Nikamowina 57
57
wīcihikowin ē‑natotamihk
onikamon David
1hāw, kitimākinawin kisē-manitow, kitimākinawin,
ayisk kipē-nātāmototātin ka‑kanawēyimiyan.
kitahtahkwanihk nipē-itāmon
isko iyikohk pōnipayiki misi-kakwātakihtāwin.
2nimawimostawāw kisē-manitow, kā‑māwaci-ispāhkēyihtākosit,
wiya ohci kahkiyaw kīkway kā‑wīcihikowisiyān.
3nika-naskwēwasimik kihci-kīsikohk ohci mīna nika-pimācihik;
kita-sākōcihēw anihi kā‑kitimahiyit.
kisē-manitow nika-wāpahtihik osākihiwēwin ēkāya wīhkāc kā‑kīsipipayik mīna omamisīwātisiwin.
4niwāsakāmēskākwak aniki kā‑māyēyimicik
tāpiskōc mistahkēsiwak kā‑nōhtē-mowācik ayisiyiniwa.
wīpitiwāwa tāpiskōc tahkahcikana mīna kīnikatosa;
otēyinīwāwa tāpiskōc isawēskwa kā‑kāsisiniyiki.
5wāpahtihiwē kikihcēyihtākosiwin kīsikohk, kisē-manitow,
mīna kikistēyihtākosiwin misiwēskamik.
6aniki kā‑māyēyimicik nikakwē-tāpikwātikwak ayapiya ohci;
mitoni nipīkwēyihtamihikwak.
wātihkēwak ita kita-ati-pimohtēwak,
māka wiyawāw pīhcipayiwak.
7mitoni kimamisītotātin, kisē-manitow;
nika-nikamon mīna kika-mamihcimitin!
8pēkopayi nitahcāhk!
pēkopayik nikitohcikan mīna nikicohcikanis!
nika-pēkohāw pīsim.
9kika-nanāskomitin, kā‑tipēyihcikēyan, pītosiyinīnāhk.
kika-mamihcimitin ayisiyinīnāhk.
10kisākihiwēwin ēkāya wīhkāc kā‑kīsipipayik kiskēyihtākwan kihci-kīsikohk;
kimamisīwātisiwin isko kīsikohk ispayin.
11wāpahtihiwē kikihcēyihtākosiwin kīsikohk, kisē-manitow,
mīna kikistēyihtākosiwin misiwēskamik.
موجودہ انتخاب:
Nikamowina 57: PCSBR
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society