 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

بَنَ نِي تَغٜىٰکِ عَسَمَنْجِ عٜ لٜسْدِ عٜ کٛ وٛنِ ندٜرْ مَاجِ ڢُو تِمِّدِرِ؞ حَا ࢩَلَادٜ جٛوٜىٰطِطَوْرٜ وَطَ، اَللَّه تِمِّنِ کُوغَلْ مُوطُمْ، عٛسِوْتِ ࢩَلَادٜ جٛوٜىٰطِطَوْرٜ مَنْ؞ عٛبَرْکِطِنِ ندٜ، عٛسٜنِ ندٜ؞ نغَمْ ندٜرْ مَارٜ عٛسِوْتِ عٜ تَغُغٛ کُوجٜ ڢُو؞ کَنْجُمْ وٛنِ حَبَرُ تَغٜىٰکِ عَسَمَنْجِ عٜ لٜسْدِ؞

سَاعِ جَوْمِرَاوٛ اَللَّه تَغِ لٜسْدِ عٜ عَسَمَنْجِ، وَلَا غُوࢡٜ دٛوْ لٜسْدِ تَوٛنْ، حَاکٛوجِ غٜسٜ بٛو ݠُطَايْ، نغَمْ اَللَّه جَوْمِرَاوٛ تٛࢡْنَايْنٛ عِيٜىٰندٜ دٛوْ لٜسْدِ، سَاعِ مَاجُمْ وَلَا نٜطّٛ تَوٛنْ حَا رٜمَ ندِ؞ عَمَّا ندِيَمْ طٛنّٛ وُرْتٛ دِغَ لٜسْدِ، طٛنّٛ يَرْنَ ندِ؞ بٜى مبُلْوُلْدِ لٜسْدِ جَوْمِرَاوٛ اَللَّه تَغْرِ نٜطّٛ؞ عٛڢُوڢِ ݠٛوڢْطٜ نغٜىٰندَمْ ندٜرْ کِنٜ مَاکٛ، ندٜنْ عٛلَاتِ نٜطّٛ غٜىٰتٛ؞ اَللَّه جَوْمِرَاوٛ جُبِ جَرْنٜ حَا عَدْنِنْ، حٜىٰدِ ڢُونَانغٜ؞ عٛجٛعِّنِ نٜطّٛ مٛ عٛتَغْنٛ طُمْ حَا تٛنْ؞ ندٜنْ عٛڢُطْنِ لٜطّٜ ڢٜىٰرٜ ڢٜىٰرٜىٰجٜ بٛوطّٜ دٛوْ لٜسْدِ، بٜلْطٜ بٛو حَا ࢩَامُغٛ؞ حَا شَکَ شَکْ جَرْنٜ بٛو، عٛوَطِ لٜکِّ نغٜىٰندَمْ عٜ لٜکِّ دٛکَّنْکِ ڢَامُ عَنْدُغٛ بٛوطُّمْ عٜ کَلُّطُمْ؞
مَايٜلْ وُرْتِ دِغَ عَدْنِنْ نغَمْ يَرْنُغٛ جَرْنٜ غٛ؞ دِغَ تٛنْ نغٜلْ سٜنْدِتِ، نغٜلْ لَاتِ مَاجٜ نَيِ؞ عِنْدٜ مَايٜلْ عَرَنٜلْ، ݠِسٛنْ، کَنغٜلْ تَارِ لٜسْدِ حَوِلَ ڢُو، حَا تٛنْ کَنغّٜىٰرِ تَوٜتٜ؞ کَنغّٜىٰرِ لٜسْدِ مَاجُمْ وٛودِ سَمَنْ طُوطّٛ؞ طَشّٜرٜ عُورْندٜ طٛنْ تَوٜ تٛنْ بٛو، نٛنْ بٛو حَيْرٜ عٛنِکِسْ؞ عِنْدٜ مَايٜلْ طِطَࢡٜلْ، غِحٛنْ، کَنغٜلْ تَارِ لٜسْدِ کُسْ ڢُو؞ عِنْدٜ مَايٜلْ تَتَࢡٜلْ، حِدّٜکٜلْ، نغٜلْ طٛنْ عِلْدَ ڢُونَانغٜ عَسُّورَ؞ مَايٜلْ نَيَࢡٜلْ وٛنِ عٜڢْرَتِسْ؞
