Huli - 2011 Edition (NT)

<div class="version vid2061 iso6393hui" data-vid="2061" data-iso6393="hui">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Wali dalo mbirame muni winigo ogo</div><div class="r">(Maga 12.41-44)</div><div class="p"> 1Yasuhanda handa a&#817;i&#817; na&#817;i&#817; bigi bialu hearia agali homogo hearume Anduane Homogonaga andaha muni wiagani muni wialu hearia hendene.#Mg 12.41 2Ani buwa wali dalo mbirame muni emeneore kuni kira toea mbira ale ibira halu hearia ibu de handa dege bini. 3Ani hondowa ibugua lalu, I&#817;na t&#237; langerogo marume muni wiyaru emene lowa wali dalo yagibano ogome muni dewaore wiya.#2 Ko 8.12 4Marume homogoore howa maru tale buwa wiya. Wali dalo yagibano ogome mbira nayiore biruwa ibu tomo yolo bule yinigo bibahendeore wiai haya, lene.</div><div class="s">Yasuhanda, Anduane Homogonaga anda gialo waholebira, lenego ogo</div><div class="r">(Madiu 24.1-2; Maga 13.1-2)</div><div class="p"> 5Yasunaga talima piaga marume Anduane Homogonaga anda handaya howa lalu, Anda baya buruguleore ege to&#817;le&#817; timbuni hongoheme bidagoda. Mo y&#225;ri bia karubi Ngode Datagaliwabehondo turu halu bame minida, lene. Ani layagola Yasuhanda lalu, 6Mbirale uru t&#237;gua hendedamigo ege to&#817;le&#817; wia gimbu gimbu bima iraga karuni horo mbira ibulebirago ibirangi homane mbiraore winidagoria ngeladai nabi bibahendeore gialo ibira ibira biai holebira, lene.#Md 24.2; Mg 13.2; Lg 19.44</div><div class="s">Mo ko holenebi mo tandaga holenebi wulebira, lenego ogo</div><div class="r">(Madiu 24.3-14; Maga 13.3-13)</div><div class="p"> 7Ibunaga talima piaga biarume lalu, Lawai haga-o ogoni angi bulebiragonaga ina langibe. Iname ala agi birane hondowa henge karulolene horo ha para hayada lolomabe, lene.</div><div class="p"> 8Yasuhanda ladai bialu lalu, Marume t&#237; mo hondo holigo mamage holene nga. Agali dewaoreme i&#817;naga mini lalu, Mbirali Dabo Helenego ibulebira lowinigo i&#817; &#237;bu kogoni, lalubi, Horo ha para haya, lalubi ibulebira. O laragoni hale nahalimu.#Md 24.4-5; Mg 13.5-6; Eb 5.6; 2 Te 2.3 9Wai timbuni tara tara bira, laragolabi, Dindi mbiraoreni talebu ki buwa mo ko hara, laragolabi hale howa gi nahalimu. Mbirale uruni ala ani bia bulebirago ani laragome horo hamaro bulene kawareore nga lalu ndo larago gi nahalimu, lene.</div><div class="p"> 10Ibugua laabo halu lalu, Dindi mende mendela wai bia a&#817;i&#817; na&#817;i&#817; bialu gabumane tara tarala wai bia a&#817;i&#817; na&#817;i&#817; bialu holebira.#Md 24.6-7; Mg 13.7-8 11Dumbirumbi emene ndoore mo ko howa bialubi hina gari timbuniore pialubi warago timbuni ba gimbu bialubi dindi bibahendeha bulebira. Nahendene alebi mo gi timbuni holene tara tarabi hariha howa ibulebira. 12Uruni nabi howa marume t&#237; minalu mo tandaga holebira. Ani buwa godi lole ngoai hagane andaruha minu yu puwa garabaya andaha helolebira. Ani buwa i&#817;naga mini yu tiga bu kamigo kini karubi gabumane haru haga karubi karia t&#237; haru pu helolebira.#Md 24.9; Mg 13.9 13Ogoningi Bi Mana Debene lamilimulonaga henge wulebira. 14Minu yalu poragola miniha mbira agi ladai buledabe lolenaga ala mini dege dindi ho nahalimu.#Md 10.19; Mg 13.11#Lg 12.11-12 15Irane i&#817;na t&#237;naga ne hambuha howa bi lolenebi miniha manda bulenebi ngerogola t&#237; waitigi karume bi ogoni mo wahabi hale nahabi nabulebira.#Ab 6.10 16T&#237;naga aba ai&#817;yalamebi hamenemebi damenemebi nenegemebi agali maruhondo t&#237; minu mialu t&#237; maru homelo bolebira.#Mai 7.6; Md 10.21-22; Mg 13.12; Ab 7.59; 12.2 17T&#237;gua i&#817;naga mini yu tiga bu kamigo hondowa wali agali bibahendeme t&#237; handa tara holebira.#Md 10.22 18Anigo t&#237;naga haguaneni mandari kamigo homane mbiraoreorebi tongolo wa naholebira.#1 Sml 14.45; Md 10.30; Lg 12.7 19T&#237; hongo howa ema nabi ho ununu lowa t&#237;ni pele mialu holeberami, lene.#Md 10.22; 24.13; Hi 10.36</div><div class="s">Yasuhanda, Yarusaleme mo ko holebira, lenego ogo</div><div class="r">(Madiu 24.15-21; Maga 13.14-19)</div><div class="p"> 20T&#237;gua handalu kamira ami agali dewaoreme Yarusaleme ho mabu bu karia hondowa mo ko holene kaware wiarua manda bilimu.