Zowănnī 18

Jezŭ B́èphòb́ècŏ

(Mattĕo 26.47-56; Mărko 14.43-50; Lŭka 22.47-53)

1Jezŭ thèb́è̆hta hwă gōjo d́ō, Zè hèhta ploplogè Zo bōhmubicè tòcò kî kŭwè̄gè Kidronlò̄ bu. B́ĕnu dèhludèd́ŏ ògè dèdè̆, kî Ze lenī abu ploplo kî Zo bōhmubicè tòcò nu. 2Jŭdas, ahô̆lă Cè dèbwè nu thîhè̆ tèpwè alle, manè̄ Jezŭ kî Zo bōhmubicè tòcò ladēplo òè̆pla b́ĕnu. 3Jŭdas lejoi klĭpho kî adôi Zarādo dobo, htè Phŭgido tòcò kî Pharizè̆pho tòcò hlô̆le nu. Ze lei dèrî̄dècŭ, hmîŭd́ŏ kî hmîhôsè tòcò lò. 4Jezŭ thîhè̆ dè gŏmimi agî̄ phî̆hta dòlòb́è tòcò nu d́ō, Ze le ahlò̆mò̄ kî Cò d́ò, “Thĭ wāhlè bò̄bwè?” Cè d́è̆ lōwa tòcò do.

5Anu tòcò d́òge Cè, “Jezŭ Nazarè̆thpho dèbwè nu.”

Jezŭ d́ò, “Jî ḿî Cè lò.”

Jŭdas, ahô̆lă Cè dèbwè nu sò̆hto òplogè cè tòcò b́ĕ nu. 6B́ĕ Jezŭ d́ò̆sa cè tòcò, “Jî ḿî Cè,” nu, cè tòcò khè̆b́age alekă kî gephlò lōgè. 7Jezŭ d́è̆ge cè tòcò tapla be, “Thĭ wāhlè bò̄bwè?”

“Jezŭ Nazarè̆thpho dèbwè nu,” cè tòcò d́òscĭge do.

8Jezŭ d́òge cè tòcò, “Jò d́ò̆sa htŏ tèpwè thĭ htè aḿî Jè lò nu. Thĭ gā wāhlè b́eḿĕ Jè lò d́ō, b́ahlô̆b́alabò̄ ajo tòcò jo,” Cò d́ò lōwa tòcò do. 9(Ajo ḿî cab́ô̆htè Zè gè̄ mè pĕhta dèjî̄b́è htè Cò d́ògè, “Ni ilagè Jè bija tòcò aklè̆ Jè dè mèkè̆ mèhlè̆mè̄ dèbwè̆ ńò,” nu.)

10Simŏnè Petru htè ahèi d́asĕ dèbwè nu, ce b́ehta ca d́asĕ kî bēhtè̆dūgè Phŭgima azôpho dèbwè anigu adèhtwè dòkhò̆b́è. Zôpho anu dèbwè ami ḿîgè Malekŭ. 11Jezŭ d́ògè Petru, “Phrò̆nīgebò̄ na d́asĕ akŏ bu. Jò kò tò ò̆b́è phală Apa hnagè Jò ò̆ dèmè̆ nu ńò ā?”

Jezŭ d́ŏ Ănna Ahlò̆mò̄

12Klĭpho tòcò kî Jŭdapho abija tòcò pôgè Jezŭ kî cŏglogè lōwa. 13Ze lei ŭsugè lōwa d́ŏ Ănna ò nu, manè̄ Ănna ḿîgè Phŭgima anu ted́e nu, htè Kaĭphas amubwē nu. 14Kaĭphas htè aikŏikja Jŭdapho tòcò, cò d́ò, “Bija dèbwè lò gī thĭ b́è bija lŏcăcè anikhĭ ḿî aè d́okhlŏ,” nu.

Petru Adèjab́i

(Mattĕo 26.69,70; Mărko 14.66-68; Lŭka 22.55-57)

15Simŏnè Petru kî bōhmubicè alewe dèbwè lôkôgè Jezŭ ale. Phŭgima dèbwè thîhè̆ tèpwè bōhmubicè alewe dèbwè acè̆, ze lenīkôgè bija akă d́ŏ hi awebu nu, 16ḿî Petru nu, cò òdagè d́ŏ akhlŏ, hi khaglè̄ akăhtî. Bōhmubicè htè Phŭgima thîhè̆ dèbwè nu geb́a kî jî̄b́èhtî hwă amihmu adôi khaglè̄ dèbwè nu d́ō, zo jonīgè Petru abu. 17B́ĕnu zômo adôi khaglè̄ dèbwè d́è̆gè Petru, “Nî ḿî tèpwè thè̆ Zo bōhmubicè dèbwè tè b́è ńò ā?”

