 If you would like a copy of this version please contact info@davarpartners.org

Dhopadhola Old Testament

<div class="version vid2186 iso6393adh" data-vid="2186" data-iso6393="adh">
 <div class="book bkGEN">
 <div class="chapter ch24" data-usfm="GEN.24">
 <div class="label">24</div><div class="s">Dhako ri Isaka</div><div class="p"> 1Abraham oyido onyo oti, aka Rwoth oyido omiyo go silwany i kisi gima go otimo. 2To waco ri &#331;eca pere ma jatel pa wadi, m'oyido dhumo kisi gima go nitie gine ni, &#8220;Kethi cingin i &#331;angan#24:2 Kethi cingin i &#331;angan Me nger m'oyido itimo kwo&#331;irok ma doko kiwire 3aka amitin ikwo&#331;ere i nyingi Rwoth, Were ma i polo gi piny ni ikibino nwa&#331;o ri wodan dhako wok kwo&#331; nyir pa Jokanan ka, 4to nike ibino kidho i piny paran, bongi wade paran, t'inwa&#331;o ri Isaka dhako.&#8221;</div><div class="p"> 5To &#331;eca no penjo ni, &#8220;To ka nyako okwer dwoko kodan ka, anoteri wodin i piny ma cango iwok'iye?&#8221;</div><div class="p"> 6Abraham odwoko ni, &#8220;Neni ni ikidwoko wodan kenyo. 7Rwoth, Were ma i polo, okwanyan wok peco pa baba, i piny m'anywol'iye, aka oluwo to cikan ni go bino miyo nyikwayan lowo me. Go bino dhiro malaika pere yuwiyin, &#331;ey inwa&#331; ri wodan dhako koro. 8To k'inen nyako okwer dwoko kodin, ilagonyere kwo&#331; kwo&#331;irok paran; to kende ikir'idwoki wodan koro.&#8221; 9Ameno &#331;eca no oketho cinge i &#331;angi Abraham jadwo&#331; pere to kwo&#331;ere timo gima Abraham oyido okwayo.</div><div class="p"> 10Kenyo &#331;eca no okwanyo &#331;amin pa jadwo&#331; pere apar, aka oti&#331;o mic nger gi nger wok bongi jadwo&#331; pere to ay kadho Mesopotamia i tindi madwo&#331; m'oyido Nahor bed'iye. 11Munyo go otundo, omiyo &#331;amin guro congi gin piny dho wa&#331; pi woko ma tindi madwo&#331;. Oyido obedo i hongo m'othieno, hongo ma mon jobin'iye kulo. 12Kenyo go okwayo ni, &#8220;Rwoth, Were pa jadwo&#331; paran Abraham, miyan loyo konon aka ikuri cikirok perin rigo. 13Neni, anitie ka i wa&#331; pi kama nyir ma tindi madwo&#331; jolabino kul'iye. 14Weyi nyako m'anowaci rigo ni, &#8216;Mondo lwogi ye agwata perin &#331;ey amadhi pi.&#8217; Aka ka go owaci ni: Madhi, aka alamiyo &#331;amin perin bende jowomadhi, go ama wobedi nyako m'iyero ri &#331;eca perin Isaka. I nger me abino &#331;eyo ni ikuro cikirok perin ri jadwo&#331; paran.&#8221;</div><div class="p"> 15Mafodi go k'ocowo kwayo, Rebeka m'oyido nyar Bethuel wod pa Milika m'onywolo ri Nahor omin Abraham obino i wa&#331; pi g'agwata i goke. 16Rebeka oyido obedo nyako ma dhia&#331; ona&#331;o wa&#331;e, aka go oyido nyako mambula. Oloro i wa&#331; pi, to twomo pi iy'agwata pere to wok. 17Kenyo &#331;eca no oyombere kidho romo gi go, aka owaco ni, &#8220;Mondo miye pi amadhi wok iy'agwata perin.&#8221;</div><div class="p"> 18Rebeka odwoko ni, &#8220;Madhi jadwo&#331;.&#8221; Aka olu&#331;o piny agwata pere wok i goke to mako ri &#331;eca no kareno go madho. 19Munyo &#331;eca no otieko madho pi, Rebeka owaco ni, &#8220;Alatwomo ri &#331;amin perin bende jowomadhi cuka orom jo.