'Olic 12
12
O Pitolon a Milongoc to Pipadama
O 'olic ni Tafiti. Mapatorod i kakridan no paradiway. O no <<Saka Falo>> a hacong ko saparadiw.
1 Tapangaw, padamaen kami!
Awaayto ko so'linay a mitooray a tamdaw,
awaayto a makilim ko so'linay ko faloco' a tamdaw.
2Masasisamangah cangra a ma^min,
ko^san ko sowal nangra a masasisafana'.
3Nanay ktonen Iso Tapang koya misako^sanay a sma nangra,
nanay to^men Iso koya misatakaraway a filfil nangra.
4Sowal sa cangra, <<Ano o maan ko sasowalen ita i, patalahkal han ita a somowal,
cima ko paka^esesay#12.4 paka^esesay -- o roma i, pakasowalay. a somowal i titaanan saw?>> saan.
5Nikawrira, sowal sa ko Tapang,
<<O tatayra Kako, nawhani masamsam ko pakosiya a tamdaw,
milaling a misemsem ko makari'angay a tamdaw,
saka, tayni Kako a mipafli i cangraan to nisafaloco'an nangra,>> saan.
6O so'linay o tati'eren ko niktonan no Tapang a sowal,
matiya o kinapitoan a mi'olac i namal a ^kim ko sowal Ningra.
7-8Ira i cowacowa ko tatiihay a tamdaw a midmak to tatiihay a dmak,
mipahmek a romadiw ko tamdamdaw to tatiihay.
Tapangaw, nanay dipoten Iso kami,
paliyasen kami nai tonini a hkal a tamdaw.
موجودہ انتخاب:
'Olic 12: AMIS2019
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© The Bible Society in Taiwan, 2019