#Md 24.15; Mg 13.14 21Ani buwa Yudiani karume hari hombene ngaruha hondo yalu gerai polene wulebira. Yarusaleme ogoriani padarume ibida piai holene wulebira. Ani buwa dindi udura amura ale padarume Yarusaleme ogoniha anda ibulene nawulebira. 22Ogonigo horo uruni Pani Nolene Hororu wiragola Anduane Homogonaga mbugani bi lo ngadagua lola holebira.#Man 32.35; Yar 5.29; 46.10; Dan 9.26-27; Hos 9.7 23Horo uruningi wali gali bere bedarubi gali andu mialu bedarubi dara timbuniore holene nga. Ani buwa dindi ogoria mo ko holene timbuniore ibira halu Ngode Datagaliwabehanda wali agali uruni pani nelo wia holebira.#Md 24.19; Mg 13.17; 1 Ko 7.26 24Ani buwa wali agali maru wai bulene ayu tibume bo wahai halu wali agali maru garabaya wali agali haru poradagua bialu dindi tara tararu kaundiaoreha haru polebira. Ani buwa Ngode Datagaliwabe manda nabi hope hene karume Yarusaleme karulo halu Ngode Datagaliwabehanda horo hairi holene pongo bo winingi hairi helo helolebira, lene.#Esr 9.7; Iba 79.1; Ais 63.18; Lm 11.25; Mo 11.2</div><div class="s">Agali Hole Ibiyago lone ibulebira lenego ogo</div><div class="r">(Madiu 24.29-31; Maga 13.24-27)</div><div class="p"> 25Ani lowa Yasuhanda laabo halu lalu, Ninibi egenibi yapibiyanibi manane tara nahendene ale bulebira. Ani biragola dindini howa iba solowara timbuniore bedagome ta&#817;la&#817; amu nana bima u lama ibiragola wali agali bibahende dindi tara tarani karume mogo taraore lowa gi timbuni holebira.#Iba 46.2-3; 65.7-8; Ais 13.10; Ese 32.7; Yol 2.31; Md 24.29; 2 Pi 3.10-12; Mo 6.12-13 26Hari daligaha hongo haga karu tarame mo ema bia haragola wali agalime hondowa dindi bibahendeha agua bulubadabe lowa gi halu mogo timbuniore lowa odo pebe bulebira. 27Ani biragola Agali Hole Ibiyago hongo timbuniore holenebi w&#225; taraore holenebi heba hari beralibaha ha pani halu ibulebira.#Dan 7.13; Md 24.30; 26.64; Mo 1.7; 14.14 28Mbirale uruni tongo hinalu biragola t&#237;gua heyalu handa daga ho halimu. Irane t&#237;naga pele mulene abale ha para haragoni, lene.#Lm 8.19; 8.23; 13.11</div><div class="s">Yasuhanda pogenaga te lenego ogo</div><div class="r">(Madiu 24.32-35; Maga 13.28-31)</div><div class="p"> 29Ani lowa Yasuhanda bi yobage ogo tihondo lamialu lalu, Poge kagobi ira maru karubi manda bilimu. 30Yuni gahenge mabirago hondowa ni poboyogobi dolene tu kawareda manda beramili. 31Ogonidagua dege t&#237;gua mbirale uruni bigi biragola handalu kamiria Ngode Datagaliwabenaga Handame Ho Holene &#225;yu dege ibulebira manda bilimu.</div><div class="p"> 32Ogoninaga t&#237; manda biaabo halimulo wali agali &#225;yu kamiru nahome ogobi dege dege kamiore mbirale uruni bibahende bulebirago laro. 33Hari daligabi dindibi ereba hai holebira. I&#817;naga bi mana dege ereba nahe wiaabo holebira, lene.#Iba 102.26-27; Ais 40.8; Lg 16.17; 1 Pi 1.25</div><div class="s">Mamage howa de hondo holene nga, lenego ogo</div><div class="p"> 34-35Mamage howa de hondo holene nga. Tomo timbuni dawa naabo halubi iba na gimbu biaabo halubi dindini mbirale ngaru mo te te hangu bialubi nahalimu. Ani bialu harimiyagua Horo ogoni tagira ibirangi gono ngagoha poragola dagadagua ti abale doligo. Horo ogoni wali agali dindi bibahendeha kagoria tagira ibulebira.#Md 24.48-50; Mg 4.19; Lg 17.27; Lm 13.13; 1 Te 5.3; 5.6; 1 Pi 4.7#1 Te 5.2; 2 Pi 3.10; Mo 3.3; 16.15 36Urunidagua biragola horo bibahendengi t&#237;gua bayuwa hongo ho holebi Agali Hole Ibiyago deni holebi mamage howa Ngode Datagaliwabehondo bi laabo halu holene nga, lene.#Md 24.42; Mg 13.33; Lg 18.1; Eb 6.13; Mo 6.17</div><div class="p"> 37Horo uruni bibahendeni Yasu ibu Anduane Homogonaga andaha mana lawai halu biraabo howa alendo haya handala Hari Olibe weagoria puwa mbiraga ogoniha palima piaga hene.#Lg 19.47 38Wali agali bibahende hearume horo bibahendengi egerebagiore Yasuhanda bi mana lawai hayago hale hole Anduane Homogonaga andaha ibaabo haga hene.</div>
 </div>
 </div>
</div>

