མད་ཐཱ། 2
2
ཤར་ཕྱོགས་ཀྱི་སྐར་རྩིས་པ་ཀྱ།
1རྒྱལ་བོ་ཧེ་རོ་དཱེའི་དུས་ལ་ཡུ་དེ་ཡཱ་ཡུལ་གྱི་བེད་ལེ་ཧེམ་དུ་ཡེ་ཤུ་འཁྲུངས་རེ་གཤམ་ལ། ཤར་ཕྱོགས་ནས་སྐར་རྩིས་པ་ཀྱ་ཡེ་རུ་ཤ་ལེམ་དུ་འོངས་རེ། 2སྨྲས་བ་ལགས། ཡ་ཧུ་དཱ་པ་ཀྱ་ཡི་རྒྱལ་བོ་འཁྲུངས་ཀྱིན་གོ་ག་རུ་བཞུགས་འོད་ད་ལེ། གི་བྱས་རེ་སྨྲ་ན་འེ་ཀྱ་ཡིས་ཁོང་པ་ཡི་སྐར་མ་ཤར་ཕྱོགས་ལ་མཐོང་བྱུང་། དེ་ནས་འེ་ཀྱ་ཁོང་པ་ལ་ཕྱག་འཚལ་དུ་འོངས་བ་ཡིན།
3དེ་ཧ་གོ་སྟེ་རྒྱལ་བོ་ཧེ་རོ་དཱེའི་སེམས་འཁྲུགས་པ་ལགས། དེ་ནས་ཁོང་མུ་ལ་ཡེ་རུ་ཤ་ལེམ་གྱི་མི་གི་རིའི་འང་སེམས་འཁྲུགས་པ་ལགས། 4དེ་ནས་ཁོང་གིས་མཆོད་དཔོན་ཆེ་དང་ཆོས་ཁྲིམས་ཀྱི་སློབ་དཔོན་གི་རི་བོས་རེ་མཱ་ཤི་ཀ་གོ་ག་རུ་འཁྲུངས་ཀྱིན་གྱི་སྐོར་ལ་ཁོང་ཀྱ་ནས་རྩད་ཆོད་བྱས་བ་ལགས། 5ཁོང་ཀྱ་ཡིས་སྨྲས་བ་ལགས། ཡུ་དེ་ཡཱ་ཡུལ་གྱི་བེད་ལེ་ཧེམ་དུ་འཁྲུང་གི་ལགས། གི་བྱས་རེ་སྨྲ་ན་མངོན་ཤེས་མཁན་གྱིས་དེ་རེ་བྲིས་འོད་ད་ལགས།
6ཡ་ཧུ་དཱ་ཡུལ་གྱི་བེད་ལེ་ཧེམ་ཁྱོད།
ཡ་ཧུ་དཱ་པ་དཔོན་པོ་ཀྱ་ནས་ཁྱོད་ག་ནས་ཆུང་བ་མིན།
གི་བྱས་རེ་སྨྲ་ན་ཁྱོའི་ནང་ནས་དབང་བསྒྱུར་བྱེད་མཁན་གཅིག་འོང་གི་ལགས།
ཁོ་ངའི་མི་རིགས་ཡིས་ར་ཨེལ་གྱི་རྫི་བོ་བྱུང་གི་ལགས།#མི་ཀཱ། ༥:༢
7དེ་ནས་ཧེ་རོ་དཱེ་ཡིས་སྐར་རྩིས་པ་ཀྱ་ཁ་པ་བོས་རེ་སྐར་མ་ཤར་གྱིན་གྱི་དུས་ཀྱི་སྐོར་ལ་རྩད་ཆོད་བྱས་བ་ལགས། 8དེ་ནས་དེ་རེ་སྨྲས་རེ་བེད་ལེ་ཧེམ་ལ་བརྫངས་བ་ལགས། ད་སོང་རེ་ཕྲུ་དེ་ལ་ཉི་རི་བྱས་རེ་འཚོལ། དེ་ནས་ཁྱེད་ཀྱ་ལ་རྙེད་དེ་ང་ལ་ལོན་འཁྱེར་ཏེ་ཤོག། དེ་ནས་ངའང་སོང་རེ་ཁོ་ལ་བཀུར་བསྟི་བྱེད་ཡས་འོད་ད་ལགས།
