Jola Kasa - 2008 Edition (NT)

<div class="version vid1549 iso6393csk" data-vid="1549" data-iso6393="csk">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Y&#233;esu li afaken hubob</div><div class="p"> 1F&#250;lum t&#243;, kagaan kata Kusuwifaku. 2Mu&#241;e&#712;e li baj Yeelusalem hububu hatofoole li k&#225;mbiilaku kata k&#250;galalaanaku, han koone Betisata. Hubaje ucaal&#805; wata siyiil woono hutok. 3Bukan kamee&#331;e k&#225;somute li kujow kuhinto kata l&#225;ala ucaal&#805;awu unwu wata siyiilasu. Baj to bukan k&#225;fuume, utanki&#241; li kubob. [Li kulako kakob min malamu mugoloo; 4mata lakomuu lako amalaka ata Amaa&#331;enawu li awalo li hububuwahu min akaan malamu mugoloo. As&#243;mutaawu ammuu li ajand awalo li malamu mo magoloole muban fan afak, manoo min k&#225;somutaku kunokoole buu.]#5:3b-4 Hulimahu unhe hubajut li s&#237;liibal sakee li sihaanasu, maayeet saha&#331;umuu majak 5Li baj to &#225;nayine &#225;somute ajow abaj simit &#225;yii li kaat li s&#237;haaji. 6Nan Y&#233;esu ajukumuu &#225;nayinaawu mahintowaamu teetaam, ban li ahaas aan fiyowe nan &#225;somute, li agel&#805;l&#805;enool aanool:</div><div class="p">&#8212; Lufa&#241;e min ufak?</div><div class="p"> 7An&#225;yinaawu &#225;somutumuu li aanool:</div><div class="p">&#8212; Anahaan, ibajut an ammuu li awalenom li hububuwahu nan malamu mugoloolemuu. Nan emmuu ilako li iwalo l&#243;, akee li ayabom h&#225;kil.</div><div class="p"> 8Y&#233;esu li aanool:</div><div class="p">&#8212; Uyito u&#331;a&#8217; kafeekaku kooli min ujow.</div><div class="p"> 9An&#225;yinaawu li ayaan afak, min a&#331;a&#8217; kafeekaku koola min &#225;to&#331; ajow.</div><div class="p">Bale hunakahu unhu hunak hata h&#250;yiiyaayahu hata Kusuwifaku.</div><div class="p"> 10Mu&#241;e&#712;e kunahaanaku kata Kusuwifaku li kulob &#225;nayinaawu afakenimuu koonool:</div><div class="p">&#8212; S&#237;yaat h&#250;yiiyaayahu hoololaal, ban loon eluwaayi yoololaal elobumuu, ootut uteb kafeekaku kooli.</div><div class="p"> 11An&#225;yinaawu li aaniil:</div><div class="p">&#8212; Anawu afakenommuu laanonsaan: &#171;U&#331;a&#8217; kafeekaku kooli min ujow&#187;.</div><div class="p"> 12Li kugel&#805;l&#805;enool koonool:</div><div class="p">&#8212; Ayi aanimuu: &#171;U&#331;a&#8217; kafeekaku min ujow?&#187;</div><div class="p"> 13Bale &#225;nayinaawu an kufakenumuu ahaasut anawu afakenoomuu, mata Y&#233;esu lanokennoken li b&#250;sukabu balako tomuu min &#225;jim l&#243;.</div><div class="p"> 14F&#250;lum t&#243;, Y&#233;esu li atook &#225;nayinaawu an afakenumuu, li Eluufayi yata Ateemit, li aanool:</div><div class="p">&#8212; Inti mu&#241;e&#712;e lufake, jakum ulaa&#241;en uhoofoo jakum bil wah waha&#331;e m&#225;sengi ubaji.</div><div class="p"> 15An&#225;yinaawu li ajow aan kunahaanaku kata Kusuwifaku Y&#233;esu afakenoomuu. 16Mu&#241;e&#712;e kunahaanaku kata Kusuwifaku li k&#250;muyiten Y&#233;esu mata lafakenfaken an li h&#250;yiiyaayahu hooliil. 17Bale Y&#233;esu li aaniil:</div><div class="p">&#8212; Atuubawom ummu li bulok boot mu&#241;e&#712;e. Inj&#233; foof ummu li bulok.</div><div class="p"> 18Kulimaku unku kan Y&#233;esu alobumuu, li k&#250;ji kunahaanaku kata Kusuwifaku li kuha&#331; ma&#331;es min kumukool, mata inti eluwaayi yata h&#250;yiiyaayahu hooliil bale lahuusulo, bale li amit aan foof Ateemit ammuu Atuubawool, min ajokoolo ale li Ateemit.