&#8221; 20Ameno go okonjo pi piyo i wer to doko &#331;weco i wa&#331; pi twomo pi man, aka oyweko pi cuka oromo &#331;amin je. 21Jalo oneno go li&#331;, munyo mito neno k'adieri Rwoth oyido omiyo go loyo.</div><div class="p"> 22Munyo &#331;amin jotieko madho pi, jalo okwanyo peta ma welo kweth ma zahabu to ketho i um Rebeka, to doko kwanyo pogo ario ma zahabu to ruko i cingi go. 23Aka openjo go ni, &#8220;Mondo wac ran, ibedo nyar &#331;a? Kisika nitie i ot pa benin riwan ma nindo wor me?&#8221;</div><div class="p"> 24Rebeka odwoko ni, &#8220;Abedo nyar Bethuel wod pa Milika m'onywolo ri Nahor. 25Wanitie gi cemo pa &#331;amia ma romo kodi kanindo.&#8221;</div><div class="p"> 26Kenyo jalo oguro conge to lamo Rwoth. 27Owaco ni, &#8220;Rwoth, Were pa jadwo&#331; paran Abraham wopak m'okuro cikirok pere iy'adieri ri jadwo&#331; paran. Rwoth otelan tirtir i ot pa wade pa jadwo&#331; paran.&#8221;</div><div class="p"> 28Rebeka o&#331;weco kiri i ot pa min, aka owaco rigo gigipiny me. 29Rebeka oyido nitie gi omin go m'ilwo&#331;o ni Laban; aka Laban o&#331;weco kiri i wa&#331; pi romo gi jalo. 30Laban oyido otieko neno peta, gi pogo i cingi nyamin, to winjo wac ma jalo owaco ri Rebeka. Ameno Laban okidho bongi jalo, aka oneno go munyo ocungo cegin gi &#331;amin i wa&#331; pi 31Laban owaco rigo ni, &#8220;Biye wakadhi peco, &#331;ata Were omiyo silwany. Ra&#331;o icungo ka? Kole atieko yiko rin kisika i ot paran kodi kabedo ri &#331;amin.&#8221;</div><div class="p"> 32Ameno jalo odonjo i ot, aka Laban ogonyo &#331;amin to miyo jo cemo kodi kanindo; aka omiyo &#331;eca pa Abraham pi ma lwoko tiende kodi tiendi cwo m'oyido jonitie gi go. 33Kenyo okeli cemo, aka &#331;eca pa Abraham owaco ni, &#8220;Ak'ocem cuka anowaci gim'okelan.&#8221;</div><div class="p">Laban odwoko ni, &#8220;Medere iluw.&#8221;</div><div class="p"> 34Jalo owaco ni, &#8220;Abedo &#331;eca pa Abraham. 35Rwoth otieko miyo jadwo&#331; paran silwany m'oasere, aka olokere nyatoro madwo&#331;; omiyo go rombo gi dhok, feza gi zahabu, &#331;ecin ma mon gi ma cwo, kodi &#331;amin gi punde. 36Sara, cipa jadwo&#331; paran onywolo rigo nyathi majayac i tiyo pere, aka jadwo&#331; paran omiyo go lim pere je. 37Jadwo&#331; paran omiyan kwo&#331;irok munyo waco ni, &#8216;Ikir'inwa&#331; ri wodan dhako kwo&#331; nyir ma piny Kanan ka. 38T'ikidhi i ot pa baba, bongi wade paran, t'inwa&#331;o ri wodan dhako.&#8217; 39T'apenjo go ni, to ka nyako okwer dwoko kodan? 40Go odwoko ni, &#8216;Rwoth Were ma winjo noknok bino dhiro malaika pere yuwiyin to miyin loyo. Ibino nwa&#331;o ri wodan dhako wok bongi wade paran, i ot pa baba. 41Nitie nyaka nger acel m'ibino gonyirok'iye kwo&#331; kwo&#331;irok me; meno ka wade pere jokwero go dwoko kodin.&#8217; 42Konon munyo atundo i wa&#331; pi, akwayo Rwoth, Were pa jadwo&#331; paran ni, &#8216;Mondo konyan i gim'atimo. 43Neni, acungo ka i wa&#331; pi; weyi nyako m'obin kulo, alawaco rigo ni womiye pi amadhi wok iy'agwata pere. 44Ka go owaci ni madhi, to doko yweko ri &#331;amin paran bende, weyi go wobedi dhako ma Rwoth oyero ri wod pa jadwo&#331; paran.