مرقُس 2
2
حُضُور عیسیٰ کا ایک مفلُوج کو مُعافی اَور شفا بخشنا
1کُچھ دِنوں کے بعد حُضُور عیسیٰ پھر سے کَفرنحُومؔ، میں آئے، تو خبر پھیل گئی کہ وہ گھر واپس آ گئے ہیں۔ 2چنانچہ اتنے لوگ جمع ہو گئے یہاں تک کہ دروازے کے آس پاس، بھی جگہ نہ رہی، حُضُور عیسیٰ اُنہیں کلام کی تبلیغ کر رہے تھے۔ 3کُچھ لوگ، ایک مفلُوج کو حُضُور کے پاس لایٔے، جسے چار آدمی اُٹھائے ہویٔے تھے۔ 4جَب وہ اُس بیمار کو ہُجوم کے باعث حُضُور عیسیٰ کے پاس نہ لا سکے، تو چھت پر چڑھ گیٔے اَور اُنہُوں نے چھت کا وہ حِصّہ اُدھیڑ ڈالا جِس کے نیچے حُضُور عیسیٰ بَیٹھے ہویٔے تھے اَور مفلُوج کو بچھونا سمیت جِس پر وہ لیٹا تھا شگاف#2:4 شگاف یا چھت میں بڑی دراڑ مُراد ہے۔ میں سے نیچے اُتار دیا۔ 5اُن لوگوں کے ایمان کو دیکھ کر، حُضُور عیسیٰ نے مفلُوج سے کہا، ”بیٹے، تمہارے گُناہ مُعاف ہویٔے۔“
6شَریعت کے بعض عالِم وہاں بَیٹھے تھے، وہ دل میں یہ سوچنے لگے، 7”یہ شخص اَیسا کیوں کہتاہے؟ یہ تو کُفر ہے! خُدا کے سِوا کون گُناہ مُعاف کر سَکتا ہے؟“
8حُضُور عیسیٰ نے فوراً ہی اَپنی رُوح سے اُسی وقت مَعلُوم کرکے کہ وہ اَپنے دلوں میں کیا کُچھ سوچ رہے ہیں، اَور حُضُور عیسیٰ نے اُن لوگوں سے کہا، ”تُم اَپنے دلوں میں اَیسی باتیں کیوں سوچتے ہو؟ 9کیا مفلُوج سے یہ کہنا آسان ہے، ’تمہارے گُناہ مُعاف ہویٔے‘ یا یہ کہنا، ’اُٹھو! اَپنے بچھونے کو اُٹھاکر چلے جاؤ‘؟ 10لیکن میں چاہتا ہُوں کہ تُمہیں مَعلُوم ہو کہ اِبن آدمؔ#2:10 اِبن آدمؔ یعنی حُضُور عیسیٰ نے خُود کو اِبن آدمؔ کے نام سے منسُوب کیا ہے۔ کو زمین پر گُناہ مُعاف کرنے کا اِختیّار ہے۔“ حُضُور نے مفلُوج سے کہا، 11”میں تُجھ سے کہتا ہُوں، اُٹھ اَور اَپنا بچھونا اُٹھاکر اَپنے گھر چَلا جا۔“ 12وہ آدمی اُٹھا، اَور اُسی گھڑی اَپنے بچھونے کو اُٹھاکر سَب کے سامنے وہاں سے چَلا گیا۔ چنانچہ وہ سَب حیران رہ گیٔے اَور خُدا کی تَعریف کرتے ہویٔے، کہنے لگے، ”ہم نے اَیسا کبھی نہیں دیکھا!“
حُضُور عیسیٰ کا لاوی کو بُلانا اَور کھانا تناول فرمانا
13حُضُور عیسیٰ پھر سے جھیل کے کنارے گیٔے۔ اَور بڑا ہُجوم آپ کے گِرد جمع ہو گیا، اَور وہ اُنہیں تعلیم دینے لگے۔ 14چلتے چلتے حُضُور عیسیٰ نے، حلفئؔی کے بیٹے لاوی کو محصُول کی چوکی پر بَیٹھے دیکھا اَور لاوی سے کہا، ”میرے پیروکار ہو جاؤ،“ اَور وہ اُٹھ کر حُضُور عیسیٰ کے پیچھے ہو لیٔے۔
15حُضُور عیسیٰ لاوی کے گھر، میں کھانا کھانے بَیٹھے، تو کیٔی محصُول لینے والے اَور گنہگار لوگ حُضُور عیسیٰ اَور اُن کے شاگردوں کے ساتھ کھانے میں شریک ہو گئے، اَیسے بہت سے لوگ حُضُور عیسیٰ کے پیچھے ہو لیٔے تھے۔ 16شَریعت کے عالِم جو فرِیسی#2:16 فرِیسی شَریعت مُوسوی کے سخت پابند، اُن کے اِعتقادات میں مُردوں کی قیامت، فرشتوں پر ایمان، حُضُور المسیؔح موعود کی آمد پر یقین شامل تھا۔ فرقہ سے تعلّق رکھتے تھے حُضُور عیسیٰ کو گنہگاروں اَور محصُول لینے وَالوں کے ساتھ کھاتے دیکھا، تو فریسیوں نے شاگردوں سے پُوچھا: ”یہ محصُول لینے وَالوں اَور گنہگاروں کے ساتھ کیوں کھاتا ہے؟“