</div><div class="s">Sembaasu sata A&#241;iilawu ata Ateemit boot katiib</div><div class="p"> 19Y&#233;esu li aan kunahaanaku kata Kusuwifaku:</div><div class="p">&#8212; Li mal&#805;egenamu fan ilobuul, A&#241;iilawu ayilaat akila humumool akaan wahoowah li h&#250;nongum hoola. Wahawu wan ammuu li ajuk Atuubaawu li akaan, wo lakaanemuu. Wahawu feh wan Atuubaawu akaanemuu, wo foof A&#241;iilawu akaanemuu. 20Mata Atuubaawu lafanfa&#241; A&#241;iilawu ban li &#225;hiisool wahawu feh wan akila humumool akaanemuu. Fan &#225;hiisool foof bulok ban &#225;ami li akaan baha&#331;e maluuk umbe, ban fan jisego. 21Mata loon Atuubaawu ayitenemuu kaketumuu min alaa&#241;en akaaniil kulo&#331;, mo foof A&#241;iilawu ammuu li asen bulo&#331; bukanabuku kan afa&#241;umuu min asen bo. 22Atuubaawu let atiib an, bale lasensen A&#241;iilawu sembaasu feh sata min atiib, 23mantee bukanabuku feh li kuluuken A&#241;iilawu loon kuluukenumuu Atuubaawu. An aluukenutumuu A&#241;iilawu, aluukenut foof Atuubaawu &#225;bo&#241;uloomuu.</div><div class="p"> 24&#171;Li mal&#805;egenamu fan ilobuul: an ajantenumuu kulimaku k&#250;mbaam, ban li &#225;yinen li anawu &#225;bo&#241;ulommuu, li abaj bulo&#331; b&#225;baneliit. Let abil atiibi, bale layaane &#225;fulumul li eketayi boot li bulo&#331;abu. 25Li mal&#805;egenamu fan ilobuul: ta&#331;ayi inyu li ebil, ban eyaane &#233;lii&#331;ul eban, nan kaketumuu kommuu li kujam hulimahu hata A&#241;iilawu ata Ateemit, ban kammuu li kujam ho fan kulo&#331;. 26Mata, loon Atuubaawu aakumuu bulo&#331;abu li akila humumool, mo foof lakaanumuu A&#241;iilawu min &#225;aki bulo&#331;abu li akila humumool. 27Ban li asen A&#241;iilawu kayile min atiib, mata akila ammuu A&#241;ool-An. 28Jakum jisego, mata ta&#331;ayi inyu li ebil nan bukanabuku feh kaketumuu min kuhoki, kommuu li kujam hulimahu hoola, 29ban fan k&#250;fulul li kuyaakaku kooliil. Bukanabuku kakaanumuu majake fan kuyitowul min kubaj bulo&#331;, bale bukanabuku kakaanumuu majakut fan kuyitowul min kubaj katek.&#187;</div><div class="s">B&#250;hiisenumabu bata sembaasu sata Y&#233;esu</div><div class="p"> 30Y&#233;esu li afamen aan:</div><div class="p">&#8212; Inj&#233; humumom iyilaat ikaan wahoowah li sembewom. Fan itiib nab li wahawu wan &#237;jamummuu li Atuubaawu, ban batiibelabu b&#250;mbaam bucoccol mata i&#331;esut kakaan loon ifa&#241;umuu, bale loon &#225;bo&#241;ulommuu afa&#241;umuu.</div><div class="p"> 31&#171;Nokoomuu loon &#237;nje ilobe iya l&#237; &#237;nje humumom, wahawu wan ilobumuu let ulako mal&#805;egen. 32Bale akee alobe m&#250;mbaam, ban lihaase een wahawu wan alobumuu aya l&#237; &#237;nje mal&#805;egen. 33Jibombo&#241; bukan boot bata Sa&#331;, li alob mal&#805;egen aya l&#237; &#237;nje. 34Bale &#237;nje jokutom min an alob majake aya l&#237; &#237;nje, bale lilollob mo mantee li jifak. 35Sa&#331; lanokoonokoo loon ehiitum yayabeni min ewu&#331;en, ban bukuluul li jifa&#241; min jilako li &#233;suumansuum jatit li mawu&#331;aamu mata yo. 36Bale &#237;nje libaje wah walobe m&#250;mbaam waha&#331;e wan Sa&#331; alobumuu aya l&#237; &#237;nje: wo wommuu bulokabu ban Atuubaawu asenommuu kakaan. Li mal&#805;egenamu, bulokabu umbu ban ikaanemuu b&#250;hihhiis kaanaku Atuubaawu &#225;bo&#241;ulom. 37Ban Atuubaawu humumool &#225;bo&#241;ulommuu lalollob foof m&#250;mbaam. Bukuluul jijamulelut hulimahu hoola, ban jijukulelut kambuwaku koola. 