Matteiu 9
9
CAP. IX.
1Ed essendu cullatu sopra una piccula barca, ripassò lu lagu, e si ne venne in la so città.
2Ed eccu che li presentonu un paraliticu, che ghiacia in lettu. E Ghiesù videndu la loru fede, disse a lu paraliticu: Nun dubbià, figliolu, ti so’ perdunati li to’ peccati.
3E subitu qualchiduni di li Scribi dissinu tra di se: Questu ghiastema.
4E Ghiesù avendu vidutu li so’ penseri, disse: Percosa pensate male in li vostri cori?
5Ch’ è più facile dì: Ti so’ perdunati li to’ peccati: o pure dì: Arrizzati, e marchia?
6Ed affinchè voi sappiate, che u Figliolu di l’ omu ha lu putere sopra la terra di perdunà li peccati: Arrizzati, disse allora a lu paraliticu, piglia lu to lettu, e vaitine in casa toia.
7Ed ellu s’ alzò, e si n’ andò in casa soia.
8E videndu sta cosa lu populu s’ intimurì, e ludò u Signore, che avia datu a l’ omi tantu putè.
9Ed andandusine da quellu locu, Ghiesù vidde un omu, che si ne pusava a lu bancu di le gabelle, e che si chiamava Matteiu. E li disse: Seguiteghiami. Ed ellu alzandusi, lu seguitò.
10Ed eccu che essendu in casa a tola, molti pubblicani e peccatori vinianu, e si mittianu a tola cun Ghiesù, e cun li so’ discipuli.
11Ciò che videndu li Farisei, dicianu a li so’ discipuli: Perchè lu vostru Maestru magna cun li pubblicani e li peccatori?
12Ma Ghiesù avendu intesu, li disse: Li sani nun hannu bisognu di lu duttore, ma bensì l’ ammalati.
13Andate e sappiate quellu, che è: Eiu vogliu la misericordia, e non lu sagrifiziu. Perchè nun so’ ghiuntu per chiamà li ghiusti, ma li peccatori.
14Allora s’ avvicinonu li discipuli di Ghiuvanni, dicendu: Perchè noi, e li Farisei, dighiunemu a l’ ispessu: e li to’ discipuli nun dighiunanu mica?
15E Ghiesù li rispose: Forze sonu l’ amici di lu sposu quelli, che piegnunu, fintantu che lu sposu è cun elli? Ma vinirannu li ghiorni, che u sposu li sarà livatu, ed allora dighiunarannu.
16Nissunu mette una pezza di pannu novu ad un vistitu vecchiu: perchè caccia tutta la so forza a lu vistitu, e la stracciatura si face più magghiore.
17Nè mancu mettunu vinu novu in otri vecchi; altrimente l’ otri si rompunu, lu vinu si ghietta, e l’ otri si ruinanu. Ma mettunu lu vinu novu in l’ otri novi, e tutti dui si cunservanu.
18In lu mentre, ch’ ellu li dicia ste cose, eccu che s’ avvicinò unu di li principali, e l’ adurava, dicendu: Signore, a me figliola è morta pocu fa: ma veni, metti a to manu sopra ad ella, e vivarà.
19E Ghiesù alzandusi, lu seguitava cun li so’ discipuli.
20Quandu eccu una donna, che da poi dodici anni patia di un flussu di sangue, li s’ accustò da daretu, e li tuccò a falda di u so vistitu.
21Dicia tra di se: Basta, ch’ eiu tocchi sulamente lu so vistitu, e saragghiu salva.
22Ma Ghiesù essendusi vultatu, e videndula, disse: Sta di bon animu, figliola, la to fede t’ ha salvatu. E da quellu mumentu la donna fu risanata.
23Ed essendu ghiuntu Ghiesù a la casa di quellu principale, e videndu li sunatori di flautu ed una gran quantità di ghiente, che facia strepitu, disse:
24Ritirativi: perchè nun è morta la zitella, ma dorme. Ed elli si ne ridianu.
25E quandu fu mandata fora la ghiente, ellu intrò: e pigliò la manu di la zitella. E la zitella s’ arrizzò.
26E se ne sparse la nova per tuttu quellu paese.
27E quandu surtia da culà Ghiesù, dui cechi si missinu a seguitallu, gridandu, e dicendu: Abbi pietà di noi, figliolu di Davidde.
28Quandu ellu fu arrivatu in casa, s’ avvicinonu li cechi. Ghiesù li disse: Cridite voi, che vi possi guarì? Elli risposinu: Sì, Signore.
29Allora li tucò l’ ochi, dicendu: Vi sii fattu secondu a vostra fede.
30E li so’ ochi s’ aprinu: e Ghiesù li minacciò, dicendu: Badate, che nissunu lu sappi.
31Ma elli surtendu, sparsinu la so fama in tutta quella terra.
32Quandu elli funu fora, li presentonu un omu mutu, che avia un dimoniu.
33E lu dimoniu essendu statu scacciatu, lu mutu si misse a parlà, e le ghienti si ne maravigliavanu, dicendu: Nun s’ è mai vistu cosa simile in Isdraellu.
34Ma li Farisei dicianu: Ellu scaccia li dimonii per mezu di lu principe di li dimonii.
35E Ghiesù ghirava tutte le città, e li paesi, insignandu in le sinagoghe, e predicandu lu vanghielu di lu regnu, e curandu ogni langore, ed ogni infirmità.
36Videndu poi tutta quella ghiente, ebbe cumpassione d’ ella: perchè eranu indebuliti, e che ghiacianu come pecure senza pastore.
37Allora disse a li so’ discipuli: La raccolta è abbundante, ma l’ oparai so’ pochi.
38Pregate dunque lu patrone di la raccolta, ch’ ellu mandi l’ oparai in la so raccolta.
موجودہ انتخاب:
Matteiu 9: CORS1861
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published in London in 1861.
