ማ̈ርቆ̈ሳ 9

1ዬሱ̈ሲ ኢንታ̇ኮ “ቴ ኪን ጋ̈ሬ፥ ዓት ዓንዳ ዎ ኣሳን ጋርታፖ̇ ፔታ̇ን ፔታ̇ናን ጾ̈ሳ̇̇ ካ̈ቲቲን ጴች ዎልቃ̇ባር ዬ̈ዚምባር ቤቃካ̇ይዶ̈ር ዓይቂ̇ባ̈ሶን ዎ̈” ጌይዴ።

ዬሱ̈ሳ ማልኪ̇ን ላ̈ሚንታ̇ዴ

ሉቃ̈ሳ 9፡28-36፤ ማ̈ቶ̈ሳ 17፡1-13

2ሌሂ ቃማ̇ፖ̇ ዓኒ ዬሱ̈ሲ ጴ̈ጥሮ̈ሳ፣ ዓይቆ̈ባኬ ዋ̈ኒ̇ሳ ሙታ̇ ፌባር ኤካ̇ሪ ጴች ኢንዳ ጋልዳ ኬስኪ̇ኖፖ̇ ዓኒ ኢና ኢንታ ቲ̈ን ዎዶ̈ን ኢ ማልኪ̇ን ላ̈ሚንታ̇ዴ። 3ኢ ኣፊሊንዳሬ ዎይሊን ቦ̈ራራ ዓና̇ ኣላሚን ጋልዳ ኦ̈ናካር ማ̈ቂ̇ን ኣፊላ ሜ̈ጫ̇ር ዪና̇ ኢዝፌ̈ን ቦ̈ሪሲባ̈ሶ̈ዲፌ̈ኒ ቦ̈ርስ ማ̈ቃ̇ዴ። 4ዪና̇ ኢዝባራ ሙ̈ሳኬ ኤ̈ላ̈ሳኬ ዬሱ̈ሳባር ሶ̈ሊንታምባር ኢንታ̇ብ ቤንቲ̇ን፥ 5ጴ̈ጥሮ̈ሲ ዬሱ̈ሳክ ጌይርዶሪ “ኣስታማ̈ራ̈ዶ! ኑ ዓንዳ ዶኢ̈ርኮ̇ ኑ̈ቦ ኮሼ̇። ዪዚ ኑ ዓንዳ̇ ኔ̈ቦ፣ ሙ̈ሳቦ፣ ኤ̈ላ̈ሳቦ ማ̈ቂ̇ዝ ዓይዚ̇ ዉዳ ዉዲስቶ̇” ጌይዴ። 6ኢንታ̇ሬ ዎይሊን ኢ̈ጪ̇ኖኮታ̇ቦ፥ ጴ̈ጥሮ̈ሲ ፌ ሶ̈ላዚንዳር ኤሪባ̈ስዶሪ ዪኖ̇ ጌይዴ።

7ዪና̇ ኢዝባራ ሻ̈ራ ዬ̈ሪ ኢንታ ጌሚን፥ ሻ̈ሪን ጋርታ̇ፖ̇ “ታ ካዝ ናኣ ዓ̈ዳ፥ ኢ̈ኮን ሲስኪብቴ” ጌይዝ ጊ̈ርሲ ሲስኪንቲን፥ 8ኢንታ̇ር ኤሊ̇ሪ ጌዳክ ዓኒክ ቤ̈ቃ̇ምባራ ዬሱ̈ሲ ሙታ̇ዶኬ ሜላ ኦ̈ናካር ቤኣካ̇ዬ።

