<div class="version vid1425 iso6393rmy" data-vid="1425" data-iso6393="rmy">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Na de pe kris le kavren</div><div class="p"> 1Na de pe kris, eta te na aves dino pe kris. 2Ke von dena tumen pe kris krisasa sar tume dena kris, ai mezurina tumen sar tume mezurin. 3Sostar dikhes tu o sulum kai si ande e jakh tjire phraleski, ai &#269;i dikhes tu e beli kai si ande tjiri jakh? 4Vai sar tromas tu te phenes tjire phraleske: Muk ma te lav jekh sulum anda tjiri jakh, tu kai si tu jekh beli ande tjiri? 5Athaitori, le mai angluno e beli anda tjiri jakh, ai atun&#269;i tu dikhesa sar te les o sulum anda e jakh tjire phraleski.</div><div class="p"> 6Na den le dieli svintsi ka le &#382;iukel daratar ke ambolden pe ai &#353;inen tumen, ai na &#353;iuden tumare perli angla le bale, daratar ke in&#269;aren le tela le pun&#345;e.</div><div class="s">Mang, rode ai malav ka o vudar</div><div class="p"> 7Mangen, ai dena tumen; roden, ai tume arakhena; malaven, ai putrena tumenge. 8Ke kon mangel lel, kon rodel arakhel, ai putren kudaleske kai malavel. 9Savo anda tumende dela jekh ba&#345; ka pesko &#353;iav, te mangela lestar man&#345;o? 10Vai, te mangela jekh ma&#353;io, dela les vo jekh sap? 11T'avela kadia, nasul sar tume san, tume &#382;ianen te den la&#353;e dieli ka tumare &#353;iave, sar mai but zurales tumaro Dad kai si ande o &#269;eri dela vo mai la&#353;e dieli kudalenge kai mangen lestar.</div><div class="p"> 12Sa so tume kamen ke le manu&#353; keren tumenge, keren sa kadia lenge, ke kudia si o zakono ai le profeturi.</div><div class="s">O vudar tang</div><div class="p"> 13Den andre katar o vudar tang. Ke buvlo si o vudar, bari si e vurma kai ningerel ka o xasarimos, ai but den andre kothar. 14Numa tang si o vudar, kjidini si e vurma kai ningerel ka o traio, ai tsi&#345;a si kai arakhen la.</div><div class="s">O kopa&#269;i ai le fruti</div><div class="p"> 15Arakhen tume katar le fal&#353;i profeturi. Von aven tumende ande le tsalia le bakrenge, numa andral si ruva bokhale. 16Tume prin&#382;iarena le ka lenge fruti. Kjidena tume struguro vai figi pe le kan&#345;e? 17Sako la&#353;io kopa&#269;i del la&#353;e fruti, numa e &#269;o&#345;o kopa&#269;i del &#269;o&#345;e fruti. 18Jekh la&#353;io kopa&#269;i na&#353;til te ninkerel &#269;o&#345;e fruti, &#269;i jekh &#269;o&#345;o kopa&#269;i te ninkerel la&#353;e fruti. 19Sako kopa&#269;i kai &#269;i ninkerel la&#353;e fruti si &#353;indi ai &#353;iudini ande e jag. 20Si kadia ke ka lenge fruti ke tume prin&#382;iarena le.</div><div class="s">Phen ai ker</div><div class="p"> 21Kudala kai phenen mange: Baria, Baria! &#269;i dena andre ande e amperetsia le &#269;ereski, numa kudo ferdi kai kerel so mangel mu&#345;o Dad kai si ande o &#269;eri. 22But phenena mange ande kudo dies: Baria, Baria, phendiam e Devleski vorba. Gonisardiam ame le demonon pa tjiro anav ai kerdiam ame but &#269;udeni pa tjiro anav. 23Atun&#269;i me phenava lenge vorta: Me &#353;oha &#269;i prin&#382;iardem tumen, &#382;iantar mandar, tume kai &#269;i keren sar trubul.</div><div class="s">Dui khera</div><div class="p"> 24Sa anda kudia, kon-godi a&#353;unel kadala vorbi ai lel le opre, avela sar jekh manu&#353; godiaver kai vazdias pesko kher pe jekh stanka. 25O bri&#353;in pelo, le paia avile, le balvalia avile ai phurde pe kudo kher; vo &#269;i pelo tele, ke vo sas thodino pe e stanka. 26Numa kon-godi a&#353;unel kadala vorbi kai me phenav, ai &#269;i lel le opre, avela sar jekh manu&#353; dilo kai vazdias pesko kher pe e ki&#353;ai. 27O bri&#353;in pelo, le paia avile, le balvalia phurde ai perade kudo kher; vo pelo tele, ai lesko pha&#345;aimos si baro.</div><div class="s">O barimos le Jesusosko</div><div class="p"> 28Kana o Jesus getosardias pesko divano, o narodo sas lenge &#353;odo so vo phenel: 29Ke vo sikiarelas sar ke si les putiaria, ai na sar le zakonaria.</div>
 </div>
 </div>
</div>

