Mi cilima 10
10
Ki tinga nibuoli
1Diidi bine n tie Nowe bijaba Sem, Kam leni Jafeti puoliŋuani. Ki tabolinkaaga n den pendi, bi den mali a bila.
2Jafeti bijaba n tie bine: Gomeri, Magogi, Meedi, Yavan, Tubali, Meseki leni Tirasi. 3Gomeri bijaba n den tie bine: Asikenasi, Rifati, Togarima. 4Yavan bijaba n tie bine: Elisa, Tarsisi, Kitim leni Rodanim. 5Bani n den tie yaaba n den pugini ki gbieni a kpendega nibuoli kuli, nani bi tinmu n tie maama. Tinga kuli leni ki mabuolu nani bi gaani leni bi mabuoli n den tie maama.
6Kam mo yaa bijaba n tie bine: Kusi, Mitisirayimi, Puti leni Kanana. 7Kusi mo yaa bijaba n den tie bine: Seba, Hafila, Sabita, Rayema leni Sabiteka. Rayema mo yaa bijaba n den tie bine: Saba leni Dedani. 8Kusi go den mali Nemirodi. Wani n tie yua n den cili ki pia u paalu ki tinga nni. 9O den tie tuadimoano o Diedo nintuali, hali ke bi den tua: «Tuadimoano o Diedo nintuali nani Nemirodi yeni.» 10O den cili ki diedi Babeli, Ereki, Akadi leni Kaline, yaa dogi n ye Sineari diema nni. 11Nemirodi den ñani laa diema nni, ki gedi Asuri diema. O den maa yaa dogi n yi: Ninivi, Rehoboti, Kala leni Reseni, 12yuu n ye Ninivi leni Kala siiga, ki tie u dociamu.
13Mitisirayimi mo den mali Ludi, Anamima, Lehabima, Nafituyima leni Patilusima yaaba. 14Wani n go den mali Kasiluhima Filisiti yaaba n den ñani yaaba yaa kani leni Kafitori yaaba.
15Kanana mo den mali o bijakpelo Sidon, Hititi, 16Jebusi, Amoriti, Giligasi, 17Hiviti, Ariki, 18Sini, Awadi, Tisemali leni Hamati yaaba. Lan pendi, Kanana buolu yaaba den yadi. 19Kanana diema tinbianu den cili Sidon, Gerari kalu po, ki yaa caa hali Gasa, ki go ban taa Sodomi, Gomori, ki pundi Lesa dogu kunu. 20Bikuli tie Kam bijaba, nani bi gaani, bi maama, bi diema leni bi buoli n tie maama.
21Sem, Jafeti kpelo den mali o bijaba, ki tua Heberi bila kuli yaa baa. 22Sem mo yaa bijaba den tie bine: Elami, Asuri, Alipakisadi, Ludi leni Arami. 23Arami mo yaa bijaba den tie Utisi, Hula, Geteri leni Masa. 24Alipakisadi mo yaa bijua den tie Sela, Sela den mali Heberi. 25Heberi mo den mali jabilie. Yendo den yi Pelegi, kelima li den tie o yaa yogunu yo, ke bi den boagidi ki tinga. Pelegi waalo den yi Yokitani. 26Yokitani den mali Alimodadi, Selefi, Hatisalimafeti, Yera, 27Hadolami Usali, Dikila, 28Obali, Abimayeli, Saba, Ofiri, Hafila leni Yobabi. 29Bikuli den tie Yokitani bijaba. 30Bi diema den ye hali Mesa dogu, ki teli Sefari, ki pundi puoli po juana. 31Bikuli tie Sem bijaba nani bi gaani, bi maama, bi diema leni bi buoli n tie maama.
32Nowe bijaba gaani den tie yeni nani bi nifiima leni bi nibuoli n tie maama. Hali ki tabolinkaaga n pendi, bani n tie yaaba n den yadi ki gbie li ŋandunli nni kuli.
موجودہ انتخاب:
Mi cilima 10: BGP
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Gulmancema Protestant Bible © Bible Society of Burkina Faso, 2013.