9ኢንታ̇ር ኢንዲን ጋልዳፖ̇ ሶ̈ባምባ̇ራ ዬሱ̈ሲ ጌይርዶር ጌዪ “ታ̈ኒ ኣሳ ናኣ̈ዲ ዓይቃ̇ር ዲንዲዝ ዲራ̈ስ ዪንቲ ዓኖ̇ ቤቂ̇ኖንዶ ኦ̈ባካር ሶ̈ላፒቴ” ዪዝ ጋ̈ር ኪ̈ቲዴ። 10ኢንታ̇ር ኢ ሶ̈ሊኖ ሶ̈ሊን ፌ ቡ̈ዳ ጋርታ̇ ጋዲ̇ንዶ̈ን “ዓይቃ ጋርታ̇ፖ̇ ዲንዲ̈ሬ” ጋ̈ዚን ኢንታ̇ብ ጌላካ̇ዮኮታ̇ቦ “ዓይቃ̇ ጋርታፖ̇ ዲንዲ̈ሬ ጋ̈ዚን ኢዛ ኣብዝ ዶ̈ኔ?” ዪዝ ጋ̈ር ዎልዎልኣ ሶ̈ሊንታሪ፥ 11ዬሱ̈ሳ ኦይጪ̇ርዶ̈ር ጌዪ “ሙ̈ሳ ሂጋ̇ ታማ̈ርሲዛን ‘ክርስቶ̈ሲ ዬ̈ናፖ̇ ቲ̈ኒታር ኤ̈ላ̈ሲ ዬ̈ንዳ̇ብ ኮሺ̇ሬ’ ጋ̈ር ኣባብ ሶ̈ሊራ?” ጋር ኦይጪ̇ዴ። 12ዬሱ̈ሲ ማሂርዶ̈ር “ዪና̇ ኪን ኤ̈ላ̈ሲ ቲ̈ኒታር ዬ̈ሪ ዎይ ባዝ ጌ̈ዚን̈ሬ። ዓት ዪ̈ዶኮ ኣሳ ናኢ ዎይሊን ሜታ ቤቂ̇፥ ሌቂንቲ̈ሬ ዪዝ ጋ̈ር ጻ̈ፊኖን ኣባቢያ? 13ቴ ዪንታ̇ብ ሶ̈ላዚንዳ፥ ኤ̈ላ̈ሲ ቲ̈ን ዬይንዶ̈ኒ፥ ጾ̈ሳ̇̇ ቃ̈ላ ጋልዳ ጻ̈ፊንቲኖ̈ዲፌ̈ኒ፥ ኣሳ̈ ፌ ኮዪኖ̈ዲፌ̈ኒ ኢ̈ታ ባዝ ኢ ጋልዳ ኦ̈ዴ” ጌይዴ።

ዬሱ̈ሲ ኢ̈ታ ኣያ̇ናባር ኤ̈ንቲ̇ኖ ናኢ ፋዴ

ማ̈ቶ̈ሳ 17፡14-21፤ ሉቃ̈ሳ 9፡37-43

14ዬሱ̈ሳኬ ኢ ታማ̈ራን ዓይዛ̇ን ኣቲ̇ኖንኮ ማ̈ቂ ዬ̈ምባራ፥ ዎይሊን ዎርዦ ኢንታ ቡጊድባር ሺ̈ቂኖንዲኬ ማ ሙ̈ሳ ሂጋ̇ ታማ̈ርሲዛንሬ ኢንታባር ፋላማዚምባ̇ር ቤቂ̇ዴ። 15ኣሳ ዎይ ዬሱ̈ሳ ቤቃ̇ር ዎይሊን ጋራ̇ሚንታሪ ሳሮ ጋ̈ንዳ̇ብ ኢ̈ክ ዎ̈ጺ ሉኪ̇ዴ። 16ኢያሬ ፌ ታማ̈ራንኮ “ዪንቲ̇ ኢንታባር ፋላማዚን ኣ ኮታ̇ባ?” ጋ̈ር ኦይጪ̇ዴ።