Petru d́òge cè, “Dî ḿî jè ńò!”

18B́ĕnu lumunè dèhògè acè̆, zôpho tòcò kî atcadôidè tòcò b́ô̆gèhta hmî, sò̆hto khwè̆b́a kî mèlègè ane. Petru le sò̆hto òkî sŭwūkôgè bija kă hmî b́ĕnu.

Phŭgima Htôd́è̆ Jezŭ

(Mattĕo 26.59-66; Mărko 14.55-64; Lŭka 22.66-71)

19Phŭgima htôtcadè̆cagè Jezŭ ab́èkja Zo bōhmubicè tòcò kî Cô thôithò̆idè awîakè̆ tòcò nu. 20Jezŭ d́ògegè cè, “Jô thôithò̆i hlî̆htaphlò̆htagè d́ŏ bija lŏcăcè ahlò̆mò̄ thèjô̆, d́ŏ Sinagŏgā kî Zarādo bu htè Jŭdapho tòcò ladēplo ale lò. Jò d́òhud́òzò dè tò ògè dimĭ ńò. 21Mègōnu d́ō, nè d́è̆ ma Jè nè? D́è̆bò̄ d́ŏ bija asòkhĕńe Jè tòcò nu nā? Jò dò̆sa cè tòcò cadè̄ nu d́è̆tca cè, cî thîhè̆ lŏ tèpwè Jò d́ògè danè̄ nu.”

22B́ĕ Jezŭ d́ò gōnu d́ō, zôpho asò̆hto ò Ca kăhtî dèbwè d́ègè Zè nèhtî kî d́ògè Cè, “Ńò kò d́ògeb́è Phŭgima gōnu ā?”

23Jezŭ d́òge cè, “Jò d́ò dè akèḿè kò ò dimimi d́ō, d́ò̆sa phlò̆htabò̄ d́ŏ bija lŏcăcè ahlò̆mò̄ khŏnujo, ḿî danè̄ nu. Ḿî Jò d́ò dè ab́è lò d́ō, nè d́è ma Jè nè?”

24B́ĕnu Ănna hlô̆legè Cè d́ŏ Phŭgima Kaĭphas ò nu.

Petru Jab́i Jezŭ Tapla be

(Mattĕo 26.71-75; Mărko 14.69-72; Lŭka 22.58-62)

25Petru sò̆hto ò sŭwūwe hmî b́ĕnu. Bija alewe dèbwè d́ògè cè, “Nè ḿîthè̆ Zo bōhmubicè aklè̆ dèbwè tè b́è ńò ā?”

Petru d́òge cè, “Tè b́è gāgă jè ńò!”

26Phŭgima azôpho, htè akhwĭ b́è Petru bēhtè̆dū anigu dèbwè nu, dò cè, “Ja tcahtî thè̆ nè htè d́ŏ dèhludèd́ŏ abu ploplo kî Cè nu tè b́è ńò ā?” cè d́è̆ lōwa do.

27Petru d́ò kòd́ò̆, “Tè b́è jè ńò!” Kî b́ĕnu lò scî̆phè̆ ôhtagè.

Jezŭ d́ŏ Pilăto Ahlò̆mò̄

(Mattĕo 27.1,2,11-14; Mărko 15.1-5; Lŭka 23.1-5)

28B́ĕ lumusehta wòthab́ĭ akhî nu, Jezŭ ò d́ŏ Kaĭphas ahi, bija leigè cè d́ŏ “Praetorium,” htè Rŏmapho adècirra ahi nu. Jŭdapho tòcò de lenī thè̆negè d́ŏ hid́obu ńò, manè̄ ca tha òwîòtcă Păskwa adèa Pwè̆ anikhĭ acè̆ lò. 29Mègōnu Pilăto hèhtagè d́ŏ călākô kî cò d́òlagè lōwa tòcò, “Thĭ sawè̄ bija ajo dèbwè alò da adèkèḿè nè?”

30Cè tòcò d́ògè, “Zî gî̄ dî ḿî ma bija adèkèḿè tò ò ńò dèbwè d́ō, tè b́è we gē lei cè d́ŏ ńò ò jo nu ńò.”