9རྒྱལ་བོའི་བཀའ་ལ་མཉན་ཏེ་ཁོང་ཀྱ་ཁོ་རི་ལམ་ལ་སོང་བ་ལགས། དེ་ནས་ཤར་ཕྱོགས་ལ་མཐོང་ཐ་སྐར་མ་གོ་ཁོང་ཀྱ་ཡི་ཨེན་ཨེན་ལ་སོང་རེ་ཕྲུ་བཞུགས་སའི་ཐོད་དུ་བསྡད་པ་ལགས། 10དེ་ནས་སྐར་མ་འདི་ལ་མཐོང་རེ་ཁོང་ཀྱ་དམི་ཅིག་གི་ཉམ་མོ་དགྱེས་བ་ལགས། 11ད་ནང་ལ་འཛུལ་རེ་ཕྲུ་གོ་ལ་ཁོ་རི་ཡུམ་མིར་ཡམ་མུ་ལ་མཇལ་བ་ལགས། དེ་ནས་པུས་མོ་ས་ལ་བཙུགས་ཏེ་ཁོང་ཀྱ་ཡིས་ཁོང་པ་ལ་ཕྱག་འཚལ་བ་ལགས། དེ་ནས་གཏེར་སྒམ་ཁ་པེ་རེ་གསེར་དང་། སྤོས་དཀར་དང་། དྲི་ཞིམ་ཀྱ་བཏོན་ཏེ་ཁོང་པ་ཡི་གདོང་ལ་བྱ་དགའ་ཀྱ་ཕུལ་བ་ལགས། 12ད་མིག་ལམ་ལ་ཧེ་རོ་དཱེ་རྩ་རུ་མ་ལོག་སྨྲས་རེ་ཉེན་བརྡ་བྱུང་རེ་ཁོང་ཀྱ་ལམ་གཞན་མ་ནས་རང་གི་ཡུལ་ལ་ལོག་པ་ལགས།
ཨེ་ཇེབ་ཡུལ་དུ་བྲོས་བ།
13སྐར་རྩིས་པ་ཀྱ་སོང་ཚར་ཏེ་གཙོ་བོ་དཀོན་མཆོག་གི་བང་ཆེན་གཅིག་ཡོ་སེབ་ཀྱི་མིག་ལམ་ལ་མངོན་ཏེ་གསུངས་བ་ལགས། རྒྱལ་བོ་ཧེ་རོ་དཱེ་ཡིས་ཕྲུ་འདི་བསད་ཡས་ལ་བཙལ་ཡས་བྱེད་འདིག འོ་བྱས་རེ་ལངས་རེ་ཕྲུ་འདི་དང་ཁོང་པ་ཡི་ཡུམ་ལ་འཁྲིད་དེ་ཨེ་ཇེབ་ཡུལ་དུ་བྲོས། དེ་ནས་ངས་ཁྱོད་ལ་མེད་སྨྲ་གིན་ཐུག་པའི་འོ་དུ་རུ་རང་སྡོད།
14དེ་ནས་ཁོ་ལངས་རེ་ཕྲུ་དང་ཁོང་གི་ཡུམ་འཁྲིད་དེ་མཚན་མོ་རང་ཨེ་ཇེབ་ཏུ་སོང་བ་ལགས། 15དེ་ནས་རྒྱལ་བོ་ཧེ་རོ་དཱེ་མ་གྲོངས་ཀྱིན་ཐུག་པའི་ཁོང་ཀྱ་འོ་དུ་རུ་རང་བསྡད་པ་ལགས། གཙོ་བོས་རང་གི་མངོན་ཤེས་མཁན་གྱི་ཐོག་ནས། ཨེ་ཇེབ་ཡུལ་ནས་ངའི་སྲས་བོས་བ་ཡིན།#ཧོ་ཟེ། ༡༡:༡ གསུངས་ཀྱིན་འདི་བསྒྲུབས་པ་ལགས།
བེད་ལེ་ཧེམ་དུ་ཕྲུ་བ་ཀྱ་བསད་པ།
