Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Ikyi&#7775;o lya Apfiie Ngapfu</div><div class="r">(Mak 2:1-12; Luk 5:17-26)</div><div class="p"> 1Ka&#7769;ooya ngalawenyi, kaamba&#7769;a, kashika m&#7775;inyi kowo. 2Wandu wakamwendie mndu awo&#7769;e ndo&#7775;e ya ipfa ngapfu ura lumwi, alee kyita&#7775;enyi, na Yesu kyiyeri alewona ii&#7769;ikyia lyawo, nalewia ulya awo&#7769;e ndo&#7775;e-yo, &#8220;Kuwanze lying'anyi mrimenyi, mono-ko; omhoo&#7775;io ma&#7769;eko gapfo.&#8221; 3Na numa ya iho walosha waata wa mawawaso wakagamba mrimenyi kowo, &#8220;Ichu nailahia Ruwa kyipfa naikulo&#7775;a cha ilyi oe nyi Ruwa.&#8221; 4Na Yesu, aichi makusa&#7775;o gawo, kagamba, &#8220;Ny'kyilyi mukusa&#7775;a shiwicho mrimenyi konyu? 5Kyipfa nyi kyiha kyii kyaangu, nyi igamba, &#8216;Omhoo&#7775;io ma&#7769;eko gapfo,&#8217; ang'u nyi igamba, &#8216;Amka, uyende?&#8217; 6Kyaindi mui&#7769;ime imanya kye Mono-Adamu nawo&#7769;e wuchilyi wuyanenyi wo hoo&#7775;ia ngyuunyama&#7775;i, (Nawia ulya awo&#7769;e ndo&#7775;e ya ipfa ngapfu ura lumwi,) &#8216;Amka, uku&#7769;ikye kyita&#7775;a kyapfo uyende kanyi kopfo.&#8217; &#8221; 7Kaamka, kayenda kanyi kokye. 8Kyiyeri wuingyi wo wandu wulemmbona, walewo&#7769;o nyi wuowu, wakang'anyisa Ruwa, aleenenga wandu wuchilyi wo mba&#7775;e-i.</div><div class="s">Ilago lya Matayo</div><div class="r">(Mak 2:13-17; Luk 5:27-32)</div><div class="p"> 9Na Yesu kyiyeri awei&#7769;a awuka pfo nalewona mndu a&#7769;amie handu hesania ukamba mbai ya ipalyipalyi ekyelago Matayo, kammbia, &#8220;Ngyiosha.&#8221; Kaamka kamwosha. 10Na kyiyeri ale&#7769;amia kanyi nalye kyelya, wesania ukamba wafoi na wanyama&#7775;i walecha waka&#7769;amia handu hamwi na Yesu na wanalosho wakye. 11Kyiyeri Mafarisayo walewona, walewia wanalosho wakye, &#8220;Ny'kyilyi mlosha onyu ailya handu hamwi na wesania ukamba na wanyama&#7775;i?&#8221; 12Na oe kyiyeri aleicho, nalewawia, &#8220;Walya walaluoe wekyepfula mwaanga-pfo, sile walya waluoe. 13Kyaindi yendenyi, mundekulosha kyitambuluo kya ma&#7769;e&#7769;o-ga. &#8216;Ngyikundi isa&#7775;ia, maa chi shienengo-pfo&#8217;, kyipfa ngyilecha ilaga walya wasumganyi-pfo kyaindi wanyama&#7775;i.&#8221;</div><div class="s">Mbonyi tsa Ikuretekyia</div><div class="r">(Mak 2:18-22; Luk 5:33-39)</div><div class="p"> 14Kyiyeri kyilya wanalosho wa Yohane wakayenda kokye wakagamba, &#8220;Ny'kyilyi soe na Mafarisayo lokyekuretekyia kyaindi wanalosho wapfo wekyewuta ku&#7769;o-pfo?&#8221; 15Yesu kawawia, &#8220;Wawalage wolyinyi wei&#7769;ima ku&#7769;a ikapa &#7775;anyi kyiyeri monyi wolyi akyeri handu hamwi nawo? Kyaindi kochicha mfiri monyi wolyi echiwuto kowo, nyilyo wechikuretekyia. 16Kuwo&#7769;e mndu ekyewika kyi&#7769;ami kya nguwo ngyihya nguwonyi ngyiku-pfo. Kyipfa ikyo kyihya kyewuta ho ikyo kyiku na handu halya harandukyie hekyeengye&#7775;a ing'ana. 17Na wandu wekyewika mpfinyo mhya maselelenyi maku-pfo. Na wakawika pfo, maselela-go gekyepa&#7775;ika; mpfinyo ukopusuka, na maselela gakanyama&#7775;ika. Kyaindi wekyewika mpfinyo maselelenyi mahya, shikakyia shoose.&#8221;</div><div class="s">Ikyi&#7775;o lya Mono-waka na Ikyi&#7775;o lya Mndu mka</div><div class="r">(Mak 5:21-43; Luk 8:40-56)</div><div class="p"> 18Kyiyeri aweiwawia isho, kukocha mchilyi umwi, kamwindia, echigamba, &#8220;Mono-ko o kyika napfa wulalu ku&#7769;i; kyaindi nnjo, uwikyie kuwoko kopfo wuye yakye, na oe nechiwa&#7769;a moo.&#8221; 19Yesu kaamka, kamwosha, hamwi na wanalosho wakye.