Mato - WBT Version (NT) Non Drama

Mato - WBT Version (NT) Drama

<div class="version vid2360 iso6393met" data-vid="2360" data-iso6393="met">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">Yesu Hamaringia Lipu Tela King Rimandi Dahamati</div><div class="r">(Mak 2:3-12; Luk 5:18-26)</div><div class="p"> 1Yesu haing wagia. Dikisi lang gamolingana saing diri yabania.#9:1 yabania&#8212;Yesu yunga yabang sibuna saing ila wa long sabangga Kaperneam mana bungina baguli. 2Lipu teladi daxap lipu tela king rimandi dahamati ba ma rangua, kinu uxaingia. Yesu bagu hatumingading haringina, baing harua na lipu king rimandi dahamati ba, &#8220;Garagua, gamoma sanga ba wa mosiu! Kubolum diandi disup.&#8221;</div><div class="p"> 3Ne lipu hanaunaunga tubatubainganam teladi daharua nading ba, &#8220;Lipua li harungia Urana!&#8221;</div><div class="p"> 4Yesu xabia hatumingadinga, binabu xusungadi ba, &#8220;Baruta ahatum diana gamoimia bila ba? 5Baru haruanganta mosiu mana ngaharua: &#8216;Kubolum diandi disup&#8217; kimbo &#8216;Umesa uhaxa&#8217;? 6Ning hatata bagula ngahatanga nang ba Lipua Ma Rangua Urana ina sanga haringinga etua mana titia li bu yunga kubolu diandi.&#8221; Saking harua na lipua king rimandi dahamati ba, &#8220;Umesa, oxop uxaingama saing ula numia.&#8221; 7Baing ina naga, lipua mesa saing ila numania. 8Buranga dibagu, baing dihixi mana. Baing diti Urana yanoa mana sina haringinga sabanga xaung yaya na lipu tela bu libu bila ba.</div><div class="s1">Yesu Wagi&#700;m Matyu</div><div class="r">(Mak 2:14-17; Luk 5:27-32)</div><div class="p"> 9Yesu sauya longga ba, saing haxa mala. Baing bagu Matyu#9:9 Matyu bung xailongga li, ne su mana lipu naxuyangam kuboludinga saing harua &#8220;Matyu&#8221;, ne harua &#8220;nga&#8221; te. Naxuya maina, naxuya mana lipu tela te. rung mua numa takis xabinganamia. Yesu bala ba, &#8220;Unaxu manga.&#8221; Baing ina naga, Matyu mesa saing naxu manauba.</div><div class="p"> 10Matyu xusunga Yesu gabu lipuxindi dinaxu mana ba dima daxang rangua. Baing lipu takis xabinganam xumana#9:10 lipu takis xabinganam xumana&#8212;Yudadi hauxading sibuna mana lipu takis xabinganamdi namua na dituxu gabman Rom oxatadinga. Bunging xumana dahaxi mana daxap siang xumana rangua lipudi, didali Rom hanaunaungandi, saing dituxu siang dalingamdi nading. digabu lipu kubolu dianam xumana dima xauna. 11Parisidi dibagu, baing duxusunga lipuxindi dinaxu mana ba, &#8220;Baruta lipuxim tubatubaingama xang rangua lipu takis xabinganamdi xaung lipu kubolu dianamdi?&#8221;</div><div class="p"> 12Yesu lungu haruanga baguba, baing harua ba, &#8220;Lipu baxiamdi dahauli lipu businga teguamdi te. Tegu. Dahauli lipu busingamdi.&#8221; 13Harua muli ba, &#8220;Ala atubatuba mana Urana Xuanoa li namuxinoa: &#8216;Nga murugu mana ausinga lipudi. Nga murugu mana hananiangadi te.&#8217;#Hosea 6:6 Namua na ngama ba ngawagi lipu maringindi te. Tegu. Ngama ba ngawagi lipu kubolu dianamdi.&#8221;</div><div class="s1">Duxusunga Yesu Mana Kubolua Disaha Mana Angingua Ba</div><div class="r">(Mak 2:18-22; Luk 5:33-39)</div><div class="p"> 14Kimuya Lipu Suguangama Yon lipuxindi dinaxu mana dima rangua Yesu saing duxusunga ba, &#8220;Bunging xumana am xaung Parisidi am gasaha mana angingua bu am gahatanga ba am gabo ba Urana yaha mam, ning lipuximdi dinaxu maung ba tegu. Baruta?&#8221;</div><div class="p"> 15Yesu haxuya ba, &#8220;Nabu lipu tela hatata bo ba yau. Riandi sanga ba dusinga bungina wauyu ranguadi baru? Tegu. Kimuya bungina lipu teladi daxap lipua ba mala sangua ding, mana bungina baguba bagula disaha mana angingua.&#8221;#9:15 Yesu harua haruanga babung tela. Babuna bing ina bila lipua bo ba yau, saing lipuxindi dinaxu mana bila riandi. Xai te nabu lipudi disaha mana angingua bungina duwa yaunga taungania. Bungina Yesu wa rangua lipuxindi dinaxu mana, disaha mana angingua te. Ne kimuya disaha mana angingua.