17ዎርዣ ጋርታፖ̇ ፔቲ̇ ኣሲ “ኣስታማ̈ራ̈ዶ! ኢ̈ታ ኣያ̇ና ቴ ናኣ ኤ̈̇ር ኖ̈ኒን ሙ̈ሚሲንዶ̈ን ቴ ኔ̈ክ ኤካ̇ር ዬይኔ። 18ዓርጊን ኢ ጋልዳ ዲንዳ̇ምባ̇ራ ኢያ ቶጛራ ጉፊንታ ኢ ኖ̈ኒንባር ኤሄ̈ሪ፣ ኢ ኣቺ̇ን ኢያ ሙሲሳ̈ሪ፣ ጋሊ̇ን ዛቢሳር ዓይቂ̇ኖ ኣስ ማሃ̈ርዶ̈ን፥ ዪ ኢ̈ታ ኣያ̇ና ኢ ጋልዳፖ ኬሳ̇ምፔ̈ን ኔ ታማ̈ራን ኦይጪ̇ን ኬሳ̇ንዳብ ኢንታ̇ ጋማዴ” ጌይዴ።

19ዬሱ̈ሲ ኢንታ̇ኮ “ኣማ̇ኒባ̈ሶ ኣሳ̈ዶ! ዪንቲ̇ ታ̈ና ኣማ̇ናካ̇ይ ሙታ̇ ኣ̈ፊን ቃም ቴ ዪንታ̇ባር ዶኣ̈ራ? ቴ ዪንታ̇ ኣ̈ፊን ቃም ዳንዳኣኖ? ዎይዲቴ ና̈ራ ታ̈ብ ዓይ ኤሄ̈ብቴ̇” ጌይን፥

20ኣሳንር ና̈ራ ኢ̈ክ ኤሄይን ኢ̈ታ ኣያ̇ና ዬሱ̈ሳ ቤቃ̇ር ና̈ራ ቶጛር ቃኪቲሲን ኢ ሳ̈ዳ̇ ኬ̈ዳር ፊራዚምባ̇ራ ኢ ጚንባር ጉፊንታ ዬንት ኤ̈̇ዴ። 21ዬሱ̈ሲ ና̈ራ ባ̈ባ̈ኮ “ዓርጊን ዓና̇ ኢያ ኤ̈̇ኖን ኣ̈ንታ̇?” ጋ̈ር ኦይጪ̇ን፥

ኢያር “ኢ ኣቂሊዶን ኢያ ኤ̈̇ራ፥ 22ዎንዳ̇ብ ኢያ ኮያራ ዎይሊን ቃም ታማ ጋርታ፣ ዋ ጋርታ ኢያ ቶጛ ሙታ̇ ዓኖ̇ ዬሊ̇ኔ። ኔ̈ብ ዳንዳኢንቲ̇̈ርኮ፥ ዋ̈ዴ፥ ኑ̈ብ ሚጪንቲ̇ሼ” ጌዪ ጌሺን፥

23ዬሱ̈ሲ ናሳ̈ክ ጌዪ “ዎዛርፌ̈ን ‘ኔ̈ብ ዳንዳኢንቲ̇̈ርኮ’ ጋ̈ር ሶ̈ላ̈ራ? ኣማ̇ኒዝ ኣሳቦ ዎይ ባዝ ዳንዳኢንቲ̇̈ሬ” ጌይዴ።

24ና̈ራ ባ̈ባ ኤሊ̇ር ጌዪ “ቴ ኔ̈ና ኣማ̇ኒን ኣማ̇ና̈ርዶ̈ን ዓታ̇ር ጉጃ̇ ኣማ̇ናምፔ̇̈ን ታ̈ና ማ̈ዳቤ” ጋር ጴች ሶ̈ሊዴ። 25ዎይሊን ኣሲ ኢና ዎባር ዬ̈ምባር ዬሱ̈ሲ ቤቃ̇ሪ ኢ̈ታ ኣያ̇ና̈ኮ “ኣን ኖ̈ና ሙ̈ምኬ ዱል̇ ኣያ̇ና ዓ̈ዶ! ና̈ራ ዓ̈ ጋልዳፖ ኬስካ̇ር ሉካ̇ቤ፤ ማ̈ቃር ኢያ ኤ̈ካ̇ይፌ̈ኒ ቴ ኔ̈ና ኪ̈ታ̈ሬ!” ጋ̈ሪ ኢ̈ታ ኣያ̇ና ቆዲ̇ዴ።

