Pinongoorapan 26
26
Minusintapan si Paulus so tiningkuangon ni Raja Agripa
1Mutongaro yo sono si Raja Agripa so si Paulus nu, “Lila'an ku yo ikau musintapan,” koo. Singgori yo ni Paulus longon niyo ri pokoilo nu moingin iyo mutangar, om mutongaro yo sono nu,
2“Oo Raja Agripa, osudu'an aku bana nu kikosiwatan aku musintapan so tiningkuangon mu suat nu ponopudan nu lobuw Yaudi so aku, 3om labi po so' koilo ko sobana nu adat om pomusosogka'an toko lobuw Yaudi. Ono yo ko', mindamo aku, nu otagon mu mongorongou sobana pusintopanan ku tu pudi olanggau.
4Noilaan-o nu kiawi' lobuw Yaudi kogoyaan ku kiat nu lolaing aku po. Noilaan-o nosiro nu mido-ido aku so bansa ku togna po so Kilikia, om noopod iri so Yirusalim. 5Olaid-o nosiro nokoilo suat so aku. Om bang moingin nosiro, tantu koponuturan nosiro nu lobuw aku nu Parisi om bana ko sumuut aku nu oturan nu ugama mai.#P'rapan 23:6; Plp 3:5 6Om bisora'on aku nu kosiono tu so' poimaid aku nu janji nu Kinoringan so porookian mai ri nu oluli'an Niyo lobuw minatoi. 7Awi runat mongusaa' so Kinoringan opulu om duo suku-sakat nu bansa mai, so' nosiro nga mimat-imat-a nu janji oono. Oo Raja Agripa, ono yo ko' topudon aku nu lobuw Yaudi so' poimaid aku nu janji oono. 8Nokuro su kou lobuw Yaudi dai poimaid nu kopongoluli' Kinoringan nu lobuw minatoi?
9Gulu ri, nokopomikir aku nu musuat ong lumawan aku so si Yisus, iri kiat so Najarit-i. 10Om iri yo su winaal ku so Yirusalim, maid nu kopogboya'an kiat so wowaidon nu imam. Osuang lobuw poimaid so si Yisus jiniil ku, om tinumaayun aku ya nu ukumon nu potoyan wokon lobuw poimaid. 11Obulit aku mononsara' so nosiro so waloi sosombooyangan, monosog so nosiro popongolim nu koimaidan so si Yisus. Sobana ko ororaayan aku so nosiro, sampai suuton ku ya nosiro so bandar wokon,” koo.#P'rapan 8:3; 22:4-5
Minonuturan si Paulus nu gama' niyo nopoimaid so si Yisus
(P'rapan 9:1-19; 22:6-16)
12Sumunduro po si Paulus mutangar nu, “Iri ya pudi tomod ku mian so Damsik maid nu surat kopogboya'an kiat so wowaidon nu imam, mongaakom nu lobuw poimaid so si Yisus dii. 13Oo Raja Agripa, laid ku manou-panou mian so Damsik nu tonga' runat, milok po su nokosiou aku nu binaang tumogu' kiat so langit nu otarang po ko' runat so pililiwut ku om lobuw songgoyudan so aku ri, 14sampai noluluk kai. Nokorongou aku sono nu bongut minutangar so aku so tangar Yaudi nu, ‘Oo Saulus, nokuro su mongoraai ko so Aku? Musinsaad ko ya nu ono so' lumawan ko so Aku. Ingkoyod-o lumawan s'Aku, so' Aku yo su tuan mu,’ koo. 15Mutongaro aku yo sono nu, ‘Isai ko ka Tuhan?’ k'aku. Sumombuto yo Tuhan nu, ‘Aku yo si Yisus, sindoraayon mu no. 16Undii yo. Minokisiou Aku so ikau, tomod Ku mongurug so ikau nu uripon Ku, potuturan so lobuw wokon suat so Aku, iri nosiou mu nu runat tu, om suat nu onu yo po niintolang Ku so ikau ong wagu. 17Sopulan Ku ikau kiat so lobuw Yaudi om okon ko Yaudi, su' dai oinsaadan ko nosiro. Om poianon Ku ikau nai so nosiro. 18Suu'on Ku ikau potuturan su' otondu'an om poimaid nosiro so Aku om kopogkuasa sono Kinoringan so nosiro om okon ko moinat su mogkuasa. Bang poimaid nosiro s'Aku, oompunan koraayan nosiro om koido so lobuw pinili' nu Kinoringan,’ koo si Yisus s'aku.