</div><div class="p"> 16&#8220;Lipu tela labu raga imang hataing xabatingang tela mana imang muganguau tai, namua na bungina damia, hataina ba bagula xating saing sing imang mugangua, saing singingua bagula tubu. 17Ne lipudi labu digua wain hauna mari mana meme sanggang mugangadiu tai.#9:17 Waleu, Yudadi dirugi meme sanggana, diraga saking digua wain mana. Bila nanggoladinga. Bungina ditongtongia wain haunua, bing wain salalanga. Ne meme sanggang muganga sanga salalanga xauna te. Nabu meme sanggang hauna, bing sanga mana salalanga. Nabu dilibu bila ba, bing wain hauna bagula sing saha meme sanggandi, wain bagula matuxuya masup mari, saing meme sanggandi bagula didoa. Tegu. Wain hauna bing digua mari mana meme sanggang haundi. Binabu dingtang xauna duwa xai.&#8221;</div><div class="s1">Yairus Nanuhanginoa Xaung Hainga Ina Ring Yesu Imanginoa</div><div class="r">(Mak 5:22-43; Luk 8:41-56)</div><div class="p"> 18Yesu harua muauyu, baing lipu yayam tela#9:18 lipu yayam tela&#8212;Lipua li Yairus, lipu yayam mana Yudadi sabungading numang tela. Ubagu Mak 5:22. ma gung king tuxundi maxania saing harua ba, &#8220;Nanuhangigua hatata sibuna li mati. Ne uma uta rimama mana, baing bagula wa muli.&#8221; 19Yesu mesa saing ila rangua, lipuxindi dinaxu mana xauna.</div><div class="p"> 20-21Hata sibuna li haing tela siba ri mua mana niani 12 ma sok ubunia. Harua naina ba, &#8220;Nabu ngaring imanginoa ing ganina, bagula ngasok xai muli.&#8221; Binabu ring imanging sihinoa. </div><div class="p"> 22Yesu xugia mala rangua saing bagu. Harua ba, &#8220;Nanuhangigua, gamoma sanga ba wa mosiu. Hatumingam haringina hamaringiaung.&#8221; Baing haingga ba sok xai taxa mana bungina baguba.</div><div class="p"> 23Bungina Yesu luxu lipu yayam numania, bagu lipu panggeriang yubinganamdi diyup olai usingangamdi digabu buranga dibibi sabanga. 24Harua ba, &#8220;Asauya. Haing nanunoa mati te, kinu&#700;m tabu ing ganina.&#8221; Ne dimasisia. 25Kimuya mana ditadi sabasabia, Yesu luxu mala saing tuxu rimanoa, saing haing nanuna ba mesauba. 26Naxuyanga li sup mala titia baguba.</div><div class="s1">Yesu Hamaringia Lipu Luwa Maxa Haxatiandi Xaung Lipu Tela Suxungunoa Mumguti</div><div class="p"> 27Yesu sauya longga baguba, baing lipu luwa maxa haxatiandi tang disu mana, saing duwagi ba, &#8220;Xaitamoxi Debit Garanoa ba,#9:27 Debit Garanoa&#8212;yaya tela mana Urana Lipuxing Mogunganama, lipua Urana mogu bagula sok mana Debit bakbaginoa. usingamtam!&#8221;</div><div class="p"> 28Diluxu&#700;m numa wa mana ba, baing Yesu xusunga dingtang ba, &#8220;Tang gahatum haringina ba sanga ba ngahamaringangtang?&#8221; Tang dahaxuya ba, &#8220;Toxoratamona, wane!&#8221;</div><div class="p"> 29Baing ring tang maxadingdi saing harua ba, &#8220;Mana namua ahatum haringina ba, bing bagula maxaimdi disok xai.&#8221; 30Baing maxading daxaxa ding, saing tang dibagu muli. Baing Yesu baladi haringina ba, &#8220;Labu tang gaharua na lipu tela mana baguliu tai.&#8221; 31Ning tang disok dinaxuya naxuya mauli mana titia ba hataing longgalo.</div><div class="p"> 32Tang disok mala, baing lipu tela xaunga wa mana xaung sanga ba harua tate daxap ma rangua Yesu. 33Yesu suka xaungua mala masup, baing lipua menau mumguti ba harua. Baing buranga dihixi mana, daharua ba, &#8220;Waleu ma, axamang tela bila li sok Isrel te.&#8221;</div><div class="p"> 34Ne Parisidi daharua ba, &#8220;Suka xaungadi mala mana xaungadi yanamidinga haringinganoa.&#8221;</div><div class="s1">Lipu Oxatam Xumana Buk Te</div><div class="p"> 35Yesu haxa mauli mana titia ba long sabangadi long kaxukandi, tubatuba maluxu&#700;m Yudadi sabungading numandi, saing baxanga baxanga ulek xaiyua mana Urana Yonggaxinoa. Saing hamaringia businga xangxang longgalo. 36Bungina bagu burangadi, usingadi namua na mauxangandi daxapdi xaung sanga ba dahauli ding te, bila sipsipdi doxola mana lipuxiding wasangama. 37Baing harua na lipuxindi dinaxu mana ba, &#8220;Lipudi daxauxau masup ba dilungu haruangagua bila xauyanga sabanga wa umangia, ne lipu oxatam xumana buk te. 38Binabu asabu na umanga Moxonoa ba soxi lipu oxatamdi mala bu daxauya umanganoa.&#8221;</div>
 </div>
 </div>
</div>