26ኢ̈ታ ኣያ̇ና̈ዲ ዉይሲ ሙታ̇ ና̈ራ ዎይሊን ቃኪቲሲኖፖ̇ ዓኒ ኢ ጋልዳፖ̇ ኬስኪ̇ ሉኪ̇ዴ። ና̈ራ̈ዲ ዓይቂ̇ኖ ኣስፌ̈ን ማ̈ቂን ዎይሊን ኣሲ ኢያ ዓይቂ̇ኔ ጌይ ቆፒ̇ንዶ̈ን፥ 27ዬሱ̈ሲ ና̈ራ ኩሺ̇ን ኤ̈̇ ዲንን ኢያር ዲንዲ̇ ኤቂ̇ዴ።

28ዬሱ̈ሲ ኬ̈ ጌላር ፌ̈ብ ዎዶ̈ን “ኢ ታማ̈ራን ጌዪ፥ ዪ ኢ̈ታ ኣያ̇ና ኬሳ̇ንዳብ ኑ̈ና ጋሚኖን ኣባቢያ?” ጋ̈ር ኦይጪ̇ን፥ 29ኢያር ኢንታኮ “ዪ̈ዲፌ̈ኖ ኢ̈ታ ኣያ̇ና̈ዲ ዎ̈ሳባርኬ [ጾ̈ማባርዶኬ] ሜላ̇ ኣባካር ጌይን ኬስኪባ̈ሴ” ጌይዴ።

ዬሱ̈ሲ ፌ ጋልዳ ዬ̈ዝ ሜቲንዲ̇ኬ ዓይቂንዲክ ማሃር ናምኢ ሶ̈ሊዴ

ማ̈ቶ̈ሳ 17፡22-23፤ ሉቃ̈ሳ 9፡43-45

30ዬሱ̈ሳኬ ኢ ታማ̈ራን ዎል ማ̈ቃ̇ር ኢናፖ̇ ዲንዳ̇ሪ ጋሊላ ጎይባር ሉኪ̇ዴ። ዬሱ̈ሲ ፌ ታማ̈ራን ታማ̈ርሲዛኮታ̇ቦ ኢንቲ ዎ ቤሲ̇ን ኦ̈ናካር ኤራምፔ̈ን ኮያካ̇ዬ። 31ኢ ኢንታ̇ኮ “ታ̈ና ኣሳ ናኣ̈ዳ ኣሲ ዓይቃብ ኣ̈ ኢሚ̇̈ሬ፤ ኢንታ̇ር ታ̈ና ዎ̈ሪ፤ ታ̈ናር ዓይዚ̇ ቃምባር ዓይቃ ጋርታ̇ፖ̇ ዲንዳ̈ሬ” ጌይዴ። 32ማ̈ቂ̇ናካር ኢ ጋ̈ዝ ባዚን ኢንታ̇ብ ጌላካ̇ይ ኣታ̇ዴ። ማ ኦይጫ̇ንዳባር ኢ̈ጪ̇ዴ።

ኑ ጋርታፖ ሺ ኦ̈ኖ?