جَوْمِرَاوٛ اَللَّه حٛوعِ نٜطّٛ غٛ، جٛعِّنِ طُمْ ندٜرْ جَرْنٜ عَدْنِنْ حَا عٛرٜمَ طٜ، عٛعَيْنَ طٜ؞ جَوْمِرَاوٛ اَللَّه عُمْرِمٛ‏: «عَوَاوَنْ ࢩَامُغٛ ࢡِࢡّٜ لٜطّٜ کٛو طٜيٜ ڢُو ندٜرْ جَرْنٜ، عَمَّا تَا ࢩَامْ ࢡِࢡّٜ لٜکِّ دٛکَّنْکِ ڢَامُ عٜ عَنْدُغٛ بٛوطُّمْ عٜ کَلُّطُمْ؞ نغَمْ ࢩَلَادٜ ندٜ ࢩَامَتَ، عَمَايَنْ ڢَکَتْ؞»
ندٜنْ جَوْمِرَاوٛ اَللَّه وِعِ‏: «طُمْ وٛوطَايْ حَا نٜطّٛ وٛنَ ڢٜىٰرٜ مُمْ؞ مِوَطَنَنْ مٛ بَلّٛووٛ، ݠٛتَّنَنْطٛ مٛ؞» جَوْمِرَاوٛ اَللَّه تَغِ دَبَّاجِ لَدّٜ عٜ شٛلِّ ڢُو بٜى مبُلْوُلْدِ لٜسْدِ؞ عٛوَدِّ طِ حَا نٜطّٛ نغَمْ عٛنَنَ نٛ نٜطّٛ عِنْدِنِرْتَ طِ نغَمْ حَا کٛ مَرِ يٛنغْکِ ڢُو مَرَ عِنْدٜ ندٜ نٜطّٛ عِنْدِنِ طُمْ؞ نٜطّٛ عِنْدِ دَبَّاجِ عٜ شٛلِّ عٜ کُوجٜ لَدّٜ ڢُو؞ عَمَّا عٛحٜࢡَايْ بَلّٛووٛ، ݠٛتَّنَنْطٛ مٛ؞
ندٜنْ جَوْمِرَاوٛ اَللَّه نٜلْدِ طٛيْنغٛلْ تٜدُّنغٛلْ دٛوْ مَاکٛ؞ عٛحٛوعِ بٜشَّلْ نٜطّٛ غٛوتَلْ، عٛمَࢡِّ نٛکُّورٜ مَاجُمْ بٜى کُسٜلْ؞ بٜى بٜشَّلْ نغَعَلْ اَللَّه جَوْمِرَاوٛ وَطِ دٜبّٛ، يَحْرِمٛ حَا نٜطّٛ؞ ندٜ نٜطّٛ يِعِمٛ، عٛوِعِ‏: «جٛنْتَ کَمْ ندَا عِعَلْ دِغَ عِعٜ عَمْ عٜ کُسٜلْ دِغَ کُسٜلْ عَمْ؞ عٛ عٜوْنٜتٜىٰطٛ دٜبّٛ، نغَمْ عٛحٛوعَامَ دِغَ غٛرْکٛ؞» نغَمْ مَاجُمْ غٛرْکٛ عَشَّنْ بَابَ مُوطُمْ عٜ دَادَ مُوطُمْ، طَکّٛتِرَنْ بٜى دٜبّٛ مُوطُمْ؞ ࢡٜلَاتٛتٛ ࢡَنْدُ وٛورُ؞ غٛرْکٛ عٜ دٜبّٛ مُوطُمْ ڢُو ࢡٜ تٜمْبُࢡٜ، عَمَّا کٛو مٛيْ مَࢡّٜ سٜمْتَايْ يٜىٰسٛ تَنُمْ؞

Feti si لَاتَانٛوجِ 2