Nikamowina 63
63
nikōtawēyimāw kisē-manitow
onikamon David
1hāw, kisē-manitow, kiya nikisē-manitōm, kinitawēyimitin.
iyawisk niyawihk ohci kinitawēyimitin;
tāpiskōc kā‑pāstēk askiy ita ēkāya kīkway nipiy ē‑ihtakwahk,
nitahcāhk kinōhtēyāpākwētotāk.
2mahti kika-wāpamitin kihci-ayamihēwikamikohk;
mahti nika-wāpahtēn ē‑isi-sōhkātisiyan
mīna ē‑isi-kistēyihtākosiyan.
3ayisk kisākihiwēwin ēkāya wīhkāc kā‑kīsipipayik nawac mistahi itēyihtākwan ispīhci pimātisiwin,
ēkosi kika-mamihcimitin.
4kika-nanāskomitin isko pimātisiyāni;
kika-ohpiniskēstātin ayamihāyāni.
5ka‑nahēyihtam nitahcāhk tāpiskōc ē‑ayāt wīhkohkēwinihk,
ēkwa kika-mamihci-nikamostamātin.
6kikiskisitotātin kawisimoyāni;
kapē-tipisk kimāmitonēyimitin,
7ayisk tāpitawi kikī-pē-wīcihin,
sīpā kitahtahkwanihk, ninikamon ē‑miyawātamān.
8kimiciminitin,
ēkwa kikihciniskihk kikanawēyimin.
9aniki kā‑wī-kakwē-nipahicik
kita-itohtēwak itē onipiwak kā‑ayācik.
10kita-nipahāwak nōtinitowinihk,
mīna mahihkana kita-mowikwak.
11ayisk kisē-manitow miyēw sākohtwāwin,
kihci-okimāw kita-miyawātam.
aniki kā‑kihci-itwēcik kisē-manitowa owīhowiniyihk kita-mamihcimēwak,
māka kita-kipotonēhwēwak kā‑kiyāskicik.
موجودہ انتخاب:
Nikamowina 63: PCSBR
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society