ማ̈ቶ̈ሳ 18፡1-5፤ ሉቃ̈ሳ 9፡46-48

33ዬሱ̈ሳኬ ኢ ታማ̈ራን ቂፊርናሆም ዬይዴ። ኢ ኬ̈ ጌሊኖፖ ዓኒ ፌ ታማ̈ራንኮ “ዪንቲ̇ ዓታር ጎይም ጋልዳ ዎል ዎልኣ ፋላሚኖን ኣ ኮታ̇ቢያ?” ጋ̈ር ኦይጪ̇ን፥ 34ኢንቲ “ኑ ጋርታፖ̇ ሺ ኦ̈ኖ?” ዪዝ ጌዪ ፋላሚ ሙታ̇ ዬይኖኮታ̇ቦ ኢ̈ጫ̇ር ዚምዶኢዴ።

35ኢ ዶኢኖፖ̇ ዓኒ ታጶ ናምኢ ታማ̈ራን ፌ̈ክ ጼይጋር ጌዪ “ዪንታ̇ ጋርታ̈ፖ̇ ቲ̈ን ኣ̈̇ንዳብ ኮዪዝ ኣስ ዎኮ ጋስ ኣ̈̇ሪ ዎይ̈ንቦ ኣይላፌ̈ን ማ̈ቆ̇ ጋ̈ቤ” ጌይዴ። 36ኣቂሊ ናኢ ፔታ̇ን ኢንታ ጊዳ̇ ኤሄ̈ር ኤሳ̇ሪ ኢያ ኢሪጛሪ ኢንታኮ፥ 37“ዓን ፌ̈ኖ ኣቂሊ ናኣን ጋርታፖ ፔታ̇ና ቴ ጊሻ̇ቦ ጋ̈ሪ ሞኪ̇ዝ ኣሲ ታ̈ና ሞኪ̇ሬ። ታ̈ና ሞኪ̇ዝ ኣስ ዎይ ታ̈ና ጊዳካ̇ይዶ̈ን ታ̈ና ኪ̈ቲ̇ ሚሺኖ ታ ባ̈ባ̈ ሞኪ̇̈ሬ” ጌይዴ።

ኑ̈ና ኢጺ̇ባ̈ሶ ኣሳን ኑ ኣሴ

ሉቃ̈ሳ 9፡49-50

38ዋ̈ኒ̇ሲ ዬሱ̈ሳኮ “ፔቲ̇ ኣሲ ኔ ሱምባራ ኢ̈ታ ኣያ̇ና ኬሳ̇ምባር ኑ ኢያ ቤቃ̇ሪ፥ ኑባር ዬ̇ባ̈ሶኮታ̇ቦ ኑ ኢያ ካዪዴ” ጋ̈ር ኢ̈ብ ሶ̈ሊዴ። 39ዬሱ̈ሲ ኢ̈ኮ “ኦ̈ናካር ማ̈ቂን ቴ ሱ̈ምባራ ታሚራ̈ታ ኦ̈ ማ̈ቃ̇ሪ ኤሊ̇ባር ታ ጋልዳ ኢ̈ታ ባዝ ሶ̈ላንዳ̇ብ ዳንዳኢባ̈ሴ፤ ዪ̈ኮታ̇ቦ ዪንቲ ኢያ ካያፒ̇ቴ። 40ኑ̈ና ኢጺ̇ባ̈ሶ ኣሳን ዎይ ኑ ኣሴ። 41ቴ ዪንታ̇ክ ኪን ጋ̈ሬ፥ ዪንቲ ክርስቶ̈ሳይ ማ̈ቂ̇ኖኮታ̇ቦ፥ ቴ ሱ̈ምባራ ዪንታ̇ ፔቲ̇ ቡርጩ̇ካ̇ ዋ̈ ኡሺ̇ዝ ኣስ ዎይ ጾ̈ሳ̇̇ ቲ̈ን ዋ̈ጋ ኢ̈ብ ዎ” ጌይዴ።