Yesu haing wagia. Dikisi lang gamolingana saing diri yabania. Lipu teladi daxap lipu tela king rimandi dahamati ba ma rangua, kinu uxaingia. Yesu bagu hatumingading haringina, baing harua na lipu king rimandi dahamati ba, “Garagua, gamoma sanga ba wa mosiu! Kubolum diandi disup.”
Ne lipu hanaunaunga tubatubainganam teladi daharua nading ba, “Lipua li harungia Urana!”
Yesu xabia hatumingadinga, binabu xusungadi ba, “Baruta ahatum diana gamoimia bila ba? Baru haruanganta mosiu mana ngaharua: ‘Kubolum diandi disup’ kimbo ‘Umesa uhaxa’? Ning hatata bagula ngahatanga nang ba Lipua Ma Rangua Urana ina sanga haringinga etua mana titia li bu yunga kubolu diandi.” Saking harua na lipua king rimandi dahamati ba, “Umesa, oxop uxaingama saing ula numia.” Baing ina naga, lipua mesa saing ila numania. Buranga dibagu, baing dihixi mana. Baing diti Urana yanoa mana sina haringinga sabanga xaung yaya na lipu tela bu libu bila ba.


Yesu sauya longga ba, saing haxa mala. Baing bagu Matyu rung mua numa takis xabinganamia. Yesu bala ba, “Unaxu manga.” Baing ina naga, Matyu mesa saing naxu manauba.
Matyu xusunga Yesu gabu lipuxindi dinaxu mana ba dima daxang rangua. Baing lipu takis xabinganam xumana digabu lipu kubolu dianam xumana dima xauna. Parisidi dibagu, baing duxusunga lipuxindi dinaxu mana ba, “Baruta lipuxim tubatubaingama xang rangua lipu takis xabinganamdi xaung lipu kubolu dianamdi?”
Yesu lungu haruanga baguba, baing harua ba, “Lipu baxiamdi dahauli lipu businga teguamdi te. Tegu. Dahauli lipu busingamdi.” Harua muli ba, “Ala atubatuba mana Urana Xuanoa li namuxinoa: ‘Nga murugu mana ausinga lipudi. Nga murugu mana hananiangadi te.’ Namua na ngama ba ngawagi lipu maringindi te. Tegu. Ngama ba ngawagi lipu kubolu dianamdi.”


