Ratokenti 8atio 6
6
Iaiak-haton Nateioteriȣasonterakȣen.
1Seȣanikonrarak tosa ȣene kenhak nonhietsi-tenre no iakotent, nʼaionttokanion; aseken iahki othenon tatatsiseȣariȣaserakȣase no Etsiseȣaniha Karonhiake tenteron.
2Tosa kati seȣateȣennoton nʼonen enhiotsitenre; tsinihatiierha ne Kaianeren ronatkonȣaroron rati-rihoȣanatha tsi ronterennaientakȣanionkȣa oni tsi tekanatokenhaton ne tahonȣatirensaron nʼonkȣeokon Oriȣiiotsi kȣarori akȣa iehatiiatentatha.
3Kenh tanon nasiere nʼashetenre, tosa ȣattok ne sesonekȣati tsiniȣatierha ne tsi Seȣeientetakon.
4Tosa sonestonhak tsi satanitenron; nok ne ianiha nʼiah othenon tehotrenhostenni, ȣene enhronni tsi tenshiariȣaserakȣase.
5Nok nʼonen ensaterennaien; tosa shenakeren ne kaianeren rona tkonȣarorokton, ratinonȣe nahatitake nʼonen ronaterennaien, aontonkȣenesto oni tsi teka-natokenhaton ahonȣatiken nonkȣesonha. Oriȣiio tsi kȣarori tsi iah othenon teshotirharo nʼonakenke.
6Nok tanon nise nensaterennaien satatennhoton sanonskon, teiakanerese no Ianiha tsi saterennaien; nok ne Ianiha ne tiotkon teiakanere tsi oni nonȣe niiotaseton, ȣene enronni nʼonen henhiatonraseronse.
7Nok oni nʼonen saterennaien, tosa ok neh ton-tasatasafhak tsinihatiierha no iah tethonetakon; aseken ronnere neh ensonkȣentenrato tsi ȣeso enhia-kȣatati.
8Tosa kati ietsinakeren: Roterientaro se ne Etsiseȣaniha tsinahoten teseȣatonȣentsioni ohenton natsiseȣariȣanontonse.
9Kenh kati nenseȣaiere nenseȣaterennaien: Ta-kȣaienha ne Karonhiake tesiteron! aiesasennaien!
10Aiesaȣenniiostake! aiesaȣennarakȣake non-ȣentsiake tsinitiot ne Karonhiake tiesaȣennarakȣa.
11Takȣanont ne kenh ȣente iakionnhekȣen niate-ȣenniserake.
12Sasanikonrhon ne ionkȣariȣanoren tsi niiot nii tsionkȣanikonrhens nothenon ionkhinikonraksata.
13Nok tosa amnkȣasenni no kariȣaneron; ehren tanon takȣariȣakȣiten no iotaksens, asoken ise no tsiniienhenȣe ensenakereko, kasastensera oni Kanontonsera iah takariȣentane. Amen!
14Aseken nentsiseȣanikonrhen tsinikon iotsinikon-raksaton nonkȣe, enshonikonrhon ki oni niso tsinikon hotsiseȣanikonraksaton no Etsisoȣaniha Karonhiake thenteron.
15Nok tanon niah tentȣiseȣanikonrhensere, iah ki oni ne raonha taonsahonikonrhen tsinitsiseȣanikonra-ksata.
16Nok nenseȣentontiote, tosa tensoȣatkonsasta-ren tsinihatiierha no Kaianeren ronatkonȣaroron, nʼia-taonsahatiierkenhaʼsʼ akȣokon aionttok tsi ronenton-tioton. Oriȣiio tsi kȣarori tsi iehatiiatentatha.
17Nok tanon nise, satkonsohare, satoka oni nonon sentontietane.
18Ne tosa aionttok, nok tanon ne Ianiha akȣekon tehakanere, raonhaa teiakanere tsi nonnisataseton, ȣene enronni nʼonen tenhiariȣnserakȣase.
