فِلِپیّوں 1:1-5

یہ خط پَولُسؔ اَور تِیمُتھِیُس کی طرف سے جو المسیؔح عیسیٰ کے خادِم ہیں، فِلِپّی شہر کے سارے مَسیحی مُقدّسین، پاسبانوں اَور خادِموں کو لِکھّا جا رہا ہے۔ ہمارے خُدا باپ اَور خُداوؔند عیسیٰ المسیؔح کی طرف سے تُمہیں فضل اَور اِطمینان حاصل ہوتا رہے۔ میں جَب کبھی تُمہیں یاد کرتا ہُوں تو اَپنے خُدا کا شُکر اَدا کرتا ہُوں۔ اَور اَپنی ہر ایک دعا میں جو تمہارے لیٔے کرتا ہوں ہمیشہ خُوشی کے ساتھ تُم سَب کے لئے مِنّت کرتا ہُوں۔ اِس لیٔے کہ تُم پہلے دِن سے آج تک خُوشخبری پھیلانے میں شریک رہے ہو،