Kimuya Lipu Suguangama Yon lipuxindi dinaxu mana dima rangua Yesu saing duxusunga ba, “Bunging xumana am xaung Parisidi am gasaha mana angingua bu am gahatanga ba am gabo ba Urana yaha mam, ning lipuximdi dinaxu maung ba tegu. Baruta?”
Yesu haxuya ba, “Nabu lipu tela hatata bo ba yau. Riandi sanga ba dusinga bungina wauyu ranguadi baru? Tegu. Kimuya bungina lipu teladi daxap lipua ba mala sangua ding, mana bungina baguba bagula disaha mana angingua.”
“Lipu tela labu raga imang hataing xabatingang tela mana imang muganguau tai, namua na bungina damia, hataina ba bagula xating saing sing imang mugangua, saing singingua bagula tubu. Ne lipudi labu digua wain hauna mari mana meme sanggang mugangadiu tai. Nabu dilibu bila ba, bing wain hauna bagula sing saha meme sanggandi, wain bagula matuxuya masup mari, saing meme sanggandi bagula didoa. Tegu. Wain hauna bing digua mari mana meme sanggang haundi. Binabu dingtang xauna duwa xai.”


Yesu harua muauyu, baing lipu yayam tela ma gung king tuxundi maxania saing harua ba, “Nanuhangigua hatata sibuna li mati. Ne uma uta rimama mana, baing bagula wa muli.” Yesu mesa saing ila rangua, lipuxindi dinaxu mana xauna.
Hata sibuna li haing tela siba ri mua mana niani 12 ma sok ubunia. Harua naina ba, “Nabu ngaring imanginoa ing ganina, bagula ngasok xai muli.” Binabu ring imanging sihinoa.
Yesu xugia mala rangua saing bagu. Harua ba, “Nanuhangigua, gamoma sanga ba wa mosiu. Hatumingam haringina hamaringiaung.” Baing haingga ba sok xai taxa mana bungina baguba.
Bungina Yesu luxu lipu yayam numania, bagu lipu panggeriang yubinganamdi diyup olai usingangamdi digabu buranga dibibi sabanga. Harua ba, “Asauya. Haing nanunoa mati te, kinuʼm tabu ing ganina.” Ne dimasisia. Kimuya mana ditadi sabasabia, Yesu luxu mala saing tuxu rimanoa, saing haing nanuna ba mesauba. Naxuyanga li sup mala titia baguba.

Yesu sauya longga baguba, baing lipu luwa maxa haxatiandi tang disu mana, saing duwagi ba, “Xaitamoxi Debit Garanoa ba, usingamtam!”
Diluxuʼm numa wa mana ba, baing Yesu xusunga dingtang ba, “Tang gahatum haringina ba sanga ba ngahamaringangtang?” Tang dahaxuya ba, “Toxoratamona, wane!”
Baing ring tang maxadingdi saing harua ba, “Mana namua ahatum haringina ba, bing bagula maxaimdi disok xai.” Baing maxading daxaxa ding, saing tang dibagu muli. Baing Yesu baladi haringina ba, “Labu tang gaharua na lipu tela mana baguliu tai.” Ning tang disok dinaxuya naxuya mauli mana titia ba hataing longgalo.
Tang disok mala, baing lipu tela xaunga wa mana xaung sanga ba harua tate daxap ma rangua Yesu. Yesu suka xaungua mala masup, baing lipua menau mumguti ba harua. Baing buranga dihixi mana, daharua ba, “Waleu ma, axamang tela bila li sok Isrel te.”
Ne Parisidi daharua ba, “Suka xaungadi mala mana xaungadi yanamidinga haringinganoa.”

Yesu haxa mauli mana titia ba long sabangadi long kaxukandi, tubatuba maluxuʼm Yudadi sabungading numandi, saing baxanga baxanga ulek xaiyua mana Urana Yonggaxinoa. Saing hamaringia businga xangxang longgalo. Bungina bagu burangadi, usingadi namua na mauxangandi daxapdi xaung sanga ba dahauli ding te, bila sipsipdi doxola mana lipuxiding wasangama. Baing harua na lipuxindi dinaxu mana ba, “Lipudi daxauxau masup ba dilungu haruangagua bila xauyanga sabanga wa umangia, ne lipu oxatam xumana buk te. Binabu asabu na umanga Moxonoa ba soxi lipu oxatamdi mala bu daxauya umanganoa.”

Feti si Matyu 9