 If you would like a copy of this version please contact info@davarpartners.org

Dhopadhola Old Testament

<div class="version vid2185 iso6393adh" data-vid="2185" data-iso6393="adh">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Kidakana pa ji</div><div class="p"> 1 # 
 Yob 1:6; 2:1 Munyo ji oyido jomore i piny, jonywolo nyir 2aka cwec moro ma polo joneno ni nyir pa ji oyido jo&#331;on, ameno jonywomo paka joyero. 3Kenyo Rwoth owaco ni, &#8220;Akibino yeyo ji kwo cil gi cil, rupiri jobedo del, to wok pama jokilakwo ma kalo oro miya acel gi piero ario.&#8221; 4#Kwan 13:33I ndir no, kodi kiri rumacen, oyido nitie ji m'oga&#331;ere i piny m'oyido jobedo nyithindho ma cwec ma i polo jonywolo gi nyir pa ji. Oyido jomeni, aka jo&#331;eyere.</div><div class="p"> 5 # 
 Mat 24:37; Luk 17:26; 1 Pet 3:20 Rwoth oneno ni kidakana pa ji oyido dwo&#331; i piny, aka kiri paro ma cuny jo je omedere bedo marac. 6Aka Rwoth owinjo gi rem ni oyido ocweyo ji to ketho jo i piny, aka oramo cunye. 7Ameno Rwoth owaco ni, &#8220;Abino reyo woko ji m'acweyo wok i piny, kodi ogwa&#331;e gi winyin, rupiri arem ni acweyo jo.&#8221; 8To Rwoth oyido winjo maber gi Nowa.</div><div class="s">Nowa</div><div class="p"> 9 # 
 2 Pet 2:5
 Me kigana ma mako kwo&#331; Nowa. Nowa oyido obedo jacwo m'otire, ongoye gi komo aka owotho iy'acel gi Were. 10Go oyido nitie gi wote adek; Semu, Ham kodi Yafeth. 11To ji m'odo&#331; je oyido joreco ruwa&#331; Were, aka akaka oyido nitie kisi kamoro. 12Were oneno piny, aka neni, oyido opo&#331; reco rupiri ji je oyido jonigi kwo mareco.</div><div class="p"> 13Aka Were owaco ri Nowa ni, &#8220;Atieko miyere reyo woko gima kwo je. Abino reyo woko jo kicutho rupiri piny opo&#331; tim pajo mar'akaka. 14Geti ye perin wok kwo&#331; mbawo maber; keth'iye kisikin to ifuy'iye gi woko gi odok. 15Boro mere wobedi mita 133 laco mere mita piero ario g'ario, aka &#331;awirok mere wobedi mita apar g'adek. 16Geti wi ye aka iwey hongo ma romo adec mita i dier wi ye gi kisi thenge; aka geti dier ot adek t'iketho dhiot i iye gi thenge. 17Akidho dhiro mikula ma pi i piny to reyo woko kisi gima kwo. Kisi gimoro i piny bino tho, 18t'abino timo cikirok kodin. Donji i ye gi dhako perin, wotin kodi mon pajo. 19Rwaki kisi gima kwo jario i ye &#331;ey jowokwo; jowobedi ma jacwo gi madhako. 20Kisi nger winyo, kisi nger ogwa&#331;e, kisi nger gima mol i lowo, jario jodonji kodin &#331;ey ikuri jo makwo. 21Bende ter kisi nger cemo riwin kodi jo.&#8221; 22#Ebu 11:7Nowa otimo paka Were omiyo go or.</div>
 </div>
 </div>
</div>

Dhopadhola DC Bible © Bible Society of Uganda, 2018.

Munyo ji oyido jomore i piny, jonywolo nyir aka cwec moro ma polo joneno ni nyir pa ji oyido joŋon, ameno jonywomo paka joyero. Kenyo Rwoth owaco ni, “Akibino yeyo ji kwo cil gi cil, rupiri jobedo del, to wok pama jokilakwo ma kalo oro miya acel gi piero ario.” I ndir no, kodi kiri rumacen, oyido nitie ji m'ogaŋere i piny m'oyido jobedo nyithindho ma cwec ma i polo jonywolo gi nyir pa ji. Oyido jomeni, aka joŋeyere.
Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac. Aka Rwoth owinjo gi rem ni oyido ocweyo ji to ketho jo i piny, aka oramo cunye. Ameno Rwoth owaco ni, “Abino reyo woko ji m'acweyo wok i piny, kodi ogwaŋe gi winyin, rupiri arem ni acweyo jo.” To Rwoth oyido winjo maber gi Nowa.

Me kigana ma mako kwoŋ Nowa. Nowa oyido obedo jacwo m'otire, ongoye gi komo aka owotho iy'acel gi Were. Go oyido nitie gi wote adek; Semu, Ham kodi Yafeth. To ji m'odoŋ je oyido joreco ruwaŋ Were, aka akaka oyido nitie kisi kamoro. Were oneno piny, aka neni, oyido opoŋ reco rupiri ji je oyido jonigi kwo mareco.
Aka Were owaco ri Nowa ni, “Atieko miyere reyo woko gima kwo je. Abino reyo woko jo kicutho rupiri piny opoŋ tim pajo mar'akaka. Geti ye perin wok kwoŋ mbawo maber; keth'iye kisikin to ifuy'iye gi woko gi odok. Boro mere wobedi mita 133 laco mere mita piero ario g'ario, aka ŋawirok mere wobedi mita apar g'adek. Geti wi ye aka iwey hongo ma romo adec mita i dier wi ye gi kisi thenge; aka geti dier ot adek t'iketho dhiot i iye gi thenge. Akidho dhiro mikula ma pi i piny to reyo woko kisi gima kwo. Kisi gimoro i piny bino tho, t'abino timo cikirok kodin. Donji i ye gi dhako perin, wotin kodi mon pajo. Rwaki kisi gima kwo jario i ye ŋey jowokwo; jowobedi ma jacwo gi madhako. Kisi nger winyo, kisi nger ogwaŋe, kisi nger gima mol i lowo, jario jodonji kodin ŋey ikuri jo makwo. Bende ter kisi nger cemo riwin kodi jo.” Nowa otimo paka Were omiyo go or.

Feti si Cakirok 6