Marko 1
1
Johane Mubapatizi
(Matayo 3:1-12; Luka 3:1-18; Johane 1:6-8,19-34)
1Matalikilo aa-Makani Mabotu aa-Jesu Kristo Mwana a-Leza. 2#Mal 3:1; Mt 11:10; Joh 3:28#Mt 3:1-12; Lk 3:1-18; Joh 1:19-30Mbubonya mbukulembedwe kumusinsimi Isaya kuti,
Bona, ndatuma mutumwa wangu kunembo lyako,
Nguuyookululamikila inzila yako.
3 #
Is 40:3
Ijwi lyasikuompolola munkanda,
Amubambe mugwagwa wa-Jehova,
Amucincimike inzila zyakwe.
4Kwakapompa Johane, wakali kubapatizya munkanda, akukambauka lubapatizyo lwakweempwa ulwakuti zilekelelwe zibi. 5Nkabela kwakalundumuka nkwaakabede cisi coonse ca-Judaya, abalo boonse bamu-Jerusalemu, bakali kubapatizigwa nguwe mumulonga wa-Jordano akulyaamba zibi zyabo. 6#2 Bam 1:8; Zek 13:4Oyo Johane wakali kusama boya bwankamele, akulitinga lutambo lwacikanda mucibunu cakwe, alimwi wakali kulya cikwikwi abuci bwamusokwe. 7#Inc 13:25Nkabela wakakambauka kuti, Kunsi lyangu uciza oyo uundiinda inguzu ngwenteelede kukotamina akwaangununa indyasyo zyakwe. 8Mebo ndamubapatizya amaanzi, walo uzoomubapatizya a-Muuya Uusalala.
Jesu mbwaakabapatizigwa akusunkwa
(Matayo 3:13–4:11; Luka 3:21,22; 4:1-13; Johane 1:32-34)
9 #
Lk 2:51
#
Mt 3:13-17; Lk 3:21-22; Joh 1:31-34 Lino kuciindi eco kwakasika Jesu kuzwa ku-Nazaleta mucisi ca-Galilaya, akubapatizigwa kuli-Johane mu-Jordano. 10Ndilyonya naakazwa mumaanzi wakabona ijulu lyaba bukwazi, a-Muuya wamuselukila mbuli inziba. 11#Matl 22:2; Int 2:7; Is 42:1; Mt 3:17; 12:18; Mk 9:7; Lk 3:22Lino kwakasika ijwi kuzwa kujulu, lyakati, Nduwe mwanaangu uuyandwa, ndakondwa loko kulinduwe.
12 #
Mt 4:1-11; Lk 4:1-13 Ndilyonya Muuya wakamuyumbila kunkanda. 13#Int 91:13; Joh 1:51Nkabela wakali munkanda mazuba aali makumi one, kusunkwa kwa-Saatani, kali antoomwe abanyama, Nkabela baangelo bakali kumukutaukila.
Jesu mbwaakakanka kukambauka. Basikwiiya bataanzi
(Matayo 4:12-25; Luka 4:14–5:11)
14 #
Mt 4:12-17; Lk 4:14,15 Lino Johane naakamana kwaabwa, Jesu wakasika mucisi caku-Galilaya, wakali kuya bukambauko Makani Mabotu aa-Leza, 15#Mt 3:2; Gal 4:4akwaamba kuti, Casika ciindi, Bwami bwa-Leza buliswenede afwaafwi. Amweempwe, muzuminine Makani Mabotu.
16 #
Mt 4:18-22; Lk 5:1-11 Nkabela naakali kuya bweenda kumbali alwizi lwa-Galilaya, wakabona Simoni a-Andreya munyina Simoni, bakali mukuwaala lusabwe mumaanzi, nkaambo kabali bazubi. 17#Mt 13:47Elyo Jesu wakabaambila kuti, Amuboole, mundicilile, nkamucitye basikuzuba bantu. 18Ndilyonya bakasia insabwe zyabo, bamucilila. 19Nkabela naakasika kunembo kaniini, wakajana Jakobo, mwanaakwe Zebedayo, a-Johane munyina, abalo bakali mubwaato, bakali mukusuma insabwe zyabo. 20Mpoonya wakabaita, abalo bakasia wisi, Zebedayo, mubwaato antoomwe abasimilimo bakwe, bamucilila.
