मर्कूस छ्य़ेगी ङोहस्यी
छ्य़ेगी ङोहस्यी
दि या़हबु लेहङगु मर्कूसगी दि ल़ेहमु म़ेदी छू़दे येहबा– “किन्ज्योगी स़ेबु येशूगी तेहन्दाला या़हबु लेहङगु।” दि छ्य़ेला येशूकी छ्या़ले दाङ ओङकी तेहन्दाला प्री़हदे येहबा। मिहरोला किन्ज्यो याहपगी ओङ नाङदी येहबा माएँ ताम ओहराङगी येशूगी छ्या़लेया़ लाहमले थोङ ख़ूएँ पे यिहन्सीमाना येशूगी सुङदेन नाङगेमु, ल्हेन्डीया़ तेन नाङगेमु, मिहया़गी तिहक्पाया़ कोहङदा नाङगेमु, येशूगी मिहया़ला तिहक्पालेगी थार च्य़ू नाङज्येला राहङगी ज़ुबु मार्च्ये फुल्ज्येला ङाह दि जाम्बुलीङला ओहङग्यो यिहम्बा ओहले “ङाह मिहगी पुह यिहन” म़ेदी सुङ नाङदी येहबा। दि छ्य़ेला मर्कूसगी येशूगी लुहङ दाङ लोप-तामया़ला म़ेदीॱआङ मिहरोगी जे नाङग्योकी छ्या़लेया़ला स्युक पेहती प्री़हदे येहबा। मर्कूसगी येशूगी छेतागी तेहन्दाला सिपाज्यी ङोहस्यी तेर फान्ज्यो खोगी येशूगी मिहया़ला टाह च्य़ू नाङग्योकी केच्या दाङ लुहङ नाङग्योकी तेहन्दाला प्रा साल्दी येहबा। दि छ्य़ेगी तिङस्योला येशू काह-ठि पेहती क्याहङस्यीङला टोहङ नाङबा ओहले टोहङग्योलेगी सोम्बो ज़्याङ नाङबा माएँ तामया़ प्री़हदे येहबा।
दि छ्य़ेला येहकेन्गी ने़जोया़
या़हबु लेहङगु स्येच्ये छ़ूक्यो १:१-१३
येशूगी गालीलला जे नाङग्योकी छ्या़ले १:१४–९:५०
गालील यिहन्ज्यु यरूशलेम थु १०:१-५२
यरूशलेमला तिङस्यो साता ११:१–१५:४७
येशू टोहङग्योलेगी सोम्बो ज़्याङ नाङग्यो १६:१-८
सोम्बो ज़्याङ फान्ज्यो चो़वो स्यिहङगामला फेप नाङग्यो १६:९-२०
موجودہ انتخاب:
मर्कूस छ्य़ेगी ङोहस्यी: HYLM
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023 (Active), Wycliffe Bible Translators, Inc. All rights reserved.