Tiona 4
4
Raeta'aha Tiona ana Haiamasiha Iawe
1Tairihi 'are 'e rau 'ene 'e tohoni ma'arete ana Tiona ma 'e ma'arete rika'a no'o. 2Mane 'ene 'eka ho'a tarea Warato'o 'uri'ene, <<Hai Warato'o, 'are nama iiriri'a tare 'o hau hanua kane? Tonaa'i na tau hana tahina rawahia hi Tasisi. Na rae retea no'o si i'o Iawe ni haiamasiha ma raeto'oha, 'o kama rae'rae'ta'a rawahia ma 'o honu ana reteha, i'o Iawe nia 'o rikitai mania manataha ma'arete rika'a 'o tau hana tau a'i. 3'Hai Iawe, no'o 'ai'ene 'oko torea no'o maurihaku mani nau, tonaana 'e rete hana na ka mae taroriua hana na ka mauri.>>
4Tairihi Iawe 'eka orisia uri'ene, <<Mou 'o ni'irae 'e ototo hana 'oko raeta'a?>>
5Naina ma Tiona 'e ra ma 'e ra to'oru ana mani hanua ana po'o ni 'are tarea ratohane ana hanua paina wau. Taina mane 'eka to'ia marana mani apapa, ma 'e to'oru mamaru taina ma 'eka haimasi hana 'eka riosia 'are 'uta nia 'eka rao rau ana hanua paina wau. 6Naina ma Iawe Warato'o 'eka 'eroa mani wawarona 'are 'eka kuropa ma 'eka tara no'o haho ana apa'pa nia Tiona 'e to'ia wau ma 'e taua mamaru rete hahia pauna Tiona hana 'eka taua raena hana 'eka pari, ma Tiona raena 'e tohoni rete rika'a tahuna wawarona 'are wau. 7Tairihi wawa'aria ana hairatoa puri a'i Warato'o 'e 'eroa numo, ma 'e nasia wawarona 'are wau ma 'e nuru no'o. 8Ma ana horo'a rato 'eka hane, Warato'o 'e 'eroa mani sisiho 'okira, ma rato 'eka rakahia pauna Tiona rara mane 'ene 'eka maere no'o. Mane 'ene raena hana 'eka mae no'o, ma 'eka arahu 'uri'ene no'o, <<Hai 'eka rao rete rika'a no'o ke hana na ka mae taroriua hana na ka mauri>>.
9Tairihi Warato'o 'eka arahu 'uri'ene tarea Tiona, <<'O ni'irae 'e ototo hana 'oko raeta'a tahuna wawaroni 'are 'ene mou>>?
<<Aa'a 'e ototo,>> mane 'eka orisia 'una. <<Na raeta'a taroriu rika'a no'o hana na ka mae no'o ke.>>
10Tairihi Iawe 'eka arahu 'uri'ene, <<Mou haiamasiha 'o 'e hana wawarona 'are 'ene ke, tairihi nia i'o 'oma raupua ma i'o 'oma taua hana 'eka nura. 'Are 'ene 'e kuropa marana raona me'etani ma 'e mae ke ana ruana me'etani. 11Mou Ninipa 'e to'oana tai tararau ma ruaawarani sinorani noni nia kira ma raea iiri ana no'o ka'eka'e ni 'are mauri kira mania ka'eka'e ni 'are re'e kira, ma rautana tatare taina 'e ra'o. 'E ta'uta mou na si haiamasia hanua paina 'ene mou>>?
موجودہ انتخاب:
Tiona 4: ALU
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024, Islands Bible Ministries. All rights reserved.