Jesu mbwaakaiisya mu-Kapenaumu
(Luka 4:31-37)
21 #
Lk 4:31-37
#
Mt 4:13
Lino bakanjila mu-Kapenaumu, Mpawo kubuzuba bwa-Sabata wakanjila mucikombelo, wakatalika kwiisya. 22#Mt 7:28,29Nkabela bakakankamana kukwiisya kwakwe, ikuti wakali kubaiisya mbuli sibwami, takakali mbuli balembi pe. 23Mpoonya mucikombelo mwakali muntu uunjilidwe daimona uusofweede, wakoonzomoka kuti, 24#Mk 5:7; Int 16:10Ino makaninzi ngutujisi ayebo, Jesu omuna-Nazareta P Sa weza kuzootumanizya? Ndikuzi mbobede, nduwe Musalali wa-Leza. 25Lino Jesu wakamutapatila, wati, Umuna, uzwe mumuntu oyu. 26#Mk 9:26Mpoonya awo daimona wakamuzulunganya, woonzomoka ajwi ipati, wazwa. 27Lino bakagamba boonse, babuzyanya bati, Ino ncinzi eci? Oku kwiisya kupya, nkwabwami! Ulalailila abadaimona, abalo balamvwa. 28Mpoonya wakainka impuwo moonse mucisi caGalilaya cizingulukide.
Mbwaakaponya banyinazyala Petro abamwi
(Matayo 8:14-17; Luka 4:38-41)
29 #
Mt 8:14-16; Lk 4:38-41 Mpoonya awo nibakazwa mucikombelo, bakanjila muŋanda yabaSimoni a-Andreya, antoomwe a-Jakobo a-Johane. 30Nkabela banyinazyala Simoni bakalilede, balaciswa intuntumanzi, mpoonya bamwaambila mbabo. 31Lino wakaswena, wabajata ijanza, wababusya, elyo intuntumanzi yakabaleka, bakatalika kubakutaukila.
32Lino mangolezya, lube buyo luubeube, bakamuletela boonse baciswa, abalo basidaimona, 33nkabela munzi woonse wakayobolokela kumulyango. 34#Lk 4:41; Inc 16:17,18Nkabela wakaponya banji baciswa malwazi aamisyobo misyobo, alimwi wakatanda badaimona banji, pele takakali kuzumizya badaimona kwaamba, nkaambo kakuti kabamuzi.
35 #
Lk 4:42-44
Lino buumbuluke buyo, wakafuma loko, wazwa, wainka kunkanda kuyookomba nkukonya. 36Nkabela Simoni ambobakali abo bakamutobela, 37Bamujane, bamwaambila kuti, Bantu boonse balayandaula nduwe. 38Wabaambila wati, Katuya kumbi kuminzi iiswaangene, kuti nkakambauke oko akwalo, nkaambo nciceeco ncendazida. 39#Mt 4:23; 9:35Lino wakaya bukambauka muzikombelo zyabo mucisi coonse ca-Galilaya, akuya butanda badaimona.
Mbwaakaponya sicinsenda
(Matayo 8:1-4; Luka 5:12-14)
40 #
Mt 8:2-4; Lk 5:12-16 Lino kwakasika sicinsenda, weza bufugamina akukumbila kuti, Kuti koyanda, ulakonzya kundisalazya. 41Mpawo wakamufwida luzyalo, watambika ijanza lyakwe, wamwaampa, wamwaambila kuti, Ndazumina, kosalazigwa. 42Nkabela ndilyonya cinsenda cakwe cakamuleka, wasalazigwa. 43#Mk 3:12; 7:36Lino wakamukonkomwenesya, wamutanda ndilyonya, 44#Lev 14:1-32; Lev 13:49wati, Bona, utaambili muntu naba omwe, pele koya, ukalitondezye kumupaizi, ukatuulile kusalazigwa kwako mbubonya mbwaakalailila Musa, kuti cibe citondezyo kulimbabo. 45Pele walo, naakazwa oko, waakutalika kuya bwaamba kwaamba, wakaduumya inkani eyi, ncaakakacilwa Jesu kunjila limbi mumunzi kubusyu bwabantu, pele wakali kukala anze munkanda, nkabela bantu bakali kuza nkwaakabede kuzwa mubunzi-bunzi.
موجودہ انتخاب:
Marko 1: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.