Huli Bible © Bible Society of Papua New Guinea, 2002.

Yasuhanda handa a̱i̱ na̱i̱ bigi bialu hearia agali homogo hearume Anduane Homogonaga andaha muni wiagani muni wialu hearia hendene. Ani buwa wali dalo mbirame muni emeneore kuni kira toea mbira ale ibira halu hearia ibu de handa dege bini. Ani hondowa ibugua lalu, I̱na tí langerogo marume muni wiyaru emene lowa wali dalo yagibano ogome muni dewaore wiya. Marume homogoore howa maru tale buwa wiya. Wali dalo yagibano ogome mbira nayiore biruwa ibu tomo yolo bule yinigo bibahendeore wiai haya, lene.


Yasunaga talima piaga marume Anduane Homogonaga anda handaya howa lalu, Anda baya buruguleore ege to̱le̱ timbuni hongoheme bidagoda. Mo yári bia karubi Ngode Datagaliwabehondo turu halu bame minida, lene. Ani layagola Yasuhanda lalu, Mbirale uru tígua hendedamigo ege to̱le̱ wia gimbu gimbu bima iraga karuni horo mbira ibulebirago ibirangi homane mbiraore winidagoria ngeladai nabi bibahendeore gialo ibira ibira biai holebira, lene.


Ibunaga talima piaga biarume lalu, Lawai haga-o ogoni angi bulebiragonaga ina langibe. Iname ala agi birane hondowa henge karulolene horo ha para hayada lolomabe, lene.
Yasuhanda ladai bialu lalu, Marume tí mo hondo holigo mamage holene nga. Agali dewaoreme i̱naga mini lalu, Mbirali Dabo Helenego ibulebira lowinigo i̱ íbu kogoni, lalubi, Horo ha para haya, lalubi ibulebira. O laragoni hale nahalimu. Wai timbuni tara tara bira, laragolabi, Dindi mbiraoreni talebu ki buwa mo ko hara, laragolabi hale howa gi nahalimu. Mbirale uruni ala ani bia bulebirago ani laragome horo hamaro bulene kawareore nga lalu ndo larago gi nahalimu, lene.
Ibugua laabo halu lalu, Dindi mende mendela wai bia a̱i̱ na̱i̱ bialu gabumane tara tarala wai bia a̱i̱ na̱i̱ bialu holebira. Dumbirumbi emene ndoore mo ko howa bialubi hina gari timbuniore pialubi warago timbuni ba gimbu bialubi dindi bibahendeha bulebira. Nahendene alebi mo gi timbuni holene tara tarabi hariha howa ibulebira. Uruni nabi howa marume tí minalu mo tandaga holebira. Ani buwa godi lole ngoai hagane andaruha minu yu puwa garabaya andaha helolebira. Ani buwa i̱naga mini yu tiga bu kamigo kini karubi gabumane haru haga karubi karia tí haru pu helolebira. Ogoningi Bi Mana Debene lamilimulonaga henge wulebira. Minu yalu poragola miniha mbira agi ladai buledabe lolenaga ala mini dege dindi ho nahalimu. Irane i̱na tínaga ne hambuha howa bi lolenebi miniha manda bulenebi ngerogola tí waitigi karume bi ogoni mo wahabi hale nahabi nabulebira. Tínaga aba ai̱yalamebi hamenemebi damenemebi nenegemebi agali maruhondo tí minu mialu tí maru homelo bolebira. Tígua i̱naga mini yu tiga bu kamigo hondowa wali agali bibahendeme tí handa tara holebira. Anigo tínaga haguaneni mandari kamigo homane mbiraoreorebi tongolo wa naholebira. Tí hongo howa ema nabi ho ununu lowa tíni pele mialu holeberami, lene.


