Joh 2
2
Ûviki îtûûrarî rîa Kaana ya Galili
1Vuva wa mîthenya îîrî kwarî na ûviki îtûûrarî rîa Kaana ya Galili. Nake ng'ina wa Jesû aarî kuo. 2Wana Jesû na arutwa ake maarî eete ûvikirî ûcio. 3Na vîndî îrîa ndivei yathirire, Jesû nîwerirwe nî ng'ina atîrî, “Matirî na ndivei îngî.”
4Nake Jesû nîwerire ng'ina atîrî, “Twa nginya ûmbîre ûrîa mbagîrîrwe nî gwîka. Îvinda rîakwa tî rîkinyu.”
5Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”
6Ayahudi nîmaathîkagîra mawatho meengî megiî ûrîa mûndû avatarîte kwîtheria. Navo vaarî na nyûngû ithathatû cia manjî irîa ciatûmagîrwa nî Ayahudi mîtugorî ya kwîtheria, na wa nyûngû nîîngîagîre manjî mîtûngi îtano. 7Nake Jesû nîwerire ndungata icio atîrî, “Îcûriani manjî nyûngûrî ino cionthe.” Nacio ndungata nîciecûririe manjî nyûngûrî icio nginya manjî makîerera. 8Nake nîwacokire akîmeera atîrî, “Rîu ta tavani na mûthiî mûvirîre mûrûngamîrîri wa kîrugo.” Nacio nîciamûvirîre. 9Rîrîa aakundire, manjî maatuîkîte ndivei na ndaamenya kûrîa yaumîte (nwatî ndungata icio ciatavîte manjî mau nîciaicî). Kwoguo nîwetire mûvikania 10na akîmwîra atîrî, “Mûndû wa wonthe ambaga kûraîra ageni ndivei îrîa mbaro, na manyua megania nîacokaga akamaraîra ndivei îrîa îtarî mbaro mûno. Nwatî we ûrambîte kwiga ndivei îrîa mbaro nginya rîu!”
11Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.
12 #
Mat 4.13
Vuva wa ûguo Jesû nîwathiîre Kaperinaumu marî na ng'ina na arîa maaciaranîrîtue nake, wa vamwe na arutwa ake. Nao nîmeekarire kuo mîthenya mînini.
Jesû nîwathiîre hekarûrî
(Mat 21.12-13; Mar 11.15-17; Luka 19.45-46)
13 #
Ntha 12.1-27
Vîndî ya kîrugo Kîam pasaka ya Ayahudi yarî vakuvî. Kwoguo Jesû nîwaunûkirie nginya Jerusalemu. 14Na kûu hekarûrî, nîwethîrîrie andû makîendagia ng'ombe, ng'ondu, na ndutuura, na engî mekarîte metharî ciao magîcenjagîria andû mbeca. 15Rîrîa oonire ûguo, nîwathondekire mûcarica wa ndigi, akîrutûrûra ng'ondu na ng'ombe kuuma kûu hekarûrî, akîng'aûrania metha cia andû arîa maacenjagîria andû arîa engî mbeca, na akînyagarûkania mbeca ciao. 16Nake nîwacokire akîra andû arîa meendagia ndutuura atîrî, “Thengutiani ndutuura ino ava! Tigani gûtûmîra nyomba ya Vava ta thoko!” 17#Tha 69.9 Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”
18Kwoguo atongoria a Ayahudi nîmaacokire makîûria Jesû atîrî, “Nî Kîamma kîrîkû ûngîtûringîra gîa gûtwonia atî nîwagîrîrwe nî gwîka maûndû mama?”
19 #
Mat 26.61; 27.40; Mar 14.58; 15.29 Nake Jesû nîwamacokerie atîrî, “Thariani hekarû îno na nîngûcoka nîmîtume na mîthenya îthatû.”
20Nao nîmaamûririe atîrî, “hekarû îno yatumirwe na mîaka mîrongo îna na îtandatû-rî nîyo ûrauga nîûkûmîtuma na mîthenya îthatû?”
21Nwatî hekarû îrîa Jesû aaragia ûvoro wayo yarî mwîrî wake. 22Vîndî îrîa Jesû aariûkirue, arutwa ake nîmaaririkanire atî ke nîwaugîte ûguo. Kwoguo nîmeetîkirie Mandîko Matheru na ûrîa Jesû aameerîte.
Jesû nîwaicî ngoro cia andû
23Rîrîa Jesû aarî Jerusalemu vingo ya kîrugo Kîam pasaka, andû eengî nîmaamwîtîkirie nîûndû nîmoonire ciama irîa aaringire. 24Nwatî ndaamevokera ûtûûro wake nîûndû nîwamaicî onthe. 25Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.
موجودہ انتخاب:
Joh 2: KKB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
©Bible Society of Kenya, 2019