&#8217; 45Mafodi akicowo kwayo paran i cunyan, neni to Rebeka bino g'agwata pere i goke to loro i wa&#331; pi twomo pi. Awaco rigo ni, &#8216;Mondo miye pi amadhi.&#8217; 46To go lu&#331;o agwata pere wok i goke to waco ni, &#8216;Madhi, aka alamiyo &#331;amin perin bende.&#8217; Ameno amadho, aka to miyo &#331;amin bende. 47Kenyo apenjo go ni, &#8216;Ibedo nyar &#331;a?&#8217; To go dwokan ni, &#8216;Abedo nyar Bethuel, wod pa Nahor ma Milika onywolo rigo.&#8217; Ameno aketho peta i ume, gi pogo i cinge. 48Kenyo aguro congan t'alamo Rwoth. Apako Rwoth, Were pa jadwo&#331; paran Abraham, m'otelan tirtir nwa&#331;o nyar wat pa jadwo&#331; paran ri wode. 49Onyo pama, ka wilanyutho wor g'adieri ri jadwo&#331; paran, wac win ran; ka k'obedo ameno, bende wac win ran anen gir'atima.&#8221;</div><div class="p"> 50Laban gi Bethuel jodwoko ni, &#8220;Gime owok bongi Rwoth; wakinyali luwo kodin marac kosa maber. 51Rebeka ee, kadhi gi go; aka weyi go wobedi cipa wod pa jadwo&#331; perin, paka Rwoth otieko waco.&#8221; 52Munyo &#331;eca pa Abraham owinjo wac pajo, okule piny to lamo Rwoth. 53Kenyo go owodho thiwino ma feza gi zahabu kodi nangin to miyo Rebeka. Go bende omiyo omin Rebeka gi min mic ma welo.</div><div class="p"> 54Kenyo &#331;eca pa Abraham gi cwo pere jocemo to jomedho, aka jonindo kenyo. Munyo jocewi, go owaco ni, &#8220;Weyi win adoki bongi jadwo&#331; paran.&#8221;</div><div class="p"> 55To omin Rebeka gi min jowaco ni, &#8220;Weyi nyako kutho wodo&#331; gi wan ma hongo moro ma romo ndelo apar, to nyaka go kadho.&#8221;</div><div class="p"> 56To go waco rijo ni, &#8220;Wikiri wigalan, k'inen Rwoth otieko miyan loyo i woth paran; weyi win adoki bongi jadwo&#331; paran.&#8221;</div><div class="p"> 57Jodwoko ni, &#8220;Weyi walwo&#331; nyako wapenji go.&#8221; 58Aka jolwo&#331;o Rebeka to jopenjo ni, &#8220;Ilakadho gi jame?&#8221;</div><div class="p">Rebeka odwoko ni, &#8220;Alakadho.&#8221;</div><div class="p"> 59Ameno josewila Rebeka gi &#331;eca pere, to jokadho gi &#331;eca pa Abraham kodi cwo pere. 60Aka jomiyo Rebeka silwany i wac me, &#8220;Nyamin wan, bedi min ji ganin ma gana apar, aka weyi nyikwayin jowomaki tindin madongo pa jokwor pajo!&#8221; 61Kenyo Rebeka gi &#331;ecin manyir pere joyikere, aka joidho &#331;amin &#331;ey jowokadhi gi &#331;eca pa Abraham aka jocako woth.</div><div class="p"> 62I hongo no Isaka oyido owok Berlahayroi (jwom pa &#331;ata kwo ma nenan) aka oyido bedo yupiny. 63Isaka okidho kiwaya i ndelo othieno, aka oti&#331;o wa&#331;e malo to neno &#331;amin jobino. 64Aka Rebeka oti&#331;o wa&#331;e malo, aka munyo oneno Isaka, oloro i wi &#331;amia 65aka openjo &#331;eca pa Abraham ni, &#8220;Meno jal mene no ma wotho i ndelo bino romo gi wan?&#8221;</div><div class="p">&#330;eca no odwoko ni, &#8220;Meno jadwo&#331; paran.&#8221; Ameno Rebeka okwanyo kitambala pere to umo gine wa&#331;e.</div><div class="p"> 66&#330;eca no owaco ri Isaka gima go oyido otimo je. 67Kenyo Isaka otero Rebeka bedo cege i wema m'oyido Sara min bed'iye. Isaka oyido omaro Rebeka, aka rembo ma tho pa min go ogik cen.</div>
 </div>
 </div>
</div>

Dhopadhola DC Bible © Bible Society of Uganda, 2018.