16དེ་ནས་སྐར་རྩིས་པ་ཀྱ་ཡིས་ཁོ་རང་ལ་མགོ་སྐོར་གྱིན་གོ་ཧེ་རོ་དཱེ་ཡིས་ཧ་གོ་སྟེ་ཁོ་དམི་ཅིག་གི་ཁོང་ཁྲོ་ལངས་བ་ལགས། དེ་ནས་ཁོས་སྐར་རྩིས་པ་ཀྱ་ནས་གོ་གིན་ཚེས་གྲངས་ལ་བལྟས་རེ་ཁོ་རི་དམག་མི་ཀྱ་བཏང་རེ། བེད་ལེ་ཧེམ་དང་མཐའ་སྐོར་གྱི་ས་ཚ་ལ་ལོ་གཉིས་དང་འོ་དེ་འོག་ལ་འོད་ཀྱིན་ཕྲུ་བ་བི་ཛ་གི་རི་ལ་བསད་དུ་བཅུག་པ་ལགས། 17དེ་ནས་མངོན་ཤེས་མཁན་ཡེར་མི་ཡཱ་ཡིས་གསུངས་ཀྱིན་འདི་བསྒྲུབས་པ་ལགས།
18ར་མཱ་རུ་སྐད་གཅིག་གོ་པ་ལགས།
ངུ་གིན་དང་ངུ་བརྡ་ཆེ་བརྒྱབ་ཀྱིན།
ར་ཧེལ་མོ་རི་ཕྲུ་བ་ཀྱ་ཡི་ཕྱིར་ལ་ངུ་གིན།
སེམས་གསོ་མོས་ཁས་མ་ལེན།
གི་བྱས་རེ་སྨྲ་ན་འོ་དེ་ཀྱ་མ་ལས་བ་ལགས།#ཡེར་མི་ཡཱ། ༣༡:༡༥
ཡེ་ཇེབ་ནས་ལོག་པ།
19ཧེ་རོ་དཱེ་གྲོངས་རེ་ཨེ་ཇེབ་ཡུལ་དུ་ཡོ་སེབ་ཀྱི་མིག་ལམ་ལ་གཙོ་བོའི་བང་ཆེན་གཅིག་མངོན་ཏེ། 20གསུངས་བ་ལགས། སྲས་འདིའི་སྲོག་ལེན་ཡས་བྱེད་མཁན་ཀྱ་ཤི་སོང་། འོ་བྱས་རེ་ལོངས་ལ་ཁོང་པ་དང་ཁོང་པ་ཡི་ཡུམ་འཁྲིད་དེ་ཡིས་ར་ཨེལ་ཡུལ་དུ་ལོག་སྟེ་སོང་། 21དེ་ནས་ཡོ་སེབ་ལངས་རེ་ཕྲུ་དང་ཁོང་གི་ཡུམ་འཁྲིད་དེ་ཡིས་ར་ཨེལ་ཡུལ་དུ་སོང་བ་ལགས།
22ཡིན་ནའང་རྒྱལ་བོ་ཧེ་རོ་དཱེའི་ཚབ་ལ་ཁོའི་བི་ཛ་ཨར་ཀེ་ལཱའུ་ཡིས་ཡུ་དེ་ཡཱ་རུ་རྒྱལ་བོ་བྱེད་འདིག་སྨྲས་རེ་གོ་སྟེ། ཡོ་སེབ་འོ་དུ་རུ་འགྲོ་ཡས་ལ་འཇིགས་པ་ལགས། དེ་ནས་མིག་ལམ་ལ་མ་ལོག་གསུངས་ཀྱིན་གོ་ཚོར་ཏེ་ཁོ་ག་ལིལ་ཕྱོགས་ལ་སོང་བ་ལགས། 23དེ་ནས་ཁོ་སོང་རེ་ན་ཙ་རེད་སྨྲ་གིན་ཡུལ་དུ་བསྡད་པ་ལགས། ད་ཨེན་མ་མངོན་ཤེས་མཁན་ཀྱ་ཡི་ཐོག་ནས་ཁོང་པ་ལ་ན་ཙ་རེད་པ་གསུངས་རེ་ཞུ་གི་ལགས་#༢:༢༣ འདི་གསུངས་ཀྱིན་མངོན་ཤེས་མཁན་གོ་སུ་ཡིན་གྱིན་གོ་ཤེས་ཡས་མེད་ད་ལགས།གསུངས་ཀྱིན་འདི་བསྒྲུབས་པ་ལགས།།
موجودہ انتخاب:
མད་ཐཱ། 2: LOY
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023, Wycliffe Bible Translators, Inc. and Nepal Bible Society