Nopaabar si Paulus nu nololagan niyo
19Oo Raja Agripa, ono yo ko' sobana ko minogkari'-kari' aku sumulut nu onu yo po nosiou ku kiat so Kinoringan. 20Om ibanta' ku ya pokoilo so lobuw suang nu subai rumorogo nosiro momaal nu koraayan om poimaid so Kinoringan, om pointolang so kowiawan nosiro nu nokoingkoyod-o nosiro momaal nu koraayan. Dii yo so Damsik su pinonuturanan ku togna nu itu, nopupus iri so Yirusalim nai', so pilolongkop nu Yudia, om so lobuw okon ko Yaudi.#P'rapan 9:20,28-29 21Ono yo ko', inakom aku nu lobuw Yaudi so natad nu Waloi Maayo nu Kinoringan, om mokipopomatoi s'aku, 22nga sampai-a nu kosiono tu, iningoligan aku nu Kinoringan. Indadi dai su koingkoyod monuturan nu itu so kiawi' lobuw kipangkat d'ado pangkat. Kiawi' tinangar ku iitu notangar-a ni Musa om poo'abar nu Kinoringan gulu ri. 23Nopotuturan nosiro nu subai sonsora'on sampai matoi Raja Nijanji nu Kinoringan oono, om Iyo yo su togna oluli'an om dai matoi koimbagu. Om nopotuturan po nosiro nu paabar Iyo suat so gama' nu Kinoringan monapul, kiat-o so lobuw Yaudi kumoo yo so okon ko Yaudi,” koo si Paulus.#Yis 42:6; 49:6; 1 Kur 15:20
24Laid po ni Paulus musintapan-i, gumonsoko yo si Pistus nu, “Mulou ko sobana Paulus! Kiawi' koo'ilo mu no, koulou so ikau,” koo.
25Nga sumombuto yo si Paulus nu, “Oo Gobonor Pistus, okon-a ko mulou aku. Obana ya totongaron ku iitu om osayu ya pikiran ku tu. 26Oilaan-a ono mongiro-kiro nu raja, nu owarong ko' oraai. Ono yo ko', kooku' aku ya mutangar nu obontol so tiningkuangon niyo, om oimaidan aku nu oilaan-a niyo kiawi' oono, so' nokointolang-a ono om okon-a ko nourug so tontong ado lobuw. 27Oo Raja Agripa, oilaan ku nu poimaid ko ya nu tangar nu poo'abar nu Kinoringan gulu ri,” koo si Paulus.
28Sumombuto yo sono si Raja Agripa nu, “Ponontaman mu bo gaam ong oruoi-ruoi aku poimaid nu tuturan mu suat so si Yisus oono,” koo.
29Sumombuto yo si Paulus nu, “Ono sono tu ka ko' olaid-laid po, mogdu'a aku so Kinoringan, su' ikau om kiawi' nokorongou so aku nu runat iitu, osiliw nu soko aku, nga okon-a ko jiilon om kogosan nu rantai,” koo si Paulus.
30Koompusan, mundiio yo sono si Raja Agripa, si Gobonor Pistus, si Borniki, om kiawi' lobuw-i. 31Nokolabus-o po nosiro, mutotongaro yo nosiro nu, “Lobuw itu no d'ado ya nowaal nu onu-onu ya nu mutoop pongukuman nu potoyon intawa jiilon,” koo. 32Mutongaro yo sono si Raja Agripa so si Pistus nu, “Bang dai iyo mokibisara' nu Raja Maayo nu Ruum, polobuson ku yo iyo nu ono sono tu,” koo.
موجودہ انتخاب:
Pinongoorapan 26: TomPWPgLgPn
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023 (Active), Wycliffe Bible Translators, Inc. All rights reserved.