17حُضُور عیسیٰ نے یہ سُن کر اُن کو جَواب دیا، ”بیِماروں کو طبیب کی ضروُرت ہوتی ہے، صحت مندوں کو نہیں۔ میں راستبازوں کو نہیں، بَلکہ گنہگاروں کو بُلانے آیا ہُوں۔“
روزہ رکھنے کی بابت سوال
18ایک دفعہ حضرت یحییٰ، کے شاگرد اَور فرِیسی روزہ سے تھے۔ کُچھ لوگوں نے آکر حُضُور عیسیٰ سے پُوچھا، ”کیا وجہ ہے کہ حضرت یحییٰ کے شاگرد اَور فریسیوں کے شاگرد تو روزہ رکھتے ہیں، مگر آپ کے شاگرد نہیں رکھتے؟“
19حُضُور عیسیٰ نے اُنہیں جَواب دیا، ”کیا براتی دُلہا کی مَوجُودگی میں روزہ رکھ سکتے ہیں؟ ہر گز نہیں، کیونکہ جَب تک دُلہا اُن کے ساتھ ہے وہ روزے نہیں رکھ سکتے۔ 20لیکن وہ دِن آئے گا کہ دُلہا اُن سے جُدا کیا جائے گا، تَب وہ روزہ رکھیں گے۔
21”پُرانی پوشاک پر نئے کپڑے کا پیوند کویٔی نہیں لگاتا اَور اگر اَیسا کرتا ہے، تو نیا کپڑا اُس پُرانی پوشاک میں سے کُچھ کھینچ لے گا، اَور پوشاک زِیادہ پھٹ جائے گی۔ 22نئے انگوری شِیرے کو بھی پُرانی مَشکوں میں کویٔی نہیں بھرتا ورنہ، مَشکیں اُس انگوری شِیرے سے پھٹ جایٔیں گی اَور انگوری شِیرے کے ساتھ مَشکیں بھی برباد ہو جایٔیں گی۔ لہٰذا نئے انگوری شِیرے کو، نئی مَشکوں ہی میں بھرنا چاہئے۔“
حُضُور عیسیٰ سَبت کے مالک
23ایک دفعہ وہ سَبت کے دِن اَناج کے کھیتوں، میں سے ہوکر گزر رہے تھے، اَور حُضُور عیسیٰ کے شاگرد راستے میں چلتے چلتے، بالیں توڑنے لگے۔ 24اِس پر فریسیوں نے حُضُور عیسیٰ سے کہا، ”دیکھو، یہ لوگ اَیسا کام کیوں کر رہے ہیں جو سَبت کے دِن جائز نہیں ہے؟“
25حُضُور عیسیٰ نے اُنہیں جَواب دیا، ”کیاتُم نے کبھی نہیں پڑھا کہ جَب حضرت داؤؔد اَور اُن کے ساتھیوں کو بھُوک کے باعث کھانے کی ضروُرت تھی تو اُنہُوں نے کیا کیا؟ 26اعلیٰ کاہِنؔ ابیاترؔ کے زمانہ میں، حضرت داؤؔد خُدا کے گھر میں داخل ہویٔے اَور نذر کی ہویٔی روٹیاں کھایٔیں اَیسی روٹیوں کا کھانا کاہِنؔوں کے سِوائے کسی اَور کے لیٔے روا نہیں تھا۔ اَور اُنہُوں نے خُود بھی کھایٔیں اَور اَپنے ساتھیوں کو بھی یہ روٹیاں کھانے کو دیں۔“
27حُضُور عیسیٰ نے اُن سے کہا، ”سَبت اِنسان کے لیٔے بنایا گیا تھا، نہ کہ اِنسان سَبت کے لیٔے۔ 28پس اِبن آدمؔ سَبت کا بھی مالک ہے۔“
موجودہ انتخاب:
مرقُس 2: UCV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
اُردو ہم عصر ترجُمہ™، نیا عہدنامہ
حق اِشاعت © 1999، 2005، 2022 Biblica, Inc.
کی اِجازت سے اِستعمال کیا جاتا ہے۔ تمام دُنیا میں سَب حق محفوظ۔
Urdu Contemporary Version™ New Testament
Copyright © 1999, 2005, 2022 by Biblica, Inc.
Used with permission. All rights reserved worldwide.