Abraham oyido onyo oti, aka Rwoth oyido omiyo go silwany i kisi gima go otimo. To waco ri ŋeca pere ma jatel pa wadi, m'oyido dhumo kisi gima go nitie gine ni, “Kethi cingin i ŋangan aka amitin ikwoŋere i nyingi Rwoth, Were ma i polo gi piny ni ikibino nwaŋo ri wodan dhako wok kwoŋ nyir pa Jokanan ka, to nike ibino kidho i piny paran, bongi wade paran, t'inwaŋo ri Isaka dhako.”
To ŋeca no penjo ni, “To ka nyako okwer dwoko kodan ka, anoteri wodin i piny ma cango iwok'iye?”
Abraham odwoko ni, “Neni ni ikidwoko wodan kenyo. Rwoth, Were ma i polo, okwanyan wok peco pa baba, i piny m'anywol'iye, aka oluwo to cikan ni go bino miyo nyikwayan lowo me. Go bino dhiro malaika pere yuwiyin, ŋey inwaŋ ri wodan dhako koro. To k'inen nyako okwer dwoko kodin, ilagonyere kwoŋ kwoŋirok paran; to kende ikir'idwoki wodan koro.” Ameno ŋeca no oketho cinge i ŋangi Abraham jadwoŋ pere to kwoŋere timo gima Abraham oyido okwayo.
Kenyo ŋeca no okwanyo ŋamin pa jadwoŋ pere apar, aka otiŋo mic nger gi nger wok bongi jadwoŋ pere to ay kadho Mesopotamia i tindi madwoŋ m'oyido Nahor bed'iye. Munyo go otundo, omiyo ŋamin guro congi gin piny dho waŋ pi woko ma tindi madwoŋ. Oyido obedo i hongo m'othieno, hongo ma mon jobin'iye kulo. Kenyo go okwayo ni, “Rwoth, Were pa jadwoŋ paran Abraham, miyan loyo konon aka ikuri cikirok perin rigo. Neni, anitie ka i waŋ pi kama nyir ma tindi madwoŋ jolabino kul'iye. Weyi nyako m'anowaci rigo ni, ‘Mondo lwogi ye agwata perin ŋey amadhi pi.’ Aka ka go owaci ni: Madhi, aka alamiyo ŋamin perin bende jowomadhi, go ama wobedi nyako m'iyero ri ŋeca perin Isaka. I nger me abino ŋeyo ni ikuro cikirok perin ri jadwoŋ paran.”
Mafodi go k'ocowo kwayo, Rebeka m'oyido nyar Bethuel wod pa Milika m'onywolo ri Nahor omin Abraham obino i waŋ pi g'agwata i goke. Rebeka oyido obedo nyako ma dhiaŋ onaŋo waŋe, aka go oyido nyako mambula. Oloro i waŋ pi, to twomo pi iy'agwata pere to wok. Kenyo ŋeca no oyombere kidho romo gi go, aka owaco ni, “Mondo miye pi amadhi wok iy'agwata perin.”
