Génesis 6
6
Yvypóra oñembyai
1Yvypóra kuéra oñemuña hetávo yvy tuichakue ha itajýravo hikuái, 2oĩ vaekue Tupã ra'y#Yma guare oimo'ã Ñandejára jerére oĩha yvágape hembijokuái kuéra, umíva oñembohérava Tupã ra'y. ohecháva umi kuña iporãha, ha oiporavo ijapytégui kuéra hembirekorã. 3Upérõ Ñandejára he'i: “Ndaheja mo'ãi yvypóra kuéra oikove opa ára guarã. Ha'e kuéra omano vaerã voínte. Ko'a guive oikovéta 120 áño pevénte.”
4Kuimba'e ijyvate ha hete rusúva#Nm 13.33; Sab 14.6; Bar 3.26-28. oĩ vaekue yvy ári umíva umi árape, ha avei Tupã ra'y omenda rire yvypóra rajy kuérare. Umíva hína kuimba'e herakuã mombyry ha ñorãirõhára mbarete vaekue.
5Ñandejára ohechávo mba'eichaite pevépa opa yvypóra iñaña ha oheka ivaívante voi, 6ombyasy ipy'aite guive ojapo haguére chupe kuéra. 7Ha he'i: “Ahundíta opa yvypóra, opa mymba, opa yvýre otyryrýva ha opa guyra ajapo vaekue. Ambyasy ajapo hague chupe kuéra.”
8Noé ndive katu ipy'a porã Ñandejára.#Mt 24.37; Lc 17.26; 1 P 3.20.
Noé ojapo ygára guasu
9Kóicha vaekue Noé rekove: Ha'e vaekue kuimba'e imarangatúva, oikove aja pukukue hembiapo porãva opa mba'épe ha ojapóva Tupã rembipota.#Eclo 44.17; Sab 10.4; 2 P 2.5. 10Ita'ýra mbohapy, ha ha'e kuéra héra Sem, Cam ha Jafet.
11Ambue kuéra yvypóra rekove katu henyhẽ ñaña ha pochýgui. 12Tupã oma'ẽ yvýre ha ohechávo opaichagua yvypóra ojapoha ivaíva, 13he'i Noépe:
—Ha'éma ahunditaha yvypóra, ha'e kuéra omyenyhẽ yvy teko añágui. Upévare ahundíta chupe kuéra opaite mba'e yvýpe oĩva reheve. 14Ejapo peteĩ ygára guasu yvyra ijaysývagui ha taikoty heta. Ipa'ũháme emboty vlékepe, hyepy guio ha oka guio. 15Upe ygára guasu ta tuicha kóicha: ta ipuku 150 métro, ta ipe 25 métro ha ta ijyvate 15 métro. 16Embojo'a koty kuéra, toĩ iguy peguáva, mbyte peguáva ha hi'ári guáva. Embotécho ne ygára guasu ha ipepoguýpe emohovetã médio metrohápe, ha emohokẽ peteĩ ijyképe. 17Ajaho'ipáta ýpe yvy ape, ahundi haguã opa tekove ipytuhẽva yvága guýpe. Oikovéva guive yvy apére omanóta. 18Ne ndive katu añemoĩta peteĩ ñe'ẽme. Reikéta ne ygára guasúpe ne rembireko, nde ra'y kuéra ha hembireko kuéra ndive. 19Rehupíta ne ndive opaichagua tymbágui mácho ha kuñáva, peteĩ-teĩ, ikatu haguã ndéicha oikove. 20Toike ne ndive guyra, mymbáva ha yvýre otyryrýva mácho ha kuñáva peteĩ-teĩ. 21Embyaty opaichagua hi'upyrã ha eñongatu, pekaru haguã nde ha ne rymba kuéra.
22Noé ojapo opa mba'e Tupã he'i haguéicha chupe.#Heb 11.7.
موجودہ انتخاب:
Génesis 6: GPC2006
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Guarani DC Bible © Sociedad Bíblica Paraguaya, 1996.