Matalikilo 26
26
Izaka mbwaakakala-kala ku-Gerari
1 #
Matl 12:10; 20:2 Lino kwakaba inzala munyika; (nkukuti inzala imbi, iteensi intaanzi yamumazuba aa-Abrahamu), nkabela Izaka wakainka kuli-Abimeleki mwami waba-Filisti ku-Gerari. 2#Matl 12:1; Int 37:3Lino Jehova wakamubonekela, wati, Utainki ku-Egepita pe, kala munyika njindakwaambila. 3#Matl 22:16-18; Matl 20:1; 28:15; Int 39:12; Heb 11:9; Matl 12:2; 13:15; Int 105:9Kala-kala munyika ino, nkabela njooba ayebo, njookupa coolwe, nkaambo webo alunyungu lwako njoomupa zisi ezi zyoonse, aboobo njoozuzikizya cikonke ncindakakonka kuli-Abrahamu uso. 4#Int 72:17Njoovuzya lunyungu lwako mbuli inyenyeezi zyakujulu, alimwi njoopa lunyungu lwako nyika ezi zyoonse, elyo mulunyungu lwako zisi zyoonse moziyoojana coolwe, 5#Matl 22:16nkaambo kakuti Abrahamu wakaswiilila ijwi lyangu akubamba imbeta zyangu, milazyo yangu, indayo zyangu amulao wangu.
6Lino Izaka wakakala ku-Gerari. 7#Matl 12:13; 20:2; 24:16; Tus 29:25Nkabela bantu bakooko, nibakamubuzya makani aamukaakwe, wakati, Ngumucizi wangu. Wakayoowa kwaamba kuti, Ngumukazi wangu, nkaambo wakati, Ambweni bantu bakookuno balandijaya nkaambo ka-Rebeka, nkaambo kali aciwa cibotu. 8Lino nicakaba ciindi cilamfu, Abimeleki mwami waba-Filisti wakasondela mumpulungwizyo, nkabela wakabona Izaka ulasobana a-Rebeka mukaakwe. 9Mpoonya awo Abimeleki wakaita lzaka, waamba kuti, Ve! Ngumukazi wako. Waambilanzi kuti, Ngumucizi wangu? Izaka wakamuvwiila kuti, Ndakaamba kuti, Ambweni ndafwa nkaambo kakwe. 10#Matl 20:9Lino Abimeleki wakaamba kuti, Ma! Ncinzi ncowakatucitila? Ambweni umwi wabantu bangu kaba lala amukaako, aboobo wali kunootuletela mulandu. 11#Int 105:15Mpawo Abimeleki wakalailila bantu boonse kuti, Kufumbwa muntu uuguma mwaalumi oyo amwanakazi wakwe, ncobeni ulafwa.
12 #
Mt 13:8; Mk 4:8; Job 42:12; Mt 6:33 Lino Izaka wakalima munyika eyo nkabela mumwaka oyo nguwonya wakatebula camwanda, Jehova wakamupa coolwe, 13#Tus 10:22aboobo muntu wakaba mupati, Wakali kuya bukomena lyoonse, mane lumwi wakaba mulemu loko. 14#Matl 37:11; Muk 4:4Kajisi imbono zinji, imbelele aŋombe, abasimilimo banji, aboobo ba-Filisti bakamufwida ibbivwe. 15#Matl 21:30(Lino zikala zyoonse balanda bawisi nzibakasya mumazuba aa-Abrahamu wisi, ba-Filisti bakazisinka akuzivwikila.) 16#Kul 1:9Nkabela Abimeleki wakaambila Izaka kuti, Atupambu-kane ayebo, nkaambo uli singuzu loko kwiinda ndiswe.
17Mpawo Izaka wakalonga kuzwa nkuko, waakuyaka zilao mukuti lya-Gerari akukala mpoonya awo, 18#Matl 21:31Nkabela Izaka wakafumbulula zikala zyamaanzi nzibakataangwine kusya mumazuba aa-Abrahamu wisi, nkaambo ba-Filisri bakalizisinkide musule lyalufu lwa-Abrahamu. Nkabela wakazipa mazina ayo ngaonya ngaakazipede wisi. 19Pele balanda ba-Izaka, niba-kafumba mudonga akujana kasensa kamaanzi aacomoka, 20#Matl 21:25basikweembela baku-Gerari bakakazyanya abasikweembela ba-Izaka, bati, Maanzi ngeesu. Lino cikala eco wakacuulika izina lya-Eseki (Inkondo), nkaambo bakali kukazyanya awe. 21Elyo bakasya cikala acimwi. Acalo bakali kucilwanina, nkabela wakacuulika izina lya-Sitina. 22#Matl 17:6; Kul 1:7Kuzwa oko wakalonga, waakusya cikala acimwi, Lino eco, teebakali kucilwanina pe, Nkaambo kako wakacuulika izina lya-Rehoboti, nkaambo wakati, Lino Jehova watupa busena kuti tuvule munyika.
23Kuzwa oko wakainka ku-Beereseba. 24#Matl 15:1; 24:12; 26:3; Kul 3:6; Inc 7:32; Rom 8:31Lino Jehova wakamubonekela masiku ayo ngaonya, wati, Ndime Leza wa-Abrahamu uso. Utayoowi, nkaambo ndi ayebo. Njookupa coolwe akuvuzya lunyungu lwako nkaambo kamulanda wangu Abrahamu. 25#Matl 12:7; 13:18; Int 116:17Elyo wakayaka cipaililo nkukonya oko, wakomba izina lya-Jehova, wayaka cilao cakwe nkukonya. Akwalo balanda ba-Izaka bakasya cikala.
Izaka mbwaakatangana cizuminano a-Abimelehi
26 #
Matl 21:22
Mpoonya awo kwakamuswaya Abimeleki kuzwa ku-Gerari; wakeza a-Ahuzati mweenzinyina a-Fikolo silutwe wampi yakwe. 27#Bab 11:7Lino Izaka wakababuzya kuti, Ino nkaambonzi mweza kulindime? Sa tamundisulide akunditanda kuzwa kulindinywe? 28#Matl 21:22,23Bakavuwa kuti, Ncobeni twabonesya kuti Jehova uli ayebo, Lino twaamba kuti, Kube kukonka akati kesu, swebo ayebo, Atutangane ayebo cizuminano. 29#Matl 24:31; Int 115:15Kosyomezya kuti tokooyootucitila bubi, mbubonya mbuli iswe mbututana kukubisizya, nkaambo twakucitila bubotu bulike, alimwi twakaanzaana ayebo caluumuno. Sunu wajana coolwe kuli-Jehova. 30#Matl 19:3Mpawo wakabacitila ipobwe. Bakaiya, banywa. 31#Matl 21:31Nibwakaca, bakafuma, bakonkezyanya. Bamane kucita obo, bakalayana a-Izaka, bainka kulimbabo caluumuno. 32Lino mubuzuba obo mbubonya balanda ba-Izaka bakeza kulinguwe kuzoomulwiida makani aacikala ncibakaside. Bakati, Twajana maanzi. 33#Matl 21:31Lino wakacuulika izina lya-Siba. Nciceeco izina lyamunzi ncuuambilwa kuti ngu-Beereseba, mbucaambwa asunu.
34 #
Matl 36:2
Lino Esau naakajisi myaka iili makumi one, wakakwata Juditi mwana musimbi wa-Beeri mu-Hiti, a-Basemati mwana musimbi wa-Eloni mu-Hiti. 35#Matl 27:46; 28:1,8Aba bakakataazya myoyo ya-Izaka a-Rebeka.
موجودہ انتخاب:
Matalikilo 26: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.