Matalikilo 25
25
Bana ba-Ketura
1Lino Abrahamu wakakwata aumwi mwanakazi, izina lyakwe kali Ketura. 2#1 Mak 1:32Nkabela wakamuzyalila Zimirani, a-Jokisani, a-Medani, a-Midyani, a-Isibaki, a-Sua, 3Alakwe Jokisani wakazyala Seba a-Dedani. Abana ba-Dedani mbaaba: ba-Asuri aba-Letusi aba-Leumi. 4Abana ba-Midyani mbaaba: Efa a-Eferi a-Hanoki a-Abida a-Elidaa, Aba boonse kabali bana ba-Ketura. 5#Matl 24:36Nkabela zintu zyoonse nzyaakajisi, Abrahamu wakazipa Izaka. 6#Matl 21:14; Bab 6:3Bana babasimamambe Abrahamu mbaakajisi, Abrahamu wakabapa zipo akubamwaisya kuzwa kuli-Izaka mwanaakwe naakacili muumi, nkabela bakaya kujwe kunyika yakujwe.
Abrahamu mbwaakafwa
7Lino mazuba aabuumi bwa-Abrahamu ngaakapona akasika kumyaka iili mwanda amakumi aali musanu aabili amusanu. 8#Matl 15:15; 47:8,9; 35:29; 49:33; Inc 13:36Nkabela kumamanino, Abrahamu naakafwa, kali abucekulu bubotu, kacembeede loko, Elyo wakaya kulibasinsiku bakwe. 9#Matl 49:29,30; 50:13Lino Izaka a-Ismayeli bana bakwe bakamuzika musempo lya-Makipela kumuunda wa-Efroni mwana wa-Zohari mu-Hiti uuli kunembo lya-Mamre, 10#Matl 23:3-16ngonguwo muunda Abrahamu ngwaakaulide kubana ba-Heti, Nkuko Abrahamu nkwaakazikwa a-Sara mukaakwe. 11#Matl 16:14; 24:62Lino Abrahamu naakamana kufwa, Leza wakalongezya Izaka mwanaakwe, Nkabela Izaka kakede ku-Cikala ca-Lahai-roi.
Bana ba-Ismayeli
12 #
1 Mak 1:29
Ngaaya mazyalani aa-Ismayeli mwana wa-Abrahamu, ngonguwe Hagare mu-Egepita mulanda wa-Sara ngwaakazyalila Abrahamu. 13Ngaaya mazina aabana ba-Ismayeli, balilembedwe mbubakazyalwa: mwana mutaanzi wa-Ismayeli kali Nebayoti, a-Kedara, a-Adibeli, a-Mibisamu, 14a-Misma, a-Duma, a-Masa, 15Hadada, a-Tema, a-Jeturi, a-Nafisi, a-Kedema, 16#Matl 17:20Mbaabo bana ba-Ismayeli. Ngaayo mazina aabo mutunzuunzi twabo amumakalilo aabo, bami bali ikumi ababili muzisi zyabo. 17#Matl 25:8; 49:33; Mk 15:37Lino ngooyu mweelwe wamyaka yabuumi bwa-Ismayeli: myaka iili mwanda amakumi otatwe amusanu aibili, Elyo lumwi wakafwa, waya kulibasinsiku bakwe. 18#1 Sam 15:7; Matl 16:12Bakali kukala koonse koonse kuzwa ku-Havila kusikila ku-Suri, kunembo lya-Egepita kulubazu lwakuya ku-Asuri.
Jakobo a-Esau mbubakazyalwa
19 #
Mt 1:2
Lino ngaaya mazyalani aa-Izaka mwana wa-Abrahamu. Abrahamu wakazyala Izaka, 20#Matl 22:23; 24:29,67nkabela Izaka naakaba amyaka iili makumi one, wakakwata Rebeka mwana musimbi wa-Betueli mu-Aramu waku-Padanaramu, mucizi wa-Labani mu-Aramu. 21#1 Sam 1:11; 1 Mak 5:20; 2 Mak 33:13; Ezr 8:23; Rom 9:10Nkabela Izaka wakakumbilila mukazi wakwe kuli-Jehova, nkaambo kali musundi, nkabela Jehova wakaswiilila, elyo Rebeka mukaakwe wakaminta. 22#1 Sam 9:9; 10:22Lino bana bakali kuzundana mwida lyakwe. Mpawo wakati, Na makani ali boobo, nkaambonzi nencipona? Lino wakaya kukubuzya kuli-Jehova. 23#Rom 9:12; Matl 24:60Nkabela Jehova wakamwaambila kuti,
Muli misyobo yobile muzyalilo lyako;
Amikowa yobile iyoozwa mwida lyako.
Umwi musyobo uyoojata inguzu kwiinda musyobonyina,
Amupati uyoobelekela muniini milimo.
24Lino ciindi cakutumbuka nicakasika, kwakabonwa mayanga muzyalilo lyakwe. 25#Matl 27:11Mutaanzi wakazwa kasalala, amubili akwe woonse kauli mbuli cibaki caboya, nkabela bakamuulika izina lya-Esau. 26#Hos 12:3; Matl 27:36Musule lyayooyo kwakazwa mwanike wakwe, nkabela ijanza lyakwe lyakalijisi kasindi ka-Esau, aboobo bakamuulika izina lya-Jakobo. Nkabela Izaka kajisi myaka iili makumi aali musanu aumwi naakabazyala.
Esau mbicaakauzya bupati bakwe
27 #
Matl 27:3,5; Job 1:1,8; 2:3; Heb 11:9 Lino balombe nibakakula, Esau wakaba sikuvwima, bwizubwesaka, pele Jakobo kali muntu waamunzi. 28#Matl 27:6,19Nkabela Izaka kayandisya Esau, nkaambo wakali kulya nyama yakwe, pele Rebeka kayandisya Jakobo.
29Cimwi ciindi Jakobo naakali kujika musinza, Esau wakazwa musokwe, ulikateede. 30Mpawo Esau wakaambila Jakobo kuti, Wence undisusuzye oyo musinza uusalala, nkaambo ndakataala. (Nciceeco ncaakapedwa izina lya-Edomu.) 31Jakobo wakavuwa kuti, Taanguna kunduuzizya bupati bwako. 32Esau wakati, Langa! Ndaamba kufwa. Obu bupati bulandigwasyanzi? 33#Heb 12:16Elyo Jakobo wakati, Taanguna kukonka. Wakakonka, wauzizya Jakobo bupati bwakwe. 34#1 Kor 15:32Mpawo Jakobo wakapa Esau insima amusinza wanyangu. Lino wakalya, wanywa, wanyampuka, waya. Mbuboobo Esau mbwaakasampaula bupati bwakwe.
موجودہ انتخاب:
Matalikilo 25: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.