Jon, echî ACHÎ ACHOT MMA Á RÎ KA NWET I JON
ACHÎ ACHOT MMA Á RÎ KA NWET I JON
Otîp mbi Jon a séŋe ó tóŋe sê Jisos a ri eyum Obhasi nji é kí kət ka ótúm-ótúm. Eyum njí é bhâ chə́bhe nne, é kpîn na êt. A séŋe otîp mbí se abhiŋá-bhíŋá tîk á kâm ka etʉri sê Jisos a ri nne ányo nnyo Obhasi a chimî se yê a kí tum a bhá yim ngun á sém. Sê Jisos a ri Mmon Obhasi. Sê nji nne á ki ḿbə́ŋé na yê, a fôn ekpin. Nchot nnyí a ri ka achî esam, ndóŋ esam na ófó.
Nji Jon a róghe nwet nnyí á yîm êt e mə́ŋe sê Jisos a ri eyum Obhasi nji é kí kət ka ótúm-ótúm. Ka ndaŋa-mbá eji, a tóŋe ntûm okpógha-biji etî-etî nnyi a kí toŋe se Jisos a ri nne nnyo Obhasi a chimî se yê a kí tum a bhá yim ngun á sém, se Jisos a ri Mmon Obhasi. A sêŋ mân a kpê na iyîm mbi ntûm okpógha-biji nnyí a kí toŋe. Eji nwet njí é kí toŋe ekpak etʉ̂ ane á kíi ḿbə́ŋé na Jisos, á chə́bhe atóbhá abhê, kən etʉ̂ á gyími a ri ngyím enok na yê, á táŋe sê ábho á bhó ki ḿbə́ŋé na yê. Achî ófó na ásá ta o sî ekû na ábháe á chóre kpe-eji á kpê na ochəma-biji mbi Jisos a fonê na atóbhá abhê. A chôt fə́ne a kpê na nchot nnyi a sə́re ábho na egu áji kən á fî yê. A sə́re ábho nchot nnyí yê a kak ábho ḿbə́ŋé. Achî mma á jéghe nwet nnyí á chóre á kpê na efiím nji á fíi Jisos na nchot eye nnyi á táŋe. A sêŋ fə́ne ekpak á kúmi Jisos ka ego, na enyəmə́m nji a nyəmê ka ekʉ̂, a tóŋe biji mbâ atóbhá abhê.
Jon a chôt kpe-eji a kpê na ekəp ekpin ótúm-ótúm nji e kí fon mbâ Jisos Krayis. Ekəp njí é rógha mfá-mfá. A ri ane mba á kí ko Jisos noŋ mbá ábho, noŋ nchot nnyi a ri ka echî na ekpin ábho, nâ á kí fon ekəp njí. Ekpatə́m ejûm jə́t nji Jon a fonê ka nwet eye é rî se á kok iyîm mbi é yená na amə̂t amə́ré kpe bhaghé ofú, a tóŋá ekpak achot Obhasi á rî. Á kok iyîm noŋ ayép, brêt, ebhát, mbábhá-obhúi na obhúi obhê, na ebhin í nkap na nkap nnyi a ri ka ńjə́ne.
Nji é rî ka etím í nwet i Jon
1. Eróghá-ndəp 1:1-18
2. Jon nnyo mfúghá-ane ayép Obhasi na ndaŋa-mbá atóbhá Jisos 1:19-51
3. Etûm í Jisos 2:1—12:50
4. Nji é fábhe kpít na Jerusarem na ka etím í Jerusarem, ka ntə́ma-njəm i mfín, kən á yúí Jisos 13:1—19:42
5. Ntûfâm i Jisos a nyə́me ka ekʉ̂, a tóŋe biji ibhê 20:1-31
6. Jisos a kpô tóŋe biji ka Gariri 21:1-25
موجودہ انتخاب:
Jon, echî ACHÎ ACHOT MMA Á RÎ KA NWET I JON: ETUNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Ejagham New Testament © Bible Society of Nigeria and Bible Society of Cameroon, 1996.