Tígua handalu kamira ami agali dewaoreme Yarusaleme ho mabu bu karia hondowa mo ko holene kaware wiarua manda bilimu. Ani buwa Yudiani karume hari hombene ngaruha hondo yalu gerai polene wulebira. Yarusaleme ogoriani padarume ibida piai holene wulebira. Ani buwa dindi udura amura ale padarume Yarusaleme ogoniha anda ibulene nawulebira. Ogonigo horo uruni Pani Nolene Hororu wiragola Anduane Homogonaga mbugani bi lo ngadagua lola holebira. Horo uruningi wali gali bere bedarubi gali andu mialu bedarubi dara timbuniore holene nga. Ani buwa dindi ogoria mo ko holene timbuniore ibira halu Ngode Datagaliwabehanda wali agali uruni pani nelo wia holebira. Ani buwa wali agali maru wai bulene ayu tibume bo wahai halu wali agali maru garabaya wali agali haru poradagua bialu dindi tara tararu kaundiaoreha haru polebira. Ani buwa Ngode Datagaliwabe manda nabi hope hene karume Yarusaleme karulo halu Ngode Datagaliwabehanda horo hairi holene pongo bo winingi hairi helo helolebira, lene.


Ani lowa Yasuhanda laabo halu lalu, Ninibi egenibi yapibiyanibi manane tara nahendene ale bulebira. Ani biragola dindini howa iba solowara timbuniore bedagome ta̱la̱ amu nana bima u lama ibiragola wali agali bibahende dindi tara tarani karume mogo taraore lowa gi timbuni holebira. Hari daligaha hongo haga karu tarame mo ema bia haragola wali agalime hondowa dindi bibahendeha agua bulubadabe lowa gi halu mogo timbuniore lowa odo pebe bulebira. Ani biragola Agali Hole Ibiyago hongo timbuniore holenebi wá taraore holenebi heba hari beralibaha ha pani halu ibulebira. Mbirale uruni tongo hinalu biragola tígua heyalu handa daga ho halimu. Irane tínaga pele mulene abale ha para haragoni, lene.


Ani lowa Yasuhanda bi yobage ogo tihondo lamialu lalu, Poge kagobi ira maru karubi manda bilimu. Yuni gahenge mabirago hondowa ni poboyogobi dolene tu kawareda manda beramili. Ogonidagua dege tígua mbirale uruni bigi biragola handalu kamiria Ngode Datagaliwabenaga Handame Ho Holene áyu dege ibulebira manda bilimu.
Ogoninaga tí manda biaabo halimulo wali agali áyu kamiru nahome ogobi dege dege kamiore mbirale uruni bibahende bulebirago laro. Hari daligabi dindibi ereba hai holebira. I̱naga bi mana dege ereba nahe wiaabo holebira, lene.

Mamage howa de hondo holene nga. Tomo timbuni dawa naabo halubi iba na gimbu biaabo halubi dindini mbirale ngaru mo te te hangu bialubi nahalimu. Ani bialu harimiyagua Horo ogoni tagira ibirangi gono ngagoha poragola dagadagua ti abale doligo. Horo ogoni wali agali dindi bibahendeha kagoria tagira ibulebira. Urunidagua biragola horo bibahendengi tígua bayuwa hongo ho holebi Agali Hole Ibiyago deni holebi mamage howa Ngode Datagaliwabehondo bi laabo halu holene nga, lene.
Horo uruni bibahendeni Yasu ibu Anduane Homogonaga andaha mana lawai halu biraabo howa alendo haya handala Hari Olibe weagoria puwa mbiraga ogoniha palima piaga hene. Wali agali bibahende hearume horo bibahendengi egerebagiore Yasuhanda bi mana lawai hayago hale hole Anduane Homogonaga andaha ibaabo haga hene.

Feti si Lugu 21