Zowănnī 20

Lobu Aòhlòthô̆

(Mattĕo 28.1-8; Mărko 16.1-8; Lŭka 24.1-12)

1B́ĕ dòsòd́è̆ ani aŭsu dini, Lumuwòthab́ĭ we akhî nu, Marĭa Madalè̆nā legè d́ŏ lūkho nu kî za tcahtîgè lo htè bija glè̄b́î i lū abukho dèmè̆ b́atoklŏ phlòḿĭgè. 2Cè cwèlegè d́ŏ Simŏnè Petru ò, kî bōhmubicè alewe dèbwè htè Jezŭ b́èlò̄gè dèbwè ò nu kî co d́ò̆sagè lōwa, “Bija hèikè̆ phlòḿĭgè Jezŭ aco d́ŏ lūkho abu nu. Bija b́è̆lăgè Cè d́òlè̄ nu wî dî thîhè̆ ńò,” cò d́ò̆sagè lōwa do.

3Mègōnu, Petru kî bōhmubicè alewe dèbwè cwèlegè d́ŏ lūkho nu. 4Cè gibwèlō cwèle thò̆drò nòthò̆ lōwa hnò̆nu, bōhmubicè alewe dèbwè cwè plă kî dole ŭsu Petru d́ŏ lūkho nu. 5Barasă ze de lenī abu ńò, ḿî cô ôô̆nīgè abu kî ca tcahtîgè tîkî̆jā tòcò aòda lākho. 6Acwèlekô ze le Simŏnè Petru dolegè kî ze lenīdanāgè lūkho abu. B́ĕnu za tcahtîgè tîkî̆jā aògè lākho tòcò, 7kî tîkî̆jā htè ab́ò̆b́i Co ko nu atò ò ploplo ńò, ḿî aò htŭtuklŭhta dò̆ ane kî ò ladū è̆ lò. 8B́ĕnu bōhmubicè adole ŭsugè lūkho dèbwè lenī lobu. Ca tcahtîgè kî cu b́ugè. 9(Ḿî cè tòcò dî thîhè̆ Cè Tcahtĭ adèjî̄b́è htè Za gā htabogeb́è dèthĭ aklè̆ nu hnî̆ńò.) 10Mègōnu bōhmubicè tòcò gegè ahiaphă.

Jezŭ D́è̆lî̄ ane Marĭa Madalè̆nā

(Mattĕo 28.9,10; Mărko 16.9-11)

11Marĭa sò̆hto ò lūbu akhlŏ kî za hagè. B́ĕ za ha phătha nu, za tcanīgè d́ŏ lū abu nu, 12kî za tcahtîgè Mò̄khobwèzo gībwè, kô̆thò ab́ôthă, sańăla ò d́ŏ bija b́è̆lă Jezŭ aco akokho dòkhò̆ dèbwè kî d́ŏ akhahtî dèbwè. 13Mò̄khobwèzo tòcò d́ò cè, “Amihmu, na ha manè̄?” cè d́è̆ lōwa do.

Cò d́òge lōwa tòcò, “Bija hèigè jî B́ĭcè kî cè b́è̆lă lōwa d́òlè̄ nu jî dî thîhè̆ ńò!”

14Cò d́ò hwă gōnu kî ca b́adîrî ze ne, za tcahtîgè Jezŭ sò̆hto ò, barasă zî dî thîhè̆ lōwa ḿî Jezŭ ńò. 15Jezŭ d́ò cè, “Amihmu, na ha manè̄? Na wāhlègè bò̄bwè?” Cè d́è̆gè lōwa do.

Zo gomo lōwa ḿî bija akhwèi dèludèd́ŏ d́ō, cè d́è̆gè lōwa, “Sara, b́eḿĕ ne gē le b́è̆lă Cè alewe dalālā d́ō, d́ò̆sabò̄ jè ne le b́è̆lă Cè ale, kî je gē lephîge Cè,” cò d́ò lōwa do.

16Jezŭ d́ò cè, “Marĭa!”

Ca b́adîrî hwă ze ne, cò d́ò Hebrè̆upho alē; “Rabboni!” (Ahtabohtab́ă ḿî Sara) nu.

17Jezŭ d́ò cè, “Bōwè̄bò̄ ḿè jò lò ḿè, manè̄, je de gehtahtî b́è ja Pa hnî̆ńò. Ḿî lehtîbò̄ jè thè̆buwe tòcò kî d́ò̆sabò̄ cè, je gehta d́ŏ ja Pa ò kî thĭ Pa ò nu, d́ŏ jî B́ĭcè kî thĭ B́ĭcè ò nu,” Cò d́ò lōwa do.

18Mègōnu d́ō, Marĭa Madalè̆nāmo le kî d́ò̆sagè bōhmubicè tòcò htè za tcahtî htŏ B́ĭcè htŏ kî d́ò̆sagè lōwa tòcò B́ĭcè d́ògè cadè̄ nu.