Rebeka odwoko ni, “Madhi jadwoŋ.” Aka oluŋo piny agwata pere wok i goke to mako ri ŋeca no kareno go madho. Munyo ŋeca no otieko madho pi, Rebeka owaco ni, “Alatwomo ri ŋamin perin bende jowomadhi cuka orom jo.” Ameno go okonjo pi piyo i wer to doko ŋweco i waŋ pi twomo pi man, aka oyweko pi cuka oromo ŋamin je. Jalo oneno go liŋ, munyo mito neno k'adieri Rwoth oyido omiyo go loyo.
Munyo ŋamin jotieko madho pi, jalo okwanyo peta ma welo kweth ma zahabu to ketho i um Rebeka, to doko kwanyo pogo ario ma zahabu to ruko i cingi go. Aka openjo go ni, “Mondo wac ran, ibedo nyar ŋa? Kisika nitie i ot pa benin riwan ma nindo wor me?”
Rebeka odwoko ni, “Abedo nyar Bethuel wod pa Milika m'onywolo ri Nahor. Wanitie gi cemo pa ŋamia ma romo kodi kanindo.”
Kenyo jalo oguro conge to lamo Rwoth. Owaco ni, “Rwoth, Were pa jadwoŋ paran Abraham wopak m'okuro cikirok pere iy'adieri ri jadwoŋ paran. Rwoth otelan tirtir i ot pa wade pa jadwoŋ paran.”
Rebeka oŋweco kiri i ot pa min, aka owaco rigo gigipiny me. Rebeka oyido nitie gi omin go m'ilwoŋo ni Laban; aka Laban oŋweco kiri i waŋ pi romo gi jalo. Laban oyido otieko neno peta, gi pogo i cingi nyamin, to winjo wac ma jalo owaco ri Rebeka. Ameno Laban okidho bongi jalo, aka oneno go munyo ocungo cegin gi ŋamin i waŋ pi Laban owaco rigo ni, “Biye wakadhi peco, ŋata Were omiyo silwany. Raŋo icungo ka? Kole atieko yiko rin kisika i ot paran kodi kabedo ri ŋamin.”
Ameno jalo odonjo i ot, aka Laban ogonyo ŋamin to miyo jo cemo kodi kanindo; aka omiyo ŋeca pa Abraham pi ma lwoko tiende kodi tiendi cwo m'oyido jonitie gi go. Kenyo okeli cemo, aka ŋeca pa Abraham owaco ni, “Ak'ocem cuka anowaci gim'okelan.”
Laban odwoko ni, “Medere iluw.”
Jalo owaco ni, “Abedo ŋeca pa Abraham. Rwoth otieko miyo jadwoŋ paran silwany m'oasere, aka olokere nyatoro madwoŋ; omiyo go rombo gi dhok, feza gi zahabu, ŋecin ma mon gi ma cwo, kodi ŋamin gi punde. Sara, cipa jadwoŋ paran onywolo rigo nyathi majayac i tiyo pere, aka jadwoŋ paran omiyo go lim pere je. Jadwoŋ paran omiyan kwoŋirok munyo waco ni, ‘Ikir'inwaŋ ri wodan dhako kwoŋ nyir ma piny Kanan ka. T'ikidhi i ot pa baba, bongi wade paran, t'inwaŋo ri wodan dhako.’ T'apenjo go ni, to ka nyako okwer dwoko kodan? Go odwoko ni, ‘Rwoth Were ma winjo noknok bino dhiro malaika pere yuwiyin to miyin loyo. Ibino nwaŋo ri wodan dhako wok bongi wade paran, i ot pa baba. Nitie nyaka nger acel m'ibino gonyirok'iye kwoŋ kwoŋirok me; meno ka wade pere jokwero go dwoko kodin.’ Konon munyo atundo i waŋ pi, akwayo Rwoth, Were pa jadwoŋ paran ni, ‘Mondo konyan i gim'atimo. Neni, acungo ka i waŋ pi; weyi nyako m'obin kulo, alawaco rigo ni womiye pi amadhi wok iy'agwata pere. Ka go owaci ni madhi, to doko yweko ri ŋamin paran bende, weyi go wobedi dhako ma Rwoth oyero ri wod pa jadwoŋ paran.’ Mafodi akicowo kwayo paran i cunyan, neni to Rebeka bino g'agwata pere i goke to loro i waŋ pi twomo pi. Awaco rigo ni, ‘Mondo miye pi amadhi.’ To go luŋo agwata pere wok i goke to waco ni, ‘Madhi, aka alamiyo ŋamin perin bende.’ Ameno amadho, aka to miyo ŋamin bende. Kenyo apenjo go ni, ‘Ibedo nyar ŋa?’ To go dwokan ni, ‘Abedo nyar Bethuel, wod pa Nahor ma Milika onywolo rigo.’ Ameno aketho peta i ume, gi pogo i cinge. Kenyo aguro congan t'alamo Rwoth. Apako Rwoth, Were pa jadwoŋ paran Abraham, m'otelan tirtir nwaŋo nyar wat pa jadwoŋ paran ri wode. Onyo pama, ka wilanyutho wor g'adieri ri jadwoŋ paran, wac win ran; ka k'obedo ameno, bende wac win ran anen gir'atima.”
Laban gi Bethuel jodwoko ni, “Gime owok bongi Rwoth; wakinyali luwo kodin marac kosa maber. Rebeka ee, kadhi gi go; aka weyi go wobedi cipa wod pa jadwoŋ perin, paka Rwoth otieko waco.” Munyo ŋeca pa Abraham owinjo wac pajo, okule piny to lamo Rwoth. Kenyo go owodho thiwino ma feza gi zahabu kodi nangin to miyo Rebeka. Go bende omiyo omin Rebeka gi min mic ma welo.
Kenyo ŋeca pa Abraham gi cwo pere jocemo to jomedho, aka jonindo kenyo. Munyo jocewi, go owaco ni, “Weyi win adoki bongi jadwoŋ paran.”
To omin Rebeka gi min jowaco ni, “Weyi nyako kutho wodoŋ gi wan ma hongo moro ma romo ndelo apar, to nyaka go kadho.”
To go waco rijo ni, “Wikiri wigalan, k'inen Rwoth otieko miyan loyo i woth paran; weyi win adoki bongi jadwoŋ paran.”
Jodwoko ni, “Weyi walwoŋ nyako wapenji go.” Aka jolwoŋo Rebeka to jopenjo ni, “Ilakadho gi jame?”
Rebeka odwoko ni, “Alakadho.”
Ameno josewila Rebeka gi ŋeca pere, to jokadho gi ŋeca pa Abraham kodi cwo pere. Aka jomiyo Rebeka silwany i wac me, “Nyamin wan, bedi min ji ganin ma gana apar, aka weyi nyikwayin jowomaki tindin madongo pa jokwor pajo!” Kenyo Rebeka gi ŋecin manyir pere joyikere, aka joidho ŋamin ŋey jowokadhi gi ŋeca pa Abraham aka jocako woth.
I hongo no Isaka oyido owok Berlahayroi (jwom pa ŋata kwo ma nenan) aka oyido bedo yupiny. Isaka okidho kiwaya i ndelo othieno, aka otiŋo waŋe malo to neno ŋamin jobino. Aka Rebeka otiŋo waŋe malo, aka munyo oneno Isaka, oloro i wi ŋamia aka openjo ŋeca pa Abraham ni, “Meno jal mene no ma wotho i ndelo bino romo gi wan?”
Ŋeca no odwoko ni, “Meno jadwoŋ paran.” Ameno Rebeka okwanyo kitambala pere to umo gine waŋe.
Ŋeca no owaco ri Isaka gima go oyido otimo je. Kenyo Isaka otero Rebeka bedo cege i wema m'oyido Sara min bed'iye. Isaka oyido omaro Rebeka, aka rembo ma tho pa min go ogik cen.

Feti si Cakirok 24