Johannes Omuhangu
Omuhangu
Evaengeli lyaJohannes lya uta nomuhangu mbumau tya Jesus oye e li Ondaka ombwa yaKalunga. Ondaka ya ninga omuntu ngwaa kala mokati ketu (1:14). Ye wa hololola oukalunga we nounene we movilingatangan̯eko vye. Ovilingatangan̯eko vye mbyaa ninga vya yulika okutya ye OmunwaKalunga.
Okudha mpoka kwa landula odhondaka dhe, hiaa londola ovalongwa ve (13--17), he ve thitululile nawa ouhunga noku ka kambulwa kwe nahima ka koywa, ha ka papelwa komutjaakano nokwiimunwa kout̯e (18--20). Avihe hembi vya thitululwa, opo mu itavele okutya Jesus oye e li Kristus, OmunwaKalunga. Andaa mwe mu itavele, mamu kala amu na omwenyo (20:31).
Jesus ovilinga vye unene we vi ningila moJudea nomoJerusalem. Mevaengeli hendi Johannes ma thitulula nawa ovipuka vyopambepo, he vi yeleke novipuka mbyoka mbii iwe monkalamwenyo yetango alihe, ngahi tji li: Omeva, omungome, otjiten̯i, omut̯ita nodhondhu, omuvinyu novinyango vyawo.
Otjilimo
Etwalomo (1:1-18)
Johannes Omutjatji novalongwa wolutenga vaJesus (1:19-51)
Ovilinga vyaJesus mokati kovantu (2--12)
Odhondaka dhokulekela ovalongwa ve (13--17)
Omatatetho aJesus net̯o lye (18--19)
Okwiimunwa kwaJesus kout̯e nokulihololola kwe (20--21)
موجودہ انتخاب:
Johannes Omuhangu: DBNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Dhimba New Testament © Bible Society in Namibia, 2010.