OMOCHANKO 10
10
Ororeria rw’abana ba Nuhu
1Oro narwo ororeria rw’abana ba Nuhu, nabwo Shemu, na Hamu, na Yafeti. Asebare mbaiboretwe abana abamura nyuma y’etoigo eria.
2Abana ba Yafeti nabwo aba: Gomeri, na Magogu, na Madai, na Yavani, na Tubali, na Mesheki, na Tirasi. 3Na abana ba Gomeri nabwo aba: Asikenasi, na Rifati, na Togama. 4Na abana ba Yavani nabwo aba: Elisha, na Tarisisi, na Kitimu, na Rodani. 5Korwa ase abwo abanto b’enyancha mbarabare na ab’ebisinka bagesiarera, bakaba ababiare be chinsemo echio, kera eamate nomonwa obo na egesaku kiabo.
6Na abana ba Hamu nabwo aba: Kusi, na Misiri, na Putu, na Kanani. 7Na abana ba Kusi nabwo aba: Seba, na Havila, na Sabuta, na Raama, na Sabiteka. Na abana ba Raama nabwo aba: Seba na Dedani. 8Kusi akaibora Nimurodi. Nimurodi akaba omonto bwe ritang’ani ore nokobua ase ense. 9Nigo arenge omotwari ching’iti omokong’u, ase obosio bw’Omonene. Ase ayio abanto nigo banarete goteba igoro y’omonto, “Nigo anga buna Nimurodi, omotwari ching’iti omokong’u, ase obosio bw’Omonene.” 10Omochakano bw’obogambi bwaye nigo bware Babeli, na Ereku, na Akadi, [na Kaline]; eyio yonsi nigo yare ase ense ya Shinari. 11Akarua ase ense eria, akagenda goika Asuri, akaagacha Nineva, na Rehoboti‐Iri, na Kala, 12na Reseni, omochie omonene oyorenge egati ya Nineva na Kala.
13Misiri nere oiborete Abaludi, na Abaanami, na Abalehabi, na Abanafutu, 14na Abapaturusi, Abakasiluhi, (korwa asebare nao Abafilisti barwete), na Abakafitori.
15Kanani akaibora Sidoni, omwana oye omotangi, na Heti, 16na Abayebusi, na Abaamori, na Abagirigasi, 17na Abahivi, na Abaarikiti, na Abasini, 18na Abaarivadi, na Abaseremari, na Abahamati. Erio nyuma y’ayio eamate ya Kanani egesiarera. 19Orobebe rw’Abakanani rogachaka korwa ase Sidoni, rokagenda enchera ya Gerari, rogaika Gasa, naende ase enchera ya Sodomu, na Gomora, na Adima, na Seboimu, rogaika Lasa. 20Aba nabwo abana ba Hamu, buna barenge ase chiamate chiabo, na emenwa yabo, ne chinse chiabo, na ebisaku biabo.
21Shemu, oyorenge sokororia bw’abana bonsi b’Eberi, naende orenge omomura omonene omwabo Yafeti, akaiborerwa abana. 22Abana ba Shemu nabwo aba: Elamu, na Asuri, na Arifaksadi, na Ludi, na Aramu. 23Na abana b’Aramu nabwo aba: Usi, na Huli, na Geteri, na Masi. 24Arifaksadi akaibora Sela, na Sela akaibora Eberi. 25Eberi akaibora abana babere abamura. Oria omotangi nigo aare korokwa Pelegi#10:25 Pelegi: engencho yaye: ogwatananekana (1 Am ’Eb 1:24–27), ekiagera ase amatuko aye nario ense yaatananegete, na oyomwabo nigo aare korokwa Yokitani. 26Yokitani akaibora Alimodadi, na Selefu, na Hasarmaweti, na Yera, 27na Hadoramu, na Usali, na Dikila, 28na Obali, na Abimaeli, na Seba, 29na Ofiri, na Havila, na Yobabu. Abwo bonsi nabwo abana ba Yokitani. 30Ensemo eria bamenyete nigo yachakerete Mesa gochia Sefari, ase ebitunwa bia moocha. 31Aba nabwo abana ba Shemu, buna barenge ase chiamate chiabo, na emenwa yabo, ne chinse chiabo, na ebisaku biabo.
32Echio nachio chiamate chi’abana ba Nuhu, gotunyana ororeria rwabo ase ebisaku biabo; na korwa asebare ebisaku bigesiarera ase ense yonsi nyuma y’etoigo eria.
موجودہ انتخاب:
OMOCHANKO 10: EKEGUSIIBBLE
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020