ኦ̈ባካር ፊ ማ̈ቃፒ̇ቴ

ማ̈ቶ̈ሳ 18፡6-9፤ ሉቃ̈ሳ 17፡1-2

42ዬሱ̈ሲ ማ̈ቃ̇ሪ “ታ̈ና ኣማ̇ኒዛን ዪን ጊላ̇ን ጋርታ̇ፖ̇ ፔታ̇ና ናጋራባር ኬዳ̇ምፔ̈ን ዎቲዝ ኣስ ዎኮ ዎጽ ሹች ጴች ኢ ቆ̈ን ጋልዳ ቃቻ̇ሪ ኢያ ባሃ̈ራ ጋርታ ሚሺ̈ርኮ ኢ̈ብ ኮሼ̇። 43ኔ ኩሺን ኔ̈ና ባሊ̈ርኮ ኢዞ ቃጻ ቶጛቤ፥ ኔ̈ብ ናምኢ ኩሺ ዶኢን ጋ̈ና̇ም#9፡43 ጋ̈ና̇ማ ጌይዛ̈ዲ ናጋራንቻ̇ን ጾ̈ሳፖ ፋጊንታ̇ር ሜናብ ቢጻ ቤቂ ̇ሙታ ዶኢዝ ቤሴ̇። ታማ ጋርታ ጌላናፖ̇፥ ፔቲ̇ ኩሽ ቃጺ ማ̈ቃ̇ራ ሜናብ ሼምፓባር ዶኢዝ ቤስ̇ ጌሊኖኮ ኔ̈ብ ኮሼ̇። [44ኣባ ጌዬጌይንዶ̇ ጋ̈ና̇ማ ጋዝ ቤሲ̇ንዳ̇ ጉጺን ዓይቂ̇ባ̈ሲ ታማ̇ዳር ቴይቂባ̈ሶ ቤሴ̇።]

45ኔ ቶሂን ኔ̈ና ባሊ̈ርኮ ኢዞ ቃጻ̇ር ቶጛቤ። ናምኢ ቶሂ ኔ̈ብ ዶኢን ጋ̈ና̇ማ ታማ ጋርታ ጌላናፖ̇ ቶህ ቃጺ̇ ማ̈ቃ̇ራ ሜናብ ሼምፓባር ዶኢዝ ቤስ̇ ጌሊኖኮ ኔ̈ብ ኮሼ̇። [46ኣባ ጌዬጌይንዶ̇ ጋ̈ና̇ሞ ጉጺን ዓይቂ̇ባ̈ሲ ታማ ቴይቂ̇ባ̈ሶ ቤሴ̇።] 47ኔ ኣ̈ፊን ኔ̈ና ባሊ̈ርኮ ዎ̈ጫር ኬሳር ፋይቤ። ናምኢ ኣ̈ፍባር ዶኣራ ጋ̈ና̇ማ ጋርታ̇ ጌላናፖ̇፥ ፔቲ̇ ኣ̈ፊ ኔ̈ብ ዶኢን ጾ̈ሳ̇̇ ካ̈ቲቲ ጋርታ̇ ጌላ̈ርኮ ኔ̈ብ ኮሼ̇። [48ኣባ ጌዬጌይንዶ̇ ጋ̈ና̇ማ ጉጺን ዓይቂ̇ባ̈ሲ ታማ̈ዳር ቴይቂ̇ባ̈ሶ ቤሴ̇።]

49ኣሲ ዎይ ቢርት ታማባር ጌ̈ዥጊ̈ሬ።

50ማጺኖ ኮሽ ባዜ። ማ̈ቂ̇ናካሬ ማጺኖ ፌ ቃ̈ን ኣሼ̇̈ጌይንዶ ዪንቲ ኢያ ኣባር ቃ̈ጺሳንቴ? ዪንታ̇ቦ ማጺናፌ̈ኒ ቃ̈ ዶኦጋ̈ቤ፤ ዎልዎልኣ ሳሪቲባር ዶኢብቴ̇” ጌይዴ።

موجودہ انتخاب:

ማ̈ርቆ̈ሳ 9: ኦጫ̈ቃማ

سرخی

شئیر

کاپی