38Kulimaku koola kulet li uyinumuul, mata j&#237;yinenut li anawu an &#225;bo&#241;ulumuu. 39Bukuluul fan jinaak j&#237;gituloo Bakiicelabu min jiliiken bo jak, mata jiyinooyinoo li joon fan j&#237;bajum li bo bulo&#331;abu b&#225;baneliitumuu. Ban Bakiicelabu umbu humum bo, m&#250;mbaam bulobe! 40Bale jifa&#241;ut min jibil b&#250;mbaam mantee li jibaj bulo&#331;abu b&#225;baneliitumuu.</div><div class="p"> 41&#171;I&#331;esut kasal kabilumulo li bukanabuku. 42Bale lihaasuul. Lihaase een jifa&#241;ut Ateemit li uyinumuul. 43Inj&#233; li kajawaku kata Atuubawom libilumulo, li jihoy bayabom. Bale akee abilummuu li kajawaku koola humum ko, fan jiyabool. 44Kama buu emmuu nokoo li jiyili j&#237;yinen, bukuluul jan emmuu b&#250;saloo bale jifa&#241;e, ban let ji&#331;es kasal kabilumulo li Ateemit balewool? 45Bale jakum ban li jiyinoo li joon, &#237;nje emmuu li ibil ilob h&#225;kil Atuubaawu een bukuluul kuhoofoola. Bale M&#243;yiis an j&#237;kangummuu li okila, akila ammuu li abil aan h&#225;kil Atuubaawu bukuluul kuhoofoola. 46Li mal&#805;egenamu, j&#237;yineneenumuu li M&#243;yiis, fan j&#237;yineneen foof l&#237; &#237;nje, mata M&#243;yiis m&#250;mbaam lakiicumuu li s&#237;liibalasu soola. 47Bale emmuu j&#237;yinenut li wahawu wan akiicumuu, buu emmuu nokoo li j&#237;yinen li kulimaku k&#250;mbaam?&#187;</div>
 </div>
 </div>
</div>

Fúlum tó, kagaan kata Kusuwifaku. Muñeˈe li baj Yeelusalem hububu hatofoole li kámbiilaku kata kúgalalaanaku, han koone Betisata. Hubaje ucaal̥ wata siyiil woono hutok. Bukan kameeŋe kásomute li kujow kuhinto kata láala ucaal̥awu unwu wata siyiilasu. Baj to bukan káfuume, utankiñ li kubob. [Li kulako kakob min malamu mugoloo; mata lakomuu lako amalaka ata Amaaŋenawu li awalo li hububuwahu min akaan malamu mugoloo. Asómutaawu ammuu li ajand awalo li malamu mo magoloole muban fan afak, manoo min kásomutaku kunokoole buu.] Li baj to ánayine ásomute ajow abaj simit áyii li kaat li síhaaji. Nan Yéesu ajukumuu ánayinaawu mahintowaamu teetaam, ban li ahaas aan fiyowe nan ásomute, li agel̥l̥enool aanool:
— Lufañe min ufak?
Anáyinaawu ásomutumuu li aanool:
— Anahaan, ibajut an ammuu li awalenom li hububuwahu nan malamu mugoloolemuu. Nan emmuu ilako li iwalo ló, akee li ayabom hákil.
Yéesu li aanool:
— Uyito uŋa’ kafeekaku kooli min ujow.
Anáyinaawu li ayaan afak, min aŋa’ kafeekaku koola min átoŋ ajow.
Bale hunakahu unhu hunak hata húyiiyaayahu hata Kusuwifaku.
Muñeˈe kunahaanaku kata Kusuwifaku li kulob ánayinaawu afakenimuu koonool:
— Síyaat húyiiyaayahu hoololaal, ban loon eluwaayi yoololaal elobumuu, ootut uteb kafeekaku kooli.
Anáyinaawu li aaniil:
— Anawu afakenommuu laanonsaan: «Uŋa’ kafeekaku kooli min ujow».
Li kugel̥l̥enool koonool:
— Ayi aanimuu: «Uŋa’ kafeekaku min ujow?»
Bale ánayinaawu an kufakenumuu ahaasut anawu afakenoomuu, mata Yéesu lanokennoken li búsukabu balako tomuu min ájim ló.
Fúlum tó, Yéesu li atook ánayinaawu an afakenumuu, li Eluufayi yata Ateemit, li aanool:
— Inti muñeˈe lufake, jakum ulaañen uhoofoo jakum bil wah wahaŋe másengi ubaji.
Anáyinaawu li ajow aan kunahaanaku kata Kusuwifaku Yéesu afakenoomuu. Muñeˈe kunahaanaku kata Kusuwifaku li kúmuyiten Yéesu mata lafakenfaken an li húyiiyaayahu hooliil. Bale Yéesu li aaniil:
— Atuubawom ummu li bulok boot muñeˈe. Injé foof ummu li bulok.