</div><div class="p"> 20Na mndu mka awewo&#7769;e ndo&#7775;e yecho&#7775;a kyiyeri kya maka ikumi na iwi, kacha kyanuma kokye, kapaaya ikyechu lya ikunya lyakye. 21Kyipfa nalegamba mrimenyi kokye: Ngapaaya ikyechu lya ikunya lyakye tikyi ngyechichia. 22Yesu kagaluka kammbona, kammbia, &#8220;Kuwanze mnu mrimenyi, mono-ko; ii&#7769;ikyia lyapfo lyakukyi&#7775;a.&#8221; Mndu mka ulya kachia saa iya. 23Kyiyeri Yesu aleshika kanyi ko mchilyi ulya, nalewona wekapa mto&#7775;i&#7775;o, na wuingyi wo wandu wochikapa &#7775;anyi. 24Kawawia, &#8220;Wukyenyi iha, kyipfa manakye-chu apfiie-pfo, nalee tikyi.&#8221; Wakamsaa&#7775;a mnu. 25Kyaindi wuingyi wo wandu wommbuto ho, nalei&#7769;a na numba, kammba&#7769;a kuwoko; manakye ulya kago&#7775;oka. 26Mbonyi-tsi tsika&#7769;unganana uruka lulya loose.</div><div class="s">Ikyi&#7775;o lya Shipfupfu&#7775;e Shiwi</div><div class="p"> 27Kyiyeri Yesu awei&#7769;a iwuka pfo, shipfupfu&#7775;e shiwi shikamwosha, shikakuilenga, shechigamba, &#8220;Ulusa&#7775;ie, Mono-Dawidi.&#8221; 28Na oe kyiyeri aleshika kanyi, shipfupfu&#7775;e shilya shileyenda kokye na oe kashiwia, &#8220;Mui&#7769;ikyie kye ngyei&#7769;ima i&#7775;unda ikyi?&#8221; Shikammbia, &#8220;Yee, Mndumii.&#8221; 29Naaho-ng'u kashipaaya meso, kagamba, &#8220;Kui kyiye&#7775;o kya ii&#7769;ikyia lyanyu wonenyi.&#8221; 30Meso gasho gakatamba&#7775;uka. Na Yesu kashiwia ko pfinya, echigamba, &#8220;Ambuyenyi maa mndu alamanye.&#8221; 31Kyaindi shikafuma, shikaonguo mbonyi tsakye kulya urukyenyi koose.</div><div class="s">Ikyi&#7775;o lya Mndu ai Ndi&#7775;i</div><div class="p"> 32Nawo kyiyeri waweiyenda, wakamwendie mndu ai ndi&#7775;i awo&#7769;o nyi m&#7775;ufui mmbicho. 33Na kyiyeri m&#7775;ufui ulya mmbicho alewuto, ulya awei ndi&#7775;i nale&#7769;e&#7769;a, wuingyi wo wandu waka&#7775;iyio, wakagamba, &#8220;Kyilandewonekye kunu Isiraelyi kyiyeri kyoose-pfo.&#8221; 34Kyaindi Mafarisayo wakagamba, &#8220;Kui pfinya tsa ang'anyi o wa&#7775;ufui wawicho naiwuta wa&#7775;ufui wawicho.&#8221;</div><div class="s">Iwonia Wandu Wukyiwa</div><div class="p"> 35Na Yesu naweitenga-tenga kyii&#7769;i kya m&#7775;i yoose na shika&#7775;o, echilosha masinagoginyi gawo, ionguo Mbonyi Ngyicha tsa Wumangyi; na ichihi&#7775;a ndo&#7775;e tsoose na wufafa wo orio mba&#7775;e. 36Na kyiyeri alewona wuingyi wo wandu, nalewona wukyiwa mrimenyi kokye kyipfa wawewinie na inyanya&#7775;ika cha moondo galawo&#7769;e mlyisi. 37Naaho-ng'u kawia wanalosho wakye, &#8220;Shilyimu nyi shifoi, kyaindi wa&#7775;undi nyi waangu. 38Kyasia, terewenyi Monyi &#7769;ema na&#7769;ikye wa&#7775;undi &#7769;emenyi lyakye.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Kaṙooya ngalawenyi, kaambaṙa, kashika mṟinyi kowo. Wandu wakamwendie mndu awoṙe ndoṟe ya ipfa ngapfu ura lumwi, alee kyitaṟenyi, na Yesu kyiyeri alewona iiṙikyia lyawo, nalewia ulya awoṙe ndoṟe-yo, “Kuwanze lying'anyi mrimenyi, mono-ko; omhooṟio maṙeko gapfo.” Na numa ya iho walosha waata wa mawawaso wakagamba mrimenyi kowo, “Ichu nailahia Ruwa kyipfa naikuloṟa cha ilyi oe nyi Ruwa.” Na Yesu, aichi makusaṟo gawo, kagamba, “Ny'kyilyi mukusaṟa shiwicho mrimenyi konyu? Kyipfa nyi kyiha kyii kyaangu, nyi igamba, ‘Omhooṟio maṙeko gapfo,’ ang'u nyi igamba, ‘Amka, uyende?’ Kyaindi muiṙime imanya kye Mono-Adamu nawoṙe wuchilyi wuyanenyi wo hooṟia ngyuunyamaṟi, (Nawia ulya awoṙe ndoṟe ya ipfa ngapfu ura lumwi,) ‘Amka, ukuṙikye kyitaṟa kyapfo uyende kanyi kopfo.’ ” Kaamka, kayenda kanyi kokye. Kyiyeri wuingyi wo wandu wulemmbona, walewoṙo nyi wuowu, wakang'anyisa Ruwa, aleenenga wandu wuchilyi wo mbaṟe-i.


