Jã 2
2
Herɩkɛ hanɩ Kana dɩɩra
1Wire yẽther wirera her kɔɔ har Galile Kana, dɩ Jejuu nɩ kɔɔ halera. 2Dɩ wɩ kɔɔ wer Jeju dakha na ɔɔ kpãkpãadara dɩ wɩ pɔ herraale. 3Mɔ̃ taanɩkɛ wɩ‐n wenɩ dɩvɛ̃ ɩnɩ dɩ ga‐n ɓɔr, Jejuu nɩ sʋʋraarɛ ayɩ: Wa hana dɩvɛ̃ bã. 4Dɩ Jeju birsee: Khɛr, anye sɩ ha kha? Ɩ̃ bɔ na dã paˈ. 5Dɩ ɔɔ nɩ so thɔ̃ donana: Nɩ cʋɛ thɩ̃ɛ fɛʋʋkɛ a na so narnɩ. 6Sɩ boka bɩlãkpona maadõ gɩ, a kɔɔ hale dɩ wɩ thɩɩnna nyʋɔn dɩɩ do Juifisɔɔ phɔphʋɔlda. Gbõgbõ yenã dɩkha maadõ n he gɛr fɛʋ bɩɛlbɩɛl. 7Dɩ Jeju so warɛ: Nɩ he bɩlãkponaakɛra nyʋɔn. Dɩ wɩ kɔɔ hi ger phi na nyʋɔnna. 8Dɩ bir so war: Nɩ cɛ nɛnɛ̃ dɩphã a jalana hana dɩko tɩnɛdaar; dɩ wɩ cɛ jalna haa. 9Dɩ ɔbɔɔkɛ dɩko tɩnɛdaar ˈlɛnɩ nyʋɔnɩkɛ debanɩ a do dɩvɛ̃ hɩɩn, aa jɩ ka dɩvɛ̃ɛle thenaˈ; sɩ thɔ̃ donaakɛ wer kɔɔ cɛnɩ nyʋɔn jɩrɛ bɔɔbɔɔ; dɩ a wer kher he, 10a sʋʋraa: Dɩvɛ̃ bʋɔ tɩbɩla fɛʋ n ˈlaa caca ɓo, sɩ ɔbɔɔkɛ tɩbɩla n hini pɩ, dɩ wɩ pɩɩrɔ dɩphã gɩrɛ na jɩɛnnɩ bɔraˈ a na ˈlaa, sɩ fe wer dɩvɛ̃ bʋɔra fer thɩɩn dɩɩ ba dana nɛnɛ̃kɛ.
11Galile Kana dɩɩra dɔ Jejuu caca nɔ kpaa thɔ̃ fʋ pa. Liir a nɩna ɔɔ puno hana dɩ ɔɔ kpãkpãadara pɩɛ haar.
12A gele pɩrɔ, a gbaar jal Kapɛrnayʋm na ɔɔ nɩ, na ɔɔ õkũu bɩnɔsɔ, nakha ɔɔ kpãkpãadara, sɩ gbe wɩ kɔɔ too le dɩbara.#Mat 4:13
Thɩ̃ dolõdaraakɛ Jeju kɔɔ weelenɩ
(Mat 21:12–13; Mar 11:15–17; Lu 19:45–46)
13Dɩ Juifisɔɔ Pakɩ n wɔrɔnɛ, dɩ Jeju gba jal Jerujalɛm.#Thɩɩ 12:1–27 14Dɩ a yɩrɛ le Thãgba fʋɔr cɔ kɔ̃tɩ̃ bɩnɔ tɩbɩla dɩ wa‐n dolõ nasɔ, na banaasɔ, na kʋlã puosɔ, na war debidarasɔ, dɩ wɩ too dɩ wa‐n debi war. 15Dɩ a gbaar pɛ̃ɛ#2:15 Pɛ̃ɛ: Gɛr dɔ gɩrɛ Juifisɔ n lenɩ khasa. a le khasa a weelena wɩ fɛʋ Thãgba fʋɔr cɔ kɔ̃tɩ̃ bɩnɔ, na banaasɔ, na nasɔra, sa gba war debaa warsɔ a jãjalã a faa, a tʋɔrna tabalsɔ a kpɛɛ, 16sa so kʋlã puu dolõdarara: Nɩ thɩrɛ na gɩrɛ kɩɛr. Na‐n gba ɩ̃ Thɩɩ cɔ na cʋʋ gɩ do thɩ̃ dolõ cʋɔraˈ. 17Dɩ ɔɔ kpãkpãadara jɩna dɩ gɩ kɔɔ kherere Thãgbaa sɛbɛra ayɩ: “Afɩ cɔ thu fʋ mɛr a thʋ̃ kar.”#Khɩ 69:10
18Dɩ Juifisɔ buleele: Anyee nɔ kpaa thɩ̃ ca fɩ‐n nɩ sar dɩ fa‐n cʋʋ thɩɛna thakɛ? 19Dɩ Jeju birse wi: Nɩ wɩɛrɛ Thãgba fʋɔr cɔ kɔ̃tɩ̃ɩkɛ, sɩ wire yẽther biləni ma bire na mɩɩ.#Mat 26:61; 27:40; Mar 14:58; 15:29 20Dɩ Juifisɔ sʋʋraa: Yɛna kpalanyɔ maadõ wɩ mɩ Thãgba fʋɔr cɔ kɔ̃tɩ̃ɩkɛ a cʋʋna, dɩ fe wer yɩ, wire yẽther fa bire na mɩ na pɩɩ? 21Sɩ jaa Thãgba fʋɔr cʋɔrɩkɛ Jeju mɩɩnɩ kɩɛr ɔɔ tomɩ a so. 22Dɩ ɔbɔɔkɛ Jeju kɔɔ ɩɩrnɩ a the khirera, ɔɔ kpãkpãadara jɩna gɛr dɩ thalera a kɔɔ so, dɩ wɩ pɛr haar gɩrɛraakɛ Thãgbaa sɛbɛ sonɩ na thɩmɩɩrraakɛ Jejura kɔɔ sonɩ.
23Dɩ ɔbɔɔkɛ Jeju kɔɔ hanɩ Jerujalɛm Pakɩ fɛtɩra, tibil jɔjʋɔ kɔɔ pɛrɛ ɔɔ i haar, mɔ̃ wɩ yɩnɩ nɔ kpaa thɩ̃ɛsɔɔkɛ a‐n cʋʋnɩ. 24Sɩ Jeju wer na hana war ha pɛraˈ, gɩdonɩ a jɩ wɛr fɛʋ, 25dɩrakɛ aa hana ƴaalɛ tibil n mɩɛnɛ nɩ mɔ̃ tibil hanaˈ, gɩdonɩ ɔr thɛthɛ jɩrɛ gɩrɛ n hanɩ tibili bɩnɔ.
موجودہ انتخاب:
Jã 2: LOBIRI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Bible Society of Burkino Faso 1985.
