Mal 4
4
Xk'ulunik li Qaawa' Yos
1Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re. 2A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'. 3Teeyeq'i sa' leeroq eb' li ink'a' useb' xna'leb', ut jo'kaqeb' li cha sa' leeroq naq taawulaq li Kutan yookin xkawresinkil.
4“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb,#4,4 Ex 19,16-20,20; 24,1-17; Dt 5,1-3. cho'q re chixjunileb' laj Israel.
5“K'ehomaq reetal. Tintaqla eerik'in li propeet Elías#4,5 1 R 17-21; 2 R 2,1-12; Mt 11,14; 17,10-13; Mk 9,11-13; Jn 1,21. rub'elaj li xKutankil li Qaawa', a'an xnimal ru kutan ut q'axal xiwajel ajwi'. 6A'an taasutq'isinq re li xch'ooleb' li na'b'ej yuwa'b'ej rik'ineb' li ralal xk'ajoleb', ut li xch'ooleb' li alalb'ej rik'ineb' li xna' xyuwa'eb', re naq wanqeb' sa' tuqtuukilal.#4,5-6 Eklo 48,10; Lk 1,17. Chi jo'kan ink'a' tolinsach chi junajwa li ruuchich'och'”, chan li Nimajwal Yos.
موجودہ انتخاب:
Mal 4: QQC
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Q'eqchi DC Bible © Bible Society in Guatemala, 2005.