Евангелле паводле Яна Раздзел 13

Раздзел 13

1 # Мц. 26:2 А перад днём свята Пасхі Ісус, ведаючы, што надышла гадзіна Яго, каб адысці з гэтага свету да Айца, бо, узлюбіўшы Сваіх, што былі ў свеце, да канца іх узлюбіў.

2 # Лк. 22:3 І ў час вячэры, калі д’ябал ужо ўклаў у сэрца Юды Сімонава Іскарыёта, каб выдаў Яго,

3 # Мц. 11:27 Ён, ведаючы, што Айцец аддаў усё ў рукі Яго, што Ён ад Бога выйшаў і да Бога ідзе,

4 # Лк. 12:37 падняўся ад вячэры, і скінуў Сваё адзенне, і, узяўшы ручнік, падперазаўся.

5Затым наліў вады ў місу і пачаў абмываць ногі вучням і выціраць ручніком, якім быў падпаясаны.

6Гэтак падыходзіць да Сімона Пётры. Той кажа Яму: «Госпадзе, Ты мне будзеш мыць ногі?»

7І адказаў Ісус і сказаў яму: «Што Я раблю, ты яшчэ не разумееш, а потым зразумееш».

8 # 1Кар. 6:11; Геб. 10:22 Кажа Яму Пётра: «Увек не будзеш мне мыць ног». Адказаў яму Ісус: «Калі Я цябе не абмыю, не будзеш мець удзелу са Мной».

9Кажа Яму Сімон Пётра: «Госпадзе, не толькі ногі мае, але і рукі, і галаву».

10 # 1Кар. 1:30; Эф. 5:26 Кажа яму Ісус: «Хто памыты, не патрабуе нічога, як толькі ногі памыць, бо ўвесь чысты; вы таксама чыстыя, але не ўсе».

11Бо ведаў, кім быў той, хто выдасць Яго; таму сказаў: «Не ўсе вы чыстыя».

12Пасля таго, як памыў ногі іх і апрануў адзенне Сваё, ізноў, узлёгшы пры стале, сказаў ім: «Ці разумееце, што Я вам зрабіў?

13 # Мц. 23:8; Лк. 6:46; 1Кар. 8:6; Эф. 6:9 Вы клічаце Мяне: “Настаўнік” і “Госпад”, і добра кажаце, бо Я ім ёсць.

14 # Лк. 22:26; 1Пёт. 5:5; Рым. 12:10 Дык калі Я, Госпад і Настаўнік, памыў вашы ногі, дык і вы павінны адзін аднаму мыць ногі.

15 # Мц. 11:29; 1Пёт. 2:21; 1Ян. 2:6; Плп. 2:5; Клс. 3:13 Вось жа, даў вам прыклад, каб, як Я вам зрабіў, так і вы рабілі.

16 # Мц. 10:24; Лк. 6:40 Сапраўды, сапраўды кажу вам: паслугач не большы за гаспадара свайго, і пасланец не большы за таго, хто яго паслаў.

17 # Мц. 7:21; Лк. 11:28; Як. 1:25 Калі пра гэта ведаеце, шчасныя будзеце, калі гэтак будзеце рабіць.

18 # Пс. 41:10; Мц. 26:23; Дзеі 1:16 Не аб усіх вас гавару; Я ведаю, каго выбраў, але каб споўнілася Пісанне: “Нават чалавек, з якім я жыў у супакоі, якому я давяраў, які есць хлеб мой, пяту падняў супраць Мяне”.

19Наперад кажу вам, перш, чым станецца, каб вы, калі станецца, уверылі, што гэта Я ёсць.

20 # Мц. 10:40; Мк. 9:37; Лк. 9:48; 2Кар. 5:20 Сапраўды, сапраўды кажу вам: хто прымае таго, каго Я пашлю, Мяне прымае; а хто Мяне прымае, прымае Таго, Хто паслаў Мяне».

21 # Мц. 26:41; Лк. 22:21; 1Ян. 2:19 Калі сказаў гэта Ісус, стурбаваўся Ён Духам, і засведчыў, і сказаў: «Сапраўды, сапраўды кажу вам, што адзін з вас выдасць Мяне».

22Дык вучні глядзелі адзін на аднаго, няпэўныя, аб кім казаў.

23А адзін з вучняў Яго, той, якога Ісус любіў, узлягаў ля грудзей Ісусавых.

24Дык кіўнуў яму Сімон Пётра, каб спытаўся: «Хто гэта, аб кім Ён кажа».

25І ён, прыпаўшы да грудзей Ісуса, кажа Яму: «Госпадзе, а хто гэта?»

26 # Дзеі 1:16 Адказвае Ісус: «Гэта той, каму Я падам умочаны хлеб». І, памачыўшы хлеб, падаў Юдзе Сімонаву Іскарыёту.

27 # Лк. 22:3 І па кавалку хлеба ўвайшоў у яго шатан. Дык кажа яму Ісус: «Што маеш рабіць, рабі хутчэй».

28І з узлягаючых ніхто не зразумеў, да чаго Ён гэта яму сказаў.

29Некаторыя думалі, што як Юда мае [грашовы] капшук, то Ісус кажа яму: «Купі, чаго нам трэба на свята», або каб што раздаў убогім.

30Той, узяўшы кавалак хлеба, адразу выйшаў; а была ноч.

31 # Дзеі 3:13; 1Пёт. 4:11 І, калі выйшаў, Ісус сказаў: «Цяпер праслаўлены Сын Чалавечы, і Бог праслаўлены ў Ім;

32калі Бог праслаўлены ў Ім, дык Бог праславіць Яго ў Сабе ды ўславіць Яго неўзабаве.

33 # Мк. 16:19; Дзеі 1:9 Сыночкі, нядоўга ўжо буду з вамі; будзеце Мяне шукаць, але, як сказаў юдэям: куды Я іду, вы прыйсці не можаце, так і вам цяпер кажу.

34 # 1Пёт. 1:22; 1Ян. 2:7; Эф. 5:2; 1Тэс. 4:9 Прыказанне новае даю вам, каб вы любілі адзін аднаго; як Я узлюбіў вас, каб і вы адзін аднаго любілі.

35 # 1Ян. 2:3 Па тым пазнаюць усе, што вы – Мае вучні, калі будзеце мець любоў адзін да аднаго».

36Кажа Яму Сімон Пётра: «Госпадзе, куды ідзеш?» Адказаў Ісус: «Куды Я іду, ты цяпер не можаш прыйсці, але потым прыйдзеш за Мною».

37 # Мц. 26:33; Мк. 14:29; Лк. 22:33 Кажа Яму Пётра: «Госпадзе, чаму я цяпер не магу пайсці за Табой? Жыццё сваё аддам за Цябе».

38 # Мц. 26:34; Мк. 14:30; Лк. 22:34 Адказвае яму Ісус: «Жыццё тваё за Мяне аддасі? Сапраўды, сапраўды кажу табе: перш чым певень запяе, тры разы зрачэшся Мяне.

موجودہ انتخاب:

Евангелле паводле Яна Раздзел 13: ББЧ

سرخی

شئیر

کاپی