Ioane 2
2
Ko te Fakaipoipoga i Kana
1I tona tolu o aho, na fai ai he fakaipoipoga i Kana i Kalilaia. Nae i kinā te mātua o Iehu, 2ma na valakaulia ai foki ia Iehu ma ona hoko. 3Kua uma te uaina, oi lea atu ai te mātua o Iehu ki a te ia, “Kua hēai he lātou uaina.”
4Kua tali mai ia Iehu, “Te mātua, nahe kē lea mai ko kinā mea e tatau ke kō faia! Ko toku taimi ko hēki pa mai.”
5Oi lea ai te mātua o Iehu ki nā kaukauna nae ki lātou fakahoahoa te uaina, kua vē atu, “Ho he mea lava e lea atu ia Iehu ke fai, oi fai.”
6E ono ia hioki tukuvai lalahi e gaohia i te fatu nae fakatutū i kinā, ona ko te tū a Iutaia e uiga ki te fakamamāgia. Ko te hioki tukuvai e fokotahi, e tuha ma te helau lita e tumu ai. 7Kua vāgana atu ia Iehu ki nā kaukauna, “Fakatūtumu nā hioki iēnei i te vai.” Kua fakatūtumu e ki lātou nā hioki tukuvai, kua pa lele ake ki nā kaugutu. 8Oi vāgana atu ai ia Iehu ki a te ki lātou, “Ahu ake la ni vai oi kave ki te tino e pule i te kaiga.” Kua kave e ki lātou nā vai ki te tino e pule, 9i te taimi tēnā ko te vai kua liu uaina, oi tofo ai ki ei te tino pule. E hēki ia iloa pe na kaumai i fea tēnei uaina (kae, e iloa e nā kaukauna na ki lātou ahu akea te vai); oi lea atu ai ki te tama fakaipoipo, 10“Ko nā tino uma lele, e fakahoa muamua lava e ki lātou te uaina lelei, ma kāfai loa te kau valakaulia e kāmata oi konanā, oi fātoā fakahoa ai la ki ei te uaina taugōfie. Kae kua kē tāofia te uaina lelei, ke fakahoa mulimuli.”
11Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.
12 #
Mat 4.13
Kua uma te mea tēnei, oi olo ai ia Iehu ma tona mātua, ona uho, ma ona hoko ki Kapenaumi, oi nonofo ai i kinā mo ni nai aho.
Kua Fano ia Iehu ki te Mālumalu
(Mataio 21.12-13; Maleko 11.15-17; Luka 19.45-46)
13 #
Eho 12.1-27
Kua tāli pa ki te taimi o te Kaiga Fakamanatu o te Pāheka, oi fano ai ia Iehu ki Ieluhalema. 14I loto o te Mālumalu,#2.14 I loto o te Mālumalu; i loto o nā lōtoā mo tagata nukukehe. na ia maua atu ki ei nā tino e fakatau a lātou povi, nā māmoe, ma nā lupe, ma vēnā foki ma nā tino huitupe e nonofo i a lātou laulau. 15Oi fafau ai e ia he kini i nā meakafa tuaiti, ma tuli ai nā manu ki fafo o te Mālumalu, nā māmoe ma nā povi; kua ahu ki lalo e ia nā laulau a nā tino huitupe ma fakatakape a lātou tupe hiliva; 16ma fakatonu ai e ia nā tino fakatau lupe, kua lea vē atu ki ei, “Kave kehe ki fafo nā mea iēnei! Nahe toe koutou faia te fale o toku Tamana, ma māketi fakatau koloa.” 17#Hal 69.9Kua manatua e nā hoko o ia, te kupu e tūhia i te tuhituhiga paia e vē mai, “Ko te alofa o oku ki tō fale, te Atua, e mu i loto o oku e vē he afi.”
18Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”
19 #
Mat 26.61; 27.40; Mlk 14.58; 15.29 Kua tali atu ia Iehu, “Talepe ki lalo te Mālumalu tēnei, oi toe fau ai e au i nā aho e tolu.”
20Kua lea atu nā takitaki o Iutaia, “E fahefulu ono ia tauhaga na fau ai te Mālumalu tēnei, kae e kē toe faua i ni aho e tolu?”
21Kae ko te mālumalu e tautala fakatatau ki ei ia Iehu, ko tona tino. 22I te toe fakatū maiga la o Iehu mai te oti, oi na manatua ai e ona hoko, ko te mea tēnei na lea ai, ma na talitonu ai loa ki lātou ki te tuhituhiga paia, ma te mea na lea ai ia Iehu.
E Iloa e Iehu te Natula Fakatetagata
23Ka koi i Ieluhalema ia Iehu i te taimi o te Kaiga Fakamanatu o te Pāheka, e tokalahi nā tino na talitonu ki a te ia, ona kua ki lātou kiteagia nā fakailoga nae ia faia. 24Kae e hēki talitonu lele ia Iehu ki a te ki lātou, auā e ia iloa ki lātou uma. 25E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.
موجودہ انتخاب:
Ioane 2: TNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Tokelauan New Testament © Bible Society New Zealand, 2009.
