Matalikilo 28
28
Jakobo mbwaakatumwa ku-Padanaramu
1 #
Matl 27:33
Mpoonya awo Izaka wakaita Jakobo, wamulongezya, wamulailila kuti, Toelede kukwata mwanakazi wabana ba-Kanana pe. 2Buka, ukainke ku-Padanaramu, kuŋanda ya-Betueli wisi banyoko, ukakwate mwanakazi nkuko, umwi wabana basimbi ba-Labani mukulana wabanyoko. 3#Matl 17:1,6Leza Singuzuzyoonse akupe coolwe, akuzyazye loko, akuvuzye, kuti ube mikowa minji. 4#Matl 17:4-8; Matl 12:2; 22:17; 1 Mak 29:15; Int 39:12; 2 Kor 5:6,7; Heb 11:9,13; 1 Pet 1:17; 2:11Akupe lulongezyo lwa-Abrahamu, webo alunyungu lwako, ukavube nyika yabusimutuntuli bwako, Leza njaakapa Abrahamu. 5Mbuboobo Izaka mbwaakatuma Jakobo, nkabela wakainka ku-Padanaramu, kuli-Labani mwana wa-Betueli mu-Aramu, mukulana wa-Rebeka banyina Jakobo a-Esau,
6Lino Esau wakabona Izaka mbwaakalongezya Jakobo akumutuma kuPadanaramu kuti akwate mwanakazi wakooko, ambwaakamulailila mukulongezya kwakwe kuti, Toelede kukwata mwanakazi wabana basimbi ba-Kanana, 7alakwe Jakobo mbwaakaswiilila wisi abanyina akwiinka ku-Padanaramu. 8#Matl 24:3Alimwi Esau naakabona kuti bana basimbi ba-Kanana mbabi mumeso aa-Izaka wisi, 9#Matl 25:13; 36:3Esau wakaya kuli-Ismayeli, waakukwata Mahalati mwana musimbi wa-Ismayeli mwana wa-Abrahamu, mucizi waNebayoti, waalikila banakazi mbaakakwete kale.
Ciloto ca-Jakobo ncaakalota ku-Beteli
10 #
Inc 7:2
Lino Jakobo wakazwa ku-Beereseba, watola inzila yakuya ku-Harani. 11Asike kubusena bumwi, wakalala nkuko, nkaambo izuba lyakamubbilila. Nkabela wakabweza limwi lyamabwe aakooko, walisegezya kumutwe wakwe, woona nkukonya oko. 12#Joh 1:51; Matl 41:1; Job 33:15; Heb 1:14Elyo wakalota. Muciloto cakwe wakabona itantilo liimvwi ansi, ampela yalyo yakasika kujulu, nkabela baangelo ba-Leza bakali kuya butanta akuseluka alindilyo. 13#Matl 13:14-15; Matl 35:1; 48:3; 26:24Alakwe Jehova wakaliimvwi atala alyo, nkabela wakati, Ndime Jehova, Leza wa-Abrahamu uso, a-Leza wa-Izaka. Nyika eyi mpolede alinjiyo, ndaipa nduwe alunyungu lwako. 14#Matl 12:3; 22:18; Matl 13:14-16; Dt 12:20Nkabela lunyungu lwako luyoovula mbuli bulongo bwaansi, luyoomwaala kumbo akujwe akunyika akumusanza, alimwi mulinduwe amulunyungu lwako inzubo zyoonse zyanyika moziyoojana coolwe. 15#Matl 26:24; 35:6; 48:16; Int 121:5; Dt 31:6; My 23:19Bona! Ndi ayebo, njookubamba koonse nkoya, alimwi njookuboozya kunyika eyi. Nsikooyookulekelezya pe mane lumwi nkacite ncenambide. 16#Kul 3:5; Jos 5:15Mpawo Jakobo wakasinsimuka, wati, Ncobeni Jehova mpali mpoonya ano, pele mebo teendezi. 17Nkabela wakayoowa, wati, Ma! Bulayoosya busena obuno! Ncobeni njeŋanda ya-Leza, ngomulyango wakujulu.
18Nibwakaca, Jakobo wakafuma, wabweza ibbwe elyo ndyaakalisegamizizye, waliimika kuti libe malende, watila mafuta amutwe walyo. 19#Bab 1:23; Hos 4:15Lino obo busena, wakabuulika izina lya-Beteli, pele kukutaanguna izina lyamunzi kauli Luzi. 20#Matl 28:15; 31:13; Bab 11:30; 2 Sam 15:8; 1 Tim 6:8Elyo Jakobo wakakonka cikonke, wati, Na Leza wazumina kuba ambebo aku ndi bamba mulweendo olu nduntolede, alimwi ulandipa insima yakulya azikobela zyakusama, 21#Bab 11:31; 2 Sam 15:8; 19:24; Dt 26:17; 2 Bam 5:17akundiboozya caluumuno kuŋanda yataata, elyo Jehova uyooba Leza wangu, 22#Matl 35:7; Lev 27:30alyalo ibbwe eli ndinjiimikide kuti libe male nde liyooba iŋanda ya-Leza. Alimwi kufumbwa nzondipa, ncobeni njooboozya cipanzi cakumi cazyo kulinduwe.
موجودہ انتخاب:
Matalikilo 28: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.