Na de pe kris, eta te na aves dino pe kris. Ke von dena tumen pe kris krisasa sar tume dena kris, ai mezurina tumen sar tume mezurin. Sostar dikhes tu o sulum kai si ande e jakh tjire phraleski, ai či dikhes tu e beli kai si ande tjiri jakh? Vai sar tromas tu te phenes tjire phraleske: Muk ma te lav jekh sulum anda tjiri jakh, tu kai si tu jekh beli ande tjiri? Athaitori, le mai angluno e beli anda tjiri jakh, ai atunči tu dikhesa sar te les o sulum anda e jakh tjire phraleski.
Na den le dieli svintsi ka le žiukel daratar ke ambolden pe ai šinen tumen, ai na šiuden tumare perli angla le bale, daratar ke inčaren le tela le punře.

Mangen, ai dena tumen; roden, ai tume arakhena; malaven, ai putrena tumenge. Ke kon mangel lel, kon rodel arakhel, ai putren kudaleske kai malavel. Savo anda tumende dela jekh bař ka pesko šiav, te mangela lestar manřo? Vai, te mangela jekh mašio, dela les vo jekh sap? T'avela kadia, nasul sar tume san, tume žianen te den laše dieli ka tumare šiave, sar mai but zurales tumaro Dad kai si ande o čeri dela vo mai laše dieli kudalenge kai mangen lestar.
Sa so tume kamen ke le manuš keren tumenge, keren sa kadia lenge, ke kudia si o zakono ai le profeturi.

Den andre katar o vudar tang. Ke buvlo si o vudar, bari si e vurma kai ningerel ka o xasarimos, ai but den andre kothar. Numa tang si o vudar, kjidini si e vurma kai ningerel ka o traio, ai tsiřa si kai arakhen la.

Arakhen tume katar le falši profeturi. Von aven tumende ande le tsalia le bakrenge, numa andral si ruva bokhale. Tume prinžiarena le ka lenge fruti. Kjidena tume struguro vai figi pe le kanře? Sako lašio kopači del laše fruti, numa e čořo kopači del čoře fruti. Jekh lašio kopači naštil te ninkerel čoře fruti, či jekh čořo kopači te ninkerel laše fruti. Sako kopači kai či ninkerel laše fruti si šindi ai šiudini ande e jag. Si kadia ke ka lenge fruti ke tume prinžiarena le.

Kudala kai phenen mange: Baria, Baria! či dena andre ande e amperetsia le čereski, numa kudo ferdi kai kerel so mangel muřo Dad kai si ande o čeri. But phenena mange ande kudo dies: Baria, Baria, phendiam e Devleski vorba. Gonisardiam ame le demonon pa tjiro anav ai kerdiam ame but čudeni pa tjiro anav. Atunči me phenava lenge vorta: Me šoha či prinžiardem tumen, žiantar mandar, tume kai či keren sar trubul.

Sa anda kudia, kon-godi ašunel kadala vorbi ai lel le opre, avela sar jekh manuš godiaver kai vazdias pesko kher pe jekh stanka. O brišin pelo, le paia avile, le balvalia avile ai phurde pe kudo kher; vo či pelo tele, ke vo sas thodino pe e stanka. Numa kon-godi ašunel kadala vorbi kai me phenav, ai či lel le opre, avela sar jekh manuš dilo kai vazdias pesko kher pe e kišai. O brišin pelo, le paia avile, le balvalia phurde ai perade kudo kher; vo pelo tele, ai lesko phařaimos si baro.

Kana o Jesus getosardias pesko divano, o narodo sas lenge šodo so vo phenel: Ke vo sikiarelas sar ke si les putiaria, ai na sar le zakonaria.

Feti si Matei 7