मरकुस नेॽचिरामि चिनारि
नेॽचिरामि चिनारि
मरकुस लुमे याॽमि चाहिँ येसुमि एप्पा चोङ्सा पत्रुसमि नुबा लङ्गाम ले़टे़। पत्रुसडे़ॽ साप्पॽआ नेॽचिराबेॽ मरकुस “काङ्मि पसा” लुटुए (१ पत्रुस ५:१३)। मरकुस बारनाबासमि टाङ्बाङ्नुङ पावल योम्बोक ले़ःॽमाराप्खुबासो ले़टे़ (एप्पा चोङ्सा १२:२५; कलस्सि ४:१०; तिमोथि ४:११)।
मरकुस येसुमि एप्पा चोङ्सागो मे़ले़टा, खोसे़ॽ येसुमि टुम्बेॽहा खा पत्रुसबाङ नुरोॽ खेम्बॽआ ले़टे़। पत्रुसडे़ॽ लुबॽआ खानोॽ खोमि सुसमाचारमि नेॽचिरा मरकुसबेॽ साप्मिटुहा। बेॽलो बाइबल निवादाङ्बाजिडे़ॽ मिॽपॽआडोॽ मरकुसडे़ॽ इगो नेॽचिरा रोम सामराज्यामि रोम सहरबेॽ साप्पॽआ लुनुङ लुन्डुजे। मत्तिडे़ॽ यहुदिजिमि लागि खोमि सुसमाचार साप्टिडोक्नोॽ मरकुसडे़ॽ चाहिँ इगो सुसमाचार रोमि याॽमिजिमि लागि साप्मिटुए लुन्डुजे। रिउम सुसमाचारमि नेॽचिराबेॽ मरकुस चाहिँ चोप्पा याक्लो साप्पॽआ नेॽचिरा ले़टे़। इगो नेॽचिरा इ. स. ५५-५६ मि रुम्बेॽए बेलाबेॽ अथबा येसु सिघे़ॽपॽआ ३० निङ ए़क्साङ साप्पॽआ ले़टे़।
इगो नेॽचिराबेॽ येसुडे़ॽ ले़ःॽपॽआ योम्बोकनुङ खोमि अधिकारमि टुम्बेॽ नुरोॽ साप्पॽआ ले़ये। खो अधिकारनुङ्मा लुमे खा खोमि योम्बोकबेॽ खाङ्मुये। इगोबेॽ ए़क्साङ ए़क्साङ येसुमि एप्पा चोङ्साजिडे़ॽ झना नुरोॽ लेबोक्पॽआ तर खोमि बिरोध ले़ःॽखुबाजि चाहिँ झना बिरोधि लिबॽआ खा टुहा। चोप्पा ए़क्साङ चाहिँ येसु काप्सिङ्बेॽ सिघे़ॽनुङ हिङ्बोक्नुङ थाङ्सिरि ठेॽपोक्खे़ॽपॽआ खा टुहा।
नेॽचिरामि बिसय सुचि
१. सुसमाचार साप्मा तरिक्पॽआ १:१-१३
२. येसुडे़ॽ गालिलबेॽ ले़ःॽपॽआ योम्बोक १:१४–९:५०
३. गालिलबाङ यरुसलेमठोक १०:१-५२
४. यरुसलेमबेॽ पेम्बॽआ ए़क्साङ्ए साता ११:१–१५:४७
५. येसु सिघे़ॽनुङ हिङ्बोक्पॽआ १६:१-८
६. सिघे़ॽनुङ ए़क्साङ परभु खाङ्मुबॽआनुङ थाङ्सिरिॽटु खे़ॽपॽआ १६:९-२०
موجودہ انتخاب:
मरकुस नेॽचिरामि चिनारि: YAMP
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023, Wycliffe Bible Translators, Inc. and Nepal Bible Society