John 2
2
Keꞌai keꞌavana i kemakaꞌina Cana
1Keaho kanahakoukolu, Jesus enoho i Galilee. Keualoko la, nakama kemakaꞌina Cana la ekaohi keꞌavana. Kina Jesus enoho i keꞌai la. 2Ia Jesus ma nakama kaukali aia la ealu mia io aꞌe keꞌavana la hoi. 3Keualoko na{uaen} la nioki, kina Jesus ume aꞌe kama la, “Nakama la sehi{uaen} meiunu.”
4Ia Jesus eme aꞌe, “Kena hevahi nakama na. Sekau pela anau ihuli aꞌe namahi anau vahonei.”
5Ia kina Jesus la eme aꞌe nakama heheaꞌu hale la, “Okou ihalono hea kama na meime aku okou.”
6Eono nalo vai kea eniu ekuu ilaa. Kelo hokahi kanapii, ame kae kipulua ma kipukolu na{galon}. Na{Jiu} la eko aꞌe nalo la isolo nalima lakou, ikaukali nakuaa lakou la.
7Kena Jesus ume aꞌe nakama heheaꞌu hale la, “Uku nalo nei ipii kevai kea.” Ia kena nakama la uꞌuku nalo la nopii lo. 8Kena Jesus ume aꞌe, “Asu nivai ikaha, kena uꞌave kama hamakua keꞌai nei la.” Kena nakama la uo noꞌave kevai la.
9Keualoko kama hamakua la niꞌamaka kevai la, kevai la uhuli mo {uaen}. Ia kama la semakino ke{uaen} la ehamai ihee. Ia nakama kela eko aꞌe navai la namakino avale. Kena iko kama hamakua keꞌai la ime aꞌe kaupeala eꞌavana la ihaele aꞌe, 10kena ime aꞌe, “Kakou hakoa eunu ke{uaen} kaualeꞌa imua. Ia keualoko kakou hakoa uvale, kena uko iho ke{uaen} saꞌino. Ia aꞌoe ekaohi ke{uaen} kaualeꞌa nei noau mai imuli.”
11Jesus ehuli aꞌe haꞌaku amaka aia nei i kemakaꞌina Cana iloko Galilee, ihuli aꞌe namahi aia. Kena nakama ekaukali aia la uhakina i aia.
12Kena Jesus uo ma nakaina aia, kina aia la, ia ma nakama kaukali aia la, nonoho i Capernaum elava naaho.
Jesus ehaele iloko hale kapu
(Mat 21.12-13; Mrk 11.15-17; Luk 19.45-46)
13Keualoko na{Jiu} la ukapili iꞌai keꞌai emale ma Pasova, kena Jesus uhaele i Jerusalem. 14Kama la uhaele iloko hale kapu la noꞌike nakama esusui na{bulumakau}, na{sipisipi}, ia ma nalupe. Kama la eꞌike alakama enoho ilaa nohikihiki namoni. 15Kena Jesus ehili namaea aia, kena iliꞌi nakama la, ihakui nakama la ikaha, kena ihakui hoi na{sipisipi} la, ia ma na{bulumakau} la nokaꞌa ikaha ma kehale kapu la. Kena Jesus ulakua hakaliana na{sevolo} la, nomaseu namoni nakama la, 16kena ime aꞌe nakama kela esusui nalupe la, “Ko namenei ikaha. Okou isemea hale Kamana anau nei poi he{makete}!”
17Nakama kaukali Jesus la umanaku nakakala kela emau iloko kelauniu kapu pela, “Anau ehakaꞌoko maha kelolosi kehale aꞌoe nei.”
18Na{Jiu} la uo nohai aꞌe Jesus ma, “Aꞌoe mehuli mai nihaꞌaku pehe imakino makou pela aꞌoe eisi namahi aꞌoe kehaise nakama la ikaha.”
19Ko Jesus ime aꞌe, “Seu hale kapu nei, kena anau mehakuu muli hale nei iloko koukolu naaho.”
20Ko na{Jiu} la ime aꞌe, “Makou epena hale kapu nei iloko kipuhaa ma ono nahekau. Ia aꞌoe ehakaꞌoko pela aꞌoe elavaa kepena hale nei iloko koukolu naaho oia!”
21Ia kehale kapu Jesus ekakala la o kinokama aia. 22Imuli kela Jesus emasiꞌe ikaha ma kemake, nakama kaukali aia la umanaku nakakala Jesus nei, kena ihakina keaoaꞌo kelauniu kapu kela kemasiꞌe muli ikaha ma kemake, ia ihakina hoi nakakala kela Jesus nime aꞌe lakou la.
Jesus eailoa nakipukipu nakama
23Jesus oinoho iloko Jerusalem keualoko keonohenua la eꞌai keꞌai kePasova. Komaꞌi nakama uꞌike Jesus ehuli aꞌe nahaꞌaku, kena ihakina i kama la. 24Ia Jesus soia sehakina nakama la, maikinimea kama la emakino nakipukipu nakama hakoa. 25Niaina sehikama ekakala aꞌe Jesus nakipukipu nakama la, Jesus naailoa avale hea iloko nahakumanava nakama la.
موجودہ انتخاب:
John 2: ojv
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 1999, Wycliffe Bible Translators, Inc. All rights reserved.