Na Yesu kyiyeri aweiṙa awuka pfo nalewona mndu aṙamie handu hesania ukamba mbai ya ipalyipalyi ekyelago Matayo, kammbia, “Ngyiosha.” Kaamka kamwosha. Na kyiyeri aleṙamia kanyi nalye kyelya, wesania ukamba wafoi na wanyamaṟi walecha wakaṙamia handu hamwi na Yesu na wanalosho wakye. Kyiyeri Mafarisayo walewona, walewia wanalosho wakye, “Ny'kyilyi mlosha onyu ailya handu hamwi na wesania ukamba na wanyamaṟi?” Na oe kyiyeri aleicho, nalewawia, “Walya walaluoe wekyepfula mwaanga-pfo, sile walya waluoe. Kyaindi yendenyi, mundekulosha kyitambuluo kya maṙeṙo-ga. ‘Ngyikundi isaṟia, maa chi shienengo-pfo’, kyipfa ngyilecha ilaga walya wasumganyi-pfo kyaindi wanyamaṟi.”


Kyiyeri kyilya wanalosho wa Yohane wakayenda kokye wakagamba, “Ny'kyilyi soe na Mafarisayo lokyekuretekyia kyaindi wanalosho wapfo wekyewuta kuṙo-pfo?” Yesu kawawia, “Wawalage wolyinyi weiṙima kuṙa ikapa ṟanyi kyiyeri monyi wolyi akyeri handu hamwi nawo? Kyaindi kochicha mfiri monyi wolyi echiwuto kowo, nyilyo wechikuretekyia. Kuwoṙe mndu ekyewika kyiṙami kya nguwo ngyihya nguwonyi ngyiku-pfo. Kyipfa ikyo kyihya kyewuta ho ikyo kyiku na handu halya harandukyie hekyeengyeṟa ing'ana. Na wandu wekyewika mpfinyo mhya maselelenyi maku-pfo. Na wakawika pfo, maselela-go gekyepaṟika; mpfinyo ukopusuka, na maselela gakanyamaṟika. Kyaindi wekyewika mpfinyo maselelenyi mahya, shikakyia shoose.”