Kulimaku unku kan Yéesu alobumuu, li kúji kunahaanaku kata Kusuwifaku li kuhaŋ maŋes min kumukool, mata inti eluwaayi yata húyiiyaayahu hooliil bale lahuusulo, bale li amit aan foof Ateemit ammuu Atuubawool, min ajokoolo ale li Ateemit.

Yéesu li aan kunahaanaku kata Kusuwifaku:
— Li mal̥egenamu fan ilobuul, Añiilawu ayilaat akila humumool akaan wahoowah li húnongum hoola. Wahawu wan ammuu li ajuk Atuubaawu li akaan, wo lakaanemuu. Wahawu feh wan Atuubaawu akaanemuu, wo foof Añiilawu akaanemuu. Mata Atuubaawu lafanfañ Añiilawu ban li áhiisool wahawu feh wan akila humumool akaanemuu. Fan áhiisool foof bulok ban áami li akaan bahaŋe maluuk umbe, ban fan jisego. Mata loon Atuubaawu ayitenemuu kaketumuu min alaañen akaaniil kuloŋ, mo foof Añiilawu ammuu li asen buloŋ bukanabuku kan afañumuu min asen bo. Atuubaawu let atiib an, bale lasensen Añiilawu sembaasu feh sata min atiib, mantee bukanabuku feh li kuluuken Añiilawu loon kuluukenumuu Atuubaawu. An aluukenutumuu Añiilawu, aluukenut foof Atuubaawu áboñuloomuu.
«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu. Li mal̥egenamu fan ilobuul: taŋayi inyu li ebil, ban eyaane éliiŋul eban, nan kaketumuu kommuu li kujam hulimahu hata Añiilawu ata Ateemit, ban kammuu li kujam ho fan kuloŋ. Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool. Ban li asen Añiilawu kayile min atiib, mata akila ammuu Añool-An. Jakum jisego, mata taŋayi inyu li ebil nan bukanabuku feh kaketumuu min kuhoki, kommuu li kujam hulimahu hoola, ban fan kúfulul li kuyaakaku kooliil. Bukanabuku kakaanumuu majake fan kuyitowul min kubaj buloŋ, bale bukanabuku kakaanumuu majakut fan kuyitowul min kubaj katek.»

Yéesu li afamen aan:
— Injé humumom iyilaat ikaan wahoowah li sembewom. Fan itiib nab li wahawu wan íjamummuu li Atuubaawu, ban batiibelabu búmbaam bucoccol mata iŋesut kakaan loon ifañumuu, bale loon áboñulommuu afañumuu.
«Nokoomuu loon ínje ilobe iya lí ínje humumom, wahawu wan ilobumuu let ulako mal̥egen. Bale akee alobe múmbaam, ban lihaase een wahawu wan alobumuu aya lí ínje mal̥egen. Jibomboñ bukan boot bata Saŋ, li alob mal̥egen aya lí ínje. Bale ínje jokutom min an alob majake aya lí ínje, bale lilollob mo mantee li jifak. Saŋ lanokoonokoo loon ehiitum yayabeni min ewuŋen, ban bukuluul li jifañ min jilako li ésuumansuum jatit li mawuŋaamu mata yo. Bale ínje libaje wah walobe múmbaam wahaŋe wan Saŋ alobumuu aya lí ínje: wo wommuu bulokabu ban Atuubaawu asenommuu kakaan. Li mal̥egenamu, bulokabu umbu ban ikaanemuu búhihhiis kaanaku Atuubaawu áboñulom. Ban Atuubaawu humumool áboñulommuu lalollob foof múmbaam. Bukuluul jijamulelut hulimahu hoola, ban jijukulelut kambuwaku koola. Kulimaku koola kulet li uyinumuul, mata jíyinenut li anawu an áboñulumuu. Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe! Bale jifañut min jibil búmbaam mantee li jibaj buloŋabu bábaneliitumuu.
«Iŋesut kasal kabilumulo li bukanabuku. Bale lihaasuul. Lihaase een jifañut Ateemit li uyinumuul. Injé li kajawaku kata Atuubawom libilumulo, li jihoy bayabom. Bale akee abilummuu li kajawaku koola humum ko, fan jiyabool. Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool? Bale jakum ban li jiyinoo li joon, ínje emmuu li ibil ilob hákil Atuubaawu een bukuluul kuhoofoola. Bale Móyiis an jíkangummuu li okila, akila ammuu li abil aan hákil Atuubaawu bukuluul kuhoofoola. Li mal̥egenamu, jíyineneenumuu li Móyiis, fan jíyineneen foof lí ínje, mata Móyiis múmbaam lakiicumuu li síliibalasu soola. Bale emmuu jíyinenut li wahawu wan akiicumuu, buu emmuu nokoo li jíyinen li kulimaku kúmbaam?»

Feti si Saŋ 5