19Tosa seȣarorok nonȣentsia ahotsokoȣatsera, otsinonȣa, oskenra oni entiatekȣisa, ne oni no Sakonasetha rotinikonrotakȣas ratinenskȣas oni,
20Neh tanon seȣatateroroks Karonhiake tiostso-koȣatsera, nʼiah othenon tekontiierha notsinonȣa-sonha, iah oni ne ratinenskȣas.
21Aseken tsinonȣo nikaien ne seȣatsokoȣatsera etho ki oni nonȣe iekaien ne seȣeri.
22Okara ȣahi aosȣathesera nʼoieronta; toka nonȣa iah othenon teiohre no skarake tsintakȣekon teios-ȣathe.
23Neh kati ne iah tentioriȣaieriko ne sakara, tsiatakȣekon kitentiokarasheke; toka kati nonȣa neh saien ne tetiokaras, oh kati onte akȣa niiatenhiaȣenno tsinonȣe totiokaraskoȣa.
24Iah taonton onka tekeni taokosȣetseraientake; aseken tokat saiatatenhosȣen, onhononȣeno ne saiatat; ok neʼsʼenʼs no saiatat enhokonnienste, enhokenron ki ne saiatat, iahkati oni nise taonton no sataietsiio-tense, ne Niio tanon notkonseraksen.
25Nese ȣaonni kȣarori, katon: Tosa teseȣaterion-tarak tsi tsionnhe, tsinahoten enseȣake, tsi oni nahoten enseȣanekira; tsioni niȣaststane soȣaieronko, nahoten aosoȣatsoronniato: iahken ȣenha atonnhest tekanoron tsiniiot natennatsera, nok oni ne ieieronko tsiniiot ne iontseronniatha,
26Teseȣaiatorot notsitenhokonha; iah tekontiienthos, iah oni tekontiientȣakȣas, iah oni othenon tekonteȣeientons ne kanonsoharakeson; nok sane sakonontens nʼEtsiseȣaniha Karonhiake thenteron. Iah onteken senha ise tetsiseȣanoronkȣa tsiniiot nʼononha?
27Onka oni tsinitsion hahakȣeni no tsi tiotkon tahotatenikonrharake seȣasita nahatatneniestste?
28Nahoten oni ahoriȣake toseȣatatonikonrhare natakȣennia ahoriȣake? Teseȣaiatoret tsiniiot tsi konteiarous nʼahontesonha: iah teiotiiote iah oni etkontiseriies;
29Nok sane Kȣarori, roiatanerakȣatonnesane ne Salomon, nok iah nonȣenton tiiehero tsi ratseron-niskȣe tsiniiot nʼononha.
30Iah onteken senha is… tatsiseȣaseronni tsiniiot nʼohontesonha, nonȣa iohniote, nok nʼenhiorhenne kakiok nonȣe ionȣation, O Kanoron ki onte oni tsi seȣanikonrasto?
31Tosa kati tonseseȣanikonrharak, nʼaeseȣaton-heke: nahoten naha enhiakȣake? ok neʼsʼ, nahoten enteȣanekira? tokaʼsʼ oniken nahoten enteȣatseron-niate?
32Ethoʼkʼ sek nehne niiot tsi ronnesaks ne iah tehotiianere: roterientarese ne Karonhiake Tetsise-ȣaniha tsi eh niiot tsi teseȣatonȣentsioni.
33Neh tanon tas-eȣatiorent soȣesak ne Niio rahonakerasera, nok ne kenh iohaȣiton aksekon nehne ok tentkonne.
34Tosa kati tonseȣeȣennikonrharak toh naiaȣenne tsi enhiorhenne; aseken enkene nenhiorhenne tsi nateiotonȣentsiohon; seȣennisoratson Se ȣahi ni-iokȣeniatsera.
موجودہ انتخاب:
Ratokenti 8atio 6: MOH1880
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society in 1880.
