç̌alxo gelebeq'an, barta Yafet'i çadırxoval Şeme çadırxoy t'ǒğǒlq'an laxeśi! Kənaneynak' isə iz viçimoğoy k'ul baksune śameśi».

Oç̌ala xenen ç̌axp'it'uxun oşa Noy hələ sa xibbaç̌ əlli usenal yəşəyinşebi, biyat'anal izi düz vuybaç̌ əlli yəşe buy.

Feti si Burqesun 9