Kyiyeri aweiwawia isho, kukocha mchilyi umwi, kamwindia, echigamba, “Mono-ko o kyika napfa wulalu kuṙi; kyaindi nnjo, uwikyie kuwoko kopfo wuye yakye, na oe nechiwaṙa moo.” Yesu kaamka, kamwosha, hamwi na wanalosho wakye.
Na mndu mka awewoṙe ndoṟe yechoṟa kyiyeri kya maka ikumi na iwi, kacha kyanuma kokye, kapaaya ikyechu lya ikunya lyakye. Kyipfa nalegamba mrimenyi kokye: Ngapaaya ikyechu lya ikunya lyakye tikyi ngyechichia. Yesu kagaluka kammbona, kammbia, “Kuwanze mnu mrimenyi, mono-ko; iiṙikyia lyapfo lyakukyiṟa.” Mndu mka ulya kachia saa iya. Kyiyeri Yesu aleshika kanyi ko mchilyi ulya, nalewona wekapa mtoṟiṟo, na wuingyi wo wandu wochikapa ṟanyi. Kawawia, “Wukyenyi iha, kyipfa manakye-chu apfiie-pfo, nalee tikyi.” Wakamsaaṟa mnu. Kyaindi wuingyi wo wandu wommbuto ho, naleiṙa na numba, kammbaṙa kuwoko; manakye ulya kagoṟoka. Mbonyi-tsi tsikaṙunganana uruka lulya loose.

Kyiyeri Yesu aweiṙa iwuka pfo, shipfupfuṟe shiwi shikamwosha, shikakuilenga, shechigamba, “Ulusaṟie, Mono-Dawidi.” Na oe kyiyeri aleshika kanyi, shipfupfuṟe shilya shileyenda kokye na oe kashiwia, “Muiṙikyie kye ngyeiṙima iṟunda ikyi?” Shikammbia, “Yee, Mndumii.” Naaho-ng'u kashipaaya meso, kagamba, “Kui kyiyeṟo kya iiṙikyia lyanyu wonenyi.” Meso gasho gakatambaṟuka. Na Yesu kashiwia ko pfinya, echigamba, “Ambuyenyi maa mndu alamanye.” Kyaindi shikafuma, shikaonguo mbonyi tsakye kulya urukyenyi koose.

Nawo kyiyeri waweiyenda, wakamwendie mndu ai ndiṟi awoṙo nyi mṟufui mmbicho. Na kyiyeri mṟufui ulya mmbicho alewuto, ulya awei ndiṟi naleṙeṙa, wuingyi wo wandu wakaṟiyio, wakagamba, “Kyilandewonekye kunu Isiraelyi kyiyeri kyoose-pfo.” Kyaindi Mafarisayo wakagamba, “Kui pfinya tsa ang'anyi o waṟufui wawicho naiwuta waṟufui wawicho.”

Na Yesu naweitenga-tenga kyiiṙi kya mṟi yoose na shikaṟo, echilosha masinagoginyi gawo, ionguo Mbonyi Ngyicha tsa Wumangyi; na ichihiṟa ndoṟe tsoose na wufafa wo orio mbaṟe. Na kyiyeri alewona wuingyi wo wandu, nalewona wukyiwa mrimenyi kokye kyipfa wawewinie na inyanyaṟika cha moondo galawoṙe mlyisi. Naaho-ng'u kawia wanalosho wakye, “Shilyimu nyi shifoi, kyaindi waṟundi nyi waangu. Kyasia, terewenyi Monyi ṙema naṙikye waṟundi ṙemenyi lyakye.”

Feti si Matayo 9