Mɑɑtieo 3
3
Sɑn Nyunwultuɑ lɑbɑɑl
(Mɑɑlk 1.1-8; Luk 3.1-18; Sɑn 1.19-28)
1Binɑ bonciɑnn din gɑl e wɑɑ, k Sɑn nbɑ din wuul niib Yennu nyunwulu nɑ tɑn dɔkt muuk ni, Suude tinŋ ni, k muɑntl Yennu mɑɑn k yien ɑ: 2«Mɔn kuɑŋɑɑn mɑn k lebt binbenŋ, k mɑɑn Yennu nɑɑn pel nɑ.» 3*Yennu sɔkni Esɑɑyi#Esɑɑyi din tie Yennu sɔknjɑɑnn e. U ponŋ din be k l wei e wɑɑ k Yiesu tɑn bɑɑl tingbounŋ nɑ pɑɑk. Esɑɑyi din muɑnt bonɑ bonciɑnn nbɑ tɑn sɑɑ bɑɑl Yiesu. din ponŋ diɑn ŋuɑ Sɑn po e wɑɑ ɑ:
«Suɑ be muuk ni k huot k yɑɑ ɑ:
‹Ŋɑnmt mɑn Yonmdɑɑnɔ bɑɑlu sɔnu k tul’ɔ,
k te k u sɔni ii tuok.› »
4Sɑn din liɑ yuyouk#Yuyouk tie bonkobsɑɑkɑɔk o, k b jɑkt’ɔ. U biɑ jikt jikɑ. Yenn-yuo b din tuu jii u kobt e k tie cincenkpikpɑkɑ. kobt liɑtfuouk o, k biɑ buob gbɑnn u siɑk ni, u jiet din tie nɑɑsuut nɑn siɑt e. 5L yuo k Selusɑɑlenm duo ni tieb, nɑn Suude tinŋ kul ni tieb, nɑn digbɑnɑ nbɑ din kpiɑ *Suulden kpenu kul tieb din sɑɑn u buol ni, 6k fiit b biit, k u wul’b Yennu nyunwulu *Suulden kpenu mɑnŋ ni.
7Wɑɑ din tɑn lɑ k Fɑɑliisiɑnnbɑ nɑn *Sɑɑdiuseɑnbɑ bonciɑnn k b mun bɑɑt u buol ni ɑ wun wul’b Yennu nyunwulu nɑ, k u yet’b ɑ: «Yinm wɑɑlɑbli nɑ. Ŋmee kpɑɑn’i ɑ i tin k nyi Yennu wutuol nbɑ yɑɑ lin bɑɑl i pɑɑk nɑ ni? 8Ii tuun mɑn lin nbɑ sɑɑ wɑnn nɑn i set mɔ kuɑŋɑɑn k lebt binbenŋ. 9I dɑɑ mɔk pɑlbifɑɑnt nɑn Ablɑɑhɑɑnm tie i yejɑ. N yien’i e, Yennu sɑɑ fit k fiin tɑnɑ nbɑ nɑ k lin kpɑnt Ablɑɑhɑɑnm yɑɑbuonɑ. 10Pɑjɑl ponŋ tien siil ɑ, ɑ wun cuɑ tiini nɑn l jiinɑ, k tiik kul nbɑ k luon luɑnŋɑnɑ, b sɑɑ cuɑ’l e k lu’l muu ni. 11Min ŋɑnin wuul’i Yennu wulu nɑn nyun ɑ i mɔ kuɑŋɑɑn k lebt binbenŋ, ŋɑɑn wun nbɑ yɑɑ wun bɑɑl n puolpo nɑ cie’n, k n ponŋ k ŋɑn nɑn k n jii u tɑɑsɑɑt. Ŋuɑ e tɑn sɑɑ jii Foŋɑnm nɑn muu k wul’i Yennu wulu. 12U diɑ u dilenn ŋmɑni e k yɑɑ wun lenn bonŋɑnn, k nyinn u dibin k wuun u buɑl ni, ŋɑɑn juo founŋ nɑ muu nbɑ kɑn mi k kpien nɑ ni.»
Sɑn wuul Yiesu Yennu nyunwulu
(Mɑɑlk 1.9-11; Luk 3.21-22)
13L yuo mɑnŋ k Yiesu din nyii Gɑɑliile k sɑɑn Suulden kpenu po, k bɑɑl Sɑn buol ni ɑ wun wul’ɔ Yennu nyunwulu. 14K Sɑn k sɑk, k yet’ɔ ɑ: «Min e bo sɑɑ bɑɑl ɑ buol ni k ɑ wul’n, ŋɑɑn k ɑ mun tɑn bɑɑt n buol ni ii?»
15Ŋɑɑn k Yiesu yet’ɔ ɑ: «Ŋɑɑnt k lin tun nnɑ mɔtɑɑnɑ, k mɑɑn nnɑ e k t sɑɑ fit tun lin nbɑ kul k Yennu luon.» L yuo nɑ k Sɑn sɑk.
16Wɑɑ wul Yiesu Yennu nyunwulu k gbenn yuo nbɑ, l tɑɑkpɑɑk ni k Yiesu nyii nyun nɑ ni, k sɑnpɑɑpo tɑn luot, k u lɑ k Foŋɑnm siik u pɑɑk k nɑɑn nɑn ŋmɑnn nɑ, k tɑn jɑkn u pɑɑk. 17K kunkɔl nyii sɑnpɑɑpo k yet ɑ: «N Bilonkɑk e nɑ, ŋuɑ e k n nunm gbuo’u.»
موجودہ انتخاب:
Mɑɑtieo 3: MOBANT07
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Moba-Lok New Testament © Bible Society of Togo, 2007.
