GENESIS 10
10
Omaludalo ovana vaNoa
1Ndele eshi osho efina lomapata ovana vaNoa: Sem, Ham naJafet; vo ova dala ovana ovamati konima yeyelu.
2Ovana ovamati vaJafet ova li: Gomer naMagog naMadai naJavan naTubal naMesek naTiras. 3Ndele ovana ovamati vaGomer ova li: Askenas naRifat naTogarma. 4Ndele ovana ovamati vaJavan ova li: Elisa naTarsis, Kittim naDodanim. 5Ovo ooxekulu voiwana oyo i li komunghulofuta nokeenhunhu. Ava ovo oludalo laJafet: muvo mwa dja oonakukala meenhunhu doiwana momadu avo pamalaka avo, pamaludi avo nomoiwana yavo.
6Ndele ovana ovamati vaHam ovava: Kus naEgipiti naPut naKaanan. 7Ndele ovana ovamati vaKus ova li: Sheba naHavila naSabta naRaama naSabteka. Ndele ovana ovamati vaRaama: Seba naDedan. 8Kus okwa dala Nimrod, ou a li omunaenghono nomunamapangelo wotete kombada yedu. 9Ye okwa li omukongo omunaenghono koshipala shOmwene. Onghee hano kwa tiwa: “Omukongo omunaenghono koshipala shOmwene ngaashi Nimrod.” 10Ehovelo loshilongo shaye okwa li Babel naErek naAkkad, aishe oyomedu laSinear. 11Medu eli ye okwa dja mo, ndele okwa ya kuAsiria, ndele okwa tunga Ninive naRehobot-Ir naKalag, 12naResen, pokati kaNinive naKalag. Osho oshilando shinene. 13Ndele Egipiti okwa dala Ovalud nOvaanami nOvalehab nOvanaftu 14nOvapatros nOvakaslu, muvo omo mwa dja Ovafilisti nOvakaftori.
15Ndele Kaanan okwa li xe yaSidon, oshiveli shaye, naHet 16nOvajebusi nOvaamori nOvagirgasi 17nOvahevi nOvaarki nOvasini 18nOvaarvadi nOvasemari nOvahamati. Ndele komesho omaludi Ovakaanan a tandavela. 19Ndele onhele yokukala kwOvakaanan oya li okudja kuSidon ya yukilila Gerar fiyo okuGasa, nokuyukilila kuSodom naGomorra naAdma naSeboim fiyo okuLesa. 20Ovo ovana vaHam pamaludi avo, pamalaka avo momadu avo nomoiwana yavo.
21Ndele Sem, xekulu yovana aveshe vaEber, omukulu waJafet, okwa dala yo ovana ovamati. 22Ovana ovamati vaSem ova li: Elam naAssur naArpaksad naLud naAram. 23Ndele ovana ovamati vaAram ova li: Us naHul naGeter naMesek. 24Ndele Arpaksad okwa dala Shela, ndele Shela okwa dala Eber. 25Ndele Eber okwa dala ovana ovamati vavali: Edina laumwe ola li Peleg, osheshi momafiku aye oonakukala kombada yedu ova li ve lihanena edu. Edina lamumwaina ola li Joktan. 26Ndele Joktan okwa li xe yaAlmodad naSelef naHasarmavet naJerag 27naHadoram naUsal naDikla 28naObal naAbimael naSheba 29naOfir naHavila naJobab. Vo aveshe va li ovana vaJoktan. 30Ndele onhele yokukala kwavo oya li okudja kuMesa nokuyukilila kuSefar fiyo okeemhunda dokoushilo. 31Vo ovana ovamati vaSem pamaludi avo, pamalaka avo momadu avo nopaiwana yavo.
32Oo omaludi ovana vaNoa pamapata avo nomoiwana yavo. Ndele muvo mwa tandavela oiwana yokombada yedu konima yeyelu.
موجودہ انتخاب:
GENESIS 10: OKYB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Oshikwanyama Bible Revised © Bible Society of Namibia, 2008, 2012.