31Pilăto d́òge cè tòcò, “Mègōnu geibò̄ thĭ è̆, kî acab́ô̆ thĭ dèhmèla ò adĕ mèdò̆bò̄ thĭ è̆,” cò d́ògè lōwa tòcò do.

Cè tòcò d́òscĭge, “Wè è̆ akhwè agī cirrathĭ b́è bija tò ò ńò.” 32Dè ajo ḿî apĕhtakôgè acab́ô̆ Jezŭ d́òdòlò dèthĭ htè Za gā khab́è dèdè̆ nu.

33Pilăto genī hwă hibu, zo jogè Jezŭ kî htôtcadè̆cagè lōwa, “Nè nu nî ḿî Jŭdapho tòcò Asaphra ā?”

34Jezŭ d́òge cè, “Dè ajo ḿî ńò d́ò d́ògè nè è̆ ā? Ḿî bija alewe dèbwèbwè d́ò̆sagè nè jî wî jè kè̆ ā?”

35Pilăto d́òge Cè, “Na hmăkî jî ḿî Jŭdapho dèbwè ā? Ni khwĭpho kî Phŭgido tòcò ălăni Nè d́ŏ ju cukhò bu nu. Nè mègè danè̄?”

36Jezŭ d́òge cè, “Ji htĭ Je ge nu atè b́èkja Lākho jo ńò. Ji htĭ Je ge kò ò b́eḿĕ Lākho jo d́ō, Jò khò̆ bĭsèpho tòcò gō woi nikhĭ tèpwè Jè cab́ô̆htè Jè tè b́è ălăni Jŭdapho tòcò acukhòbu ńò anikhĭ nu. Ji htĭ Je ge tò ògè b́ĕ Lākho jo ńò!”

37Pilăto d́ògè Cè, “Mègōnu ni ḿî Saphra ā?”

Jezŭ d́ògegè cè, “Ńò d́ògè do. Ajo acè̆ Jò òlagè d́ŏ Lākho jo, kîd́ò̆ Ja lagè d́ŏ Lākho jo ḿî agā kha dèdî̄dèhma anikhĭ thè̆thî. Bija htè ab́èkjakî dèdî̄dèhma nu sòkhĕńe tèpwè Je lē.”

38Pilăto d́è̆ge cè, “Dèdî̄dèhma ḿî danè̄?”

Jezŭ B́ècirrathĭ

(Mattĕo 27.15-31; Mărko 15.6-20; Lŭka 23.13-25)

Cè d́è̆ hwă lōwa gōnu do, zè hèhtagè akhlŏ d́ŏ Jŭdapho tòcò ò nu, kî d́ògè lōwa tòcò, “Ja da pahtîgè dèkèḿè d́ŏ bija ajo dèbwè ò dimĭ ńò. 39Acab́ô̆ thĭ è̆ anuad́ò̆ ò adĕ nu, ja b́ahlô̆ni nènò bija dèbwèbwè b́ĕ Păskwa akhî nu. Thĭ thaèni ja b́ahlô̆ni thĭ Jŭdapho Asaphra dèbwè jo ā?”

40Bija aboahò kèwoge cè alī, “Tè b́è ajo dèbwè ńò. Wa thaèni Barăba lò.” (Barăba ḿîgè bija dehwĕpho dèbwè.)

موجودہ انتخاب:

Zowănnī 18: GRNT21

سرخی

شئیر

کاپی

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Geba Roman New Testament کے بارے میں مزید معلومات حاصل کریں

Zowănnī 18
سے مشہور بائبلی آیات

Videos for Zowănnī 18

18-1:18 یوحنا

Lumo Project

40-19:18 یوحنا

Lumo Project

Zowănnī 18

Zowănnī 18
سے مشہور بائبلی آیات

Videos for Zowănnī 18

18-1:18 یوحنا

40-19:18 یوحنا

بائبل:

Karen, Geba

ترجمہ: Geba Roman New Testament - GRNT21

Zowănnī 18

Zowănnī 18

Zowănnī 18 سے مشہور بائبلی آیات

Videos for Zowănnī 18

18-1:18 یوحنا

40-19:18 یوحنا

بائبل:

Karen, Geba

ترجمہ: Geba Roman New Testament - GRNT21

Zowănnī 18

Zowănnī 18
سے مشہور بائبلی آیات