Jezŭ D́è̆lî̄ Ane Zo bōhmubicè tòcò

(Mattĕo 28.16-20; Mărko 16.14-18; Lŭka 24.36-49)

19B́ĕ dòsòd́è̆ aŭsu dini Lumuhèla nu, bōhmubicè tòcò ladēplohlè lōwa d́ŏ hi dawa abu kî bò̆b́igè khaglè̄do. Manè̄ d́ō, cè tòcò scisăni Jŭdapho akhoane tòcò ale akhoacè̆ nu. Jezŭ le kî sò̆htoògè d́ŏ cè tòcò athaklăḿè̆bŭ nu, kî Cò d́ò lōwa, “Dècodèmò kèb́è d́ò̆è thĭ!” 20Cò d́ò lōwa gōnu kî Cè d́è̆lî̄ lōwa cu cuî̆tha kî Zo wōzelè̄. Za tcahtîb́è B́ĭcè gōnu d́ō, Zo bōhmubicè tòcò thaganāigè. 21Mègōnu d́ō, Jezŭ d́ò cè tòcò tapla be, “Dècodèmò kèb́è d́ò̆è thĭ! Acab́ô̆ Apa thè̆le htŏ Jè akhò̆ nu, Jè ḿî ḿî Jè thè̆le thĭ lò.” 22Cò d́ò hwă lōwa gōjo d́ō, Cè thèla lōwa tòcò akho kî Cò d́ò, “Phînibò̄ Spirito Tcahtĭ 23thĭ ka b́ăplè bija dèbwèbwè adèkhòwè d́ō, akè b́è b́ahlô̆kò̆, kî thĭ ta b́ăplè ma cè tòcò ńò d́ō, cè gè̄ tè b́è b́ăplèkò̆ ńò,” Cò d́ò lōwa tòcò do.

Jezŭ kî Tomăzo

24B́ĕ Jezŭ le akhî nu scigībwè aklè̆ dèbwè, htè Tomăzo (bija jo ami Aòthokŏ) nu tò òkôgè bija akă ńò. 25Mègōnu d́ō, bōhmubicè alewe tòcò d́ò̆sa cè, “Wa tcahtî htŏ B́ĭcè,” nu.

Tomăzo d́òge cè tòcò, “Ja da tcahtîb́è htaĺa sephlò̆ ale d́ŏ Cu cuî̆tha bu ńò, kî tî cîẃî̆nīb́è abule ńò, jo to b́onī b́è d́ŏ Zo wōzelè̄ ńò d́ō, ju tu b́u ńò,” cò d́ò lōwa tòcò do.

26D́ŏ alekă dòsòd́è̆ nu, bōhmubicè tòcò òplodò̆ lōwa b́ĕ hibu tapla be, kî Tomăzo òkôgè bija akăkă. Khaglè̄ ò aphròb́i. Barasă Jezŭ le sò̆hto ò hwă d́ŏ athaklăḿè̆bŭ, Cò d́ò, “Dècodèmò kèb́è d́ò̆è thĭ!” 27Mèhwă Cò d́ògè Tomăzo, “Tcabò̄ Ju cukhò jo kî cîẃî̆nībò̄ dakha, b́onībò̄ d́ŏ Jo wōzelè̄ dakha. Htèniwĭniwa bebò̄ ḿè. B́ubò̄ kha!” Cò d́ò lōwa do.

28Tomăzo d́òscĭge Cè, “Jî B́ĭcè kî jè Dèado!”

29Jezŭ d́ò cè, “Na tcahtî htŏ Jè d́ō, nu b́ukò̆ Jè ā? Ab́èhôwî ḿî ata tcahtî Jè ńò kî ab́u Jè tòcò nu.”

Cè Ajo Adèthaèni

30Jezŭ mè dèbòdèba d́ŏ Zo bōhmubicè tòcò ahlò̆mò̄ nu òwe pwĕdimi htè atò ò ahwela d́ŏ Cè ajo tèb́è abu ńò nu. 31Dè aò hwela jo tòcò ḿî cab́ô̆htè thĭ gū b́ubò̄ htè Jezŭ ḿî Krĭstu, Kib́ĭcè Apho d́ō thĭ gī nib́è dèòthôḿô̆ d́ŏ Zi mi abu nu.

موجودہ انتخاب:

Zowănnī 20: GRNT21

سرخی

شئیر

کاپی

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Geba Roman New Testament کے بارے میں مزید معلومات حاصل کریں

Zowănnī 20
سے مشہور بائبلی آیات

Videos for Zowănnī 20

18-1:20 یوحنا

Lumo Project

31-19:20 یوحنا

Lumo Project

Zowănnī 20

Zowănnī 20
سے مشہور بائبلی آیات

Videos for Zowănnī 20

18-1:20 یوحنا

31-19:20 یوحنا

بائبل:

Karen, Geba

ترجمہ: Geba Roman New Testament - GRNT21

Zowănnī 20

Zowănnī 20

Zowănnī 20 سے مشہور بائبلی آیات

Videos for Zowănnī 20

18-1:20 یوحنا

31-19:20 یوحنا

بائبل:

Karen, Geba

ترجمہ: Geba Roman New Testament - GRNT21

Zowănnī 20

Zowănnī 20
سے مشہور بائبلی آیات